دۇنيە جۇزىندەگى ساياسي پارتيالار جۇڭگو كوممۋنيستىك پارتياسىمەن اۋىس – كۇيىستى، بارىس – كەلىستى كۇشەيتۋدى ءۇمىت ەتەدى
2020.12.10 15:29 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 9 – كۇنى بەيجيڭنەن بەرگەن حابارى. جۋىردا، دۇنيە جۇزىندەگى ساياسي پارتيالار ءتۇرلى تاسىلدەرمەن ج ك پ ورتالىق كوميتەتى شەتەلمەن بايلانىس جاساۋ بولىمىنە: جۇڭگو كوممۋنيستىك پارتياسى 19 – كەزەكتى ورتالىق كوميتەتى بەسىنشى جالپى ءماجىلىسىن ءساتتى اشتى ءارى جۇڭگوعا باسشىلىق ەتىپ، جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋ مەن كەدەيلىكتەن ارىلتۋدان قامال الۋ، ەكونوميكا مەن قوعامدى دامىتۋ قاتارلى جاقتاردا كەلەلى جەتىستىكتەرگە قول جەتكىزدى، بۇل شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ «حالىقتى وزەك ەتۋ» سىندى دامۋ تانىمىندا تاباندى بولىپ، جۇڭگو حالقىنا باقىت جاراتىپ قانا قويماي، دۇنيە ءجۇزى حالقىنا دا باقىت جاراتاتىنىن تولىق ايگىلەدى، جۇڭگو كوممۋنيستىك پارتياسىمەن دوستىق بارىس – كەلىستى اناعۇرلىم كۇشەيتىپ، ەل باسقارۋ جاعىنداعى تاجىريبەلەردى ءوزارا ۇيرەنۋ، ءوزارا ۇلگى الۋدى تەرەڭدەتۋدى، دۇنيە ءجۇزىنىڭ ورنىقتىلىعى مەن وركەندەۋىنە ۇلەس قوسۋدى ءۇمىت ەتەتىندىكتەرىن بىلدىرگەن.
پاكيستان ادىلەت قوزعالىسى پارتياسى، كامبودجا حالىق پارتياسى، بيرما مەملەكەتتىك دەموكراتيالىق وداعى، يندونەزيا كاسىپتىك توپ پارتياسى، فيليپپين دەموكراتيالىق – حالىقتىق كۇش پارتياسى، ءۇندىستان كوممۋنيستىك پارتياسى (ماركسيزمدىك) قاتارلىلار مىنانى بىلدىرگەن: جۇڭگو كوممۋنيستىك پارتياسى ءتۇرلى تيپتەگى ساياسي پارتيالارمەن دوستىق بارىس – كەلىس جاساپ، دۇنيە ءجۇزىنىڭ بەيبىتشىلىگىن - ورنىقتىلىعىن قورعادى، دۇنيە جۇزىندەگى ساياسي پارتيالاردىڭ بارىس - كەلىس جاساۋىندا، سەلبەستىگىندە ماڭىزدى جەتەكشىلىك رول اتقاردى. ءبىز جۇڭگو كوممۋنيستىك پارتياسىمەن اۋىس – كۇيىستى، بارىس – كەلىستى كۇشەيتۋگە ءمان بەرەمىز، بۇل حالىقارالىق سەلبەستىكتى ىلگەرىلەتۋگە ءتيىمدى بولىپ قالماستان، ءتۇرلى تيپتەگى ساياسي پارتيالاردىڭ ءوزارا ۇيرەنۋ، ءوزارا ۇلگى الۋىنا وراي مەن تەكشە سيلايدى.
گونگو ەڭبەك پارتياسى، بوتسۋانا دەموكراتيالىق پارتياسى، گانا جاڭا وتانشىلدىق پارتياسى، وڭتۇستىك افريكا كوممۋنيستىك پارتياسى، فورد ءمۇيىسى افريكا تاۋەلسىزدىك پارتياسى قاتارلىلار مىنانى بىلدىرگەن: جۇڭگو كوممۋنيستىك پارتياسى دۇنيە جۇزىندەگى ءار ەلدەگى مۇراتتاس ساياسي پارتيالارمەن باۋىرلاستارداي قارىم – قاتىناس ورناتتى ءارى پارتيا ارالىق قارىم – قاتىناس جولدارى ارقىلى ساياسي، ەكونوميكا، قوعام، مادەنيەت، ەكولوگيا قاتارلى سالالارداعى دامۋ تاجىريبەلەرىن جومارتتىقپەن ورتاقتاسىپ، ءار ەل ساياسي پارتيالارىنىڭ ەل باسقارۋ قابىلەتىن ارتتىرۋىنا كومەكتەستى. جۇڭگونىڭ افريكاداعى ەلدەر مەن ساياسي ۇكىمەتتەردىڭ جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋىنا قىمباتتى قولداۋ بىلدىرگەنىنە ىندەتتەن ساقتانۋعا زاتتىق جانە قارجى جاعىنان كوپ رەت جاردەم بەرگەنىنە شىنايى راقىمەت بىلدىرەمىز.
ارگەنتينا كوممۋنيستىك پارتياسى، ەكۆادور ساياسي پارتياسى، دومينيكا سولشىلدار ىنتىماق پارتياسى، پەرۋ كوممۋنيستىك پارتياسى (قىزىل وتان)، پاناما دەموكراتيالىق توڭكەرىس پارتياسى قاتارلى پارتيالار مىنانى بىلدىرگەن: ساياسي پارتيالار اۋىس – كۇيىسى بەيبىتشىلىك پەن سەلبەستىككە، دۇنيە جۇزىلىك جونگە سالۋ ىستەرىنە كەپىلدىك ەتەتىن ءونىمدى ءتاسىل، لاتىن امەريكاسىنداعى ساياسي پارتيالار جۇڭگو كوممۋنيستىك پارتياسىنىڭ رولى مەن ىقپالىنا وسكەلەڭ ءمان بەرەدى، يدەيالىق جانە سانالىق جاقتان جۇڭگو كوممۋنيستىك پارتياسىمەن ۇزدىكسىز اۋىس – كۇيىس جاساۋدى كۇشەيتۋدى، پارتيا ارالىق جانە مەملەكەتتەر ارالىق قارىم – قاتىناستىڭ ۇزاق مەرزىمدىك ورنىقتى دامۋىن ىلگەرىلەتۋدى ءۇمىت ەتەمىز.
ەگيپەت سوتسياليستىك پارتياسى، تۇركيا وتانشىلدىق پارتياسى، يراق «وتانشىلدىق وداعى»، پالەستين حالىق پارتياسى، ماۋريتانيا رەسپۋبليكا بولۋعا قول جەتكىزۋ وداعى قاتارلىلار مىنانى بىلدىرگەن: جۇڭگو كوممۋنيستىك پارتياسى ءىرى، شاعىن مەملەكەتتەر مەن ساياسي پارتيالاردىڭ بارلىعى تەپە – تەڭ دەگەن پرينسيپتە تاباندى بولىپ، ءوزارا قۇرمەت ەتىپ، ءوزارا ىشكى ىستەرگە ارالاسپاي، پىكىرلەسۋ – كەڭەسۋ نەگىزىندە پارتيا ارالىق اۋىس – كۇيىستى بەلسەندى ورىستەتتى. جۇڭگو كوممۋنيستىك پارتياسى — باتىس ازيا مەن سولتۇستىك افريكاداعى مەملەكەتتەردىڭ شىنايى دوسى، ءبىز جۇڭگو كوممۋنيستىك پارتياسىمەن بيلىك جۇرگىزۋ جانە دامۋ تاجىريبەلەرى جاعىندا بەلسەندى اۋىس – كۇيىس جاساپ، ەكى جاقتىڭ تەرەڭ دوستىعىن اناعۇرلىم بەكەمدەۋدى قالايمىز، جۇڭگو كوممۋنيستىك پارتياسىنىڭ ىندەتتەن ساقتانۋ – تىزگىندەۋ شارت – جاعدايى جار بەرگەن ساتتە، ۋاكىلدەر ۇيىمىن جىبەرۋ سىندى ءتۇرلى تاسىلدەر ارقىلى ەرتەرەك بارىس – كەلىس جاساۋىن قارسى الامىز.
رەسەيدىڭ ءبىرتۇتاس رەسەي پارتياسى، يسپانيا كوممۋنيستىك پارتياسى، گرەتسيا سولشىلدار بىرلەستىگى پارتياسى، سەربيا العا پارتياسى، پولشا حالىق پارتياسى قاتارلى پارتيالار مىنانى بىلدىرگەن: جۇڭگو كوممۋنيستىك پارتياسى دۇنيە جۇزىندەگى پارتيالار ارالىق بارىس – كەلىستى جانە سەلبەستىكتى ىلگەرىلەتۋ جاعىندا كورنەكتى ونىمدىلىككە يە قىزمەتتەردى ورىستەتىپ، جۇڭگو كوممۋنيستىك پارتياسىنىڭ حالىقارالىق سەلبەستىكتى ىلگەرىلەتۋدە بەلسەندى جانە ناتيجەلى رول اتقارۋ جاعىنداعى بەرىك بايلامىن ايگىلەدى. ءبىز جۇڭگو كوممۋنيستىك پارتياسىمەن اۋىس – كۇيىس جانە سەلبەستىك جاساپ، دۇنيە ءجۇزىنىڭ بەيبىت دامۋىن ىسكە اسىرۋدا بىرگە قۇلشىنىپ، ءار ەل مەن دۇنيە ءجۇزى جۇرتشىلىعىنىڭ ىرىس – قۇتىن ىلگەرىلەتۋدى قالايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
