زۇڭليدىڭ بايانداماسىنداعى 20 ءتۇرلى تارتۋ، تەزدەن تاپسىرىپ الىڭىز!
جاي چياۋحۇڭ
2018.03.06 14:23 كەلۋ قاينارى : حالىق تورابى
بۇگىن (5 – ناۋرىز) تۇستەن بۇرىن ساعات 9دا، مەملەكەتتىك 13 – كەزەكتى حالىق قۇرىلتايى 1 – ءماجىلىسى حالىق قۇرىلتايى سارايىندا اشىلۋ ءماجىلىسىن وتكىزدى، مەملەكەتتىك كەڭەس زۇڭليى لي كىچياڭ ۇكىمەت قىزمەتىنەن بايانداما جاسادى.
لي كىچياڭ 2018 – جىلعى ۇكىمەت قىزمەتى جونىندە ۇسىنىستاردى ورتاعا قويدى. مۇندا كوپتەگەن «تارتۋ» قامتىلعان! حالىق تورابى سىزگە جيناقتاپ كورسەتەدى!
1. تور اعىمى اقىسى بيىل كەمىندە %30 ارزاندايدى
عالامتوردىڭ قارقىنىن تەزدەتىپ، اقىسىن تومەندەتۋ پارمەنى كۇشەيتىلەدى، تەز قارقىندى كەڭ جولاقتى بايلانىستىڭ قالا – اۋىلداردى تولىق قامتۋى ىسكە اسىرىلادى، الەۋمەتتىك ورىندارداعى عالامتورعا تەگىن شىعۋ كولەمى كەڭەيتىلەدى، وتباسىلىق كەڭ جولاقتى تور اقىسى، كاسىپورىندارداعى كەڭ جولاقتى تور اقىسى جانە ارناۋلى جەلىدەن پايدالانۋ اقىسى كورنەكتى تومەندەتىلەدى، تور اعىمىنىڭ رايون اتتاۋ اقىسى كۇشىنەن قالدىرىلادى، جىلجىمالى عالامتوردىڭ تور اعىمى اقىسى بيىل كەمىندە %30 تومەندەتىلەدى.
2. جەكەلىك تابىس باجىسىنىڭ باستالۋ ءتۇيىنى جوعارىلاتىلادى
جەكەلىك تابىس باجىسىنىڭ باستالۋ ءتۇيىنى جوعارىلاتىلادى، پەرزەنت تاربيەسى، سالماقتى ناۋقاستى ەمدەۋ جاعىنداعى ارناۋلى قاراجاتتاردى ءبولۋدى ارتتىرىپ، اۋىرتپالىق ۇيلەسىمدى جەڭىلدەتىلەدى، حالىق بۇقاراسىن ەڭبەك ارقىلى كىرىسىن ارتتىرۋعا، اۋقاتتانۋعا قادام تاستاۋعا شابىتتاندىرادى.
3. مەملەكەت مەنشىگىندەگى ءتۇيىندى ساياحات ورىندارىنىڭ بەلەت باعاسى ارزانداتىلادى
تۇتاس سالالىق ساياحات جاعىنداعى ۇلگىلىك رايوندار قۇرىلىپ، مەملەكەت مەنشىگىندەگى ءتۇيىندى ساياحات ورىندارىنىڭ بەلەت باعاسى ارزانداتىلادى.
4. جاڭا ەنەرگيالى اۆتوكولىك ساتىپ الۋ باجىسى جاعىندا تيىمدىلىك جاساۋ ساياساتى تاعى دا ءۇش جىلعا ۇزارتىلادى
جاڭا ەنەرگيالى اۆتوكولىك ساتىپ الۋ باجىسى جاعىنداعى تيىمدىلىك ساياساتى تاعى دا ءۇش جىلعا ۇزارتىلادى، وتكەرمە اۆتوكولىكتى جوتكەۋگە شەكتەمە قويۋ ساياساتى جاپپاي كۇشىنەن قالدىرىلادى.
5. اۆتوكولىك پەن كۇندەلىكتى تۇتىنۋ بۇيىمدارىن يمپورت ەتۋدەگى كەدەن باجىسى تومەندەتىلەدى
يمپورت ەتۋدى بەلسەندى كەڭەيتىپ، تۇڭعىش كەزەكتى جۇڭگو حالىقارالىق يمپورت كورمەسى ويداعىداي وتكىزىلەدى، اۆتوكولىك پەن كۇندەلىكتى تۇتىنۋ بۇيىمدارى سىندى تاۋارلاردان الىناتىن كەدەن باجىسى ازايتىلادى.
6. عىلمي زەرتتەۋ قىزمەتكەرلەرىنە يكەمدى ەڭبەكاقى ءتۇزىمى مەن سيلاۋ شارالارى اتقارىلادى
جاسامپاز ۇجىمدار مەن كوشباسشى دارىندىلارعا اناعۇرلىم مول قازىنا – مۇلىكتى مەڭگەرۋ ۇقىعى جانە تەحنيكالىق جولدى تاڭداۋ ۇقىعى بەرىلەدى. عىلىم – تەحنيكالىق قامال الۋ سيپاتىندىق كەلەلى مىندەتتەرگە جاۋاپتى بولعان عىلمي زەرتتەۋ قىزمەتكەرلەرىنە يكەمدى ەڭبەكاقى ءتۇزىمى مەن سيلاۋ شارالارى اتقارىلادى. عىلمي زەرتتەۋ قىزمەتكەرلەرىنىڭ عىلىم – تەحنيكا جەتىستىكتەرىنە يەلىك ۇقىعى مەن ۇزاق مەرزىمدىك پايدالانۋ ۇقىعىن بەرۋ جاعىندا ىزدەنىس جاسالادى.
7. كاسىپورىنداردىڭ تەحنيكا قىزمەتكەرلەرىنىڭ ەڭبەكاقىسىن جوعارىلاتۋىنا قولداۋ كورسەتىلەدى
دارىندىلاردى جەتىلدىرۋ تۇزىلىسىنە ىشكەرىلەي رەفورما جاساپ، ەڭبەككۇش بايلىعىنىڭ ەركىن اينالىمعا ءتۇسۋى ىلگەرىلەتىلەدى، كاسىپورىنداردىڭ تەحنيكا قىزمەتكەرلەرىنىڭ ەڭبەكاقىسىن جوعارىلاتۋىنا قولداۋ كورسەتىلەدى، جوعارى تەحنيكالىق ونەرگە يە دارىندىلاردى شابىتتاندىرۋ كۇشەيتىلىپ، شەتەلدەن وقىعانداردىڭ ەلىمىزگە قايتىپ جاڭالىق جاراتۋىنا جانە كاسىپ كوزىن اشۋىنا دەم بەرىلەدى، شەتەلدىك دارىندىلاردىڭ جۇڭگوعا كەلەتىن جاسىل ءدالىزى كەڭەيتىلەدى.
8. بۇقارا ءىس بىتىرگەندە «ەڭ كوپ بولعاندا ءبىر رەت باراتىن» بولادى
«ينتەرنەت + ۇكىمەت ىستەرى قىزمەتى» ىشكەرىلەي ىلگەرىلەتىلىپ، اناعۇرلىم كوپتەگەن ىستەردى عالامتوردا ءبىتىرۋ ىسكە اسىرىلادى، ءسوزسىز ءوزى بارىپ ءبىتىرۋ كەرەك بولاتىن ىستەردى دە «ءبىر ورىننان ءبىتىرۋ»، «ەڭ كوپ بولعاندا ءبىر رەت بارۋ» ىسكە اسىرىلادى.
امبەباپ زاڭ اتقارۋ قۇرىلىمدارىنىڭ مەحانيزمدىك رەفورماسى كۇش سالا ىلگەرىلەتىلەدى، كوپ تاراپتى، كوپ ساتىلى قايتالاي زاڭ اتقارۋ ماسەلەسى كۇش سالا شەشىلەدى. ۇكىمەت ينفورماتسيالارى جۇيەسىن ءوزارا بايلانىستىرۋ – توعىستىرۋ تەزدەتىلىپ، ينفورماتسيالىق وقشاۋ ارالدار تۇتاستىرىلادى. بۇقارا مەن كاسىپورىنداردىڭ ءىس بىتىرۋىنە قاجەتتى ءتۇرلى ىسپاتتار اداقتالىپ، زاڭ – تۇزىمدىك نەگىزى جوقتارى بۇكىلدەي كۇشىنەن قالدىرىلادى.
9. كاسىپورىنداردىڭ باجىلىق اۋىرتپالىعى اناعۇرلىم جەڭىلدەتىلەدى
جاساۋ كاسىبى، قاتىناس – تاسىمال كاسىبى سىندى سالالاردا باجى مولشەرى ءتۇيىندى تۇردە تومەندەتىلەدى، شاعىن كولەمدەگى باجى تاپسىرۋشىلاردىڭ جىلدىق ساتىلىم سوماسى ولشەمى جوعارىلاتىلادى. تابىس باجىسىن جارىمىنا كەمەيتۋ سىندى تيىمدىلىك ساياساتىنان يگىلىكتەنەتىن شاعىن – ميكرو كاسىپورىنداردىڭ كولەمى كەڭەيتىلەدى. كاسىپورىنداردىڭ جاڭادان ساتىپ العان اسپاپتارى مەن جابدىقتارىنا باجىدان بۇرىن تارتىپ قالۋ جوعارعى شەگى زور مولشەردە جوعارىلاتىلادى. كاسىپورىنداردىڭ شەتەلدەگى تابىسىنا امبەباپ دولايلاستىرۋ ساياساتى اتقارىلادى. زات اينالىمى كاسىپورىندارىنىڭ ساقتاۋعا پايدالاناتىن جەرىنە باجى الۋدا تيىمدىلىك جاساۋ كولەمى كەڭەيتىلەدى. كاسىپورىنداردى قايتادان جاساقتاۋداعى جەرگە بايلانىستى ارتقان قۇن باجىسى، توقتام باجىسى قاتارلىلارعا ۋاقىتى جەتكەندە تيىمدىلىك جاساۋ ساياساتى ۇزدىكسىز اتقارىلادى. جىل بويىنشا كاسىپورىنداردان جانە جەكەلەردەن 800 ميلليارد يۋان باجى از الىنادى.
10. كاسىپورىنداردىڭ باجىعا جاتپايتىن اۋىرتپالىعى زور مولشەردە تومەندەتىلەدى
اكىمشىلىك ىستەر سيپاتىندىق اقى الۋ تۇرلەرى ىشكەرىلەي اداقتالادى جانە وعان رەتتەۋ جۇرگىزىلەدى، ءىشىنارا ۇكىمەت سيپاتىندىق اقى الۋ ولشەمى تومەندەتىلەدى. كاسىپورىنداردىڭ «بەس قامسىزداندىرۋ، ءبىر قورعا» قاراجات تاپسىرۋ سالىستىرماسى كەزەڭ بويىنشا ۇزدىكسىز تومەندەتىلەدى. ەلەكتر تورابىندا ءتۇيىن بويىنشا اقى الۋ مەن جەتكىزىلەتىن توك باعاسى تومەندەتىلەدى، جاي ونەركاسىپ – ساۋدا سالاسىنداعى توك باعاسى %10 تومەندەتىلەدى. اقىلى تاس جولداردا تۇزىمدىك رەفورما تەرەڭدەتىلەدى، جولدان، كوپىردەن ءوتۋ اقىسى تومەندەتىلەدى.
11. جاي جاساۋ كاسىبى جاپپاي ەركىنە قويا بەرىلەدى
جاي جاساۋ كاسىبى جاپپاي ەركىنە قويا بەرىلەدى، تەلەگراف، دەنساۋلىق ساقتاۋ، وقۋ – اعارتۋ، زەينەتكەرلىك، جاڭا ەنەرگيالى اۆتوكولىك سىندى سالالاردا ەسىكتى اشىق ۇستاۋ ساياساتى اتقارىلادى. بانكە كارتوچكاسىن اداقتاۋ سىندى نارىق سالالارىندا ەسىكتى اشىق ۇستاۋ تارتىپپەن جۇرگىزىلەدى، شەتەل قارجىسىندىق قامسىزداندىرۋمەن شۇعىلداناتىن سەرىكتەستىكتەردىڭ تيجارات كولەمىنە قويىلاتىن شەكتەۋ الىنىپ تاستالادى، بانكە، قۇندى قاعاز، قور باسقارۋ، مەرزىمدىك بۇيىم، فينانستىق مال – مۇلىكتى باسقارۋ سەرىكتەستىگى سىندى سالالارداعى شەتەل قارجىسىنىڭ سالىستىرماسىنا قويىلاتىن شەكتەۋ ازايتىلادى نەمەسە كۇشىنەن قالدىرىلادى، جۇڭگو – شەتەل قارجىسىنداعى بانكەلەردىڭ نارىققا كىرۋىنە بىردەي ولشەم قولدانىلادى.
12. بيىل اۋىل – قىستاقتارداعى كەدەي جان سانىنان تاعى دا 10 ميلليوننان استام ادام كەدەيلىكتەن ارىلتىلادى
بيىل اۋىل – قىستاقتارداعى كەدەي جان سانىنان تاعى دا 10 ميلليوننان استام ادام كەدەيلىكتەن ارىلتىلادى، سىرت جەرگە كوشىرۋ ارقىلى كەدەيلەردى سۇيەمەلدەۋ بويىنشا 2 ميلليون 800 مىڭ ادامدى كوشىرۋ مىندەتى ورىندالادى.
80 ميلليون مۋدان استام جوعارى ولشەمدى ەگىس اتىزى جاڭادان ارتتىرىلادى، سۋدى ءونىمدى ۇنەمدەۋ تاسىلىمەن سۋارۋ كولەمى 20 ميلليون مۋ ارتتىرىلادى.
ەكىنشى كەزەڭدىك جەردى كوتەرەگە بەرۋ ۋاقىتى جەتكەننەن كەيىن تاعى دا 30 جىلعا ۇزارتۋ ساياساتى اتقارىلادى. تۇرعىن ۇيلىك جەرگە مەنشىك ۇقىعى، تولىمدىلىق ۇقىعى، پايدالانۋ ۇقىعىن ءبولۋ رەفورماسى جاعىندا ىزدەنىس جاسالادى. ەگىستىك جەردى يەلەۋ مەن تولىقتاپ بەرۋدى تەڭگەرىمدى باسقارۋ ءادىسى جاقسارتىلادى، جاڭادان ارتاتىن ەگىستىك جەر كورسەتكىشى، قالا – اۋىل قۇرىلىسىنا پايدالاناتىن جەردى ارتتىرۋ – ازايتۋدى اسىپ قالعان كورسەتكىشپەن بايلانىستىرۋ ءىسىن ولكە – ءوڭىر اتتاپ رەتتەۋ مەحانيزمى قۇرىلادى، تاپقان كىرىس تۇگەلدەي كەدەيلىكتەن ارىلتۋدا قامال الۋ مەن اۋىل – قىستاقتى كوركەيتۋگە قولداۋ كورسەتۋگە پايدالانىلادى.
13. اۋىل – قىستاق تۇرعىندارىنىڭ قونىستانۋ ورتاسى رەتكە سالىنىپ، «دارەتحانا توڭكەرىسى» ىلگەرىلەتىلەدى
سۋمەن، توكپەن، ينفورماتسيامەن قامداۋ نەگىزدىك قۇرىلعىلارى جاقسارتىلىپ، اۋىل – قىستاقتاردا 200 مىڭ كيلومەتر تاس جول جاڭادان سالىنادى نەمەسە وزگەرتىلىپ سالىنادى. اۋىل – قىستاق تۇرعىندارىنىڭ قونىستانۋ ورتاسىن رەتكە سالۋدىڭ ءۇش جىلدىق ارەكەت جوسپارى ورنىقتى ورىستەتىلەدى، «دارەتحانا توڭكەرىسى» ىلگەرىلەتىلەدى. اۋىل – قىستاقتارداعى كونەرگەن سالت – سانالاردى وزگەرتۋ ىلگەرىلەتىلەدى. ءوزىن ءوزى باسقارۋ، زاڭمەن باسقارۋ، مورالمەن باسقارۋ ۇشتاستىرىلعان اۋىل – قىستاقتى رەتكە سالۋ جۇيەسى كەمەلدەندىرىلەدى.
14. بيىل تاعى 13 ميلليون ادامنىڭ نوپوسى قالاعا كىرگىزىلەدى
بيىل تاعى 13 ميلليون ادامنىڭ نوپوسى قالا نوپوسىنا كىرگىزىلەدى، اۋىل – قىستاقتان ويىسقان جان سانىنىڭ قالا تۇرعىنىنا اينالۋى جەدەلدەتىلەدى. الەۋمەتتىك قاتىناس الدىمەن دامىتىلىپ، كوكونىس بازارى، كولىك توقتاتۋ الاڭى سىندى حالىققا قولايلى قىزمەت كورسەتۋ قۇرىلعىلارى كەمەلدەندىرىلەدى. «قالا ورتاسىنداعى قىستاقتاردى»، كونە الەۋمەتتىك رايونداردى وزگەرتۋ تارتىپپەن ىلگەرىلەتىلەدى، سايكەستى قۇرىلعىلار كەمەلدەندىرىلىپ، شارت – جاعدايى كەلەتىندەرى ليفت ورناتۋعا شابىتتاندىرىلادى. ىركىلگەن سۋدى سارقۋ قۇبىر تورابى، جەر استىنداعى امبەباپ قۇبىر ءدالىزى سىندى قۇرىلعىلاردى سالۋ كۇشەيتىلەدى.
15. ورتا – باستاۋىش مەكتەپ وقۋشىلارىنىڭ ساباقتان سىرتقى اۋىرتپالىعى ماسەلەسى كۇش سالا شەشىلەدى
ءادىل دە ساپالى وقۋ – اعارتۋ دامىتىلادى. اۋىل – قىستاقتارداعى مىندەتتى وقۋ – اعارتۋدى ءبىر تۇلعالاندىرا دامىتۋ ىلگەرىلەتىلەدى، وقۋ – اعارتۋعا بەرىلەتىن قوسىلىم قيىنشىلىعى بار وڭىرلەر مەن ءالسىز تۇيىندەرگە بەيىمدەلەدى. اۋىل – قىستاق وقۋشىلارىنىڭ وقۋدان قول ءۇزۋ مولشەرى شىنايى تومەندەتىلىپ، قالا – قالاشىقتارداعى «ۇلكەن كلاسقا سان بەرۋدى» جويۋ جەدەلدەتىلەدى، ورتا – باستاۋىش مەكتەپ وقۋشىلارىنىڭ ساباقتان سىرتقى اۋىرتپالىعى ماسەلەسى كۇش سالا شەشىلەدى. اۋىل – قىستاق پەن كەدەي رايونداردان ارناۋلى تۇردە وقۋشى قابىلداۋ جوسپارى ۇزدىكسىز اتقارىلادى.
16. وقۋعا ءتۇسۋ الدىنداعى تاربيە سالاسىنا ارنالعان بايلىق قاينارى الۋان ءتۇرلى جولدارمەن ارتتىرىلادى
الەۋمەتتىك كۇشتەردىڭ دەنساۋلىق ساقتاۋ، زەينەتكەرلىك، وقۋ – اعارتۋ، مادەنيەت، سپورت سىندى قىزمەت وتەۋ جاقتارىنا قوسىلىمدى ارتتىرۋىنا قولداۋ كورسەتىلەدى.
وقۋعا ءتۇسۋ الدىنداعى تاربيە سالاسىنا ارنالعان بايلىق قاينارى الۋان ءتۇرلى جولدارمەن ارتتىرىلادى، ينتەرنەت سىندى ينفورماتسيا تاسىلدەرىنەن پايدالانىپ، بالالاردى باقشاعا بەرۋدىڭ تۇتاس بارىسىن باقىلاۋ – باسقارۋ كۇشەيتىلەدى، اتا – انالار ءسوزسىز الاڭسىز بولاتىن بولادى.
17. تۇرعىنداردىڭ نەگىزدىك ەمدەلۋ قامسىزداندىرۋىنا بەرىلەتىن قازىنالىق كومەك قاراجاتىنىڭ كىسى باسىنا تۋرا كەلەتىن ولشەمى 40 يۋان ارتتىرىلادى
اقاۋسىز جۇڭگو ستراتەگياسى جولعا قويىلادى. نەگىزدىك ەمدەۋ قامسىزداندىرۋى مەن سالماقتى ناۋقاستى قامسىزداندىرۋدى قامتاماسىزداندىرۋ ورەسى جوعارىلاتىلادى، تۇرعىنداردىڭ نەگىزدىك ەمدەلۋ قامسىزداندىرىلۋىنا بەرىلەتىن قازىنالىق كومەك قاراجاتىنىڭ كىسى باسىنا تۋرا كەلەتىن ولشەمى 40 يۋان جوعارىلاتىلادى، جارىمى سالماقتى ناۋقاس قامسىزداندىرۋىنا پايدالانىلادى. ولكە اتتاپ سىرت جەردە ەمدەلۋدە تىكەلەي ەسەپ جابۋ كولەمى كەڭەيتىلەدى، نەگىزگى ساتىداعى ەمحانالار مەن سىرتقا كەتكەن ديحان جۇمىسكەرلەر، سىرتتان كەلىپ كاسىپتەنگەندەر تۇگەلدەي قامتىلادى.
18. سىرت جەرلەردەن كەلگەن جۇمىسكەرلەر الەۋمەتتىك مايعا بەرىلەتىن قامتاماسىزداندىرۋ سيپاتىندىق ۇيدەن يگىلىكتەنەتىندەر كولەمىنە ەنگىزىلەدى
لاشىقتىلار رايونىن وزگەرتىپ سالۋدا قامال الۋدىڭ جاڭا كەزەكتى ءۇش جىلدىق جوسپارى ىسكە قوسىلادى، بيىل 5 ميلليون 800 مىڭ ءۇيدىڭ قۇرىلىسى باستالادى. الەۋمەتتىك مايعا بەرىلەتىن ۇيمەن قامتاماسىزداندىرۋ پارمەنى ارتتىرىلادى، كىرىسى تومەن باسپانا جاعىندا قيىنشىلىعى بار وتباسىلار بارىنشا قامتاماسىزداندىرىلادى، شارتقا ۇيلەسەتىن جاڭادان كاسىپتەنگەن ءۇيى جوق قىزمەتكەرلەر مەن سىرتتان كەلگەن جۇمىسكەرلەر قامتاماسىزداندىرۋ كولەمىنە ەنگىزىلەدى. تۇرعىنداردىڭ ءوز كۇشىنە سۇيەنىپ ءۇي الۋىنا قولداۋ كورسەتىلەدى، تۇرعىن ءۇيدى مايعا بەرۋ نارىعى جەتىلدىرىلەدى، ورتاق مەنشىكتەگى تۇرعىن ۇيلەر كوبەيتىلەدى.
19. قالا – اۋىلداعى ەڭ تومەنگى تۇرمىس دەڭگەيىن قامتاماسىزداندىرۋ، الەۋمەتتىك كومەك بەرۋ ، قامقورلىق جاساۋ ولشەمى جوعارىلاتىلادى
قالا – اۋىلداعى ەڭ تومەنگى تۇرمىس دەڭگەيىن قامتاماسىزداندىرۋ، الەۋمەتتىك كومەك بەرۋ، قامقورلىق جاساۋ ولشەمى ورنىقتى تۇردە جوعارىلاتىلادى. جان سانىنىڭ قارتتانۋىنا بەلسەندىلىكپەن شارت-جاعداي جاراتىپ، قارتتاردى كۇتىمدەۋدىڭ وتباسىنداعى، الەۋمەتتىك اۋماقتاعى جانە ءوزارا كومەكتەسۋ فورماسىنداعى زەينەتكەرلىگى دامىتىلادى، ەمدەۋ مەن كۇتىنۋدى ۇشتاستىرۋ ىلگەرىلەتىلىپ، قارتتار ءۇيىنىڭ قىزمەت وتەۋ ساپاسى جاقسارتىلادى. اسكەرلەر مەن قۇرباندار شاڭىراعىنا قامقورلىق جاساۋ قىزمەتى ويداعىداي ىستەلەدى. مۇگەدەكتەردىڭ ساقايۋىنا قىزمەت ەتۋ كۇشەيتىلەدى. الەۋمەتتىك قامقورلىق جۇيەسى كەمەلدەندىرىلىپ، الەۋمەتتىك يگىلىك سيپاتىنداعى مەيىر – ساحابات ىستەرى دامىتىلادى.
20. ءتۇيىندى وڭىرلەردە اۋاداعى PM2.5 قويۋلىعى ۇزدىكسىز تومەندەتىلەدى
كوك اسپاندى قورعاۋ شايقاسىنىڭ جەڭىسى بەكەمدەلەدى، بيىل كۇكىرت قوس توتىعى، ازوت – وتتەگى قوسىندىلارىنىڭ ىعىستىرىلۋ مولشەرى %3 تومەندەتىلەدى، ءتۇيىندى وڭىرلەردە ۇساق شاڭ – توزاڭداردىڭ (PM2.5) قويۋلىعى ۇزدىكسىز تومەندەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
