لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2019.12.05 16:32 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 4 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 4 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە كاسىپتەندىرۋدى ورنىقتىرۋ قىزمەتىن كوپ شارانى قاتار قولدانىپ اناعۇرلىم ويداعىداي ىستەۋ ورنالاستىرىلىپ، يكەمدى كاسىپتەنۋدى بارىنشا قولداۋ تالاپ ەتىلدى؛ مۇگەدەكتەردىڭ كاسىپتەنۋىن قامتاماسىزداندىرۋ قاراجاتى ءتۇزىمىن كەمەلدەندىرىپ، مۇگەدەكتەردىڭ كاسىپتەنۋىن اناعۇرلىم جەبەۋ ۇيعارىلدى؛ «شارۋا جۇمىسكەرلەردىڭ ەڭبەكاقىسىن تولەۋدى قامتاماسىزداندىرۋ ەرەجەسى (جوبا)» ماقۇلدانىپ، ەڭبەكاقىنى كەشەۋىلدەتۋ كىناراتىن زاڭمەن باسقارۋ تاسىلىمەن جونگە سالۋ ۇيعارىلدى.
ماجىلىستە مىنالار اتاپ كورسەتىلدى: كاسىپتەندىرۋ − حالىق تۇرمىسىنىڭ نەگىزى، بايلىقتىڭ كوزى. جان - جاقتى شارا قولدانۋ ارقىلى بيىل ەلىمىزدىڭ كاسىپتەندىرۋ جاعدايى جالپى جاقتان ورنىقتى بولىپ، تۇتاس جىلدا قالا - قالاشىقتا تىڭنان كاسىپتەندىرۋدەگى مەجەلى نىسانا مەرزىمىنەن بۇرىن جۇزەگە استى. الايدا قازىر ەل ءىشى - سىرتىنداعى حاۋىپ - قاتەر، سىن - سايىس كوبەيىپ، كاسىپتەندىرۋدى ورنىقتىرۋ قىسىمى ارتتى. كاسىپتەندىرۋدى الدىمەن ەسكەرۋ ساياساتىن اناعۇرلىم زور تەبىنمەن اتقارىپ، ىشكى سۇرانىمدى بەلسەنە كەڭەيتۋ، سىرتقى ساۋدانى ورنىقتىرۋ ارقىلى كاسىپتەندىرۋدى ۇلعايتۋ نەگىزىندە كاسىپتەندىرۋدى جەبەۋ شارالارىن اناعۇرلىم كەمەلدەندىرۋ كەرەك. ءبىرىنشى، جەر - جەر كاسىپتەندىرۋدى ورنىقتىرۋ جالپى جاعدايىن كوزدە ۇستاپ، جاڭادان ارتقان جۇمىس ورىندارىن قولداۋ شارالارىن شىعارىپ، يكەمدى كاسىپتەنۋگە ۇيلەسىمسىز جانە ونى شەكتەيتىن بەلگىلەمەلەردى جەدەل اداقتاپ، كۇشىنەن قالدىرۋى كەرەك. كوپ بولىپ يگىلىك، جاڭالىق جاراتۋدى ىشكەرىلەي ىلگەرىلەتىپ، شاعىن، ۇساق كاسىپورىنداردىڭ يگىلىك جاراتۋدا كەپىلدىكتى قارىز اقشا الۋدى ءوتىنىش ەتۋ شارتىن تومەندەتۋ كەرەك. شارۋا جۇمىسكەرلەر اۋىلىنا قايتىپ تۇڭعىش رەت يگىلىك جاراتۋعا كىرىسكەن جاعدايدا جەرگىلىكتى ورىندار قارجى شىعارىپ ءبىر رەت قولداۋ كورسەتسە بولادى. جاڭاشا كاسىپتەنۋ كۇيىندەگى قىزمەتكەرلەردىڭ كاسىپتىك زاقىمدالۋىن قامتاماسىزداندىرۋدى تۇيىندە سىناق ەتۋدى باستاۋ كەرەك. حالىق تۇرمىسىنداعى جەتەرسىز سالالاردى توڭىرەكتەي وتىرىپ، الەۋمەتتىك يگىلىك سيپاتىنداعى جۇمىس ورىندارىن كوبەيتۋگە شابىت بەرۋ كەرەك. ەكىنشى، سەرپىندى ارتتىرىپ، كاسىپورىنداردىڭ جۇمىس ورنىن ورنىقتىرۋىنا كومەكتەسۋ كەرەك. جۇمىسسىزدىقتى قامسىزداندىرۋ جانە جۇمىس ۇستىندە جارالانۋدى قامسىزداندىرۋ اقى شاماسىن كەزەڭدىك تومەندەتۋ، جۇمىسشى قىسقارتپاعان نەمەسە از قىسقارتقان كاسىپورىندارعا جۇمىسسىزدىق قامسىزداندىرۋ وتەمىن قايتارىپ بەرۋ جانە جۇمىسشى - قىزمەتكەرلەردى جۇمىس ورنىندا تاربيەلەۋگە قوسىمشا قاراجات بەرۋ ساياساتىن ءبىر جىل ۇزارتىپ اتقارۋ كەرەك. ءۇشىنشى، كاسىپتىك ونەردى جوعارىلاتۋ ارەكەتىن ىشكەرىلەي ىلگەرىلەتىپ، كاسىپتىك تاربيەلەۋدىڭ نەگىزدىك قۋات قۇرىلىسىن كۇشەيتۋ كەرەك. قالا - اۋىلدا ورتالاۋ، ورتا مەكتەپ بىتىرگەن سوڭ جوعارىلاپ وقي الماعانداردى، 20 جاستان تومەنگى تىزىمگە الىنعان جۇمىسسىزداردى تەحنيكالىق ونەرگە باۋلۋ كۋرستارىنا قاتىناستىرۋ، سونداي - اق بەلگىلەمە بويىنشا تاربيەلەۋ قوسىمشا قاراجاتىن بەرۋ، مۇنىڭ ىشىندە اۋىل - قىستاق كۋرسانتتارى مەن قيىنشىلىعى بار وتباسى مۇشەلەرىنە تۇرمىستىق قاراجات بەرۋ كەرەك. ءتورتىنشى، كاسىپتەندىرۋدى تومەنگى شەكتەن تۇسىرمەي قامتاماسىزداندىرۋ كەمەلدەندىرىلەدى. قالا - اۋىل ەڭبەكشىلەرىنىڭ تۇرعىلىقتى جەرىندە جۇمىسسىزدىقتى تىزىمگە الدىرۋىنا جول بەرىلەدى. جۇمىسسىزدىقتى قامسىزداندىرۋ قاراجاتىن الۋ مەرزىمى تولعاننان كەيىن دە جۇمىسقا ورنالاسپاعان، ونىڭ ۇستىنە زەينەتكە شىعۋىنا ءبىر جىلعا تولمايتىن ۋاقىت قالعاندارعا قاراتا زەينەتكە شىققانشا قامسىزداندىرۋ قاراجاتىن بەرۋگە بولادى. كاسىپتەنۋى قيىن ادامداردىڭ ىشىندە يكەمدى كاسىپتەندىرۋ قوعامدىق قامتاماسىزداندىرۋ قوسىمشا قاراجاتىنان يگىلىكتەنۋ ساياساتىنىڭ مەرزىمى تولىپ، ءالى دە ورنىقتى كاسىپتەنە الماعانداردىڭ ساياساتتان تاعى ءبىر جىل يگىلىكتەنۋىنە بولادى. تۇرمىسىندا قيىنشىلىعى بار جۇمىسسىزداردىڭ نەگىزگى تۇرمىسىنا شىنايى كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
