شي جينپيڭ ۆيەتنام كوممۋنيستىك پارتياسى ورتالىق كوميتەتى باس شۋجيىنىڭ ەرەكشە ەلشىسىمەن جانە لاوس حالىقتىق توڭكەرىستىك پارتياسى باس شۋجيىنىڭ ەرەكشە ەلشىسىمەن جەكە - جەكە كەزدەستى
2017.11.01 11:01 كەلۋ قاينارى : شينجياڭ گازەتى
شينحۋا اگەنتتىگىنىڭ 30 - قازاندا بەيجيڭنەن بەرگەن حابارى (تىلشىلەر لي جۇڭفا، سۇي ۋىن - ي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 30 - قازاندا حالىق سارايىندا ۆيەتنام كوممۋنيستىك پارتياسىنىڭ باس شۋجيى رۋان فۋجۇڭنىڭ ەرەكشە ەلشىسى، ۆيەتنام كوممۋنيستىك پارتياسى ورتالىق كوميتەتىنىڭ سىرتقى قارىم - قاتىناستار جونىندەگى كوميسسياسىنىڭ باستىعى حۋاڭ پيڭجۇنمەن كەزدەستى.
حۋاڭ پيڭجۇن باس شۋجي رۋان فۋجۇڭنىڭ باس شۋجي شي جينپيڭگە جولداعان قۇتتىقتاۋ حاتىن تابىستادى جانە اۋىزشا سالەمىن جەتكىزدى. رۋان فۋجۇڭ اۋىزشا سالەمىندە بىلاي دەدى:
ج ك پ 19 - قۇرىلتايى تولىق تابىسقا جەتكەن ساتتە، مەن ۆيەتنام مەن جۇڭگونىڭ 2 پارتيا، 2 مەملەكەت قارىم - قاتىناسىنا ايرىقشا ءمان بەرۋ تۇرعىسىنان جۇڭگوعا مەملەكەتتىك ساپارعا ەرەكشە ەلشى جىبەرىپ، باس شۋجي شي جينپيڭ جولداستىڭ قايتا سايلانعانىن جانە بۇكىل پارتيانىڭ قولداۋىندا باسشىلىق ۇيتقىسى بولعانىن بەتپە - بەت قۇتتىقتايمىن، ءبىز ج ك پ 19 - قۇرىلتايىنىڭ ۇلى جەتىستىككە جەتكەنىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ پارتيانىڭ جەتەكشى يدەياسى بولىپ بەلگىلەنگەنىن جوعارى باعالايمىز. باۋىرلاس جۇڭگو حالقىنىڭ باس شۋجي شي جينپيڭدى ۇيتقى ەتكەن پارتيا ورتالىق كوميتەتىنىڭ باسشىلىعىندا، ءسوز جوق، ج ك پ 19 - قۇرىلتايى ورتاعا قويعان ايبىندى نىسانالاردى ورىنداپ، جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك قۇدىرەتتى مەملەكەت ەتىپ قۇرىپ شىعىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋى ءۇشىن ءتىپتى دە كەسەك ۇلەس قوساتىنىنا سەنەمىز. ۆيەتنام باس شۋجي شي جينپيڭنىڭ ۆيەتنام - جۇڭگو قاتىناسىنا وسكەلەڭ ءمان بەرگەنىن جانە ونى ءوزى باس بولىپ ىلگەرىلەتكەنىن جوعارى باعالايدى، مەن سىزبەن بىرگە قۇلشىنىپ، ۆيەتنام - جۇڭگو قاتىناسىنىڭ جاڭا، ءتىپتى دە اۋقىمدى دامۋىن جەبەۋدى ءۇمىت ەتەمىن.
شي جينپيڭ رۋان فۋجۇڭنىڭ اۋىزشا سالەمىنە العىس ايتتى. شي جينپيڭ بىلاي دەدى: ۆيەتنام كوممۋنيستىك پارتياسىنىڭ ورتالىق كوميتەتى مەن باس شۋجي رۋان فۋجۇڭ جەكە - جەكە ج ك پ 19 - قۇرىلتايىنىڭ اشىلۋى جانە مەنىڭ ج ك پ ورتالىق كوميتەتىنىڭ باس شۋجيى بولىپ قايتا سايلانۋىم جونىندە ىستىق لەبىزدى قۇتتىقتاۋ حاتىن جىبەردى، سونداي - اق قۇرىلتاي جابىلا سالا جۇڭگوعا ەرەكشە ەلشى جىبەرىپ قۇتتىقتادى، بۇل جۇڭگو كوممۋنيستىك پارتياسى مەن ۆيەتنام كوممۋنيستىك پارتياسىنىڭ دوستىق سۇيىسپەنشىلىگىن ايگىلەدى، ۆيەتنامنىڭ جۇڭگو - ۆيەتنام قاتىناسىنا ايرىقشا ءمان بەرەتىنىن كورسەتتى.
شي جينپيڭ مىنالاردى باسا دارىپتەدى: قازىر جۇڭگوشا سوتسياليزم جاڭا داۋىرگە ءوتتى، ۆيەتنامنىڭ سوتسياليستىك قۇرىلىس جانە جاڭارتۋ ىستەرى دە شەشۋشى كەزەڭگە قادام تاستادى. ج ك پ 19 - قۇرىلتايىندا، مەن اۋەلگى ماقساتتى ۇمىتپاي، بورىشتى ەستە بەرىك ساقتاۋدى ورتاعا قويدىم. جۇڭگو - ۆيەتنام قاتىناسىن دامىتۋدا دا اۋەلگى ماقساتتى ۇمىتپاۋ، بورىشتى ەستە بەرىك ساقتاۋ كەرەك. بۇندا ايتىلعان اۋەلگى ماقسات − 2 پارتيانىڭ، 2 مەملەكەتتىڭ اعا بۋىن باسشىلارىنىڭ ءوز قولدارىمەن ورناتقان جانە دەن قويا جەتىلدىرگەن جۇڭگو - ۆيەتنام ءداستۇرلى دوستىعى؛ ال، بورىش − 2 پارتيامىزدىڭ ورتاق مۇرات سەنىمى مەن ارقالاعان تاريحي جاۋاپكەرلىگى. جۇڭگو كوممۋنيستىك پارتياسى مەن ۆيەتنام كوممۋنيستىك پارتياسىنىڭ ەكەۋى دە سوتسياليستىك ەلدەردىڭ بيلىك باسىنداعى پارتياسى، جۇڭگو - ۆيەتنام قاتىناسىنا ءتىپتى دە بيىك تۇرعىدان، اناعۇرلىم جوعارى دەڭگەيدەن قاراپ، ستراتەگيالىق مانگە يە تاعدىرلاس ورتاق تۇلعا قالىپتاستىرۋدى تاباندىلىقپەن ىلگەرىلەتۋ كەرەك. ج ك پ ورتالىق كوميتەتىنىڭ جاڭا كەزەكتى باسشىلىق كوللەكتيۆى ۆيەتنامعا اۋەلگىدەي دوستىق باعىت ۇستانادى، باس شۋجي رۋان فۋجۇڭ جەتەكشى بولعان ۆيەتنام كوممۋنيستىك پارتياسىنىڭ ورتالىق باسشىلىق كوللەكتيۆىمەن بىرگە، ەكى جاقتى قارىم - قاتىناسقا ساياسي جەتەكشىلىكتى كۇشەيتىپ، ستراتەگيالىق بايلانىستى تەرەڭدەتىپ، ساياسيداعى ءوزارا سەنىمدىلىكتى نىعايتىپ، ماڭىزدى ورتاق تانىمداردى تياناقتاندىرىپ، قاتىستى ماسەلەلەردى لايىقتى ءبىر جاقتى ەتىپ، جۇڭگو - ۆيەتنام قاتىناسىنىڭ ۇزدىكسىز، اقاۋسىز، ورنىقتى دامۋىن ىلگەرىلەتەدى.
حۋاڭ پيڭجۇن ۆيەتنام كوممۋنيستىك پارتياسى ورتالىق كوميتەتى جانە رۋان فۋجۇڭ اتىنان بىلاي دەدى: ج ك پ 19 - قۇرىلتايى جۇڭگو كوممۋنيستىك پارتياسىنىڭ قۋانىشتى ءىسى، ۆيەتنام كوممۋنيستىك پارتياسىنىڭ دا قۋانىشتى ءىسى، ۆيەتنام ج ك پ 19 - قۇرىلتايىنىڭ رۋحىمەن جانە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن ىشكەرىلەي تانىسۋعا ايرىقشا ىنتىزار. ۆيەتنام كوممۋنيستىك پارتياسى ورتالىق كوميتەتى باس شۋجي شي جينپيڭدى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ جاڭا كەزەكتى باسشىلىق كوللەكتيۆىمەن بىرگە قۇلشىنىپ، جاڭا داۋىردەگى ۆيەتنام - جۇڭگو قاتىناسىن جاڭا بيىككە كوتەرۋدى قالايدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى كەزدەسۋدە بىرگە بولدى.شينحۋا اگەنتتىگىنىڭ 30 - قازاندا بەيجيڭنەن بەرگەن حابارى (تىلشىلەر لي جۇڭفا، سۇي ۋىن - ي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 30 - قازاندا حالىق سارايىندا لاوس حالىقتىق توڭكەرىستىك پارتياسى ورتالىق كوميتەتىنىڭ باس شۋجيى بىنياڭنىڭ ەرەكشە ەلشىسى، لاوس حالىقتىق توڭكەرىستىك پارتياسى ورتالىق كوميتەتىنىڭ سىرتقى قارىم - قاتىناستار كوميسسياسىنىڭ باستىعى شۇنتۇڭمەن كەزدەستى.
شۇنتۇڭ باس شۋجي بىنياڭنىڭ باس شۋجي شي جينپيڭگە جولداعان قۇتتىقتاۋ حاتىن تابىستادى جانە اۋىزشا سالەمىن جەتكىزدى. بىنياڭ اۋىزشا سالەمىندە بىلاي دەدى: مەن لاوس حالىقتىق توڭكەرىستىك پارتياسى اتىنان ج ك پ 19 - قۇرىلتايىنىڭ شۇعىلالى جەتىستىككە قول جەتكىزگەنىنە، باس شۋجي شي جينپيڭ جولداستىڭ ج ك پ ورتالىق كوميتەتىنىڭ باس شۋجيى بولىپ قايتا سايلانعانىنا قىزۋ قۇتتىقتاۋ بىلدىرەمىن. باس شۋجي شي جينپيڭ مول ساياسي بىلىكتىلىگىمەن جانە ەرەن باسشىلىق ونەرىمەن جۇڭگو كوممۋنيستىك پارتياسىن، ۇكىمەتىن جانە باۋىرلاس جۇڭگو حالقىن باستاپ، ءتۇرلى ىستەردى دامىتۋدا تاريحي جەتىستىككە قول جەتكىزىپ، بۇكىل پارتيانىڭ ايرىقشا سەنىمى مەن قولداۋىنا بولەندى. ءبىز ج ك پ 19 - قۇرىلتايىنىڭ دۇرىس لۋشيانىنىڭ جەتەكشىلىگىندە، شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ جاڭا كەزەكتى باسشىلىق كوللەكتيۆىنىڭ باۋىرلاس جۇڭگو حالقىن باستاپ، جۇڭگوشا سوتسياليستىك وسىزامانداندىرۋ ساپارىندا جاڭا، جان - جاقتى، زور جەڭىسكە جەتىپ، جۇڭگو كوممۋنيستىك پارتياسىنىڭ ۇلى جوباسى مەن تاريحي بورىشىن جۇزەگە اسىراتىنىنا كامىل سەنەمىز. لاوس باس شۋجي شي جينپيڭنىڭ لاوس - جۇڭگو قاتىناسىنا ايرىقشا ءمان بەرگەنىن جانە وعان ءوزى باس بولىپ جەتەكشىلىك ەتكەنىن جوعارى باعالايدى، مەن سىزبەن بىرگە قۇلشىنىپ، لاوس - جۇڭگو قاتىناسىن تىنباي جاڭا بيىككە كوتەرەمىن.
شي جينپيڭ بىنياڭنىڭ اۋىزشا سالەمىنە العىس ايتتى. شي جينپيڭ بىلاي دەدى: لاوس حالىقتىق توڭكەرىستىك پارتياسى ورتالىق كوميتەتى مەن باس شۋجي بىنياڭ جەكە - جەكە ج ك پ 19 - قۇرىلتايىنىڭ اشىلۋى جانە مەنىڭ ج ك پ ورتالىق كوميتەتىنىڭ باس شۋجيى بولىپ قايتا سايلانۋىم جونىندە ىستىق لەبىزدى قۇتتىقتاۋ حاتىن جىبەردى، سونداي - اق قۇرىلتاي جابىلا سالا شۇنتۇڭ جولداستى ارنايى جۇڭگوعا جىبەرىپ قۇتتىقتادى، بۇل ءبىزدىڭ 2 پارتيانىڭ دوستىق قارىم - قاتىناسىن ايگىلەدى، سونداي - اق باس شۋجي بىنياڭ جەتەكشى بولعان لاوس حالىقتىق توڭكەرىستىك پارتياسىنىڭ جۇڭگو - لاوس 2 پارتيانىڭ، 2 مەملەكەتتىڭ قارىم - قاتىناسىن دامىتۋعا ايرىقشا ءمان بەرەتىنىن كورسەتتى.
شي جينپيڭ مىنالاردى اتاپ كورسەتتى: جۇڭگوشا سوتسياليزم جاڭا داۋىرگە ءوتتى، بۇل ماڭىزدى تۇجىرىم جۇڭگو مەملەكەتىنىڭ جانە ۇلتىنىڭ دامۋى تاريحىندا ماڭىزدى مانگە يە بولىپ قالماستان، دۇنيە ءجۇزى سوتسياليزمىنىڭ، ارىسى، ادامزات قوعامىنىڭ دامۋ تاريحىندا دا ايرىقشا كەلەلى ءمان الادى. ۇزاق ۋاقىتتان بەرى، جۇڭگونى، لاوستى قامتىعان سوتسياليستىك ەلدەر ءوز مەملەكەت جاعدايىنا ۇيلەسەتىن، دەربەس، ءوز - وزىنە قوجا بولۋ دامۋ جولى جونىندە تىنباي ىزدەنىس جاساپ كەلەدى ءارى كورنەكتى تابىسقا دا قول جەتكىزدى. جۇڭگو كوممۋنيستىك پارتياسى مەن لاوس حالىقتىق توڭكەرىستىك پارتياسى جۇڭگو - لاوس قاتىناسىنىڭ ەرەكشە ستراتەگيالىق ءمانىن ءتىپتى دە بيىك تۇرعىدان جانە اناعۇرلىم جوعارى دەڭگەيدەن قاراۋى، ءوز مەملەكەتتەرىمىزدىڭ قۇرىلىسى مەن دۇنيە ءجۇزى سوتسياليزمىنىڭ دامۋى ءۇشىن ءداۋىر تالابىنا ۇيلەسەتىن جاڭا قۇلشىنىس جاساۋى جانە جاڭا ۇلەس قوسۋى ءتيىس. ج ك پ ورتالىق كوميتەتىنىڭ جاڭا كەزەكتى باسشىلىق كوللەكتيۆى باس شۋجي بىنياڭ جەتەكشى بولعان لاوس حالىقتىق توڭكەرىستىك پارتياسى ورتالىق كوميتەتىنىڭ باسشىلىق كوللەكتيۆىمەن بىرگە، ەكى جاقتى قاتىناستارعا ساياسي جەتەكشىلىكتى كۇشەيتىپ، «ۇزاق ۋاقىت ورنىقتى بولۋ، تاتۋ كورشى، دوس بولۋ، ءوزارا سەنۋ، جان - جاقتى ىنتىماقتاستىق جاساسۋ» باعىتى جانە «جاقسى كورشى، جاقسى دوس، جاقسى جولداس، جاقسى سەرىك» رۋحى بويىنشا، جۇڭگو مەن لاوستىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىنىڭ ۇزدىكسىز العا دامۋىن ىلگەرىلەتەدى.
شۇنتۇڭ لاوس حالىقتىق توڭكەرىستىك پارتياسى ورتالىق كوميتەتى جانە بىنياڭ اتىنان بىلاي دەدى: ج ك پ 19 - قۇرىلتايىندا جۇڭگوشا سوتسياليزم جاڭا داۋىرگە ءوتتى دەگەن ماڭىزدى ساياسي تۇجىرىم جاسالىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى پارتيانىڭ جەتەكشى يدەياسى بولىپ بەلگىلەندى، لاوس بۇنى جوعارى باعالايدى، ودان تەرەڭ شابىت الادى جانە ودان ۇيرەنۋدى، ونەگە الۋدى ءۇمىت ەتەدى. لاوس حالىقتىق توڭكەرىستىك پارتياسىنىڭ ورتالىق كوميتەتى باس شۋجي شي جينپيڭدى ۇيتقى ەتكەن جۇڭگو كوممۋنيستىك پارتياسىنىڭ جاڭا كەزەكتى باسشىلىق كوللەكتيۆىمەن تىعىز سەلبەسىپ، جاڭا داۋىردەگى لاوس پەن جۇڭگونىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىنىڭ تىڭ بەلەسكە كوتەرىلۋىن بىرگە ىلگەرىلەتۋدى ءۇمىت ەتەدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى كەزدەسۋدە بىرگە بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
