قورعانىس مينيسترلىگى مالىمدەمە جاريالادى: ا ق ش – تىڭ ارەكەتى تايۋان رايونىنىڭ بەيبىتشىلىگى مەن ورنىقتىلىعىنا اۋىر زيان جەتكىزەدى
2020.05.21 16:33 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 20 - كۇنى، بەيجيڭ. جۇڭحۋا حالىق رەسپۋبليكاسىنىڭ قورعانىس مينيسترلىگى 5 - ايدىڭ 20 - كۇنى ا ق ش - تىڭ تايۋانعا ساياتىن ارەكەتىنە مالىمدەمە جاريالادى. مالىمدەمەنىڭ تولىق مازمۇنى تومەندەگىدەي:
5 - ايدىڭ 20 - كۇنى ا ق ش – تىڭ مەملەكەت ىستەر حاتشىسى پومپەو مالىمدەمە جاريالاپ، تايۋان رايونىنىڭ باسشىسى ساي دىفىڭنىڭ مىندەتكە وتىرعانىن قۇتتىقتادى، جۇڭحۋا حالىق رەسپۋبليكاسىنىڭ قورعانىس مينيسترلىگى بۇعان كۇشتى نارازىلىق بىلدىرەدى جانە باتىل قارسى تۇرادى.
تايۋان − جۇڭگونىڭ ايرىلماس ءبىر بولەگى. ا ق ش – تىڭ ارەكەتى ءبىر جۇڭگو پرينسيبى مەن جۇڭگو - ا ق ش ءۇش بىرلەسكەن مازمۇنداماسىنىڭ بەلگىلەمەسىنە اۋىر قايشىلىق جاسادى، جۇڭگونىڭ ىشكى ىستەرىنە اۋىر دارەجەدە كيلىگىپ، جۇڭگو، ا ق ش مەملەكەتتەرى مەن ارميالارىنىڭ بايلانىسىنىڭ دامۋىنا اۋىر زيان جەتكىزدى، تايۋان بۇعازى رايونىنىڭ بەيبىتشىلىگى مەن ورنىقتىلىعىنا اۋىر زيان جەتكىزدى، بۇل − توتەنشە قاتە ءارى توتەنشە حاۋىپتى ارەكەت.
تايۋان ماسەلەسى − جۇڭگونىڭ ىشكى ءىسى، جۇڭگونىڭ وزەكتى مۇددەسىنە جانە ءبىر ميلليارد 400 ميلليون جۇڭگو حالقىنىڭ ۇلتتىق سۇيىسپەنشىلىگىنە سايادى، ءارقانداي سىرتتان كەلگەن كيلىگۋگە جول بەرىلمەيدى. ءبىز ءارقانداي ەلدىڭ تايۋانمەن ءارقانداي فورماداعى رەسمي بارىس - كەلىس پەن اسكەري بايلانىستى ورىستەتۋىنە باتىل قارسى تۇرامىز. ءبىز ءارقانداي ادامنىڭ، ءارقانداي ۇيىمنىڭ، ءارقانداي پارتيانىڭ ءارقانداي ۋاقىتتا، ءارقانداي فورمامەن جۇڭگونىڭ ءارقانداي ءبىر تەرريتورياسىن جۇڭگودان ءبولىپ اكەتۋىنە استە جول بەرمەيمىز!
ءوزىن زور ساناۋدىڭ شىعار جولى جوق، تايۋان ارقىلى جۇڭگوعا شەكتەۋ سالۋ − قۇر دالباسا بولعاندىق. «تايۋان تاۋەلسىزدىگى» بولشەكتەۋشى كۇشتەرى جانە ولاردىڭ ارەكەتى ۇلتتىق ادىلەتتىلىككە قايشى كەلىپ وتىر، بۇل نامىستى اياق استى ەتكەندىك رەتىندە تاريح بەتىنە جازىلادى. جۇڭگو حالىق ازاتتىق ارمياسىندا ءارقانداي فورماداعى سىرتقى كۇشتەردىڭ كيلىگۋى مەن «تايۋان تاۋەلسىزدىگى» بولشەكتەۋشىلىك قاسكۇنەمدىگىن تالقاندايتىن بەرىك جىگەر، تولىق سەنىم، جەتكىلىكتى قابىلەت بار، بارلىق قاجەتتى شارالاردى قولدانىپ مەملەكەتتىڭ يەلىك ۇقىعى مەن تەرريتوريا تۇتاستىعىن، تايۋان بۇعازى رايونىنىڭ بەيبىتشىلىگى مەن ورنىقتىلىعىن باتىل قورعايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
