- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەس قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمىن رەتتەپ بىرىكتىرۋ جونىندەگى پىكىردى باسىپ تاراتتى
2016.01.14 14:02 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 12 - قاڭتاردا بەيجيڭنەن بەرگەن حابارى. مەملەكەتتىك كەڭەس تاياۋدا «قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمىن بىرىكتىرۋ جونىندەگى پىكىردى» باسىپ تاراتتى، مۇندا قالا - قالاشىق تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمىن جانە اۋىل - قىستاقتاعى جاڭاشا سەلبەسىپ ەمدەۋ ءتۇزىمىن رەتتەپ بىرىكتىرىپ، قالا، اۋىل تۇرعىندارىنىڭ ءبىر ارناعا تۇسىرىلگەن نەگىزگى ەمدەلۋىن قامسىزداندىرۋ ءتۇزىمىن ورناتۋ جونىندە ايقىن تالاپتار قويىلدى.
«پىكىردە» مىنالار اتاپ كورسەتىلدى: قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمىن رەتتەپ بىرىكتىرۋ − ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن جەبەپ، قالا، اۋىل تۇرعىندارىنىڭ نەگىزگى ەمدەلۋدى قامسىزداندىرۋ ۇقىق - مۇددەسىنەن تەپە - تەڭ يگىلىكتەنۋىن جۇزەگە اسىراتىن، قوعامنىڭ ادىلدىگىن، تۋراشىلدىعىن جەبەيتىن، حالىقتى باقىتقا كەنەلدىرەتىن كەلەلى شارا، قالا مەن اۋىل ەكونوميكاسىنىڭ، قوعامىنىڭ سايكەستى دامۋىن جەبەۋ، جاپپاي دوڭگەلەك داۋلەتتى قوعام قۇرۋ جونىنەن ماڭىزدى ءمان الادى. جەر - جەر، قاتىستى تاراۋلار جوسپاردى ءبىر تۇتاس جاساپ، سايكەستى دامۋعا؛ نەگىزدى تياناق ەتىپ، ادىلدىكتى قامتاماسىزداندىرۋعا؛ جاعدايعا قاراي ءىس ىستەپ، ءتارتىپتى ىلگەرىلەتۋگە؛ مەحانيزمدە جاڭالىق اشىپ، فۋنكتسيانى جوعارىلاتۋعا تاباندى بولىپ، ەلىمىز بويىنشا قالا، اۋىل تۇرعىندارىنىڭ ءبىر ارناعا تۇسىرىلگەن نەگىزگى ەمدەلۋىن قامسىزداندىرۋ ءتۇزىمىن بىرتىندەپ ورناتۋ كەرەك.
«پىكىر» قالا، اۋىل تۇرعىندارىنىڭ ەمدەلۋىن قامسىزداندىرۋ ءتۇزىمىن رەتتەپ بىرىكتىرۋ ساياساتى جونىندە «التى جاقتان ءبىر ارناعا ءتۇسىرۋ» تالابىن ايقىن العا قويدى: ءبىرىنشى، قامتۋ كولەمىن ءبىر ارناعا ءتۇسىرۋ كەرەك. جۇمىسشى - قىزمەتكەرلەردىڭ نەگىزگى ەمدەلۋىن قامسىزداندىرۋىنا قاتىناسۋعا ءتيىستى ادامداردان سىرت، باسقا بارلىق قالا، اۋىل تۇرعىندارى قالا، اۋىل تۇرعىندارىنىڭ ەمدەلۋىن قامسىزداندىرۋ ءتۇزىمىنىڭ قامتۋ كولەمىنە كىرگىزىلەدى. ەكىنشى، قارجى توپتاۋ ساياساتىن ءبىر ارناعا ءتۇسىرۋ كەرەك. جان - جاقتى جولدارمەن قارجى توپتاۋعا تاباندى بولىپ، قالا، اۋىلداردىڭ ءبىر ارناعا تۇسىرىلگەن قارجى توپتاۋ ولشەمىن ۇيلەسىمدى تۇراقتاندىرىپ، قازىر اتقارىلىپ وتىرعان قالا - قالاشىق تۇرعىندارىنىڭ ەمدەلۋىن قامسىزداندىرۋى مەن اۋىل - قىستاقتاعى جاڭاشا سەلبەسىپ ەمدەۋ بويىنشا جەكەلەر تاپسىراتىن اقى ولشەمىندە پارىق نەداۋىر ۇلكەن وڭىرلەر اقىنى پارىقتى تاپسىرۋ ءادىسىن قولدانىپ، بىرتىندەپ ءبىر ارناعا تۇسىرسە بولادى. ءۇشىنشى، قامتاماسىزداندىرۋ مامىلەسىن ءبىر ارناعا ءتۇسىرۋ كەرەك. قامتاماسىزداندىرۋ قامتىمىن جانە تولەۋ ولشەمىن بىرتىندەپ ءبىر ارناعا ءتۇسىرىپ، ساياسات قامتىمى اياسىندا بالنيتسادا جاتىپ ەمدەلۋگە اقى تولەۋ ولشەمىن %75 توڭىرەگىندە ساقتاپ، امبالاتوريالىق قامتاماسىزداندىرۋ دەڭگەيىن بىرتىندەپ جوعارىلاتۋ كەرەك. ءتورتىنشى، ەمدەۋدى قامسىزداندىرۋ تىزىمدىگىن ءبىر ارناعا ءتۇسىرۋ كەرەك. ءارقايسى ولكە (اۆتونوميالى رايون، قالا) قازىر اتقارىلىپ وتىرعان قالا، اۋىل تۇرعىندارىنىڭ ەمدەلۋىن قامسىزداندىرۋ مەن اۋىل - قىستاقتاعى جاڭاشا سەلبەسىپ ەمدەۋ ءتىزىمى نەگىزىندە، قامسىزداندىرۋعا قاتىناسقانداردىڭ قاجەتىنە قاراي، ەمدەۋ قامسىزداندىرۋىنان كوتەرىلەتىن ءدارى - دارمەك جانە ەمدەۋ جاعىنان قىزمەت وتەۋ نىساندارى تىزىمدىگىن جاساۋ كەرەك. بەسىنشى، ارناۋلى باسقارۋدى ءبىر ارناعا ءتۇسىرۋ كەرەك. ارناۋلى قۇرىلىمداردى باسقارۋ ءادىسىن ءبىر ارناعا ءتۇسىرىپ، ارناۋلى قىزمەت وتەۋ كەلىسىمدەرىن باسقارۋدى كۇشەيتىپ، تەكسەرۋ، باعالاۋ مەحانيزمىن جانە كىرۋىنە دە، شىعۋىنا دا يكەمدى مەحانيزم ورناتۋ جانە ونى قامتاماسىزداندىرۋ. التىنشى، قوردى باسقارۋدى ءبىر ارناعا ءتۇسىرۋ كەرەك. قالا، اۋىل تۇرعىندارىنىڭ ەمدەلۋىن قامسىزداندىرۋىنا مەملەكەتتىڭ ءبىر ارناعا تۇسىرىلگەن قور قازىناسى ءتۇزىمىن، بۇعالتىرلىق ءتۇزىمىن جانە قوردىڭ مەجە ەسەبىن، سوڭعى ەسەبىن باسقارۋ ءتۇزىمىن اتقارۋ كەرەك.
«پىكىردە» مىنالار العا قويىلدى: شارت - جاعدايى جار بەرەتىن وڭىرلەردى ەمدەۋدى قامسىزداندىرۋ قىزمەتىن باسقارۋ ءتۇزىلىسىن ىڭعايلاۋعا، نەگىزگى ەمدەلۋدى قامسىزداندىرۋ قىزمەتىن اكىمشىلىك جاقتان باسقارۋ فۋنكتسياسىن ءبىر ارناعا تۇسىرۋگە شابىتتاندىرۋ كەرەك. قالا، اۋىل تۇرعىندارىنىڭ ەمدەلۋىن قامسىزداندىرۋ جۇمىسىن بىتىرەتىن قۇرىلىمداردى، قىزمەتكەرلەردى جانە ينفورماتسيا جۇيەسىن رەتتەپ، ءبىر تۇلعالانعان قىزمەت وتەۋ كەرەك. شارت - جاعدايى جار بەرەتىن وڭىرلەردى قالا، اۋىل تۇرعىندارىنىڭ ەمدەلۋىن قامسىزداندىرۋ جۇمىسىن ءبىتىرۋ جاعىنان قىزمەت وتەۋ ۇلگىسىندە جاڭالىق اشۋعا شابىتتاندىرىپ، تولىمدىلىعى بار ساۋدالىق قامسىزداندىرۋ قۇرىلىمدارى سياقتى قوعامدىق كۇشتەردىڭ نەگىزگى ەمدەلۋدى قامسىزداندىرۋ جۇمىسىن بىتىرۋدەن قىزمەت وتەۋگە قاتىناسۋىن ۇكىمەت قىزمەت وتەۋدى ساتىپ الۋ تاسىلىمەن مىندەتتەۋ كەرەك.
«پىكىردە» مىنالار ايقىندالدى: قالا، اۋىل تۇرعىندارىنىڭ ەمدەلۋىن قامسىزداندىرۋ ءتۇزىمى پرينسيپتىك جاقتان قالا (ايماق) دارەجەلى ءبىر تۇتاس جوسپار بويىنشا اتقارىلادى، شارت - جاعدايى جار بەرەتىن وڭىرلەردى ولكە دارەجەلى ءبىر تۇتاس جوسپار بويىنشا اتقارۋعا شابىتتاندىرۋ كەرەك. قوردى دارەجەگە ءبولىپ باسقارۋدى كۇشەيتىپ، اۋدان دارەجەلى ۇكىمەتتەردىڭ، اتقارۋدى باسقارۋ قۇرىلىمدارىنىڭ قوردى باسقارۋ بەلسەندىلىگى مەن ىرىقتىلىعىن تولىق جۇمىلدىرۋ كەرەك. قازىر اتقارىلىپ وتىرعان ينفورماتسيا جۇيەسىن رەتتەپ، قاجەتتى ينفورماتسيالاردى اۋىستىرۋ مەن ساندى مالىمەتتەردەن ورتاق يگىلىكتەنۋ قىزمەتىن جاقسى ىستەپ، ينفورماتسيا حاۋىپسىزدىگى مەن ناۋقاستاردىڭ ينفورماتسيا قۇپيالىعىن قورعاۋدى كۇشەيتۋ كەرەك. ادام باسىنا، اۋرۋ تۇرلەرىنە قاراي اقى تولەۋ سىندى تولەۋ ءتاسىلى رەفورماسىن جۇيەلى ىلگەرىلەتىپ، ەمدەۋدى قامسىزداندىرۋ بويىنشا ۇيلەسىمدى تولەۋ ولشەمىن قالىپتاستىرۋ قىزمەتىن ىلگەرىلەتىپ، ەمدەۋ قۇرىلىمدارىنىڭ ولشەمدى قىزمەت وتۋ ارەكەتىنە ءجون سىلتەپ، ەمدەلۋ قاراجاتىنىڭ ۇيلەسىمسىز ارتۋىن تىزگىندەۋ كەرەك. ينفورماتسيالاندىرۋ شاراسىنان پايدالانىپ، ەمدەۋدى قامسىزداندىرۋدى اۆتوماتتى تەكسەرۋ مەن ءدال ۋاقىتىندا باقىلاۋ - مەڭگەرۋ قىزمەتىن ىلگەرىلەتىپ، ۇيلەسىمدى ەمدەۋ، ۇيلەسىمدى ءدارى بەرۋ قىزمەتىن جەبەۋ كەرەك.
«پىكىردە» مىنالار باسا دارىپتەلدى: قالا، اۋىل تۇرعىندارىنىڭ ەمدەلۋدى قامسىزداندىرۋ ءتۇزىمى − ەمدەۋ رەفورماسىن تەرەڭدەتۋدەگى ءتۇيىندى مىندەت، ءارقايسى ولكە (اۆتونوميالى رايون، قالا) 2016 - جىلى ماۋسىم ايىنىڭ سوڭىنا دەيىن ءتۇزىمدى رەتتەپ بىرىكتىرۋ تۋرالى جوبا جانە ورنالاستىرۋ جاساۋى، ءبىر تۇتاس جوسپارلاناتىن وڭىرلەر 2016 - جىلى جەلتوقسان ايىنىڭ سوڭىنا دەيىن ناقتى اتقارۋ جوباسىن جاريالاۋى كەرەك. امبەباپ ەمدەۋ رەفورماسىن تۇيىندەردە سىناق ەتەتىن ولكەلەر قالا، اۋىل تۇرعىندارىنىڭ ەمدەۋدى قامسىزداندىرۋ ءتۇزىمىن رەتتەپ بىرىكتىرۋدى ءتۇيىندى رەفورما مازمۇنى تۇرعىسىنان قاراپ، ونىڭ ەمدەۋ رەفورماسىنان باسقا قىزمەتتەرمەن ءبىر تۇتاس جوسپارلاپ، سايكەسىمدىلىگىن كۇشەيتىپ، اتقارىلۋىن جەدەل ىلگەرىلەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
