«ءبىر بەلدەۋ، ءبىر جول» حالىقارالىق سەلبەستىك فورۋمىنىڭ دوڭگەلەك ۇستەل باسشىلار ءماجىلىسى وتكىزىلدى
ءماجىلىستى شي جينپيڭ باسقاردى ءارى ءسوز سويلەپ مىنانى دارىپتەدى
2017.05.16 15:36 كەلۋ قاينارى : حالىق تورابى
ساياساتتى سايكەستىرۋدى كۇشەيتىپ، دامۋ ستراتەگيالارىن ءتۇيىلىستىرىپ، ناقتى سەلبەستىكتى تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلىپ، «ءبىر بەلدەۋ، ءبىر جول» قۇرىلىسى سەلبەستىگىن بىرگە جەبەپ، تىنباي تىڭ ىلگەرىلەۋشىلىككە قول جەتكىزۋ كەرەك
«حالىق گازەتى»، 15 – مامىر، بەيجيڭ (تىلشىلەر جياۋ شياڭ، جاۋ چىڭ، ياڭ شۇن، دۋ ي - فەي). «ءبىر بەلدەۋ، ءبىر جول» حالىقارالىق سەلبەستىك فورۋمى 15 - مامىردا بەيجيڭدەگى يانشي كولى حالىقارالىق ءماجىلىس ورتالىعىندا دوڭگەلەك ۇستەل باسشىلار ءماجىلىسىن وتكىزدى. 30 مەملەكەتتىڭ باسشىسى جانە ب م ۇ - نىڭ، دۇنيە بانكەسىنىڭ، حالىقارالىق اقشا قور ۇيىمىنىڭ جاۋاپتىلارى دوڭگەلەك ۇستەل باسشىلار ماجىلىسىنە قاتىناسىپ، «حالىقارالىق سەلبەستىكتى كۇشەيتىپ، <ءبىر بەلدەۋ، ءبىر جولدى> بىرگە قۇرىپ، تەڭ يگىلىككە كەنەلە دامۋ» اتتى باستى تاقىرىپتى ارقاۋ ەتىپ، دامۋ ستراتەگيالارىن ۇلاستىرۋ، ءوزارا بايلانىس جاساۋدى، توعىسۋدى ىلگەرىلەتۋ، گۋمانيتارلىق بارىس - كەلىستى جەبەۋ سياقتى تالقى تاقىرىپتارى جونىندە پىكىر اۋىستىرىپ، بىرىككەن مالىمدەمەنى ماقۇلدادى.ء
ماجىلىستى جۇڭگونىڭ مەملەكەت ءتوراعاسى شي جينپيڭ باسقاردى. جاڭ گاۋلي ماجىلىسكە قاتىناستى.
جازعا سالىمعى يانشي كولى الۋان گۇلدەرى شەشەك اتىپ، توتىدايىن تۇرلەنىپ تۇر. بايىرعى جىبەك جولى گۇلدەنىپ - كوركەيگەن داۋىردەگى جۇڭگونىڭ حان، تاڭ پاتشالىقتارى ۇلگىسىندەگى قۇرىلىس ەرەكشەلىگىنە ساي جوبالانعان يانشي كولى حالىقارالىق ءماجىلىس ورتالىعى قوس قاناتىن جايعان قازدان اۋمايدى.
تۇستەن بۇرىنعى ساعات 9 دان 40 مينۋت وتكەندە ماجىلىسكە قاتىناساتىن باسشىلار مەن حالىقارالىق ۇيىمداردىڭ جاۋاپتىلارى ىركەس - تىركەس كەلىپ جەتتى. شي جينپيڭ زالدا كوپشىلىكتى ىستىق ىقىلاسپەن قارسى الىپ، ءبىر - بىرلەپ قول الىسىپ امانداستى.
تۇستەن بۇرىنعى ساعات 10 دا شي جينپيڭ اعاش بالعامەن ۇستەلدى ۇرىپ، دوڭگەلەك ۇستەل باسشىلار ءماجىلىسىنىڭ باستالعانىن جاريالادى.
شي جينپيڭ ءماجىلىستىڭ باستالۋ سوزىندە بىلاي دەپ اتاپ كورسەتتى: ءار ەل ءبىر - بىرىنە سۇيەنگەن، الەمدىك سىن - سايىس تولاسسىز تۋىلعان بۇگىنگى كۇندە ءار ەل ءوزارا ساياساتتى ۇلاستىرۋى، دۇنيە جۇزىندە ەكونوميكالىق فاكتورلار مەن دامۋ بايلىعىن اناعۇرلىم كەڭ كولەمدە رەتتەۋى كەرەك، سوندا عانا بىرىككەن كۇش قالىپتاستىرىپ، دۇنيە ءجۇزىنىڭ بەيبىتشىلىگىن، تىنىشتىعىن جەبەۋگە جانە بىرگە دامۋعا بولادى. مەن 2013 - جىلى «ءبىر بەلدەۋ، ءبىر جول» دارىپتەمەمدى العا قويدىم، ونىڭ وزەكتى مازمۇنى ــ نەگىزدىك قۇرىلعى قۇرىلىسى مەن ءوزارا بايلانىس جاساۋدى، توعىسۋدى جەبەۋ، ءار ەلدىڭ ساياساتى مەن دامۋ ستراتەگياسىن ۇلاستىرۋ، ناقتى سەلبەستىكتى تەرەڭدەتۋ، سايكەسە بىرگە دامۋدى جەبەۋ، بىرگە گۇلدەنىپ - كوركەيۋ. «ءبىر بەلدەۋ، ءبىر جول» قۇرىلىسى تاريحتان تامىرلانعانىمەن، بولاشاققا بەت الادى؛ جۇڭگودان باستالعانىمەن، دۇنيە جۇزىنە ءتان. «ءبىر بەلدەۋ، ءبىر جول» قۇرىلىسى سەلبەستىك جۇلگەسىندە ءار جاق دۇنيە ءجۇزىنىڭ ەكونوميكاسى ءدوپ كەلگەن سىن - سايىسقا قول ۇستاسا وتىرىپ توتەپ بەرىپ، دامۋ ورايلارىنا جول اشىپ، دامۋدىڭ تىڭ قوزعاۋشى كۇشتەرى جونىندە ىزدەنىس جاساپ، دامۋدىڭ تىڭ ءورىسىن كەڭەيتىپ، ابزالدىق ارقىلى ءبىرىن - ءبىرى تولىقتاۋى، ءوزارا پايدا جەتكىزىپ، تەڭ يگىلىككە كەنەلۋى، ادامزاتتىڭ تاعدىرلاس ورتاق تۇلعاسىنا قاراي تىنباي قادام تاستاۋى كەرەك. دارىپتەمە العا قويىلعاننان كەيىن حالىقارالىق قوعام بۇعان بەلسەندى ءۇن قوستى جانە كەڭ كولەمدى قولداۋ كورسەتتى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
