- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتى جونىندەگى اڭگىمە ماجىلىستە
تاجىريبەنى قورىتىندىلاپ، سەنىمدى بەكەمدەپ، تىڭعىلىقتى ىلگەرىلەتىپ، «ءبىر بەلدەۋ، ءبىر جول» قۇرىلىسى ارقىلى جەلى بويىنداعى ەلدەردىڭ حالقىن يگىلىككە بولەۋدى باسا دارىپتەدى
2016.08.19 10:52 كەلۋ قاينارى : شينجياڭ گازەتى
شينحۋا اگەنتتىگىنىڭ 17 - تامىزدا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 17 - تامىز كۇنى بەيجيڭدەگى حالىق سارايىندا «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتى جونىندەگى اڭگىمە ماجىلىسكە قاتىناستى ءارى ماڭىزدى ءسوز سويلەپ، مىنانى باسا دارىپتەدى: تاجىريبەنى قورىتىندىلاپ، سەنىمدى بەكەمدەپ، تىڭعىلىقتى ىلگەرىلەتىپ، ساياساتتاردى بايلانىستىرۋ، قۇرىلعىلاردى ۇلاستىرۋ، ساۋدانى ىركىلىسسىزدەندىرۋ، قارجىنى اينالىمعا سالۋ، حالىق تىلەگىن توعىستىرۋعا نازار اۋدارىپ، ءوزارا ءتيىمدى سەلبەستىك جەلىسىن، جاڭا سەلبەستىك ۇلگىسىن، كوپ نەگىزدى سەلبەستىك تۇعىرىن قالىپتاستىرۋعا دەن قويىپ، جاسىل جىبەك جولىن، اقاۋسىز جىبەك جولىن، ينتەللەكتۋالدى جىبەك جولىن، بەيبىت جىبەك جولىن بىرلەسە اشۋعا زەيىن سالىپ، «شەگە قاعۋ» رۋحىمەن مىقتاپ يگەرىپ، «ءبىر بەلدەۋ، ءبىر جول» قۇرىلىسىن قادام سايىن العا ىلگەرىلەتىپ، «ءبىر بەلدەۋ، ءبىر جول» قۇرىلىسىنىڭ جەلى بويىنداعى ەلدەردىڭ حالىقتارىن يگىلىككە بولەۋىنە مۇمكىندىك تۋدىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىنە باسشىلىق ەتۋ گرۋپپاسىنىڭ باستىعى جاڭ گاۋلي اڭگىمە ءماجىلىستى باسقاردى.
اڭگىمە ماجىلىستە، مەملەكەتتىك دامۋ جانە رەفورما كوميتەتىنىڭ مەڭگەرۋشىسى شۇي شاۋشى، سىرتقى ىستەر مينيسترى ۋاڭ ي، فۋجيان ولكەلىك پارتكومنىڭ شۋجيى يۋ چۋان، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان، گۋاڭدۇڭ ولكەلىك پارتكومنىڭ شۋجيى حۋ چۇنحۋا، شانشي ولكەلىك پارتكومنىڭ شۋجيى لوۋ چينجيان، جۇڭگو قاتىناس قۇرىلىسى توبى شەكتى سەرىكتەستىگىنىڭ باسالقاسى ليۋ چيتاۋ، حۋالي توبى ديرەكتورلار كەڭەسىنىڭ ءتوراعاسى ۋاڭ ليچىڭ، جۇڭگو عىلىم اكادەمياسى «ءبىر بەلدەۋ، ءبىر جول» ستراتەگياسىن زەرتتەۋ ورتالىعىنىڭ مەڭگەرۋشىسى ليۋ ۋيدۇڭ ىلگەرىندى - كەيىن ءسوز كەزەگىن الدى. ولار ناقتى جاعدايعا ۇشتاستىرىپ، «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتىن ءار قىرىنان تانىستىرىپ، ۇسىنىس - پىكىرلەر ايتتى.
شي جينپيڭ تىڭداپ ءارى ەستەلىك الىپ، اۋىق - اۋىق پىكىر قاتىستىرىپ وتىردى. ولاردىڭ ءسوزى اياقتاعاننان كەيىن، شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: پارتيانىڭ 18 - قۇرىلتايىنان كەيىن، پارتيا ورتالىق كوميتەتى ەلىمىزدىڭ «13 - بەسجىلدىق» مەزگىلدەگى جانە ونان دا ۇزاق مەرزىمدەگى دامۋىن كوزدە ۇستاپ، «ءبىر بەلدەۋ، ءبىر جول» قۇرىلىسى، بەيجيڭ، تيانجين، حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى دەيتىن 3 ۇلكەن دامۋ ستراتەگياسىن بىرتىندەپ ايقىندادى. ءبىز 2014 - جىلى «جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولى قۇرىلىسىنىڭ ستراتەگيالىق باعدارلاماسىن» ماقۇلدادىق، 2015 - جىلى شەتەلدەرگە «جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولىن بىرگە گۇلدەندىرۋدى ىلگەرىلەتۋدىڭ دامۋ بولاشاعى مەن ءىس - قيمىلدارىن» جاريالادىق، قاتىستى جەرلەر مەن تاراۋلار دا سايكەستى باعدارلامالاردى شىعاردى، بۇل حالىقارادا ەداۋىر ىقپال تۋدىردى. شي جينپيڭ مىنالاردى اتاپ كورسەتتى: قازىرگە دەيىن بۇعان 100دەن اسا مەملەكەت پەن حالىقارالىق ۇيىم ات سالىستى، ءبىز جەلى بويىنداعى 30 نەشە مەملەكەتپەن «ءبىر بەلدەۋ، ءبىر جولدى» بىرگە گۇلدەندىرۋ تۋراسىندا سەلبەستىك كەلىسىمىنە قول قويىستىق، 20 نەشە مەملەكەتپەن وندىرىستىك قۋات بويىنشا حالىقارالىق سەلبەستىكتەردى قانات جايدىردىق، ب م ۇ سياقتى حالىقارالىق ۇيىمدار دا وڭ نيەت ءبىلدىردى، ازيا نەگىزدىك قۇرىلعىلارعا قارجى سالۋ بانكەسى، جىبەك جولى قورى باس بولعان فينانس سەلبەستىگى دە ۇزبەي تەرەڭدەپ، ءبىر توپ ىقپالدى سيمۆولدىق جوبالار دا بىرتىندەپ تياناقتاندى. جوقتان بار بولىپ، كەرەگەسىن كەڭگە جايعان «ءبىر بەلدەۋ، ءبىر جول» قۇرىلىسىنىڭ قارقىنى مەن تابىستارى كۇتكەنىمىزدەن دە ارتىق بولدى.
شي جينپيڭ مىنالاردى باسا دارىپتەدى: مەملەكەت قۇدىرەتتەنگەندە عانا نىق سەنىممەن ەسىك اشادى، ال ەسىك اشۋ مەملەكەتتىڭ قۇدىرەتتەنۋىن ۇدەتەدى. پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى ەلىمىزدىڭ رەفورما جاساۋ، ەسىك اشۋ جەتىستىكتەرى سىرتقا ەسىك اشۋدىڭ ەلىمىزدىڭ ەكونوميكالىق، قوعامدىق دامۋىن ىلگەرىلەتەتىن ماڭىزدى كۇش ەكەندىگىن تولىق دالەلدەدى. ەلىمىزدىڭ جالپى ەكونوميكالىق مولشەرىنىڭ دۇنيە ءجۇزى بويىنشا 2 - ورىنعا كوتەرىلۋىنە جانە ەلىمىزدىڭ ەكونوميكالىق دامۋىنىڭ جاڭا قالىپقا قادام تاستاۋىنا وراي، ەكونوميكانىڭ باياندى، اقاۋسىز دامۋىن ساقتاۋ ءۇشىن، ءسوز جوق، كۇللى الەمگە كوز تاستاپ، ىشكى جانە حالىقارالىق 2 ۇلكەن جاعدايدى ونان سايىن سانالى تۇردە ءبىر تۇتاس جوسپارلاپ، شار تاراپقا ەسىك اشۋ ۇلى ستراتەگياسىن جان - جاقتى زەردەلەپ، ءتىپتى بەلسەندى، ىرىقتى بەينەمەن دۇنيە جۇزىنە بەتتەۋىمىز كەرەك.
شي جينپيڭ مىنالاردى اتاپ كورسەتتى: «ءبىر بەلدەۋ، ءبىر جول» قۇرىلىسىن وراي ەتىپ، حالىقارالىق ءوزارا بارىس - كەلىستەردى ەتەك الدىرىپ، ساۋدا جانە قارجى سەلبەستىگىنىڭ دەڭگەيىن كوتەرىپ، وندىرىستىك قۋات جانە جابدىقتاۋ - جاساۋ بويىنشا حالىقارالىق سەلبەستىكتى ىلگەرىلەتۋ، تۇپتەپ كەلگەندە، ءونىمدى قامداۋ ارقىلى جاڭا سۇرانىستارعا مۇمكىندىك تۋدىرىپ، الەم ەكونوميكاسىنىڭ قايتا رەتتەلۋىن ىسكە اسىرۋ بولماق. اسىرەسە، الەم ەكونوميكاسى ۇزدىكسىز توقىراعان قازىرگى جاعدايدا، ەگەر پروتسيكلدى جاعدايدا قالىپتاسقان وراسان زور وندىرىستىك قۋات پەن قۇرىلىس قابىلەتىن سىرتقا شىعارىپ، جەلى بويىنداعى مەملەكەتتەردىڭ ونەركاسىپتەنۋ، وسىزاماندانۋ جانە نەگىزدىك قۇرىلعىلاردىڭ دەڭگەيىن كوتەرۋ تۋرالى كوكەي تەستى سۇرانىسىنا قولداۋ كورسەتە بىلسەك، بۇل قازىرگى الەم ەكونوميكاسىنىڭ جاعدايىن تۇراقتاندىرۋعا پايدالى بولار ەدى. شي جينپيڭ «ءبىر بەلدەۋ، ءبىر جول» قۇرىلىسىن ىلگەرىلەتۋ جونىندە 8 ءتۇرلى تالاپتى ورتاعا قويدى. ءبىرىنشى، يدەيالىق بىرلىكتى شىنايى ىلگەرىلەتىپ، بارلىق ەلدىڭ بىرگە اقىلداسۋ، گۇلدەندىرۋ، ورتاقتاسۋىنا تاباندى بولىپ، تەڭدىكتى باسشىلىققا الىپ، ءوزارا تيىمدىلىككە ۇمتىلىپ، ءتۇيىندى باعىت - باعداردى قالت جىبەرمەي باعامداپ، نازاردى ءتۇيىندى ءوڭىر، ءتۇيىندى مەملەكەت، ءتۇيىندى نىساندارعا شوعىرلاندىرىپ، دامۋ دەيتىن ەڭ ۇلكەن ورتاق بولگىشتى مىقتاپ يگەرىپ، جۇڭگو حالقىن يگىلىككە بولەۋمەن بىرگە، جەلى بويىنداعى ەلدەردىڭ حالىقتارىن دا يگىلىككە بولەۋ كەرەك. جۇڭگو ءوز دامۋىنىڭ جەدەل، ءتيىمدى ارناسىن ءار جاقپەن ورتاقتاسىپ، الەم ەلدەرى مەن حالىقارالىق ۇيىمداردىڭ سەلبەستىككە ات سالىسۋىن قارسى الادى. ەكىنشى، باعدارلامانىڭ تياناقتانۋىن شىنايى ىلگەرىلەتىپ، قۇنتتىلىقپەن ۇيىمداستىرىپ، دالمە - ءدال كۇش سالىپ، «ءبىر بەلدەۋ، ءبىر جول» قۇرىلىسىن ىلگەرىلەتۋدىڭ ناقتى ساياسات - شارالارىن زەرتتەپ جانە شىعارىپ، قولدانىس تاسىلدەرىن جاڭالاپ، سايكەستى قىزمەتتەردى جەتىلدىرىپ، نەگىزدىك قۇرىلعىلاردى ءوزارا ۇشتاستىرۋ، ەنەرگيا بايلىقتارىن اشۋ - پايدالانۋ، ساۋدا، ەكونوميكا، ءوندىرىس سەلبەستىك رايوندارىن قۇرۋ، سالالىق وزەكتى تەحنيكالاردى زەرتتەۋگە تىرەك بولۋ سياقتى ستراتەگيالىق باسىم نىساندارعا ءتۇيىندى تۇردە قولداۋ كورسەتۋ كەرەك. ءۇشىنشى، ءبىر تۇتاس ۇيلەستىرۋدى شىنايى ىلگەرىلەتىپ، قۇرلىق پەن تەڭىزدى، ءىش پەن سىرتتى ءبىرىڭعاي جوسپارلاۋعا تاباندى بولىپ، ۇكىمەت پەن كاسىپورىندى ءبىرىڭعاي جوسپارلاۋدى كۇشەيتىپ، ەل ىشىندەگى كاسىپورىنداردى جەلى بويىنداعى مەملەكەتتەردە قارجى سالۋعا، شارۋاشىلىق جۇرگىزۋگە ىنتالاندىرىپ جانە جەلى بويىنداعى مەملەكەتتەردەگى كاسىپورىنداردىڭ دا ەلىمىزدە قارجى سالۋىن، شارۋاشىلىق قۇرۋىن قارسى الىپ، «ءبىر بەلدەۋ، ءبىر جول» قۇرىلىسىنىڭ بەيجيڭ، تيانجين، حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى سياقتى مەملەكەتتىك ستراتەگيالارمەن ساباقتاسۋىن، باتىس بولىكتى اشۋ، شىعىس سولتۇستىكتى گۇلدەندىرۋ، ورتا بولىكتىڭ ەڭسەسىن كوتەرۋ، شىعىس بولىكتى الدىمەن دامىتۋ، شەكارالىق وڭىرلەردى دامىتۋ - اشۋمەن ۇشتاسۋىن كۇشەيتىپ، شارتاراپقا ەسىك اشىلعان، شىعىس، ورتا، باتىس بولىكتەر ىلىكتەس دامىعان جاعدايدىڭ قالىپتاسۋىنا جەتەكشى بولۋ كەرەك. ءتورتىنشى، شەشۋشى نىسانداردىڭ تياناقتانۋىن شىنايى ىلگەرىلەتىپ، نەگىزدىك قۇرىلعىلاردى ءوزارا ۇلاستىرۋدى، وندىرىستىك قۋات سەلبەستىگىن جانە ەكونوميكا، ساۋدا، ءوندىرىس سەلبەستىك رايوندارىن تۇتقا ەتىپ، ءبىر توپ ۇلگى كورسەتۋشى نىسانداردى ويداعىداي اتقارىپ، كۇن ىلگەرى كوبىرەك جەتىستىككە جەتىپ، قاتىستى ەلدەردىڭ ناقتىلى تابىستاردى سەزىنۋىنە مۇمكىندىك تۋدىرۋ كەرەك. بەسىنشى، فينانستا جاڭالىق اشۋدى شىنايى ىلگەرىلەتىپ، حالىقارالانعان قارجىلاندىرۋ ۇلگىسىن جاڭالاپ، فينانس سالاسىنداعى سەلبەستىكتى تەرەڭدەتىپ، كوپ ساتىلى فينانس تۇعىرلارىن ورناتىپ، «ءبىر بەلدەۋ، ءبىر جول» قۇرىلىسىنا قىزمەت كورسەتەتىن ۇزاق مەرزىمدى، تۇراقتى، باياندى، قاتەردەن ساقتاندىرا الاتىن فينانستىق قامتاماسىز ەتۋ جۇيەسىن قالىپتاستىرۋ كەرەك. التىنشى، حالىق تىلەگىنىڭ توعىسۋىن شىنايى ىلگەرىلەتىپ، جىبەك جولى رۋحىن اسقاقتاتىپ، وركەنيەتتەردىڭ بايلانىس جاساۋى مەن ءوزارا ۇلگى الۋىن ىلگەرىلەتىپ، گۋمانيتارلىق سالاداعى سەلبەستىككە ءمان بەرۋ كەرەك. جەتىنشى، قوعامدىق پىكىر مەن ۇگىت - ءناسيحاتتى شىنايى ىلگەرىلەتىپ، «ءبىر بەلدەۋ، ءبىر جول» قۇرىلىسىنىڭ ناقتىلى جەتىستىكتەرىن ءناسيحاتتاپ،
«ءبىر بەلدەۋ، ءبىر جول» قۇرىلىسى اياسىنداعى عىلمي زەرتتەۋ، نازاريالىق قولداۋ، ءسوز جۇيەسى قۇرىلىستارىن كۇشەيتۋ كەرەك. سەگىزىنشى، حاۋىپسىزدىك قامتاماسىزداندىرۋىن شىنايى ىلگەرىلەتىپ، حاۋىپسىزدىك قاتەرىن باعالاۋ، باقىلاۋ، ساقتاندىرۋ، توتەنشە جاعدايدى ءبىر جاقتى ەتۋدى كەمەلدەندىرىپ، جۇمىس تەتىكتەرىن ورناتىپ جانە جەتىلدىرىپ، قىزمەت جوباسىن ناقتىلاندىرىپ، قاتىستى ورنالاستىرۋ مەن شارالاردىڭ بارلىق تاراۋ مەن نىسانداردى اتقارۋشى ءاربىر ورىن، كاسىپورىندارعا دەيىن تياناقتانۋىنا كەپىلدىك ەتۋ كەرەك.
جاڭ گاۋلي ءماجىلىستى باسقارعاندا بىلاي دەدى: «ءبىر بەلدەۋ، ءبىر جول» قۇرىلىسىن ىلگەرىلەتۋ − پارتيا ورتالىق كوميتەتىنىڭ ماڭىزدى ستراتەگيالىق شەشىمى، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، جاڭالىق اشا، سايكەستى، جاسىل، اشىق، بىرگە يگىلىككە كەنەلەتىن دامۋ يدەيالارىن دايەكتى تياناقتاندىرىپ، «ءبىر بەلدەۋ، ءبىر جول» قۇرىلىسىنىڭ ءتىپتى زور جەتىستىكتەرگە جەتۋىن ىلگەرىلەتۋ كەرەك. دامۋ ستراتەگيالارىنىڭ تۇتاسۋىن كۇشەيتىپ، كەلىسىم، باعدارلاما، مەحانيزم، نىسان سياقتى تاسىلدەرمەن قامتىمدى دامۋدى قاتار ىلگەرىلەتۋ قاجەت. ءتۇيىندى باعىت - باعداردى باعامداپ، ءتۇيىندى ءوڭىر، ءتۇيىندى مەملەكەتتەردى نىسانا ەتىپ، «ءبىر بەلدەۋ، ءبىر جول» قۇرىلىسى اياسىنداعى ءتۇيىندى نىساندار مەن كەلەلى ينجەنەريالاردىڭ ىلگەرىلەتىلۋى مەن تياناقتاندىرىلۋىن مىقتى يگەرۋ كەرەك. ساياساتپەن قامتاماسىز ەتۋدى كۇشەيتىپ، سۇرانىستى باعدار ەتۋ مەن نىسانانى باعدار ەتۋدى ۇشتاستىرۋدان جازباي، ءبىر توپ باعىتتامالى ساياسات - شارالاردى ىلگەرىلەي جولعا قويىپ، اتقارۋ كەرەك. ءبىر تۇتاس سايكەستىرۋدى كۇشەيتىپ، شەكتى بايلىقتى ويداعىداي بىرىكتىرىپ جانە ءتيىمدى پايدالانىپ، «ءبىر بەلدەۋ، ءبىر جول» قۇرىلىسىنىڭ پارمەندى بىرىككەن كۇشىن ۇزدىكسىز قالىپتاستىرۋ كەرەك. ءتۇرلى تۇعىرلاردى كادەگە جاراتىپ، «ءبىر بەلدەۋ، ءبىر جول» قۇرىلىسىنا تاماشا راي قالىپتاستىرۋ كەرەك. جەر - جەر، تاراۋلار، ورىندار قىزمەت جاۋاپكەرشىلىگىن مۇقيات وتەپ، قىزمەتتىڭ تياناقتانۋىن قاتاڭ، شىنايى، ناقتى تۇردە ويداعىداي يگەرىپ، شەكارا سىرتىنداعى حاۋىپسىزدىكتى قورعاۋ قىزمەتىن كۇشەيتىپ، «ءبىر بەلدەۋ، ءبىر جول» قۇرىلىسىن پارمەندى، ءتارتىپتى، ءونىمدى تۇردە ىلگەرىلەتىپ، «قوس 100 جىل» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا تىڭ ۇلەستەر قوسۋى قاجەت.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
