لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2020.04.22 16:34 كەلۋ قاينارى : حالىق تورابى
كەدەيلەردى، ەڭ تومەنگى تۇرمىسى قامتاماسىزداندىرىلۋشىلاردى جانە جۇمىسسىزداردى سۇيەمەلدەۋ، قامتاماسىزداندىرۋ تەبىنىن ارتتىرۋ ورنالاستىرىلدى؛ جالپىعا ءتيىمدى فينانستى باعالاۋدىڭ ماڭىزدىلىعىن ارتتىرۋ جانە ورتا، شاعىن بانكەلەردىڭ زاپاس قارجى تاراتۋ قامتىم سالىستىرماسىن تومەندەتۋ، شاعىن، ۇساق كاسىپورىندارعا فينانستىق قىزمەت وتەۋدى كۇشەيتۋ بەلگىلەندى؛ قىزمەت وتەۋ سالاسىنداعى شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ ءۇي مايعا الۋ قىسىمىن جەڭىلدەتۋىنە كومەكتەسۋ شارالارى ايقىندالدى
شينحۋا اگەنتتىگى، 4 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 21 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، كەدەيلەردى، ەڭ تومەنگى تۇرمىسى قامتاماسىزداندىرىلۋشىلاردى جانە جۇمىسسىزداردى سۇيەمەلدەۋ، قامتاماسىزداندىرۋ تەبىنىن ارتتىرۋ ورنالاستىرىلدى؛ جالپىعا ءتيىمدى فينانستى باعالاۋدىڭ ماڭىزدىلىعىن ارتتىرۋ جانە ورتا، شاعىن بانكەلەردىڭ زاپاس قارجى تاراتۋ قامتىم سالىستىرماسىن تومەندەتۋ، شاعىن، ۇساق كاسىپورىندارعا فينانستىق قىزمەت وتەۋدى كۇشەيتۋ بەلگىلەندى؛ قىزمەت وتەۋ سالاسىنداعى شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ ءۇي مايعا الۋ قىسىمىن جەڭىلدەتۋىنە كومەكتەسۋ شارالارى ايقىندالدى.
ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، قازىرگى ەكونوميكالىق دامۋدا كەز كەلگەن بۇرىن بولماعان سىن - سايىسقا توتەپ بەرۋدە، ءسوز جوق، اناعۇرلىم باعىتتامالى شارالار قولدانىپ، نەگىزگى حالىق تۇرمىسىن قامتاماسىز ەتۋ جانە تومەنگى شەكتەن تۇسىرمەۋ تەبىنىن كۇشەيتۋ كەرەك. ءبىرىنشى، اۋىل - قىستاقتاعى كەدەيلەردى سۇيەمەلدەۋدى كۇشەيتۋ كەرەك. مەملەكەتتىڭ ءىرى نىساندار قۇرىلىسىندا الدىمەن كەدەي ەڭبەككۇشتەردى جۇمىسقا ورنالاستىرۋ، جىلۋ بەرۋدى ەڭبەككە ورنالاستىرۋعا وزگەرتۋ فورماسىنداعى قارجى قوسۋ سالاسىن جانە اتقارۋ كولەمىن كەڭەيتۋ، ەڭبەكاقى سالىستىرماسىن %10 تەن %15 كە جوعارىلاتۋ، كەدەيلەردى سۇيەمەلدەۋ سەحتارى، الەۋمەتتىك يگىلىك جۇمىس ورنى سياقتى تاسىلدەرمەن جەرگىلىكتى ورىننىڭ وزىندە، جاقىن ماڭدا كاسىپتەنۋ ورايىن كەڭەيتۋ كەرەك. كەدەيلەردى سۇيەمەلدەۋ شاعىن سومالى امانات - قارىزىن قايتارۋ مەرزىم شەگى بيىل جىل سوڭىنا دەيىن ۇزارتىلادى. ىندەتتىڭ ىقپالىنا ۇشىراپ قايتا كەدەيلەنۋ، كەدەيلەنۋ قاتەرى بار ادامداردى سۇيەمەلدەۋ، كومەكتەسۋدى ويداعىداي ىستەۋ كەرەك. ەڭبەك قۋاتى بار كەدەي قاۋىمدى كەدەيلەردى سۇيەمەلدەۋ شاعىن سومالى ءوسىمدى قارىز اقشاسى، تەحنيكالىق جاقتان تاربيەلەۋ سياقتى كەدەيلەردى سۇيەمەلدەۋ ساياسات كولەمىنە ەنگىزۋگە بولادى. كەدەي رايونداردىڭ ەرەكشە ونىمدەرىنىڭ ساتىلۋ ارناسىن كەڭەيتىپ، شارۋالاردىڭ كىرىسىن ارتتىرۋ كەرەك. ەكىنشى، ەڭ تومەنگى تۇرمىستى قامتاماسىزداندىرۋ شارتىنا ۇيلەسەتىن قالا مەن اۋىلداعى قيىنشىلىعى بار وتباسىلاردىڭ قامسىزداندىرۋعا تيىستىلەرىن تۇگەلدەي قامسىزداندىرۋ، جۇمىسسىزدىق قامسىزداندىرۋىنا قاتىناسپاعان ءارى كىرىسى ەڭ تومەنگى تۇرمىستى قامتاماسىزداندىرۋ ولشەمىنەن تومەن بولعان شارۋا جۇمىسكەرلەر قاتارلى جۇمىسسىزداردى ەڭ تومەنگى تۇرمىستى قامتاماسىزداندىرۋ، قۇتقارۋ كولەمىنە دەر كەزىندە ەنگىزۋ كەرەك. ىندەتتىڭ ىقپالىنان ۋاقىتتىق قيىنشىلىققا ۇشىراعاندارعا ۋاقىتتىق كومەك بەرۋ قىزمەتىن جاقسى ىستەۋ كەرەك. ءۇشىنشى، جۇمىسسىزدارعا كومەكتەسۋ، سۇيەمەلدەۋ جاعىندا بيىل شىعارىلعان شارالاردى تياناقتاندىرۋ نەگىزىندە جۇمىسسىزدىق قامسىزداندىرۋىن قامتاماسىزداندىرۋ كولەمىن قالا مەن اۋىلداعى قامسىزداندىرۋعا قاتىناسقان بارلىق جۇمىسسىزعا كەڭەيتۋ كەرەك. مۇنىڭ ىشىندە وتكەن جىلى 1 - ايدان بەرى قامسىزداندىرۋعا قاتىناسقانىنا ءبىر جىلعا تولمايتىن جۇمىسسىز شارۋا جۇمىسكەرلەردى كەزەڭدىك قامتاماسىزداندىرۋ كولەمىنە ەنگىزۋ كەرەك (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
