شي جينپيڭ رەسەيدىڭ زۇڭليى مەدۆەدەۆپەن كەزدەستى
2017.11.03 16:27 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - قاراشادا بەيجيڭنەن بەرگەن حابارى. 1 - قاراشادا مەملەكەت ءتوراعاسى شي جينپيڭ دياۋيۇيتايداعى مەملەكەتتىك قوناق سارايىندا رەسەيدىڭ زۇڭليى مەدۆەدەۆپەن كەزدەستى.
شي جينپيڭ مەدۆەدەۆتىڭ ج ك پ 19 - قۇرىلتايى جەڭىسپەن جابىلىسىمەن جۇڭگوعا ساپارلاي كەلگەنىن قارسى الدى، ول مىنالاردى باسا دارىپتەدى: رەسەي جۇڭگونىڭ ەڭ ۇلكەن كورشىسى جانە جان - جاقتى ستراتەگيالىق سەلبەستىك سەرىگى، جۇڭگونىڭ جۇڭگو - رەسەي قاتىناسىن دامىتۋداعى جانە تەرەڭدەتۋدەگى ايقىن نىساناسى مەن بەرىك بەكىمى وزگەرمەيدى. جۇڭگو جاق رەسەي جاقپەن بىرگە ءار سالاداعى جان - جاقتى سەلبەستىكتى كەڭەيتىپ، حالىقارالىق ىستەردەگى سايكەسۋ مەن سەلبەسۋدى قويۋلاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. جۇڭگو مەن رەسەيدىڭ جان - جاقتى ستراتەگيالىق سەلبەستىك سەرىكتەستىك قاتىناسى جاڭا تۇرعىدان جاڭا ورايلاردى يگەرىپ، جاڭا بەينەسىن ايگىلەپ، جاڭا جەتىستىكتەرگە قول جەتكىزەتىندىگىنە سەنەمىن.
شي جينپيڭ مىنالاردى اتاپ كورسەتتى: جۇڭگو مەن رەسەي زۇڭليلەردىڭ مەرزىمدى ۋاقىتتا كەزدەسۋ مەحانيزمىنىڭ ءبىر تۇتاس جوسپارلاپ سايكەستىرۋ رولىن تولىق ساۋلەلەندىرىپ، ەنەرگيا، جابدىق جاساۋ، اۋىل شارۋاشىلىعى، عارىش سياقتى سالالارداعى ىنتىماقتاستىقتى كۇشەيتىپ، ەكى جاقتىڭ ىنتىماقتاستىعىنداعى عىلىم - تەحنيكالىق جاڭالىق اشۋ مولشەرىن ۇزدىكسىز جوعارىلاتىپ، ءىرى ساندى مالىمەت، زات ينتەرنەتى، زەردەلى قالا سياقتى سيفرلى ەكونوميكا سالالارىن جاڭا ىنتىماقتاستىقتىڭ ارتۋ ءتۇيىنى ەتۋ كەرەك. «ءبىر بەلدەۋ، ءبىر جول» قۇرىلىسىن ەۆروپا - ازيا ەكونوميكالىق وداعىمەن ۇشتاستىرۋدى تىڭعىلىقتى جۇرگىزىپ، تەڭىز جاعالاۋى حالىقارالىق تاسىمال ءدالىزى سياقتى نىسانداردىڭ تياناقتانۋىن ىلگەرىلەتىپ، سولتۇستىك ۇيەك كەمە جولىن اشۋ جانە پايدالانۋ ىنتىماقتاستىعىن بىرگە ورىستەتىپ، «مۇز ۇستىندەگى جىبەك جولىن» تۇلعالاۋ كەرەك. جۇڭگو مەن رەسەيدىڭ وقۋ - اعارتۋ، ساياحات، مەديا سياقتى گۋمانيتارلىق ىنتىماقتاستىعى تىڭ ورلەۋگە كوتەرىلىپ، «ءبىر بەلدەۋ، ءبىر جول» بويىنداعى گۋمانيتارلىق اۋىس - كۇيىس ءوز ەرەكشەلىگىن ايگىلەدى. ەكى جاق مەملەكەت تاقىرىبى جىل قيمىلدارىن كەڭ كولەمدە ۇزدىكسىز جاقسى وتكىزىپ، ەكى ەلدىڭ جەرگىلىكتى ورىندارىنىڭ اۋىس - كۇيىسىن، سەلبەستىگىن جەبەپ، ەكى ەل قاتىناسىنىڭ حالىقتىق نەگىزىن ونان ارى بەكەمدەي ءتۇسۋ كەرەك.
مەدۆەدەۆ رەسەي زۇڭتۇڭى پۋتيننىڭ ءتوراعا شي جينپيڭگە ايتقان ىقىلاستى سالەمىن جانە ىزگى تىلەگىن جەتكىزدى، ج ك پ 19 - قۇرىلتايىنىڭ جەڭىسپەن جابىلعانىن جانە شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ تاعى دا سايلانعاندىعىن قىزۋ قۇتتىقتادى. مەدۆەدەۆ بىلاي دەدى: ج ك پ 19 - قۇرىلتايى جۇڭگونىڭ كەلەشەكتەگى دامۋىنىڭ ايبىندى جوباسىن جاسادى، بۇل جۇڭگو جانە دۇنيە ءجۇزى جونىنەن كەلەلى مانگە يە. رەسەي جاق جاڭا داۋىردەگى جۇڭگوشا سوتسياليزم ىستەرىنىڭ ۇزدىكسىز تابىسقا جەتۋىن شىن جۇرەكتەن تىلەيدى، وسى بارىستا رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قاتىناسى دا، ءسوزسىز، اناعۇرلىم جالپى بەتتىك، ىشكەرىلەي داميتىندىعىنا سەنەمىن. ءتوراعا شي جينپيڭ بيىل شىلدەدە رەسەيدە ءساتتى ساپاردا بولعاننان كەيىن، رەسەي مەن جۇڭگونىڭ ەكونوميكا، ەنەرگيا، قارجى قوسۋ، جاڭالىق اشۋ، گۋمانيتارلىق، ەۆروپا - ازيا ەكونوميكالىق وداعىن «ءبىر بەلدەۋ، ءبىر جول» قۇرىلىسىمەن ۇشتاستىرۋ سياقتى سالالارداعى سەلبەستىكتەرىندە اناعۇرلىم مول، بەلسەندى ىلگەرىلەۋشىلىكتەرگە قول جەتتى. رەسەي بۇعان ءدان ريزا، جۇڭگومەن ءارقايسى سالالارداعى اۋىس - كۇيىستى، ىنتىماقتاستىقتى ونان ارى تەرەڭدەتىپ، حالىقارالىق جانە وڭىرلىك ىستەردەگى پىكىرلەسۋدى، سايكەسۋدى كۇشەيتۋدى قالايدى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى قاتارلىلار كەزدەسۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
