لي جانشۋ يندونەزيا پارلامەنتىنىڭ باستىعى پۋانمەن كەڭەس وتكىزدى
2020.12.11 15:40 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 10 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 12 - ايدىڭ 10 - كۇنى حالىق سارايىندا بەينە ەكران فورماسىمەن يندونەزيا پارلامەنتىنىڭ باستىعى پۋانمەن كەڭەس وتكىزدى.
لي جانشۋ بىلاي دەدى: بيىل جىل باسىنان بەرى جاڭا تيپتى ايدارشا ۆيرۋس وكپە قابىنۋ ىندەتى الدىندا جۇڭگو مەن يندونەزيا ءبىر - بىرىنە قارايلاسىپ، قيىندىقتى بىرگە جەڭدى، ەكى ەلدىڭ ءداستۇرلى دوستىعى اناعۇرلىم بەكەمدەلدى جانە تەرەڭدەدى. ءتوراعا شي جينپيڭ جوكو زۇڭتۇڭمەن 3 رەت تەلەفوندا سويلەسىپ، ىندەتكە قارسى اتتانۋ سەلبەستىگى جانە ەكونوميكانى قالپىنا كەلتىرۋ جونىندە ماڭىزدى ورتاق تانىمعا كەلدى. جۇڭگو يندونەزيامەن بىرگە ەكى ەلدىڭ ديپلوماتيالىق قاتىناس ورناتقانىنىڭ 70 جىلدىعىن وراي ەتىپ، ىندەتكە قارسى اتتانۋ جانە دامۋ سىندى ەكى ۇلكەن نەگىزگى جەلىنى توڭىرەكتەي وتىرىپ، ءار سالاداعى ناقتى سەلبەستىكتى تەرەڭدەتىپ، ەكى ەلدىڭ جان - جاقتى ستراتەگيالىق سەرىكتەستىك قاتىناسىنىڭ ۇزدىكسىز اناعۇرلىم زور دامۋعا قول جەتكىزۋىن ىلگەرىلەتۋگە پەيىل.
لي جانشۋ ەكى ەل باسشىلارىنىڭ ورتاق تانىمىن تياناقتاندىرۋ، زاڭ شىعارۋ قۇرىلىمدارىنىڭ سەلبەستىگىن كۇشەيتۋ جونىندە 4 جاقتان ۇسىنىس قويدى. ءبىرىنشى، ىندەتكە قارسى اتتانۋ سەلبەستىگىن كۇشەيتۋ كەرەك. ەكى جاقتىڭ ىندەتكە قارسى اتتانۋداعى زات، تەحنيكا، ءدارى - دارمەك قاتارلى جاقتارىنداعى سەلبەستىگىن تەرەڭدەتىپ، ەكى ەل كاسىپورىندارىنىڭ ۆاكسينانى زەرتتەپ اشۋ، ساتىپ الۋ، ءوندىرۋ قاتارلى سالالارداعى سەلبەستىگىن كۇشەيتىپ، ىنتىماقتاسا وتىرىپ ىندەتكە قارسى اتتانۋ ۇلى تۋىن ءۇرتىس بيىك كوتەرىپ، ىندەتتى ساياسيلاندىرۋعا، وزگە ەلدەردىڭ اتىنا كۇيە جاعۋعا قارسى تۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتۋ كەرەك. ەكىنشى، دوستىق بارىس - كەلىستى جيىلەۋ كەرەك. زاڭمەن جونگە سالۋ تاسىلىنەن پايدالانىپ ىندەتتەن ساقتانۋ، ەكونوميكانى ىلگەرىلەتۋ ەكى ەلدىڭ زاڭ شىعارۋ قۇرىلىمدارىنىڭ قازىرگى اۋىس - كۇيىسىنىڭ، سەلبەستىگىنىڭ ماڭىزدى تۇيىندەرىنىڭ ءبىرى سانالادى. تىعىز بايلانىستى ساقتاپ، ەل باسقارۋ تاجىريبەلەرىن ءبولىسىپ، زاڭمەن جونگە سالۋ يدەياسى، زاڭ – ءتۇزىم جاعىنداعى ءوزارا ۇيرەنۋدى، ءوزارا ۇلگى الۋدى كۇشەيتىپ، زاڭ شىعارۋ قۇرىلىمى تۇرعىسىنان مەملەكەت قاتىناسىنىڭ دامۋىنا دەم بەرىپ، ءوز ەلدەرىمىزدىڭ ىشكى ەكونوميكاسىنا قىزمەت وتەۋگە پەيىلمىز. ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - ءبىرىمىزدى باتىل قولداپ، ءار ەل پارلامەنتتەرى وداعى سياقتى كوپ جاقتى مەحانيزمدەگى تاماشا سايكەستىكتى ساقتاۋىمىز كەرەك. ءۇشىنشى، ەكونوميكا - ساۋدا سەلبەستىگىن تەرەڭدەتۋ كەرەك. ەكى جاقتىڭ ستراتەگيالىق ۇشتاسۋىن كۇشەيتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن ىلگەرىلەتىپ، ساۋدا مەن قارجى قوسۋدى كەڭەيتىپ، ساۋدانىڭ اقاۋسىز، تەپە - تەڭ دامۋىن جەبەپ، ءتۇيىندى سەلبەستىك نىساندارىنىڭ قۇرىلىسىنا كەپىلدىك ەتىپ، نەگىزدىك قۇرىلعى نىساندارىنداعى سەلبەسۋدەن سىرت، اۋىل شارۋاشىلىعى، بالىق شارۋاشىلىعى، ورتاشا، شاعىن كاسىپورىندار، ينتەرنەت، جاساندى زەردە، سيفرلى ەكونوميكا، سونداي - اق ەمدەۋ، دەنساۋلىق ساقتاۋ، مادەنيەت، وقۋ - اعارتۋ سياقتى حالىق تۇرمىسى سالالارىنداعى سەلبەستىكتى كۇشەيتىپ، ەكونوميكانىڭ قالپىنا كەلۋى مەن حالىق تۇرمىسىنىڭ جاقسارۋىن ىلگەرىلەتۋ كەرەك. ءتورتىنشى، بەيبىت دامۋدى جەبەۋ كەرەك. باندۇڭ رۋحى ءالى دە دۇنيە ءجۇزىنىڭ دامۋ اعىمى جانە باسىم كوپ ساندى ەلدىڭ ورتاق تانىمى سانالادى. جاھاندانۋعا قارسى تۇرۋدىڭ، سىڭار جاقتىلىقتىڭ، قورعانىمپازدىقتىڭ، زورەكەرلىكتىڭ قاندايى بولسا دا، جۇرت كوڭىلىنە جاقپايدى. كوپ جاقتىلىقتى بىرگە قورعاپ، قول ۇستاسا وتىرىپ اناعۇرلىم تىعىز جۇڭگو - شىعىس وڭتۇستىك ازيا ەلدەرى وداعىنىڭ تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن قۇرۋعا پەيىلمىز.
پۋ - ان بىلاي دەدى: يندونەزيا مەن جۇڭگونىڭ دوستىق بارىس - كەلىسى ارىدان باستاۋ الادى. ەكى جاقتىڭ ءار سالاداعى ناقتى سەلبەستىگى ەكى ەل حالىقتارىنا ناقتى پايدا جەتكىزدى. ەكى ەلدىڭ ىنتىماقتاسا وتىرىپ ىندەتكە قارسى اتتانۋى ىندەتتى بىرگە جەڭىپ، ەكونوميكالىق، قوعامدىق دامۋدى ىلگەرىلەتۋدە ماڭىزدى مانگە يە. يندونەزيا پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى، سەلبەستىكتى كۇشەيتىپ، ەكى ەل قاتىناسىنىڭ ىشكەرىلەي دامۋىن جەبەۋ جولىندا ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
