سۇن چۇنلان: جوعارى مەكتەپتەرگە ورلەپ وقۋ ەمتيحانىنىڭ حاۋىپسىز، ورنىقتى بولۋىنا كەپىلدىك ەتىپ، ادىلدىكتى قورعاۋ كەرەك
2018.06.06 16:16 كەلۋ قاينارى : حالىق تورابى
شينحۋا اگەنتتىگى، 5 – ماۋسىم، بەيجيڭ. جوعارى مەكتەپتەرگە ورلەپ وقۋ ەمتيحانى قارساڭىندا ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان وقۋ – اعارتۋ مينيسترلىگىنىڭ ەمتيحان ورتالىعىنا بارىپ 2018 – جىلعى جوعارى مەكتەپتەرگە ورلەپ وقۋ ەمتيحانىنىڭ ازىرلىك قىزمەتىن تەكسەردى، مەملەكەتتىك وقۋ – اعارتۋ، ەمتيحان ىستەرىنە قولباسشىلىق ەتۋ جۇيەسى ارقىلى قاتىستى جەرلەردىڭ ەمتيحان الاڭى، ەمتيحان قاعازىن ساقتاۋ جانە ءبولىپ تاراتۋ ورنى سياقتى جاعدايلاردى ۇعىستى، ەمتيحاننىڭ كەزەكشى قىزمەتكەرلەرىمەن امانداستى ءارى بۇكىل ەلدەگى ەمتيحاننىڭ ءبىرىنشى شەبىندەگى وقىتۋشى، وقۋشىلارعا ىقىلاستى سالەم جولدادى، ەمتيحانعا قىزمەت وتەپ، قامتاماسىزداندىرۋ ىستەرىن ىستەپ وتىرعان ءارقايسى جاققا راقىمەت ايتتى.
سۇن چۇنلان بىلاي دەدى: جوعارى مەكتەپتەرگە ورلەپ وقۋ ەمتيحانى − وقۋ – اعارتۋدىڭ، ءتىپتى قوعامنىڭ ادىلدىگىن ىسكە اسىرۋداعى ماڭىزدى ءتۇزىم، وعان مەملەكەت ءۇشىن ادام تاڭداۋ، ادام تاربيەلەۋ اۋىر مىندەتى جۇكتەلگەن. پارتيا ورتالىق كوميتەتى جوعارى مەكتەپتەرگە ورلەپ وقۋ ەمتيحانىنا ايرىقشا ءمان بەرۋدە، باس شۋجي شي جينپيڭ: ەمتيحان جانە وقۋشى قابىلداۋ ءتۇزىم رەفورماسىن ىشكەرىلەي جۇرگىزىپ، جوعارى مەكتەپتەرگە ورلەپ وقۋدىڭ مەملەكەتتىك ءبىر تۇتاس ەمتيحانىنىڭ دارىندىلاردى تاڭداپ تاربيەلەۋدەگى وزەكتى ورنىن قورعاۋ جانە نىعايتۋ كەرەك − دەپ دارىپتەگەن بولاتىن. ءار دارەجەلى پارتكوم، ۇكىمەت باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات تياناقتاندىرىپ، جوعارى مەكتەپكە وقۋشى قابىلداۋدىڭ جۇڭگوشا ءتۇزىمىن ورناتىپ، ورلەپ وقۋ ەمتيحانىنىڭ وقۋشىلاردىڭ جەتىلۋىن جەبەۋ، مەملەكەتكە دارىندى تاڭداۋ، قوعامدىق ادىلدىك جاقتارىنداعى ماڭىزدى رولىن تولىق ساۋلەلەندىرۋى كەرەك.
سۇن چۇنلان بىلاي دەدى: جوعارى مەكتەپتەرگە ورلەپ وقۋ ەمتيحانىنىڭ حاۋىپسىز، ورنىقتى بولۋىنا كەپىلدىك ەتۋ − ءار دارەجەلى پارتكوم، ۇكىمەتتىڭ كەلەلى ساياسي مىندەتى. جەر – جەر، قاتىستى تاراۋلار مۇقيات ۇيىمداستىرىپ، شارانى اشالاپ، ورلەپ وقۋ ەمتيحانىنىڭ حاۋىپسىز، ءساتتى جۇرگىزىلۋىنە كەپىلدىك ەتۋى كەرەك. ەمتيحان حاۋىپسىزدىگى ساقتىق سىزىعىن بەكەمدەپ، ەمتيحان سۇراۋلارىنىڭ، ەمتيحان قاعازىنىڭ حاۋىپسىزدىگىنە جانە ەمتيحان الاڭىنىڭ حاۋىپسىزدىگىنە كەپىلدىك ەتۋ، ەمتيحان ستيلىن، ەمتيحان ءتارتىبىن قاتاڭ تياناقتاندىرۋ، جوعارى عىلىم – تەحنيكادان پايدالانىپ قارالىق ىستەۋ، توپتىق قارالىق ىستەۋ سياقتى قىلمىستىق ارەكەتتەرگە قاتاڭ سوققى بەرۋ كەرەك. بۇل − ورلەپ وقۋ ەمتيحانىن ۇيىمداستىرۋ قىزمەتىندەگى تومەنگى تالاپ، ونىڭ مۇلتىكسىز بولۋىنا كەپىلدىك ەتۋ كەرەك. سونىمەن بىرگە، قاتىناس، اماندىق باسقارۋ، اۋرۋدان ساقتانۋ، ىستىقتان، سۋىقتان ساقتانۋ جاقتارىندا قىزمەت وتەۋدى ساپالىلاندىرۋ، جالپىلىق قامتاماسىزداندىرۋدى نىعايتۋ، جايلى ەمتيحان ورتاسىن ازىرلەۋ كەرەك. ول تاعى ەمتيحان قاعازىن باعالاۋ قىزمەتىن مۇقيات ىستەۋدى، وقۋشى قاىبلداۋ ءتارتىبىن قاتاڭ اتقارۋدى، ينفورماتسيانىڭ جاريالىلىعىن كۇشەيتىپ، قوعامنىڭ باقىلاۋىن قابىلداپ، وقۋشى قابىلداۋ قىزمەتىنىڭ ادىلدىگىنە كەپىلدىك ەتىپ، ەمتيحان تاپسىرعان وقۋشىلاردى، اتا – انالاردى جانە قوعامدى الاڭسىز ەتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
