سىرتقى ىستەر مينيسترلىگىنىڭ مالىمدەمەشىسى: پۋتيننىڭ جۇڭگوعا ساپارلاي كەلۋى جۇڭگو مەن رەسەي قارىم - قاتىناسىنىڭ دامۋىنا تىڭ قوزعاۋشى كۇش قوسادى
2018.06.06 13:55 كەلۋ قاينارى : حالىق تورابى
شينحۋا اگەنتتىگىنىڭ 5 – ماۋسىم، بەيجيڭ (يان زىمين) سىرتقى ىستەر مينيسترلىگىنىڭ مالىمدەمەشىسى حۋا چۇنيڭنىڭ 5 - ماۋسىمدا ايتۋىنشا، رەسەي پرەزيدەنتى پۋتين شاڭحاي سەلبەستىك ۇيىمىنىڭ چيڭداۋداعى سامميتىنە قاتىناسۋ ورايىنا ۇشتاستىرا وتىرىپ، جۇڭگودا مەملەكەت ىسىمەن ساپاردا بولادى، بۇل جۇڭگو مەن رەسەيدىڭ جان - جاقتىلى ستراتەگيالىق سەلبەستىك - سەرىكتەستىك قارىم - قاتىناسىنىڭ دامۋىنا تىڭ دا تەبىندى قوزعاۋشى كۇش سيلايتىن بولادى.
سول كۇنى وتكىزىلگەن كەزەكتى تىلشىلەردى قابىلداۋ جيىنىندا، حۋا چۇنيڭ بىلاي دەدى: پرەزيدەنت پۋتيننىڭ بۇل رەتكى ساپارى ول جاڭا كەزەكتى پرەزيدەنت بولىپ سايلانعاننان كەيىنگى جۇڭگوعا تۇڭعىش رەت مەملەكەت ىسىمەن ساپارلاي كەلۋى، سونىمەن بىرگە، ەكى ەل باسشىلارىنىڭ بيىلعى تۇڭعىش رەت كەڭەس وتكىزۋى بولىپ، بۇل كەزدەسۋ جۇڭگو مەن رەسەي قارىم – قاتىناسىن دامىتۋدى جوسپارلاۋ مەن ەكى ەلدىڭ ءتۇرلى سالالارداعى سەلبەستىگىن ىلگەرىلەتۋدە ماڭىزدى ءمان الادى.
حۋا چۇنيڭ بىلاي دەدى: ءتوراعا شي جينپيڭ پرەزيدەنت پۋتيننىڭ بۇل جولعى ساپارىندا ونىمەن شاعىن جانە كەڭەيتىلگەن كولەمدە كەڭەس وتكىزەدى، ەكەۋى بىرگە اقپارات قۇرالدارىنىڭ تىلشىلەرىن قابىلدايدى، قول قويۋ سالتى مەن قارسى الۋ قوناعاسى قاتارلى قيمىلدارعا قاتىناسادى، جۇڭگو مەن رەسەيدىڭ قارىم - قاتىناسى، ءتۇيىندى سالالارداعى سەلبەستىك جانە ەكى جاق تا كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر الماستىرادى.
داعدى بويىنشا، ەكى جاق ماڭىزدى ساياسي قۇجاتتاردى جاريالايدى، ءتۇرلى سالالارداعى ءبىرقىدىرۋ سەلبەستىك كەلىسىمدەرىنە قول قويادى. مەملەكەت ىسىمەن ساپارلاي كەلۋدەگى رەسمي قيمىلداردان سىرت، پرەزيدەنت پۋتيننىڭ ساپارى بارىسىندا كوپتەگەن جاڭالىقتار بولادى، مىسالى، ەكى ەل باسشىلارى جۇڭگو مەن رەسەي اراسىنداعى قاتىستى گۋمانيتارلىق قيمىلدارعا قاتىناسىپ، اناعۇرلىم تىنىستى ورتادا دوستىق تۇرعىدان ىشكەرىلەي پىكىر ورتاقتاستىرادى.
حۋا چۇنيڭ بىلاي دەدى: ەكى جاقتىڭ ورتاق قۇلشىنۋىنىڭ ارقاسىندا، پرەزيدەنت پۋتيننىڭ بۇل رەتكى ساپارىنىڭ ءساتتى بولىپ، مول تابىستارعا قول جەتكىزىپ، جۇڭگو مەن رەسەيدىڭ جان - جاقتىلى ستراتەگيالىق سەلبەستىك - سەرىكتەستىك قارىم -قاتىناسىن دامىتۋعا تىڭ دا تەبىندى قوزعاۋشى كۇش قوساتىنىنا سەنىمىمىز كامىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
