- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ مەملەكەت قورعانىسى ۋنيۆەرسيتەتىن كوزدەن كەشىرگەندە مىنانى دارىپتەدى
ارميانى قۇدىرەتتەندىرۋ نىساناسىن ىسكە اسىرۋدى توڭىرەكتەپ، ارميا مەكتەبىنىڭ رەفورما جۇرگىزىپ، جاڭالىق جاراتۋىن جەبەپ، جۇڭگو ارمانىنىڭ، ارميانى قۇدىرەتتەندىرۋ ارمانىنىڭ ىسكە اسۋىن دارىندىلارمەن جانە اقىل – پاراساتپەن قولداۋ كەرەك
2016.03.24 16:50 كەلۋ قاينارى : حالىق تورابى
شينحۋا اگەنتتىگى، 23 – ناۋرىز، بەيجيڭ (تىلشىلەر لي شۋانلياڭ، ۋاڭ ي – تاۋ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 23 – ناۋرىزدا مەملەكەت قورعانىسى ۋنيۆەرسيتەتىن كوزدەن كەشىردى ءارى مەملەكەت قورعانىسى ۋنيۆەرسيتەتى التىنشى رەتكى پارتيا ۋاكىلدەر قۇرىلتايىنىڭ بارلىق ۋاكىلىمەن جانە ديۆيزيادان جوعارى باسشى كادرلارمەن كەزدەسىپ، پارتيا ورتالىق كوميتەتى مەن مەملەكەتتىك كەڭەس اتىنان ءماجىلىستىڭ اشىلعانىن قىزۋ قۇتتىقتادى.
ول مىنانى دارىپتەدى: ارميانى قۇدىرەتتەندىرۋ نىساناسىن ىسكە اسىرۋ، دۇنيە ءجۇزى بويىنشا تاڭداۋلى قوسىن قۇرۋ ءۇشىن، ارميامىز مەكتەپتەرىنىڭ قۇرىلىسىن بارىنشا كۇشەيتۋ كەرەك. پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن تىعىز توڭىرەكتەي وتىرىپ، جاڭا جاعدايداعى اسكەري ىستەر ستراتەگيالىق باعىتىن دايەكتىلەندىرىپ، يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن بىرگە العا باسىپ، اسكەري مەكتەپتەردىڭ رەفورما جۇرگىزۋ، جاڭالىق جاراتۋ ىستەرىن بەلسەنە ىلگەرىلەتىپ، مەكتەپ باسقارىپ، ادام تاربيەلەۋ دەڭگەيىن ۇزدىكسىز جوعارىلاتىپ، جۇڭگو ارمانىنىڭ، ارميانى قۇدىرەتتەندىرۋ ارمانىنىڭ ىسكە اسۋىن دارىندىلارمەن جانە اقىل – پاراساتپەن قولداۋ كەرەك.
بەيجيڭدە كوكتەم سامالى ەسىپ، تاۋ ەتەگىنەن جالىندى تىرشىلىك لەبى بايقالادى. تۇستەن بۇرىن ساعات 9 جارىم مولشەرىندە شي جينپيڭ مەملەكەت قورعانىسى ۋنيۆەرسيتەتىنىڭ مەكتەپ تاريحى سارايىنا كەلدى. ول سۋرەتتەردى، زاتتاردى مۇقيات كورىپ، ءبىر جاعىنان تۇسىندىرمەنى تىڭداپ، ءبىر جاعىنان سۇراۋ قويىپ، كوپشىلىكپەن بىرگە ارميامىزدىڭ مەكتەپ قۇرۋ، مەكتەپ باسقارۋداعى تاماشا ءداستۇرىن ەسكە الىپ، مەكتەپتىڭ حالىق ارمياسىنا ىلەسىپ العا باسقان شۇعىلالى بارىسىن ايرىقشا القادى. شي جينپيڭ مىنانى اتاپ كورسەتتى: مەملەكەت قورعانىسى ۋنيۆەرسيتەتى ــ ەلىمىزدىڭ اسكەري ىستەر سالاسىنداعى ەڭ جوعارى وقۋ ورداسى، ول توڭكەرىستىك بازا جيڭگاڭشاندا نەگىزىن قالاپ، پارتيا، مەملەكەت، اسكەري قوسىن ءۇشىن وراسان كوپ تاڭداۋلى دارىندىلار تاربيەلەپ بەردى. پارتيانىڭ 18 – قۇرىلتايىنان بەرى مەملەكەتقورعانىسى ۋنيۆەرسيتەتى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىم، ورنالاستىرۋىن دايەكتى تياناقتاندىرىپ، يدەيالىق، ساياسي قۇرىلىستى كۇشەيتىپ، رەفورمامەن مەكتەپتى الۋەتتەندىرۋدى جەبەپ، مەكتەپتى زاڭ بويىنشا باسقارۋدى، قاتاڭ باسقارۋدى مىقتى يگەرىپ، وقىتۋ، عىلىمي زەرتتەۋ جانە دارىندىلاردى تاربيەلەۋ ساپاسىن بارىنشا جوعارىلاتىپ، مەكتەپ باسقارۋ قۋاتى مەن ىقپالى بارعان سايىن كۇشەيدى.
ساعات 10 مولشەرىندە شي جينپيڭ امبەباپ وقىتۋ عيماراتىنىڭ زالىنا كەلىپ، مەملەكەت قورعانىسى ۋنيۆەرسيتەتى التىنشى رەتكى پارتيا ۋاكىلدەر قۇرىلتايىنىڭ بارلىق ۋاكىلىمەن جانە ديۆيزيادان جوعارى باسشى كادرلارمەن كەزدەسىپ، كوپشىلىكپەن بىرگە توپتىق سۋرەتكە ءتۇستى. وسىدان كەيىن شي جينپيڭ مەملەكەت قورعانىسى ۋنيۆەرسيتەتىنىڭ قىزمەت بايانداماسىن تىڭدادى ءارى ماڭىزدى ءسوز سويلەدى.
شي جينپيڭ مىنانى اتاپ كورسەتتى: دۇرىس ساياسي باعداردان اۋىتقىماۋ كەرەك. مەملەكەت قورعانىسى ۋنيۆەرسيتەتى ارميانى قۇراتىن، ارميانى باسقاراتىن تىرەكتى باسشىلاردى تاربيەلەيتىن بازا، ساياسي جاقتا جوعارى ولشەم، قاتاڭ تالاپتا، ءسوزسىز، تاباندى بولۋ قاجەت. ساپ تۇزەۋ تانىمىن نىعايتىپ، پارتيانىڭ اسكەري قوسىنعا قاراتىلعان مۇلدەمدىك باسشىلىعىنان؛ يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدى بولۋدان؛ پارتيا ورتالىق كوميتەتىنىڭ بەدەلىن قورعاۋدان؛ پارتيا ورتالىق كوميتەتى مەن ورتالىق اسكەري ىستەر كوميتەتىنىڭ قولباسشىلىعىنا بويسۇنۋدان استە اۋىتقىماۋ كەرەك. تۇتاس ارميانىڭ گۋتيانداعى ساياسي قىزمەت ماجىلىسىندەگى رۋحىن ىشكەرىلەي تياناقتاندىرىپ، مەكتەپتى يدەيا، ساياسي، ارەكەتتى ۇشتاستىرا وتىرىپ قۇرۋدا، باسقارۋدا تاباندى بولىپ، وقىتۋ، عىلمي زەرتتەۋ، مەكتەپ باسقارۋ قيمىلدارىن ساياسي ارميا قۇرۋ تالابىنا ءسىڭىرۋ كەرەك. پارتيانىڭ نازاريالىق تاربيەسى مەن پارتيالىلىق تاربيەنى مىقتى يگەرىپ، يدەيالىق، ساياسي دەڭگەيدى جوعارىلاتۋدى، پارتيالىق ساپانى نىعايتۋدى باستى ورىنعا قويىپ، ستۋدەنتتەردىڭ ۇيرەنۋ بارىسىن ولاردىڭ يدەياسىن شىڭاۋ، رۋحىن سەرپىلتۋ بارىسى ەتۋ كەرەك. ساياسي سەزگىرلىك پەن ساياسي پارىقتاۋ قۋاتىن نىعايتىپ، ساياسي مايداننىڭ بەرىكتىگى مەن عىلمي ىزدەنىس جاساپ، جاڭالىق جاراتۋدى ورگانيكالى ۇشتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
