شي جينپيڭ راماپوسا پرەزيدەنت وتكىزگەن قارسى الۋ جانە جۇڭگو مەن وڭتۇستىك افريكانىڭ ديپلوماتيالىق قاتىناس ورناتقانىنىڭ 20 جىلدىعىن قۇتتىقتاۋ كەشكى قوناعاسىنا قاتىناستى
2018.07.26 15:44 كەلۋ قاينارى : حالىق تورابى
«حالىق گازەتى»، 25 – شىلدە، پرەتوريا (تىلشىلەر دۋ شاڭزى، حۋ زىشي، لي ي - دا). مەملەكەت ءتوراعاسى شي جينپيڭ 24 - شىلدەدە پرەتوريادا وڭتۇستىك افريكانىڭ پرەزيدەنتى راماپوسانىڭ ءتوراعا شي جينپيڭنىڭ وڭتۇستىك افريكادا مەملەكەتتىك ساپاردا بولۋىن قارسى الۋ جانە جۇڭگو مەن وڭتۇستىك افريكانىڭ ديپلوماتيالىق قاتىناس ورناتقانىنىڭ 20 جىلدىعىن قۇتتىقتاۋ بايلانىسىمەن وتكىزگەن كەشكى قوناعاسىعا قاتىناستى.
شي جينپيڭ مەن پىڭ لييۋان پرەزيدەنت قوناق ۇيىنە كەلگەندە، راماپوسا پرەزيدەنت مەن ونىڭ حانىمى موتسەپە ىستىق ىقىلاسپەن قارسى الدى. ەكى ەلدىڭ مەملەكەت باسشىلارى مەن ولاردىڭ حانىمدارى ىقىلاسپەن قول الىسىپ، اماندىق سۇراستى.
سول جەر ۋاقىتى بويىنشا كەشكى 7 ساعات 10 مينۋت مولشەرىندە شي جينپيڭ مەن پىڭ لييۋان راماپوسا ەرلى - زايىپتىلارمەن بىرگە قوناعاسى زالىنا كىردى. وركەستر جۇڭگو مەن وڭتۇستىك افريكانىڭ مەملەكەت اندەرىن ورىندادى.
شي جينپيڭ ارناۋ ءسوز سويلەپ، جۇڭگو مەن وڭتۇستىك افريكانىڭ ديپلوماتيالىق قاتىناس ورناتقانىنىڭ 20 جىلدىعىن قىزۋ قۇتتىقتاپ، ۇزاق مەزگىلدەن بەرى جۇڭگو مەن وڭتۇستىك افريكانىڭ دوستىعىنا ۇلەس قوسىپ كەلگەن ءار سالا قايراتكەرلەرىنە وسكەلەڭ قۇرمەت ءبىلدىردى جانە شىن جۇرەكتەن العىس ايتتى. شي جينپيڭ مىنالاردى اتاپ كورسەتتى: جۇڭگو مەن وڭتۇستىك افريكانىڭ دوستىق ىستەرى ەكى ەلدىڭ اعا بۋىن باسشىلارىنىڭ كوڭىل ءبولۋى مەن باۋلۋىندا ۇزبەي دامىپ، ۇلعايىپ، ەكى ەلدەگى حالىقتاردىڭ دوستىعى ۇزدىكسىز بەكەمدەلىپ، تەرەڭدەدى. 1998 - جىلى 1 - قاڭتاردا جۇڭگو مەن وڭتۇستىك افريكا رەسمي ديپلوماتيالىق قاتىناس ورناتتى. ءسويتىپ، ەكى مەملەكەت قاتىناسىنىڭ جاڭا تاريحي پاراعى اشىلدى. 20 جىلدان بەرى جۇڭگو مەن وڭتۇستىك افريكانىڭ قاتىناسى ماڭىزدى سەكىرىستى ىسكە اسىردى. جۇڭگو مەن وڭتۇستىك افريكا قاتىناسىنىڭ جەدەل دامۋى − جۇڭگو - افريكا سەلبەستىگىنىڭ ۇزبەي تەرەڭدەۋىنىڭ جاندى كورىنىسى، سونداي - اق وركەندەپ كەلە جاتقان ءىرى ەلدەردىڭ ىنتىماقتاسا سەلبەسۋىنىڭ ونەگەسى.
شي جينپيڭ مىنالاردى دارىپتەدى: قىسقا عانا 20 جىلدا جۇڭگو مەن وڭتۇستىك افريكا قاتىناسىندا وسىنشاما قوماقتى تابىستارعا قول جەتۋىنىڭ تەتىگى ەكى جاقتىڭ كومەكتەسۋگە، قۇرمەتتەۋگە، سەنىم ارتۋعا، پايدا جەتكىزۋگە، ءبىرىن - ءبىرى بىلۋگە، ءبىرىن - ءبىرى جاقىن تارتۋعا، ءبىر - بىرىنە ارقا سۇيەۋدە تاباندى بولىپ، ەكى مەملەكەت قاتىناسىنىڭ دامۋىنا ماڭىزدى سەزىمدىك نەگىز، ساياسي نەگىز، ەكونوميكالىق نەگىز، حالىقتىق نەگىز، ستراتەگيالىق نەگىز قالاعانىندا. 20 جىلدىق تاجىريبەلەر وتە باعالى. ءبىز ەكى جاقتى قاتىناستاردىڭ العا باسۋ بەتالىسىن بەرىك يگەرىپ، جوعارى دەڭگەيلى ساياسي سەنىمدى بەكەمدەپ، قاي - قاشان دا ءبىر - بىرىنە ادال نيەتپەن قاراسىپ، قيىندىقتى بىرگە كوتەرىسكەن جولداس ءارى اعايىن بولۋ؛ ەكى ەلدىڭ دامۋ كومەسكى مۇمكىندىكتەرىن ۇزبەي اشىققا شىعارىپ، ساپالى سىندارلى سەلبەستىكتى ىلگەرىلەتىپ، ەكى ەل حالىقتارىنا ءتىپتى جاقسى باقىت جاراتۋ؛ ەكى ەلدەگى حالىقتاردىڭ تۇسىنىستىگى مەن دوستىعىن نىعايتىپ، اناعۇرلىم تىعىز گۋمانيتارلىق بارىس - كەلىستەردى ورىستەتۋ؛ حالىقارالىق ىستەردە ءبىر - بىرىنە جاردەم بەرىپ، جوعارى دەڭگەيلى ستراتەگيالىق سەلبەستىكتى كۇشەيتىپ، جاڭاشا حالىقارالىق قاتىناس قۇرۋدى جانە ادامزاتتىڭ تاعدىرلاس ورتاق تۇلعاسىن ورناتۋدى بىرگە ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
