لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2017.09.14 16:00 كەلۋ قاينارى : حالىق تورابى
شينحۋا اگەنتتىگى، 13 - قىركۇيەك، بەيجيڭ. مەملەكەتتىك كەڭەستىڭ زۇڭليى لي كىچياڭ 13 - قىركۇيەكتە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە مەملەكەتتىك كەڭەستىڭ 4 - رەتكى باقىلاۋ - تەكسەرۋ جاعدايى مەن ءتۇيىندى ساياساتتىق شارالاردىڭ تياناقتانۋىن ءۇشىنشى جاققا باعالاتقىزۋ دوكلادى تىڭدالدى، كەلەلى شەشىم، ورنالاستىرۋلاردىڭ تياناقتانۋىن تىنباي مىقتى يگەرىپ ەكونوميكانىڭ دامۋى مەن حالىق تۇرمىسىن جاقسارتۋدا ءتىپتى دە زور ونىمدىلىككە قول جەتكىزۋدى جەبەۋ ۇيعارىلدى.
ماجىلىستە بىلاي دەلىندى: باقىلاۋ - تەكسەرۋ ــ ۇكىمەتتىڭ ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتىپ، ساياساتتىڭ اتقارىلۋ تەبىنىن نىعايتۋداعى ماڭىزدى شارا. ەل كولەمىندە قاۋىرت باقىلاۋ - تەكسەرۋدى قاتارىنان 3 جىل ورىستەتۋ نەگىزىندە مەملەكەتتىك كەڭەس تاياۋدا 19 ولكە، توتە قاراستى قالا، اۆتونوميالى رايوندا تاعى دا ناقتى باقىلاۋ - تەكسەرۋ جۇرگىزىپ، قاتىستى تاراۋلاردى وزدەرىن تەكسەرۋگە ۇيىمداستىردى. جالپىلاي قاراعاندا، وڭىرلەر، تاراۋلار ورتالىقتىڭ ەكونوميكالىق قىزمەت ءماجىلىسى مەن ۇكىمەت قىزمەتىنەن باياندامادا بەلگىلەنگەن كەلەلى ساياساتتىق شارا، ءتۇيىندى مىندەت سياقتىلاردى بەلسەندىلىكپەن تياناقتاندىرىپ، كورنەكتى ونىمدىلىككە قول جەتكىزىپ، ەكونوميكانى ورنىقتىلىق نەگىزىندە جاقسارتۋ كۇيىن بەكەمدەگەن جانە دامىتقان، قامداۋ تۇرىندەگى قۇرىلىمدىق رەفورمانى ىلگەرىلەتىپ، حالىق تۇرمىسىنىڭ جاقسارۋىن جەبەگەن. باقىلاۋ - تەكسەرۋ بارىسىندا كەيبىر جەرلەردە اسىپ قالعان ءوندىرىس قۋاتىن ازايتۋ قىزمەتىن تىڭعىلىقتى تياناقتاندىرماۋ، قارجىلاندىرۋ نىساندارىندا قۇرىلىس جۇرگىزۋ جانە بانكە ەسەبىن اشۋ سياقتىلاردى تەكسەرىپ بەكىتۋ ۋاقىتى ۇزاق بولۋ، كاسىپورىنعا ساياتىن ۇيلەسىمسىز اقى الۋ ءجايتى تەكتەلمەۋ، عىلىم - تەحنيكا تابىسىن كادەگە جاراتۋدا كەدەرگى كوپ بولۋ سياقتى ماسەلەلەر دە بايقالعان. ماجىلىستە مىنالار تالاپ ەتىلدى: بىرىنشىدەن، بايقالعان ماسەلەلەردى جەدەل رەتتەپ وزگەرتۋ كەرەك. اسىپ قالعان ءوندىرىس قۋاتىن بۇلجىماستان ازايتقان ءجون، دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى ساپاسىز بولات تىزىمدىگىنە ەنگىزىلمەگەن بولات - تەمىر سالاسىنداعى مەشەۋ ءوندىرىس قۋاتىن تۇبەگەيلى انىقتاۋى، بايقالا قالسا قاتاڭ ءبىر جاقتى ەتۋى ءارى جاۋاپكەرلىكتى قاتاڭ قۋزاپ، قايتا قيمىلداۋدان ساقتانۋى كەرەك. قاتىستى تاراۋلار جەدەل شارا بەلگىلەپ، كەيبىر كاسىپ قوعامى، ساۋدا قوعامى، عىلمي قوعام سياقتىلاردا ورىن تەۋىپ وتىرعان قايتالاپ اقى الۋ، جوعارى اقى الۋ جايتتەرىن جونگە سالۋى، بەلگىلەمەگە قايشى كەلىپ اقى الۋعا باتىلدىقپەن تيىم سالۋى كەرەك. ساۋدا مينيسترلىگى شەتەل قارجىسىنان پايدالانۋدى ىشكەرىلەي جەبەۋ شاراسىن جەدەل بەلگىلەۋى كەرەك. دامۋ جانە رەفورما كوميتەتى باستاماشىلىقپەن ءىشىنارا ورتالىق مەجە ەسەبىندەگى قارجىلاندىرۋ نىسانىن رەتتەۋ جۇيەلى بولماۋ سەبەبىنەن قارجى بوس قالۋ ءجايتىن شەشۋ، نىساننىڭ قۇرىلىس چەرتوجىن بىرگە بەكىتۋدى ىلگەرىلەتۋ سياقتىلار جونىنەن ءادىس بەلگىلەۋى كەرەك. ەكىنشىدەن، باقىلاۋ - تەكسەرۋ بارىسىندا بايقالعان جەر - جەردىڭ ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن ىشكەرىلەي جۇرگىزۋ، كاسىپورىنداردىڭ وزىندىك قۇنىن تومەندەتۋ، يگىلىك، جاڭالىق جاراتۋدى جەبەۋ، ءداستۇرلى كاسىپتەردىڭ دارەجەسىن جوعارىلاتۋدى ىلگەرىلەتۋ جاقتارىنداعى تيپتىك تاجىريبەلەرىن، ادىستەرىن جالپىلاستىرۋ كەرەك. ۇشىنشىدەن، باقىلاۋ - تەكسەرۋ بارىسىندا جەر - جەر ورتاعا قويعان پىكىر، ۇسىنىستى مۇقيات زەرتتەپ پايدالانۋ كەرەك. زاڭ - ءتۇزىم بويىنشا بەلگىلەۋگە، وزگەرتۋگە، كۇشىنەن قالدىرۋعا تيىستىلەرى بولسا، ىشكەرىلەي زەرتتەپ، جەدەل ورىنداۋعا بولاتىندارىن جەدەل تياناقتاندىرۋ كەرەك. ماجىلىستە مىنالار دارىپتەلدى: جوعارىدا ايتىلعان باقىلاۋ - تەكسەرۋ، رەتتەۋ - تۇزەتۋ جاعدايىن جىل سوڭىنان بۇرىن مەملەكەتتىك كەڭەسكە دوكلاد ەتۋ كەرەك. كەلەلى شەشىم، ورنالاستىرۋلاردى ۇنەمىلەندىرىپ باقىلاۋ - تەكسەرۋ - ءبىتىرۋ جانە جاۋاپكەرلىكتى قۋزاۋعا شابىتتاندىرۋ مەحانيزمىن ورناتىپ، ۇكىمەت ستيلىن جاقسارتىپ، اكىمشىلىك يقۋاتتى نىعايتىپ، ەكونوميكانىڭ، قوعامنىڭ دامۋىن پارمەندى قامتاماسىزداندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
