- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاقتىڭ اسەم قولونەر بۇيىمدارىن الەمگە ايگىلەيىك
2016.07.28 14:26
ءپاريدا اجى قىزى موڭعۇلكۇرە اۋدانى اسەم قولونەر بۇيىمدارى كووپەراتيۆىنىڭ قۇرۋشىسى، 80 – جىلداردىڭ تۇلەگى. ونىڭ ءوز الدىنا كاسىپ اشقانىنا 2 جىل ۋاقىت عانا بولعانىمەن، ءبىراق ىلەنىڭ قولونەر بۇيىمدارى كاسىبىندە وزىندىك بەت – بەدەل قالىپتاستىردى، وتە – موتە، ونىڭ قولىنان شىققان قازاقتىڭ ۇلتتىق ەرەكشەلىگىنە يە كيىم – كەشەك، كەستە سياقتى قولونەر بۇيىمدارى رايونىمىزدىڭ ءىشى – سىرتىنداعى الارمانداردىڭ قارسى الۋىنا بولەندى.
1987 – جىلى ءومىر ەسىگىن اشقان ءپاريدا اجى قىزىنىڭ ءون بويىنان قازاق ايەلدەرىنە ءتان اشىق – جارقىن، قاراپايىم، ەڭبەكشىل، ىسكە شەبەر، اقىل – پاراساتتى مىنەزى مەنمۇندالايدى، ول قۇرعان اسەم قولونەر بۇيىمدارى كووپەراتيۆى 30 ادامنان قۇرالعان كاسىپ اشۋ ۇيىرمەسىنە اينالىپ، قولونەر، كەستەشىلىك جاعىندا 60 قا جۋىق وتباسى سەلبەسكەن تيجارات كولەمىن قالىپتاستىردى.
ءپاريدا اجى قىزىنىڭ كۇيەۋى مال دارىلەرى دۇكەنىن اشادى، ول كۇيەۋىنە سۇيەنىپ، پەرزەنتتەرىن تاربيەلەپ، ءبىرشاما اۋقاتتى تۇرمىس كەشىرىپ كەلگەنىمەن، جان تىنىشتىعىن كۇيىتتەۋدى ءجون كورمەدى. قازاقى ۇلگىدەگى ادەمى قولونەر بۇيىمدارى ونى باۋراي ءتۇستى. قازاق ۇلتىنىڭ اسەمدىگىن اناعۇرلىم كوپ ادامعا تانىستىرۋ، ءوز وتباسىنىڭ تۇرمىس ساپاسىن اناعۇرلىم جوعارى كوتەرۋ، اناعۇرلىم كوپ ايەلدەردى ءوز كۇشىنە سۇيەنىپ اۋقاتتانۋعا باستاۋ ءپاريدا اجى قىزىنىڭ كاسىپ اشۋىنا قوزعاۋشى كۇش باعىشتادى.
ءپاريدا اجى قىزى يدەيالىق جاقتا ويداعىداي دايىندالعانىمەن، الايدا كاسىپ اشۋمەن شىنايى اينالىسقان كەزدە عانا، ونىڭ قىرى مەن سىرىن، بۇرالاڭدىققا تولى جاپالى بارىسىن سەزىنە باستادى. مەيلى قىزمەتكەر، تەحنيكا، جابدىق، الدە ءونىم ساپاسى، باسقارۋ، ساتۋ جاعىندا بولسىن اسا مۇقيات بولۋدى، ءبىر تۇتاس جوسپارلاۋدى قاجەت ەتەتىن. العاشىندا كەشتەشىلەردىڭ ونەرى ۇستەم بولماعاندىقتان ءونىم مولشەرى تومەن بولۋمەن بىرگە، ساپاسى دا الارمانداردىڭ قاجەتىنەن شىعا الماعاندىقتان، قايتا ىستەپ، قايتا تىگۋگە تۋرا كەلدى، مۇنداي جاعداي ءوندىرىس وزىندىك قۇنىن جوعارىلاتىپ، قىسىلتاياڭ كۇيدەگى تيجارات قارجىسىنا قاتاڭ سايىس جاريالادى.
ءوندىرىستى ىلگەرىلەتۋ ءۇشىن تيتتەي دە ءادىس – امالى قالماعان ساتتە، جاعدايدان حابارلى بولعان اۋىلدىق قوعامدىق قامتاماسىزداندىرۋ ورنى وعان دەر كەزىندە كومەك قولىن سوزدى، ونىڭ ءوندىرىس، تيجارات ءىس جۇزىندىك جاعدايى نەگىزىندە سايكەستى سۇيەمەلدەۋ قاراجاتىمەن قامداۋمەن بىرگە، كاسىپتىك قىزمەتكەرلەردى سەپتەپ سەلبەستىك كووپەراتيۆىن قىزمەت وتەۋمەن قامدادى. اۋىلدىق قوعامدىق قامتاماسىزداندىرۋ ورنى ونىڭ جاعدايىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنە اڭىس ەتتى، تەكسەرۋدەن كەيىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ كومەگىندە 50 مىڭ يۋان ءوسىمسىز شاعىن سومالى كەپىلدىك قارىز اقشاعا قول جەتكىزىپ، قارجى جەتىسپەۋ قيىنشىلىعى شەشىلىپ، سەلبەستىك كووپەراتيۆى جەدەل دامۋ ارناسىنا ءتۇستى.
شاپقان اتتاي زىمىراعان ۋاقىتتىڭ وتۋىمەن ءپاريدا اجى قىزى 2 جىلدىق كاسىپ اشۋ بارىسىن وتكەردى. بۇگىنگى كۇنى اسەم قولونەر بۇيىمدارى سەلبەستىك كووپەراتيۆىنىڭ ءونىم ءتۇرى كوبەيىپ تولىقتاندى، ساپاسى دا ايتارلىقتاي جاقسارىپ، مانەرلەۋ، ساتۋ بۋىندارى گۇلدەنە ءتۇستى. 30 عا جۋىق اۋىل – قىستاق ايەلى ءپاريدا اجى قىزىنا ىلەسىپ كاسىپتەندى، قازىرگە دەيىن ونىڭ 60 تان استام شاكىرتى دۇكەن اشىپ كەستە تىگۋ، توقىماشىلىق كاسىپتەرىمەن شۇعىلدانىپ، اۋقاتتانۋ جولىنا قادام تاستادى. ءپاريدا اجى قىزى ىلگەرىندى – كەيىندى ءتۇرلى داڭقتارعا قول جەتكىزدى: 2014 – جىلدان 2015 – جىلعا دەيىن وبلىستىق ەكونوميكا جانە ينفورماتسيالاندىرۋ قىزمەت كوميتەتى جاعىنان كاسىپ اشۋ تابىس كورمەسىنىڭ 2 – دارەجەلى سيلىعىن الدى، جەلەكتىلەر جارىسىندا 2 – بولدى، «جەلەكتىلەردىڭ تىڭ ۇلەس قوسۋ، جۇڭگو ارمانىن بىرلىكتە ورىنداۋ» جارىسىندا 2 – بولدى، اۋدان جاعىنان وتكىزىلگەن «ۇلتتار ىنتىماعى، كورىكتى موڭعۇلكۇرە» جارىسىندا 1 – دارەجەلى سيلىققا يە بولدى. 2014 – جىلى اۆتونوميالى وبلىستىق ايەلدەر بىرلەستىگى جاعىنان «كاسىپ اشىپ كاسىپتەنگەن ەڭ سۇيىكتى جەلەكتى» بولىپ باعالاندى.
ءپاريدا اجى قىزى ءتۇرلى داڭقتار مەن جەتىستىكتەرگە قول جەتكىزسە دە، ءوزىن باستان – اياق قولداپ كەلگەن قوعامدىق قامتاماسىزداندىرۋ مەكەمەسىن ەسىنەن شىعارمادى، ول بىلاي دەدى: سەلبەستىك كووپەراتيۆىنىڭ بۇگىنگى وسىنداي ناتيجەلەر مەن جەتىستىكتەرگە قول جەتكىزۋى اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ كاسىپتەندىرۋ ساياساتى جاعىنداعى قولداۋى مەن قالتقىسىز كومەگىنەن بولە قارالمايدى، پارتيانىڭ ابزال ساياساتىنىڭ ارقاسىندا، كاسىپ اشۋ بارىسىندا اناعۇرلىم مول تابىستارعا قول جەتكىزىپ، قوعامعا جاۋاپ قايتارامىز. جاڭ حايلين
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
