- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىقتىڭ 1-ءنومىرلى قۇجاتىندا وسى زامانعى اۋىل شارۋاشىلىعىن دامىتۋ ءۇشىن ءسوزسىز استىق ءوندىرىسى سىندى نەگىزگى بەكەمدەۋ كەرەك دەپ العا قويىلدى
جۇڭگونى قۇدىرەتتەندىرۋ ءۇشىن، ءسوزسىز اۋىل شارۋاشىلىعىن كۇشەيتۋ كەرەك (ساياساتتىق تۇسىنىك. 1-ءنومىرلى قۇجاتقا نازار)
2015.02.02 16:32 كەلۋ قاينارى : حالىق تورابى
ءتۇسىندىرۋشى: ورتالىقتىڭ 1-ءنومىرلى قۇجاتىن دايىنداۋ گرۋپپاسىنىڭ مۇشەلەرى ۋ حۇڭياۋ، جاڭ جىڭ، سۇحپاتتاسۋشى: ءتىلشىمىز فىڭ حۋا
اۋىل شارۋاشىلىعى مەملەكەت بولىپ تۇرۋدىڭ نەگىزى، مەملەكەتتى قۇدىرەتتەندىرۋدىڭ تياناعى. جۇڭگودا اۋىل شارۋاشىلىعىن كۇشەيتۋ ــــ كەزەك كۇتتىرمەيتىن شۇعىل مىندەت، باستىسى تۇسىمگە بوي ۇرۋ مەن بايلىقتى سارىپ ەتۋگە سۇيەنەتىن ۇتىمسىز شارۋاشىلىقتان تەزىرەك سانعا، ساپاعا، ونىمدىلىككە بىردەي ءمان بەرىلەتىن، باسەكەلىك قۋاتقا، اۋىل شارۋاشىلىق تەحنيكاسىندا جاڭالىق جاراتۋعا، باياندى دامۋعا ءمان بەرىلەتىن ۇتىمدى دامۋعا بۇرىلىس جاساۋ. بيىل ورتالىقتىڭ 1-ءنومىرلى قۇجاتىندا شارۋاشىلىقتى دامىتۋدىڭ جاڭا تۇراقتى جاعدايىندا اۋىل شارۋاشىلىعىنىڭ نەگىزدىك ورنىن ۇزدىكسىز كۇشەيتىپ، اۋىل شارۋاشىلىعىنا نەمقۇرايدى قارايتىن نىسايدىڭ جارىققا شىعۋىنان شىنايى ساقتانۋ تالاپ ەتىلدى، ءارى وسى زامانعى اۋىل شارۋاشىلىعىن گۇلدەندىرۋدى وزەك وتە وتىرىپ اۋىل شارۋاشىلىعىن كۇشەيتۋ جونىندە ءبىر قىدىرۋ ساياساتتىق شارالار ورنالاستىرىلدى.
ءبىرىنشى ءتۇيىن: استىق ءوندىرىس قۋاتىن جوعارىلاتۋ جاعىندا تىڭ كومەسكى كۇشتەردى اشۋ
استىق ءوندىرىسى ورنىقتى بولسا، باسقا جۇمىستارمەن الاڭسىز شۇعىلدانۋعا بولادى
ەلىمىزدە استىق ءوندىرىسى «ءۇرتىس 11 جىل ارتىپ»، استىقتىڭ جالپى ءونىمى ءبىر تريلليون 214 ميلليارد 200 ميلليون جىڭعا جەتىپ، الدىڭعى جىلداعىدان 10 ميلليارد 320 ميلليون جىڭ ارتتى. سوندا دا نە ءۇشىن 1-ءنومىرلى قۇجاتتا وسى زامانعى اۋىل شارۋاشىلىعىن گۇلدەندىرىپ، استىق ءوندىرىس قۋاتىن ۇزدىكسىز ارتتىرۋ الدىڭعى ورىنعا قويىلدى.
ءبىر ميللياردان استام جان سانى بار ەلىمىز سىندى ءىرى ەل جونىنەن العاندا، جان سانى ءالى دە ارتۋدا، تۇتىنۋ ورەسى ءالى دە جوعارىلاۋدا، ءارقانداي كەزدە استىق وندىرىسىندە سىننان وتتىك دەپ جەڭىل-جەلپى ايتۋعا كەلمەيدى، استىق حاۋىپسىزدىگىندە ساقتىقتى تيتتەي دە بوساڭسىتۋعا بولمايدى. 1-ءنومىرلى قۇجاتتا استىق ءوندىرىس قۋاتىن جوعارىلاتۋ جاعىندا تىڭ كومەسكى كۇشتەردى اشۋ كەرەك دەپ العا قويىلدى. استىق ءوندىرىسى ورنىقتى بولعاندا، كۇشەيگەندە عانا، باسقا جۇمىستارمەن الاڭسىز شۇعىلدانا الامىز، جۇڭگو حالقىنىڭ ازىق-تۇلىك ماسەلەسىن ءوزىمىز مەڭگەرە الامىز.
وسى زامانعى اۋىل شارۋاشىلىعىن جەدەل دامىتۋ ءۇشىن ءسوزسىز استىق ءوندىرىسى سىندى نەگىزدى بەكەمدەۋ كەرەك. مەيلى تاسىلدە قانداي بۇرىلىس جاساپ، قۇرىلىمدى قالاي رەتتەسەك تە، استىق ءوندىرىسىنىڭ قۋاتىن كەمەيتۋگە، ەگىستىك جەردى ازايتۋعا استە بولمايدى، بۇل ءسوزسىز ورىندايتىن سوڭعى شارت. قازىرگى نەگىزگى ءتۇيىن استىقتىڭ ءتۇسىمىن ورنىقتىرىپ، ءوندىرىس قۋاتىن ارتتىرۋ. استىق ەگىلەتىن جەر كولەمىن ورنىقتىرۋ نەگىزىندە، ساياسات جاعىندا قولداۋ جانە ات سالىسۋ تەبىنىن ارتتىرىپ، ديقانداردىڭ اۋىل شارۋاشىلىعىمەن شۇعىلدانىپ، استىق ەگۋ بەلسەندىلىگىن جانە نەگىزگى استىق وندىرەتىن رايونداردىڭ اۋىل شارۋاشىلىعىنا ءمان بەرىپ، استىق ءوندىرىسىن مىقتى يگەرۋ بەلسەندىلىگىن قورعاۋ جانە جۇمىلدىرۋ كەرەك. وسى جاقتاردى ەسكەرۋ نەگىزىندە، 1-ءنومىرلى قۇجاتتا نەگىزگى استىق وندىرەتىن ولكەلەر مەن اۋداندارعا ساياسات جاعىندا بەيىمدەۋدى كۇشەيتىپ، استىق وندىرەتىن ءىرى اۋدانداردىڭ اۋىل شارۋاشىلىعىنا ءمان بەرىپ، استىق ءوندىرىسىن مىقتى يگەرۋ بارىسىندا پايدا تابۋىن، دامۋىن قامتاماسىزداندىرۋ كەرەك دەپ العا قويىلدى.
ەكىنشى ءتۇيىن: اۋىل شارۋاشىلىعىنىڭ قۇرىلىمىن جاقسارتۋ جاعىندا تىڭ جول اشۋ
ەگىنشىلىك، باعىمشىلىق، ورمانشىلىق، جەمىس-جيدەك سياقتى ءتۇرلى شارۋاشىلىقتاردى ويداعىداي دامىتۋ
اۋىل شارۋاشىلىعىن كۇشەيتۋ ءۇشىن جاعدايعا قاراي اۋىل شارۋاشىلىعىنىڭ قۇرىلىمىن رەتتەۋ كەرەك. وڭىرلەردىڭ سالىستىرمالى ابزالدىلىقتارىن اناعۇرلىم ويداعىداي ساۋلەلەندىرگەندە عانا، دارالانعان، سان-سالالى بولعان تۇتىنۋ قاجەتىنە اناعۇرلىم ويداعىداي ۇيلەسىپ، شەكتى اۋىل شارۋاشىلىق بايلىعىنان پايدالانىپ اناعۇرلىم كوپ، اناعۇرلىم جاقسى، اناعۇرلىم حاۋىپسىز اۋىل شارۋاشىلىق ونىمدەرىن وندىرۋگە بولادى. قايتكەندە اۋىل شارۋاشىلىعىنىڭ قۇرىلىمىن جاقسارتۋ جاعىندا تىڭ جول اشۋعا بولادى، 1-ءنومىرلى قۇجاتتا ايقىن تالاپتار العا قويىلدى.
ەڭ اۋەلى نەگىزگى اۋىل شارۋاشىلىق ونىمدەرىمەن ءوزىمىزدى ءوزىمىز قامداۋ ورەمىزدى عىلمي تۇرعىدان ايقىنداۋىمىز كەرەك. «ءداندى داقىلدارمەن ءوزىمىزدى ءوزىمىز نەگىزىنەن قامداۋعا، ءىشەر استىقتىڭ مۇلدە حاۋىپسىز بولۋىنا» شىنايى كەپىلدىك ەتۋ العا شارتىندا، نەنى ءتۇيىندى قورعاۋ، نەنى قويا بەرۋ، قانشاسىن قورعاپ، قانشاسىن قويا بەرۋ جونىندە جۇيەلى جوسپار جاساپ، اۋىل شارۋاشىلىق كاسىپتەرىن دامىتۋدىڭ رەت ءتارتىبىن ۇيلەسىمدى ورنالاستىرۋ كەرەك.
جاڭا جاعدايداعى اۋىل شارۋاشىلىق قۇرىلىمىن رەتتەۋدىڭ ءتۇيىنى ديقانداردى بازار قاجەتىن كوزدە ۇستاي وتىرىپ، كىلەڭ ەگىستىك جەر جاعىندا ءادىس-امال قاراستىرۋدان بۇكىل مەملەكەتتىك جەر بايلىعىنا نازار اۋدارعاۋعا بەتالۋعا جەتەكتەپ، ەگىنشىلىك، باعىمشىلىق، ورمانشىلىق، جەمىس-جيەك سياقتى ءتۇرلى شارۋاشىلىقتاردى دامىتۋ. 1-ءنومىرلى قۇجاتتا جايلىم، مال شارۋاشىلىعىن جەدەل دامىتىپ، كوك ءشوپ سۇرلەۋ، جۇگەرى جانە جوڭىشقا سياقتى مال ازىعىن ەگۋدى قولداپ، استىق ەگۋدى جەم-ءشوپ ەگۋگە وزگەرتۋدى ەگىمشىلىك- باعىمشىلىقپەن ۇشتاستىرۋدى تۇيىندە سىناق ەتىپ، استىق، ەكونوميكالىق داقىلدار، جەم- ءشوپ سياقتى ءۇش نەگىزدى ەگىنشىلىك قۇرلىمىن سايكەستى دامىتۋدى جەبەۋ كەرەك دەپ العا قويىلدى.
ءۇشىنشى ءتۇيىن: اۋىل شارۋاشىلىعىنا بۇرىلىس جاساپ، دامىتۋ فورماسىندا جاڭالىق جاراتۋ
نارىق پەن باعاداعى «ەكى جاقتى باسىمنان»، بايلىق قاينارى مەن ەكولوگيالىق ورتاداعى «ەكى جاقتى تەجەۋدەن» ارىلۋ
قايتكەندە اۋىل شارۋاشىلىعى وندىرىسىنىڭ نارقىن جوعارىلاتىپ، ەل ءىشى سىرتىنداعى باستى اۋىل شارۋاشىلىق ونىمدەرىنىڭ باعاسىن نارقى اۋىسقان «ەكى جاقتى باسىمنان» ارىلتۋعا بولادى؟ قايتكەندە اۋىل شارۋاشلىعىنداعى بايلىق قاينارى بولەگىنىڭ بارعان سايىن تاپشى بولعان، ەكولوگيالىق ورتا كوتەرىمدىلىگىنىڭ بارعان سايىن شەگىنە جەتكەن «ەكى جاقتى تەجەۋدەن» ارىلتۋعا بولادى؟ مۇنداعى بىردەن ءبىر شىعار جول اۋىل شارۋاشىلىعىنىڭ دامۋ فورماسىنا وزگەرىس جاساۋ. وتكەندە، ءبىز تەك «قۇرساق تويدىرۋدىڭ» قامىندا بولىپ، اۋىل شارۋاشىلىعى بايلىق قاينارىن شامادان تىس اشىپ، حيميالىق تىڭايتقىش، ەگىس دارىلەرىن ولشەمنەن ارتىق ىستەتىپ، ەكولوگياعا، ورتاعا قازىردار بولدىق، بۇدان كەيىن، جاڭادان قارىزدار بولۋدان اۋلاق بولىپ، كونە قارىزداردى دا بىرتىندەپ قايتارامىز.
ءادىستى وزگەرتىپ، اۋىل شارۋاشىلىعىن كۇشەيتىپ، اۋىل شارۋاشىلىعى عىلىم ـ تەحنيكاسىندا جاڭا قوزعاۋشى كۇشتەردىڭ رولىن كۇشەيتۋ كەرەك. 1 ـ ءنومىرلى حۇجاتتا ورتاعا قويىلعان عىلىمي زەرتتەۋ ورىندارىن، جوعارى مەكتەپتەردەگى زەرتتەۋشىلەرمەن كاسىپورىندارداعى دارىندىلاردى اۋىستىرۋ مەن قوسىمشا قىزمەت ىستەۋ ءتۇزىمىن كەمەلدەندىرىپ، عىلمي جەتىستىكتەردىڭ تابىستارىن ىستەتۋدى، ورنالاستىرۋدى، پايداسىن باسقارۋ مەن عىلىم-تەحىنيكا قىزمەتكەرلەرىن جارنا ۇقىعى بويىنشا جىگەرلەندىرۋ رەفورماسى سىناق ءتۇيىنىن ىلگەرىلەتۋ كەرەك. بيولوگيالىق جەتىلدىرۋ، يقۋاتتى اۋىل شارۋاشىلىعى، اۋىل شارۋاشىلىق جابدىقتارىن كۇشەيتىپ، ەكولوگيالىق ورتانى قورعاۋ سياقتى جاقتاردان عىلىم-تەحنيكالىق قامال الۋ كەرەك.
(اۋدارماسىن قاداعالاۋشى: بىلىمبەك ورالبەك ۇلى)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
