ۋاڭ ي: «ءبىر بەلدەۋ، ءبىر جول» «مارشال جوسپارى» ەمەس، ادامزاتتىڭ تاعدىرلاس ورتاق تۇلعاسىن قۇرۋدىڭ جالىندى ءامالياتى
2018.08.24 14:19 كەلۋ قاينارى : حالىق تورابى
شينحۋا اگەنتتىگى، 23 – تامىز، ۇلانباتىر (ءتىلشى: اسىگاڭ) مەملەكەتتىك كەڭەس مۇشەسى جانە سىرتقى ىستەر مينيسترلىگىنىڭ مينيسترى ۋاڭ ي 2018 – جىلى 23 – تامىز كۇنى ۇلانباتىردا موڭعۇليانىڭ سىرتقى ىستەر مينيسترى سوعىتباتىرمەن بىرگە تىلشىلەرگە كەزدەسكەن كەزدە بىلاي دەدى: «ءبىر بەلدەۋ، ءبىر جول» قۋاتتاماسى — جۇڭگونىڭ دۇنيە جۇزىنە دايىنداعان حالىقارالىق الەۋمەتتىك ءونىمى. ول «مارشال جوسپارى» ەمەس، وڭىرلىك ستراتەگيالىق وي جۇلگەسى دە ەمەس. جۇڭگو جاق «ءبىر بەلدەۋ، ءبىر جول» ۇندەۋىن ورتاعا قويعاننان بەرى، كەڭەسۋ، بىرگە كوركەيتۋ، ورتاق يگىلىكتەنۋ پرينسيپىندە تاباندى بولىپ، جاريا، اشىق، سيىمدى بولۋ تانىمىن ۇستانىپ، حالىقارالىق بەلگىلەمەلەر مەن ءار ەلدىڭ زاڭ – تۇزىمىنە بويسۇنىپ، زالالسىز، قورشاعان ورتانى قورعاۋعا ءتيىمدى، باياندى دامۋعا تالپىنىپ، جوعارى ساپالى، جوعارى ولشەمدى نىسانداردى كوركەيتۋگە كۇش سالدى ءارى قازىنالىق جاقتان قولداۋدىڭ ۇزىلىسسىزدىگىنە ءمان بەردى. وسىنداي ماڭىزدى قۋاتتامالار مەن ۇستانىمدار جۇڭگو جاقتىڭ ۇزاق ۋاقىت بويى اتقارعان ءوزارا تيىمدىلىك جەتكىزىپ، ورتاق يگىلىكتەنۋ ستراتەگياسىمەن ساباقتاسىپ جاتىر، ونىڭ ۇستىنە، بۇل ءار ەلدىڭ ادامزاتتىڭ تاعدىرلاس ورتاق تۇلعاسىن قۇرۋ ىستەرىنىڭ جالىندى ءامالياتى بولىپ تابىلادى.
ۋاڭ ي مىنانى اتاپ كورسەتتى: «ءبىر بەلدەۋ، ءبىر جول» ۇندەۋىنىڭ ماقساتى: ءار ەلدىڭ دامۋ ستراتەگياسىن سايكەستىرىپ، سەلبەستىك كەڭىستىگىن تىڭنان كەڭەيتۋ، سەلبەستىكتەگى كومەسكى كۇشتەردى تىڭنان اشۋ، بىرگە دامۋ مەن بىرگە گۇلدەنۋدى ىسكە اسىرۋ بولىپ تابىلادى. وسى بارىستا، جۇڭگو جاق ءار ەلمەن وزىندىك دامۋ جاعىنداعى ورايلاردى ورتاقتاسۋدى قالايدى، ءار ەلدىڭ جۇڭگونىڭ جەدەل دامۋ ارناسىنا قوسىلۋىن قارسى الادى. «ءبىر بەلدەۋ، ءبىر جول» ۇندەۋى زاماننىڭ اعىمىنا ۇيلەسەدى، ومىرشەڭدىك قۋاتقا باي، سوندىقتان دۇنيە ءجۇزى بويىنشا قولداۋ مەن ءۇن قوسۋعا دەرەۋ يە بولدى.
جۇڭگو مەن موڭعۇليا ەكى ەلدىڭ «ءبىر بەلدەۋ، ءبىر جولدى» بىرگە كوركەيتۋ ىستەرىن قالاي ىلگەرىلەتۋ جونىندە ۋاڭ ي بىلاي دەدى: جۇڭگو مەن موڭعۇليانىڭ تاۋ – وزەنى جالعاسقان، موڭعۇليا ەلى «ءبىر بەلدەۋ، ءبىر جولدى» بىرگە كوركەيتۋدەگى تابيعي سەرىكتەسىمىز. موڭعۇليا ەلىنىڭ «ءبىر بەلدەۋ، ءبىر جول» قۇرىلىسىنا اتسالىسۋى وزىندىك دامۋى مەن گۇلدەنۋىنە تىڭنان قانات بىتىرەدى، وعان جاڭادان قوزعاۋشى كۇش ازىرلەيدى. جۇڭگو مەن موڭعۇليا «ءبىر بەلدەۋ، ءبىر جول» جانە «ساحارا جولى» جوسپارلارىن سايكەستىرۋ جاعىندا سەلبەستىك جاساۋ كەلىسىمىنە قول قويدى. جۇڭگو جاق موڭعۇليانىڭ دامۋ نىساناسى مەن حالىق بۇقاراسىنىڭ قاجەتىنە وسكەلەڭ ءمان بەرىپ، سايكەستىرۋ ءۇردىسىن جەدەلدەتىپ، «ءبىر بەلدەۋ، ءبىر جولدى» بىرگە كوركەيتۋدى قالايدى.
ۋاڭ ي بىلاي دەدى: ءبىز، بىرىنشىدەن، موڭعۇليانىڭ نەگىزدىك قۇرىلعىلار قۇرىلىسىن جەدەلدەتۋىنە كۇش سالا قولداۋ كورسەتەمىز، موڭعۇليانىڭ دامۋ بارىسىندا كەزدەسكەن قيىندىقتاردى ەڭسەرۋىنە كومەكتەسىپ، دامۋىنا شارت – جاعداي جاراتامىز.
ەكىنشىدەن، موڭعۇليانىڭ حالىق تۇرمىسىن جاقسارتۋعا اناعۇرلىم ءمان بەرىپ، موڭعۇليانىڭ ءاربىر بۇقاراسىن «ءبىر بەلدەۋ، ءبىر جول» قۇرىلىسىنا اتسالىسۋدان شىنايى يگىلىككە كەنەلتەمىز.
ۇشىنشىدەن، ءبىز الدا قورشاعان ورتا مەن ەكولوگيانى قورعاۋعا اناعۇرلىم ءمان بەرەمىز، موڭعۇليامەن قول ۇستاسا وتىرىپ، جاسىل جىبەك جولىن كوركەيتىپ، موڭعۇليانىڭ جاسىل تاۋ، ءمولدىر سۋىن قورعايمىز ءارى كوركەيتەمىز.
تورتىنشىدەن، ءبىز موڭعۇليانىڭ تابيعي بايلىق جاعىنداعى باسىمدىلىقتاردى دامۋ جاعىنداعى باسىمدىلىقتارعا اينالدىرۋىنا كومەكتەسۋدى، موڭعۇليانىڭ مانەرلەۋ جانە جاساۋ وندىرىسىنە دەم بەرۋدى، كوپ ۇيەكتەنگەن دامۋ جولىن ىسكە اسىرىپ، موڭعۇليانىڭ ءوز كۇشىنە سۇيەنىپ باياندى دامۋ قۋاتىن جوعارىلاتۋدى قالايمىز.
جيناقتاپ ايتقاندا، جۇڭگو مەن موڭعۇليا اراسىنداعى سەلبەستىك — دوستار اراسىنداعى ءوزارا كومەكتەسۋ، كورشىلەر اراسىنداعى ءوزارا قولداۋ كورسەتۋ. ءتوراعا شي جينپيڭ ايتقانداي، جۇڭگو مەن موڭعۇليا ءبىرى جەڭىپ، ءبىر جەڭىلەتىن، ءبىرى از، ءبىر كوپ پايداعا كەنەلەتىن سەلبەستىك ىستەمەيدى، قايتا، ءوزارا پايدا جانە تيىمدىلىك جەتكىزۋدى كوزدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
