شي جينپيڭ فيليپپيننىڭ پرەزيدەنتى دۋتەرتپەن كەزدەستى
2017.05.16 15:40 كەلۋ قاينارى : حالىق تورابى
«حالىق گازەتى»، 15 – مامىر، بەيجيڭ (ءتىلشى دۋ ي - فەي). مەملەكەت ءتوراعاسى شي جينپيڭ 15 - مامىردا حالىق سارايىندا «ءبىر بەلدەۋ، ءبىر جول» حالىقارالىق فورۋمىنا قاتىناسۋ ءۇشىن جۇڭگوعا كەلگەن فيليپپيننىڭ پرەزيدەنتى دۋتەرتپەن كەزدەستى.شي جينپيڭ بىلاي دەپ اتاپ كورسەتتى: فيليپپين ــ جۇڭگونىڭ تاتۋ - ءتاتتى جاقىن كورشىسى، سونداي - اق «ءبىر بەلدەۋ، ءبىر جولدى» بىرگە قۇرۋداعى ماڭىزدى سەرىگى. تاتۋ كورشىلىك، دوستىق سەلبەستىكتەن جازباۋ، سەلبەسە وتىرىپ تەڭ يگىلىككە كەنەلۋ جۇڭگو مەن فيليپپيننىڭ قارىم - قاتىناسىن دامىتۋدىڭ دۇرىس جولى سانالادى. جۇڭگو ەكى ەلدىڭ ستراتەگيالارىن ءتۇيىلىستىرۋدى فيليپپينمەن بىرگە العا ىلگەرىلەتىپ، ورتاق دامۋ جولىندا اناعۇرلىم كوپ تابىسقا قول جەتكىزىپ، ەكى ەل حالقىن يگىلىككە بارىنشا كەنەلتۋدى قالايدى.
شي جينپيڭ مىنالارد دارىپتەدى: ەكى ەلدىڭ جوعارى جىكتەگىلەرى ەكى ەلدىڭ قارىم - قاتىناسىن دامىتۋعا ساياتىن كەلەلى ماسەلەلەردەگى اۋىس - كۇيىستى كۇشەيتىپ، ەكى ەلدىڭ قارىم - قاتىناسىنىڭ دۇرىس بەتالىستى بويلاپ اقاۋسىز، ورنىقتى دامۋىنا جەتەكشىلىك ەتۋى كەرەك. ەكى جاق ناقتى سەلبەستىكتى تەرەڭدەتىپ، نەگىزدىك قۇرىلعى قۇرىلىسىن كۇشەيتۋ، تەڭىزدەگى مەملەكەت اتتاعان قىلمىسقا سوققى بەرۋ، بىرلەسىپ ىزدەۋ - قۇتقارۋ، كەدەيلەردى سۇيەمەلدەۋ، حالىق تۇرمىسى، ەسىرتكىگە تيىم سالۋ سياقتى سالالارداعى سەلبەستىكتى كۇشەيتىپ، ءتۇيىندى سالالارداعى سەلبەستىكتى جەدەل تياناقتاندىرۋدى نەمەسە كەزەڭدىك ىلگەرىلەۋشىلىككە قول جەتكىزۋدى جەبەۋى كەرەك. زاڭ شىعارۋ قۇرىلىمى، جەرگىلىكتى ۇكىمەت، مادەنيەت، جاستار، ساياحات، قىزمەتكەرلەر بارىس - كەلىسى سياقتى سالالارداعى اۋىس - كۇيىستى، سەلبەستىكتى جيىلەتۋ كەرەك. جۇڭگو فيليپپيننىڭ شىعىس وڭتۇستىك ازيا ەلدەر وداعىنىڭ كەزەكتى ءتوراعالىق مىندەتىن تىڭعىلىقتى وتەۋىن قولدايدى. جۇڭگو شىعىس وڭتۇستىك ازيا ەلدەر وداعىنا مۇشە ەلدەرمەن بارىس - كەلىستى جانە سەلبەستىكتى كۇشەيتىپ، ساياسي حاۋىپسىزدىك پەن ەكونوميكا سالاسىنداعى ورتاق مۇددەنى نىعايتىپ، گۋمانيتارلىق اۋىس - كۇيىس اياسىن كەڭەيتىپ، جۇڭگو مەن شىعىس وڭتۇستىك ازيا ەلدەر وداعى قارىم - قاتىناسىنىڭ تىڭ ساتىعا قادام تاستاۋىن جەبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
