شي جينپيڭ تەڭىز ارمياسىنىڭ قۇرلىقتىق سوعىس قوسىنىن كوزدەن كەشىرگەندە مىنانى دارىپتەدى
تيپتە بۇرىلىس جاساۋ قۇرىلىسىن جەدەل ىلگەرىلەتىپ، سوعىس جۇرگىزۋ قابىلەتىن جەدەل جوعارىلاتىپ، بىرىككەن كوپ يقۋاتتى، تەز اڭىس بىلدىرەتىن، جالپى سالالىق سايلاۋىت كۇشتى قوسىندى قۇلشىنا قۇرىپ شىعۋ كەرەك
2020.10.14 15:51 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 13 – كۇنى، چاۋجوۋ (تىلشىلەر لي شۋانلياڭ، لي يۇن). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 13 - كۇنى تەڭىز ارمياسىنىڭ قۇرلىقتىق سوعىس قوسىنىن كوزدەن كەشىردى. ول مىنالاردى دارىپتەدى: تەڭىز ارمياسىنىڭ قۇرلىقتىق سوعىس قوسىنى − تەڭىزدە دە، قۇرلىقتا دا سوعىس جۇرگىزە الاتىن سۇرىپتالعان ەرەكشە سوعىس كۇشى، ول مەملەكەتتىڭ يەلىك ۇقىق حاۋىپسىزدىگى مەن تەرريتوريا تۇتاستىعىن قورعاۋ، مەملەكەتتىڭ تەڭىز - مۇحيتتاعى ۇقىق - مۇددەسىن قورعاۋ، مەملەكەتتىڭ شەتەلدەگى مۇددەسىن قورعاۋ جاقتارىندا ماڭىزدى مىندەت ارقالاپ وتىر. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، تەڭىز ارمياسىنىڭ قۇرلىقتىق سوعىس قوسىنى قۇرىلىسىن باسقارۋ جانە سوعىس جۇرگىزۋ قولدانىس ەرەكشەلىگى مەن زاڭدىلىعىن تولىق يگەرىپ، تيبىن وزگەرتۋ قۇرىلىسىن جەدەل ىلگەرىلەتىپ، سوعىس جۇرگىزۋ قابىلەتىن جەدەل جوعارىلاتىپ، بىرىككەن كوپ يقۋاتتى، تەز اڭىس بىلدىرەتىن، جالپى سالالىق سايلاۋىت كۇشتى قوسىندى قۇلشىنا قۇرىپ شىعۋ كەرەك.
چاۋجوۋدىڭ كۇزگى كورىنىسى كوز تارتادى. تۇستەن بۇرىن ساعات 10 نان 40 مينۋت وتكەندە شي جينپيڭ تەڭىز ارمياسىنىڭ قۇرلىقتىق سوعىس قوسىنى ورگانىنا باردى. دۋ قول شاپالاق ءۇنى ىشىندە شي جينپيڭ تەڭىز ارمياسى قۇرلىقتىق سوعىس قوسىنىنىڭ بريگادادان جوعارى اسكەري ءبولىم نەگىزگى باسشىلارىمەن جانە ورگان باستىعى دارەجەلىدەن جوعارى باسشى كادرلارمەن ىقىلاسپەن كەزدەسىپ، كوپشىلىكپەن بىرگە سۋرەتكە ءتۇسىپ ەستەلىك قالدىردى.
تەڭىز ارمياسىنىڭ قۇرلىقتىق سوعىس قوسىنى − 2017 - جىلى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ مەملەكەت قورعانىسى مەن ارميا رەفورماسىن تەرەڭدەتۋ جونىندەگى شەشىم، ورنالاستىرۋلارىنا ساي رەتتەلىپ قۇرىلعان قوسىن. شي جينپيڭ كورمە تاقتاسى ارقىلى تەڭىز ارمياسى قۇرلىقتىق سوعىس قوسىنىنىڭ نەگىزگى جاعدايىن ۇعىستى. وسىدان كەيىن شي جينپيڭ اسكەري ءبولىم قۇرىلىسىنىڭ جاعدايىن اڭىس ەتكەن كوپ مەديالى فيلمدى كوردى ءارى كەسكىن ارقىلى مىندەت ارقالاعان قاتىستى بولىمشە اترەتتەردىڭ ارناۋلى جاتتىعۋ جاعدايىن كوزدەن كەشىردى. شي جينپيڭ تەڭىز ارمياسى قۇرلىقتىق سوعىس قوسىنىنىڭ رەتتەلىپ قۇرىلعاننان بەرگى دامۋ جانە مىندەت ورىنداۋ جاعدايىن تولىق تۇراقتاندىردى.
شي جينپيڭ مالىمەتتى تىڭداعاننان كەيىن ماڭىزدى ءسوز سويلەدى. ول مىنالاردى دارىپتەدى: تەڭىز ارمياسى قۇرلىقتىق سوعىس قوسىنى قۇرىلىسىنىڭ ستراتەگيالىق جوباسىن كۇشەيتىپ، ەلىمىزدىڭ دامۋ ستراتەگياسىنا، حاۋىپسىزدىك ستراتەگياسىنا، اسكەري ستراتەگيالىق قاجەتىنە، مەملەكەت قورعانىسى مەن ارميانى وسىزامانداندىرۋ ستراتەگيالىق ورنالاستىرۋىنا، بۇكىل ارميانىڭ سەلبەسىپ سوعىس جۇرگىزۋ جۇيە قۇرىلىسى جانە تەڭىز ارمياسىنىڭ تيبىن وزگەرتۋ قۇرىلىسى تالابىنا سايكەستىرىپ، تەڭىز ارمياسىنىڭ قۇرلىقتىق سوعىس قوسىنى قۇرىلىسىنىڭ نىساناسىن، باعىتىن، جولىن، ءتۇيىنىن انىقتاپ، جول كارتاسىن، قۇرىلىس جۇرگىزۋ كارتاسىن ايقىنداۋ كەرەك. كەلەلى نازاريالىق جانە امالياتتىق ماسەلەلەردى زەرتتەۋدى كۇشەيتىپ، جۇڭگوشا تەڭىز ارمياسىنىڭ قۇرلىقتىق سوعىس قوسىنىن قۇرۋ جولىن قاراستىرۋ كەرەك. ارميامىزدىڭ «14 - بەس جىلدىق» جوسپارىن جاساۋ قىزمەتى شۇعىل جۇرگىزىلۋدە، مۇندا قازىرگىنى تياناق ەتىپ، بولاشاققا كوز جىبەرىپ، كورنەكتى قايشىلىقتار مەن رەال سۇرانىستاردى مۇقيات زەرتتەپ شەشىپ، تەڭىز ارمياسىنىڭ قۇرلىقتىق سوعىس قوسىنى قۇرىلىسىن ءبىر تۇتاس ويداعىداي جوسپارلاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
