شي جينپيڭ 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسقان ءبىر ءبولىم مەملەكەتتىڭ باسشىلارىمەن جەكە – جەكە كەزدەستى
2019.04.26 16:08 كەلۋ قاينارى : حالىق تورابى
شي جينپيڭ سەربيانىڭ پرەزيدەنتى ۋچيچپەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى ۋاڭ يۋان). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا سەربيانىڭ پرەزيدەنتى ۋچيچپەن كەزدەستى.
شي جينپيڭ مىنالاردى اتاپ كورسەتتى: 2016 - جىلى جۇڭگو مەن سەربيا جالپى بەتتىك ستراتەگيالىق ارىپتەستىك قاتىناس ورناتقاننان بەرى ەكى جاقتىڭ ءار سالاداعى سەلبەستىگى ورنىقتى ىلگەرىلەپ، ساياسي سەنىمدىلىگى اناعۇرلىم بەكەمدەلىپ، ءبىر - ءبىرىنىڭ وزەكتى مۇددەسىن باتىل قولدادى. سەربيا − «ءبىر بەلدەۋ، ءبىر جولدى» بىرگە قۇرۋداعى ماڭىزدى ەل، ەكى جاق ءوزارا ءتيىمدى سەلبەستىكتى تەرەڭدەتىپ، ەكى ەل حالىقتارىنا ءتىپتى دە زور باقىت جاراتۋى كەرەك. ەكى جاق گۋمانيتارلىق اۋىس - كۇيىستى، ءوزارا ۇلگى الۋدى جيىلەتىپ، حالىق تىلەگىنىڭ توعىسۋىن جەبەپ، كوپ جاقتى سالاداعى حالىقارالىق سەلبەستىكتى كۇشەيتىپ، كوپ جاقتىلىقتى بىرگە قورعاپ، دۇنيە ءجۇزىنىڭ بەيبىتشىلىگى مەن دامۋىن جەبەۋى كەرەك.
شي جينپيڭ كەنيانىڭ پرەزيدەنتى كەنياتتامەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى ۋاڭ يۋان). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا كەنيانىڭ پرەزيدەنتى كەنياتتامەن كەزدەستى.
شي جينپيڭ مىنالاردى اتاپ كورسەتتى: ءبىر جىلعا جەتپەيتىن ۋاقىتتا پرەزيدەنت مىرزامەن ءۇش رەت كەزدەستىم، بۇل جۇڭگو – كەنيا قاتىناسىنىڭ ستراتەگيالىق سيپاتى مەن جوعارى دەڭگەيىن ايگىلەدى. جۇڭگو پرەزيدەنت مىرزانىڭ جۇڭگو مەن كەنيانىڭ، جۇڭگو - افريكا سەلبەستىگىنىڭ قيسىنسىز جازعىرۋعا ۇشىراعانىنا كوپ رەت اشىق تويتارىس جاساعانىن القايدى. كەنيا − جۇڭگومەن «ءبىر بەلدەۋ، ءبىر جولدى» بىرگە قۇرۋ تۇسىنىستىك ەسكەرتپە حاتىنا ءبىرشاما ەرتە قول قويعان مەملەكەت. جۇڭگو «ءبىر بەلدەۋ، ءبىر جولدى» بىرگە قۇرۋدى جانە جۇڭگو - افريكا سەلبەستىك فورۋمى بەيجيڭ ءسامميتىنىڭ تابىستارىن تياناقتاندىرۋدى وراي ەتىپ، كەنيامەن جۇڭگو - كەنيانىڭ، جۇڭگو - افريكانىڭ ءار سالاداعى سەلبەستىگىنىڭ تاماشا جاعدايىن بىرگە ويداعىداي قورعاپ، دامۋ ستراتەگياسىن ۇشتاستىرۋدى كۇشەيتىپ، تەمىر جول سياقتى ءتۇيىندى نىسانداردىڭ ەكونوميكالىق جانە قوعامدىق ونىمدىلىگىن ساۋلەلەندىرىپ، ءتىپتى دە كوپ جۇڭگو كاسىپورىندارىن كەنياعا قارجى قوسۋعا شابىتتاندىرۋدى قالايدى. ەكى جاق كەلەلى حالىقارالىق جانە وڭىرلىك ماسەلەلەر جونىندە ءۇرتىس پىكىرلەسۋى جانە سەلبەسۋى كەرەك.
شي جينپيڭ وزبەكستاننىڭ پرەزيدەنتى ميرزيويەۆپەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى دۋ شاڭزى). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا وزبەكستاننىڭ پرەزيدەنتى ميرزيويەۆپەن كەزدەستى.
شي جينپيڭ مىنالاردى دارىپتەدى: جۇڭگو - وزبەكستان قاتىناسىنىڭ ماڭىزدى ءتۇيىنى سەنىمدە. جۇڭگو وزبەكستاندى ماڭىزدى ستراتەگيالىق سەرىك دەپ قارايدى، وزبەكستانمەن قول ۇستاسا العا باسىپ، بىرگە دامۋ مەن گۇلدەنۋدى جۇزەگە اسىرىپ، ورتا ازيا ءوڭىرىنىڭ بەيبىتشىلىگى مەن ورنىقتىلىعىنا بىرگە كۇش سالۋدى قالايدى. وزبەكستان تاريحتا بايىرعى جىبەك جولىنىڭ شەشۋشى تورابى بولعان، بۇل كۇندە «ءبىر بەلدەۋ، ءبىر جولدى» بىرگە قۇرۋدىڭ ماڭىزدى قاتىناسۋشىسى جانە قۇرۋشىسى سانالادى. ەكى جاق «ءبىر بەلدەۋ، ءبىر جول» دارىپتەمەسىن وزبەكستاننىڭ مەملەكەتتى دامىتۋدا الدىمەن ەسكەرەتىن 5 ءىرى بەتالىسىمەن ۇشتاستىرىپ، ساۋدا، قارجى قوسۋ جانە قاتىناس قولايلىلىعىن جەبەپ، ءوزارا بايلانىستى كۇشەيتىپ، ەنەرگيا سەلبەستىگىن كەڭەيتىپ، جاڭا ەنەرگيا سالاسىنداعى سەلبەستىكتى كەڭەيتىپ، گۋمانيتارلىق، جەرگىلىكتى ورىن، حاۋىپسىزدىك سياقتى سالالارداعى اۋىس - كۇيىستى تەرەڭدەتۋى كەرەك.
شي جينپيڭ فيليپپيننىڭ پرەزيدەنتى دۋتەرتپەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى دۋ شاڭزى). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا فيليپپيننىڭ پرەزيدەنتى دۋتەرتپەن كەزدەستى.
شي جينپيڭ بىلاي دەپ اتاپ كورسەتتى: وتكەن 3 جىلدا جۇڭگو - فيليپپين قاتىناسى رەتتەۋ، بەكەمدەۋ، جوعارىلاتۋ سىندى ءۇش باسقىشتان ءوتىپ، جاڭا دامۋ كەزەڭىنە قادام تاستادى. اماليات جۇڭگو مەن فيليپپيننىڭ تاتۋ كورشىلىك، دوستىقتا تاباندى بولۋى تاريح اعىمىنا ۇيلەسەتىنىن، حالىقتاردىىڭ تىلەگىنە ۇيلەسەتىنىن، بىردەن - ءبىر دۇرىس تالعام ەكەنىن دالەلدەدى. ەكى ەلدىڭ جانە ەكى ەل حالىقتارىنىڭ باقىتى ءۇشىن سىزبەن اڭگىمەلەسكەن سايىن شىن نيەتپەن اقتارىلامىن. مەن پرەزيدەنت مىرزامەن بىرگە ەكى ەل قاتىناسىنىڭ دۇرىس بەتالىسىن ستراتەگيالىق جانە ۇزاق بولاشاقتىق تۇرعىدان ۇزدىكسىز ويداعىداي يگەرۋگە پەيىلمىن. ەكى جاق تاتۋ كورشىلىك، دوستىق سىندى جالپىلىق بەتالىستا تاباندى بولىپ، قول ۇستاسا دامۋدىڭ جالپى جاعدايىن بىرگە جاراتىپ، الاۋىزدىقتى ۇيلەسىمدى شەشۋدە اقىل – پاراساتقا دەن قويىپ، دۇنيە ءجۇزى دامۋىنىڭ زور اۋقىمىن يگەرۋى كەرەك. «ءبىر بەلدەۋ، ءبىر جولدى» بىرگە قۇرۋ دارىپتەمەسى پرەزيدەنت مىرزا العا قويعان «قاۋىرت قۇرۋ، ەرەكشە قۇرۋ» جوباسىمەن بارىنشا قابىسىپ، ەكى جاقتىڭ سەلبەستىگى اسا ناتيجەلى بولدى. جۇڭگو فيليپپينمەن دامۋ ستراتەگياسىن ۇشتاستىرۋدى تەرەڭدەتىپ، «ءبىر بەلدەۋ، ءبىر جولدى» بىرگە قۇرۋ جۇلگەسىندە سەلبەستىكتىڭ كورىنەۋ تۇيىندەرىن قالىپتاستىرىپ، جۇڭگو مەن فيليپپين ەلدەرىنىڭ، سونداي - اق وڭىردەگى ءار ەلدىڭ بايلانىسىن جانە دامۋىن تەرەڭدەتۋدى قالايدى. ەكى جاق ۋادەسىندە تۇرۋعا ءمان بەرىپ، ارىپتەستىك رۋحىن ساۋلەلەندىرىپ، نانحاي تەڭىزىنىڭ بەيبىتشىلىگى مەن ورنىقتىلىعىن ساقتاپ، تەڭىزدەگى سەلبەستىكتى كۇشەيتۋى كەرەك. جۇڭگو ەسىرتكىگە تيىم سالۋ، لاڭكەستىككە قارسى تۇرۋ سياقتى ماسەلەلەردە فيليپپين حالقىنىڭ ادىلەتتى ىستەرىن كۇش سالا قولدايدى.
شي جينپيڭ كيپرۋستىڭ پرەزيدەنتى اناستاسيادەسپەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا كيپرۋستىڭ پرەزيدەنتى اناستاسيادەسپەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن كيپرۋس ۇزاق تاريحقا جانە وركەنيەتكە يە، حالىقارالىق قوعامدا ۇلكەندى - كىشىلى ەلدەردىڭ تەڭ تۇرعىدا مامىلە جاساۋىنىڭ جانە ءوزارا ءتيىمدى سەلبەستىگىنىڭ ۇلگىسىن ورناتتى. جاڭا تاريحي جاعدايدا ەكى جاق ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن ۇزدىكسىز قولداپ، ەكى جاقتى سەلبەستىك ءورىسىن كەڭەيتىپ، گۋمانيتارلىق سەلبەستىكتىڭ كومەسكى كۇشىن اشۋى كەرەك. كيپرۋس ەۆروپا، ازيا، افريكا ءۇش قۇرلىقتىڭ تۇيىلىسىنە ورنالاسقان، «ءبىر بەلدەۋ، ءبىر جولدى» بىرگە قۇرۋداعى ماڭىزدى قاتىناسۋشى، جۇڭگو كيپرۋسپەن كەمەجاي، تەڭىز تاسىمالى، نەگىزدىك قۇرىلعى قۇرىلىسى سياقتى سالالارداعى سەلبەستىكتى تەرەڭدەتۋدى قالايدى ءارى جەر ورتا تەڭىزى وڭىرىندە 3 - جاق سەلبەستىگىن ورىستەتۋدى اقىلداسادى. كيپرۋستىڭ جۇڭگو - ەۆروپا قاتىناسىنىڭ دامۋىن جەبەۋدە ۇزدىكسىز بەلسەندى رول اتقارۋىن ءۇمىت ەتەمىز.
شي جينپيڭ بەلورۋسسيانىڭ پرەزيدەنتى لۋكاشەنكومەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا بەلورۋسسيانىڭ پرەزيدەنتى لۋكاشەنكومەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن بەلورۋسسيا − «بارلىق جاعدايدا بىردەي» دوس. سوڭعى جىلدارى جۇڭگو مەن بەلورۋسسيا ءوزارا سەنىم ارتىپ، سەلبەسىپ تەڭ يگىلىككە كەنەلەتىن جان - جاقتى ستراتەگيالىق ارىپتەستىك قاتىناسپەن جوعارى دەڭگەيدە جۇمىس جۇرگىزىپ، «ءبىر بەلدەۋ، ءبىر جولدى» بىرگە قۇرۋدا قوماقتى تابىسقا قول جەتكىزدى، جۇڭگو - بەلورۋسسيا ونەركاسىپ باقشاسى «ءبىر بەلدەۋ، ءبىر جولدى» بىرگە قۇرۋدىڭ ۇلگى ينجەنەرياسىنىڭ بىرىنە اينالدى، ەكى ەلدىڭ ناقتى سەلبەستىگى تىڭ دەڭگەيگە كوتەرىلدى. ەكى جاق «ءبىر بەلدەۋ، ءبىر جول» دارىپتەمەسىن بەلورۋسسيانىڭ دامۋ ستراتەگياسىمەن ۇشتاستىرۋدى كۇشەيتىپ، ونەركاسىپ باقشا رايونى قۇرىلىسىن جانە ەكونوميكا - ساۋدا، قارجى قوسۋ، ساياحات، وقۋ - اعارتۋ، جەرگىلىكتى ورىندار سەلبەستىگىنىڭ ۇزدىكسىز تەرەڭدەۋىن، ناقتىلانۋىن بىرگە ىلگەرىلەتىپ، اناعۇرلىم مول تابىسقا قول جەتكىزۋى كەرەك.
شي جينپيڭ ەگيپەتتىڭ پرەزيدەنتى سيسيمەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا ەگيپەتتىڭ پرەزيدەنتى سيسيمەن كەزدەستى.
شي جينپيڭ مىنالاردى دارىپتەدى: ەگيپەت − افريكا وداعىنىڭ كەزەكتى ءتوراعا ەلى، پرەزيدەنت مىرزا جۇڭگوعا كەلىپ، 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسىپ وتىر، بۇل ەگيپەتتىڭ «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسۋ سىندى شىنايى تىلەگىن ايگىلەۋمەن بىرگە، افريكا ەلدەرىنىڭ ءوزارا تيىمدىلىك جەتكىزىپ، تەڭ يگىلىككە كەنەلۋدىڭ، بىرگە دامۋدى جۇزەگە اسىرۋدىڭ جالپىلىق ۇنىنە ۋاكىلدىك ەتەدى. جۇڭگو ەگيپەتپەن قاتىناستى دامىتۋعا باسا ءمان بەرەدى. ەكى جاق ساياسي سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءوزارا قولداۋ كورسەتۋى جانە سايكەسۋى كەرەك. جۇڭگو ەگيپەتتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن باستان - اياق قولدايدى، سۆەيش كانالى ءدالىزىن اشۋ جوسپارىنا بەلسەنە ات سالىسىپ، سۆەيش ەكونوميكا - ساۋدا سەلبەستىك رايونى قۇرىلىسى مەن ءوندىرىس قۋاتى، نەگىزدىك قۇرىلعى قۇرىلىسى سياقتى سالالارداعى سەلبەستىكتى ۇزدىكسىز ىلگەرىلەتۋدى قالايدى. جۇڭگو جاق تاعى دا ەگيپەتتە «لۋبان شەبەرحاناسىن» قۇرىپ، ەگيپەت جاستارىن كاسىپتىك شەبەرلىككە تاربيەلەيدى. ەكى جاق لاڭكەستىككە قارسى تۇرۋ جانە حاۋىپسىزدىك سەلبەستىگىن تەرەڭدەتىپ، گۋمانيتارلىق اۋىس - كۇيىستى ۇزدىكسىز كۇشەيتۋى كەرەك. جۇڭگو افريكا حالىقتارىنىڭ جۇڭگوعا دەگەن سەنىمىنە العىس ايتادى، ءبىز افريكانىڭ بەيبىتشىلىگى مەن حاۋىپسىزدىگى جانە باياندى دامۋ دارىپتەمەسى مەن افريكانىڭ ءبىر تۇلعالانۋ اياق الىسىن قولدايمىز، ەگيپەتپەن بىرگە افريكادان تىسقارى ءۇشىنشى جاقپەن سەلبەستىكتى كۇشەيتىپ، افريكانىڭ نەگىزدىك قۇرىلعى قۇرىلىسىن بىرگە جەبەۋگە پەيىلمىز.
شي جينپيڭ اراب بىرىككەن امىرلىگىنىڭ ورىنباسار پرەزيدەنتى ءارى پرەمەر مينيسترى، دۋبايدىڭ ءامىرى مۇحاممەدپەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا اراب بىرىككەن امىرلىگىنىڭ ورىنباسار پرەزيدەنتى ءارى پرەمەر مينيسترى، دۋبايدىڭ ءامىرى مۇحاممەدپەن كەزدەستى.
شي جينپيڭ مىنالاردى اتاپ كورسەتتى: بىلتىر 7 - ايدا اراب بىرىككەن امىرلىگىندە ساپاردا بولعان كەزىمدە، ەكى ەل جالپى بەتتىك ستراتەگيالىق ارىپتەستىك قاتىناس ورناتقاندارىن جاريالاپ، جۇڭگو - اراب ەلدەرى قاتىناسى دامۋىنىڭ جاڭا پاراعىن اشتى. جۇڭگو اراب بىرىككەن امىرلىگىن «ءبىر بەلدەۋ، ءبىر جولدى» بىرگە قۇرۋداعى ماڭىزدى سەلبەستىك سەرىگى دەپ قارايدى. ەكى جاق ەنەرگيا سەلبەستىگىن وزەك، قارجى قوسۋ جانە نەگىزدىك قۇرىلعىلار قۇرىلىسىن ەكى قانات، جوعارى، جاڭا تەحنيكانى ارتۋ ءتۇيىنى ەتكەن ناقتى سەلبەستىكتى ورنىقتى ىلگەرىلەتۋى كەرەك. كەلەسى ساتىدا جاڭالىق اشا دامۋ ستراتەگياسىن توعىستىرىپ، ەكى ەل سەلبەستىگىنىڭ جاڭا ارتۋ ءتۇيىنىن قالىپتاستىرۋ كەرەك. لاڭكەستىككە جانە ۇشقارى كۇشتەرگە سوققى بەرۋ سياقتى حاۋىپسىزدىك سالاسىنداعى سەلبەستىكتى تەرەڭدەتىپ، ەكى ەلدىڭ جانە ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋ كەرەك. ورىنباسار پرەزيدەنت مىرزا العا قويعان «جۇڭگونى قۇشاقتاۋ» جوسپارى اراب بىرىككەن امىرلىگى بۇقاراسىنىڭ قارسى الۋىنا بولەندى، ەكى ەلدىڭ گۋمانيتارلىق اۋىس - كۇيىسىن قاجىماي - تالماي ىلگەرىلەتۋ كەرەك. جۇڭگو اراب بىرىككەن امىرلىگىنىڭ كەلەر جىلى ورتا شىعىس رايونىنىڭ تۇڭعىش كەزەكتى دۇنيە جۇزىلىك كورمەسىن وتكىزۋىنە قولداۋ كورسەتەدى.
شي جينپيڭ ۆيەتنام ۇكىمەتىنىڭ پرەمەر مينيسترى رۋان چۇنفۋمەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى دۋ شاڭزى). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا ۆيەتنام ۇكىمەتىنىڭ پرەمەر مينيسترى رۋان چۇنفۋمەن كەزدەستى.
شي جينپيڭ رۋان چۇنفۋعا باس شۋجي، مەملەكەت ءتوراعاسى رۋان فۋجۇڭعا دەگەن ىقىلاستى سالەمىن جەتكىزۋدى تاپسىردى. شي جينپيڭ مىنالاردى اتاپ كورسەتتى: جۇڭگو مەن ۆيەتنام − ستراتەگيالىق مانگە يە تاعدىرلاس ورتاق تۇلعا. ەكى جاق «16 ءارىپ» باعىتى مەن «تورتتە جاقسى» رۋحىن جەتەكشى ەتىپ، ءبىر جاعادان باس، ءبىر جەڭنەن قول شىعارىپ، ەكى ەلدىڭ جان ـ جاقتى ستراتەگيالىق سەلبەستىگىنىڭ تىڭ داستانىن قول ۇستاسا جازۋى كەرەك. ەكى جاق ەكى پارتيانىڭ بارىس ـ كەلىس مەحانيزمىنىڭ رولىن ويداعىداي ساۋلەلەندىرىپ، پارتيانى جونگە سالۋ، بيلىك جۇرگىزۋ تاجىريبەلەرىن ءوزارا ۇيرەنۋدى، ءوزارا ۇلگى الۋدى تەرەڭدەتۋى كەرەك. «ءبىر بەلدەۋ، ءبىر جولدى» بىرگە قۇرۋ مەن «ەكى ءدالىز، ءبىر شەڭبەر» سىندى ءتۇيىلىسۋ جەلىسىن مىقتاپ يگەرىپ، نەگىزدىك قۇرىلعى قۇرىلىسى، ءوندىرىس قۋاتى، شەكارا اتتاعان ەكونوميكالىق سەلبەستىك رايونى سياقتى ءتۇيىندى سالالارداعى سەلبەستىكتى بار كۇشپەن ىلگەرىلەتۋى كەرەك. ەكى ەلدىڭ بايلانىس جاساۋ دەڭگەيىن جوعارىلاتىپ، لانساڭجياڭ – مەكونگ قوسالقى رايونىنىڭ سايكەستى دامۋىنا جەتەكشىلىك ەتۋ كەرەك. حالىقتىق اۋىس ـ كۇيىس ارناسىن كەڭەيتىپ، ەكى ەل دوستىعىن ۇرپاقتان ـ ۇرپاققا جالعاستىرۋ كەرەك. حالىقارالىق ىستەردەگى سايكەسۋدى، سەلبەسۋدى كۇشەيتىپ، ەكى ەلدىڭ جانە دامۋ ۇستىندەگى ەلدەردىڭ ورتاق مۇددەسىن قورعاۋ كەرەك. ەكى جاق ءىس جۇزىندىك ارەكەتتەرى ارقىلى تەڭىزدەگى بەيبىتشىلىك پەن ورنىقتىلىقتى قورعاۋى كەرەك.
شي جينپيڭ ۆەنگريانىڭ پرەمەر مينيسترى وربانمەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا ۆەنگريانىڭ پرەمەر مينيسترى وربانمەن كەزدەستى.
شي جينپيڭ مىنالاردى اتاپ كورسەتتى: 2017 ـ جىلى پرەمەر مينيستر مىرزا ەكەۋىمىز ەكى ەلدىڭ جالپى بەتتىك ستراتەگيالىق ارىپتەستىك قاتىناس ورناتقانىن جاريالادىق، جۇڭگو - ۆەنگريا قاتىناسى «ءجۇرىس اۋىستىرىپ، قارقىندى تەزدەتۋدىڭ» تاريحي جاڭا كەزەڭىنە ءوتتى. بيىل − جۇڭگو مەن ۆەنگريا ديپلوماتيالىق قاتىناس ورناتقانىنىڭ 70 جىلدىعى. جۇڭگو ۆەنگريامەن بىرگە قۇلشىنىپ، ەكى ەلدىڭ جالپى بەتتىك ستراتەگيالىق ارىپتەستىك قاتىناسىن تىڭ دەڭگەيگە كوتەرۋدى ءۇمىت ەتەدى. ەكى جاق جوعارى جىكتەگىلەردىڭ بارىس ـ كەلىس ورلەۋىن جالعاستىرىپ، ساياسي جاقتان ويداعىداي جەتەكشىلىك ەتۋى؛ ءوزارا قۇرمەت ەتۋ، ءوزارا سەنىمدىلىك دەڭگەيىن جوعارىلاتىپ، ستراتەگيالىق ورتاق تانىمدى تەرەڭدەتۋى؛ ناقتى سەلبەستىك سەرپىنىن ارتتىرىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋى؛ گۋمانيتارلىق اۋىس - كۇيىس اياسىن كەڭەيتىپ، جۇرت تىلەگىنىڭ توعىسۋىن جەبەۋى كەرەك. كەلەسى كەزەڭدە ءبىز ۆەنگريا - سەربيا تەمىر جولى سياقتى «ءبىر بەلدەۋ، ءبىر جول» جۇلگەسىندەگى سەلبەستىكتى ويداعىداي تياناقتاندىرىپ، اناعۇرلىم كوپ ناقتى تابىسقا قول جەتكىزۋىمىز كەرەك. جۇڭگو - ورتا، شىعىس ەۆروپا سەلبەستىگى − جۇڭگو - ەۆروپا قاتىناسىنىڭ ماڭىزدى قۇرامداس بولەگى، ۆەنگريانىڭ وسى بارىستا اناعۇرلىم زور رول اتقارۋىن ءۇمىت ەتەمىز.
شي جينپيڭ مالايزيانىڭ پرەمەر مينيسترى ماحاديرمەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا مالايزيانىڭ پرەمەر مينيسترى ماحاديرمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن مالايزيانىڭ ديپلوماتيالىق قاتىناس ورناتقانىنا 45 جىل بولدى، ءسىز جۇڭگو - مالايزيا قاتىناسىنىڭ دامۋىنا ماڭىزدى ۇلەس قوستىڭىز. قازىر ەكى ەل قاتىناسى جاڭا تاريحي باستامادا تۇر. ءبىز «ءبىر بەلدەۋ، ءبىر جولدى» بىرگە قۇرۋدى وراي ەتىپ، جۇڭگو ـ مالايزيا قاتىناسىنىڭ جارقىن بولاشاعىن اشۋىمىز كەرەك. ەكى جاق جۇڭگو مەن مالايزيانىڭ دوستىعىندا تاباندى بولىپ، ءوزارا قۇرمەت ەتۋ جانە سەنىم ارتۋى؛ ءبىر - بىرىنە كوڭىل ءبولىپ وتىرعان كەلەلى ماسەلەلەرگە ءمان بەرىپ، ءبىر - ءبىرى ءتۇسىنىپ، ءبىر - ءبىرىن قولداۋى كەرەك. «ءبىر بەلدەۋ، ءبىر جولدى» بىرگە قۇرۋ جۇڭگونىڭ جان ـ جاقتى قاقپا اشۋىن ىلگەرىلەتەدى، بۇل دۇنيە جۇزىندەگى ەلدەرگە، اسىرەسە، توڭىرەكتەگى ەلدەرگە ءتىپتى دە زور وراي اكەلەدى. جۇڭگو مەن مالايزيانىڭ «ءبىر بەلدەۋ، ءبىر جولدى» بىرگە قۇرۋ نەگىزى بەرىك، بولاشاعى نۇرلى، ەكى جاق جوبانى كۇشەيتىپ، سەلبەستىك تەكشەسىن كەڭەيتىپ، ساپالى سەلبەستىكتى ىلگەرىلەتۋى، «ەكى ەل، ەكى باقشا» قۇرىلىسىن زورايتىپ، ونى «قۇرلىق، تەڭىز جاڭا ارناسىنىڭ» ماڭىزدى تۇيىنىنە اينالدىرىپ، ەكى ەل مەن ءوڭىردىڭ بايلانىسىن جانە دامۋىن جەبەۋى كەرەك. پرەمەر مينيستر مىرزانىڭ «ازيا قۇن كوزقاراسىن» ارداقتاپ، دامۋ ۇستىندەگى ەلدەردىڭ ىنتىماعىن، سەلبەستىگىن دارىپتەۋى قازىرگى جاعدايدا ماڭىزدى رەال مانگە يە. ەكى جاق كوپ جاقتى سەلبەستىكتى كۇشەيتىپ، جۇڭگو - شىعىس وڭتۇستىك ازيا ەلدەرى وداعى سەلبەستىگىنىڭ ساپاسىن، دارەجەسىن جوعارىلاتۋدى ىلگەرىلەتۋى كەرەك. جۇڭگو مالايزيا جاقتىڭ كەلەر جىلى ازيا ـ تىنىق مۇحيت ەكونوميكالىق سەلبەستىك ۇيىمى ءماجىلىسىنىڭ وتاعاسى ەلى بولۋىن قولداپ، وڭىرلىك ەكونوميكانىڭ ءبىر تۇلعالانۋىن جانە ەكونوميكانىڭ جاھاندانۋىن، اشىق الەمدىك ەكونوميكانىڭ قالىپتاسۋىن ىلگەرىلەتەدى.
شي جينپيڭ پاپۋا ـ جاڭا گۆينەيانىڭ پرەمەر مينيسترى ونيلمەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا پاپۋا - جاڭا گۆينەيانىڭ پرەمەر مينيسترى ونيلمەن كەزدەستى.
شي جينپيڭ مىنالاردى اتاپ كورسەتتى: 2018 ـ جىلى 11 - ايدا پاپۋا - جاڭا گۆينەيادا مەملەكەتتىك ساپاردا بولدىم ءارى ديپلوماتيالىق قاتىناس ورناتقان تىنىق مۇحيتتاعى 8 ارال ەلدىڭ باسشىلارىمەن كەڭەس وتكىزدىم. قازىر جۇڭگونىڭ پاپۋا - جاڭا گۆينەيامەن قاتىناسى تاريحتاعى ەڭ جاقسى مەزگىلدە تۇر. جۇڭگو پاپۋا - جاڭا گۆينەيا ۇكىمەتىنىڭ جۇڭگومەن قاتىناسىن دامىتۋدى الدىمەن ەسكەرەتىن ديپلوماتيالىق باعىت ەتىپ، جۇڭگونىڭ وزەكتى مۇددەسىنە ساياتىن ماسەلەلەردە جۇڭگونى باتىل قولداعانىن القايدى. جۇڭگو پاپۋا ـ جاڭا گۆينەيانىڭ ءوز ەلىنىڭ جاعدايىنا ۇيلەسەتىن دامۋ جولىن دەربەس تاڭداۋىن قولدايدى، پاپۋا ـ جاڭا گۆينەيامەن ءوزارا سەنىمدىلىكتى نىعايتىپ، سەلبەستىكتى تەرەڭدەتىپ، دوستىقتى بەكەمدەپ، كوپ جاقتى جۇلگە ىشىندە سايكەسۋ مەن سەلبەستىكتى كۇشەيتىپ، ەكى ەلدىڭ جان ـ جاقتى ستراتەگيالىق ارىپتەستىك قاتىناسىنىڭ اناعۇرلىم دامي ءتۇسۋىن ىلگەرىلەتۋدى قالايدى. پاپۋا ـ جاڭا گۆينەيا «ءبىر بەلدەۋ، ءبىر جولدى» بىرگە قۇرۋ سەلبەستىگىن ورىستەتۋ جاعىندا تىنىق مۇحيتتاعى ارال ەلدەرىنىڭ الدىڭعى لەگىنە ءوتتى، ءبىز سەلبەستىكتى اناعۇرلىم كەڭەيتىپ، ارال ەلدەرى وڭىرىندە «ءبىر بەلدەۋ، ءبىر جولدى» بىرگە قۇرۋعا ۇلگى بولۋىمىز جانە جەتەكشىلىك ەتۋىمىز كەرەك.
شي جينپيڭ يندونەزيانىڭ ورىنباسار پرەزيدەنتى كارامەن كەزدەستى
«حالىق گازەتى»، 4 – ايدىڭ 25 - كۇنى، بەيجيڭ (ءتىلشى جاۋ چىڭ). مەملەكەت ءتوراعاسى شي جينپيڭ 4 - ايدىڭ 25 - كۇنى حالىق سارايىندا يندونەزيانىڭ ورىنباسار پرەزيدەنتى كارامەن كەزدەستى.
شي جينپيڭ كارا ارقىلى تاپسىرىلعان يندونەزيانىڭ پرەزيدەنتى جوكونىڭ ءوز قولىمەن جازعان حاتىن قابىلدادى ءارى كاراعا پرەزيدەنت جوكوعا دەگەن ىقىلاستى سالەمىن جەتكىزۋدى تاپسىردى. شي جينپيڭ مىنالاردى اتاپ كورسەتتى: 21 - عاسىرداعى تەڭىز جىبەك جولىن يندونەزياعا ساپارلاي بارعاندا ورتاعا قويعان ەدىم. سوڭعى جىلداردان بەرى ەكى ەل «ءبىر بەلدەۋ، ءبىر جولدى» بىرگە قۇرۋدى وراي ەتىپ، ەكى جاقتى قاتىناستا تىڭ ىلگەرىلەۋشىلىككە قول جەتكىزدى، ءار سالاداعى سەلبەستىكتىڭ تابىسى كورنەكتى بولدى. ەكى جاق تاتۋ كورشىلىك دوستىقتى ۇزدىكسىز ساۋلەلەندىرىپ، ءبىر - ءبىرىنىڭ وزەكتى مۇددەسىنە ساياتىن جانە كوڭىل ءبولىپ وتىرعان كەلەلى ماسەلەلەردە ءبىرى - ءبىرىن قولداپ، ەكى ەل قاتىناسىنىڭ دۇرىس بەتالىسىن ويداعىداي يگەرۋى كەرەك. «ءبىر بەلدەۋ، ءبىر جول» مەن «جەر شارى تەڭىز - مۇحيت ءتۇيىنىن» بىرگە قۇرۋ − جاڭا داۋىردەگى ەكى ەل سەلبەستىگىنىڭ جالپى باعدارلاماسى. ەكى جاق ءتۇيىندى سەلبەستىك سالاسى مەن باعىتىن تەزىرەك ايقىنداپ، جاكارتا – باندۇڭ جوعارى قارقىندىق تەمىر جولى سياقتى ءتۇيىندى سەلبەستىك نىساندارىن ويداعىداي تياناقتاندىرۋى كەرەك. مەن ءوزارا قۇرمەت ەتەتىن، ءادىل دە ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتۋدى ورتاعا قويدىم، مۇنداعى ماقسات بۇگىنگى دۇنيەدە ورىن تەۋىپ وتىرعان ماسەلەلەرگە جۇڭگو جوباسىن العا قويۋ، بۇل 64 جىلدىڭ الدىندا جۇڭگو مەن يندونەزيا بىرگە دارىپتەگەن «باندۇڭ ءماجىلىسىنىڭ ون ءتۇرلى پرينسيبىمەن» تامىرلاس. ەكى جاق قارىم ـ قاتىناستى، سايكەسۋدى جيىلەتىپ، دامۋ ۇستىندەگى ەلدەردىڭ ورىندى ۇقىق - مۇددەسىن بىرگە قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا بىرگە قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
