2020 – جىلعى ەكى جاعالاۋ كاسىپكەرلەرى كەڭەسىنىڭ جىلدىق ءماجىلىسى اشىلدى
ۋاڭ ياڭ قۇتتىقتاۋ حاتىن جولدادى
2020.12.09 15:58 كەلۋ قاينارى : حالىق تورابى
شينحۋا اگەنتتىگى ءتىلشىسىنىڭ 12 – ايدىڭ 9 – كۇنى شيامىننەن بەرگەن حابارى. 2020 – جىلعى ەكى جاعالاۋ كاسىپكەرلەرى كەڭەسى 12 – ايدىڭ 9 – كۇنى بەينە بايان ءتاسىلى ارقىلى شيامىن قالاسى مەن تايبەي قالاسىندا ءبىر ۋاقىتتا اشىلدى. ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ مۇشەسى، مەملەكەتتىك ساياسي كەڭەس ءتوراعاس ۋاڭ ياڭ ەكى جاعالاۋ كاسىپكەرلەرى كەڭەسى القالار كەڭەسىنە قۇتتىقتاۋ حاتىن جولداپ، ج ك پ ورتالىق كوميتەتى مەن باس شۋجي شي جينپيڭ اتىنان جىلدىق ءماجىلىستىڭ اشىلۋىن قۇتتىقتادى، كەڭەستىڭ بارلىق مۇشەلەرىنە جانە ماجىلىسكە قاتىناسقان قۇرمەتتى قوناقتارعا سالەم جولدادى.
ۋاڭ ياڭ مىنانى ءبىلدىردى: ەكونوميكالىق سەلبەستىك — ەكى جاعالاۋ قارىم – قاتىناسىن دامىتۋدىڭ نەگىزى، ەكى جاعالاۋداعى باۋىرلاستاردىڭ ورتاق مۇددەسىنە ۇيلەسەدى. جاڭا تيپتى ايدارشا ۆيروس وكپە قابىنۋ ىندەتىنىڭ سوققىسىنا ۇشىراعان بولسا دا، بيىلعى الدىڭعى 10 ايدا ەكى جاعالاۋدىڭ ساۋدا سوماسى بۇرىنعىداي ەكى ورىندى سان بويىنشا ارتۋدى ورىندادى، بۇل ەكى جاعالاۋدىڭ ەكونوميكالىق سەلبەستىگى قۋاتىنىڭ كۇشتى، كومەسكى كۇشىنىڭ زور، توزىمدىلىگىنىڭ جەتكىلىكتى ەكەنىن تولىق ايگىلەدى.
ۋاڭ ياڭ مىنانى باسا دارىپتەدى: ج ك پ ورتالىق كوميتەتى 19 – كەزەكتى بەسىنشى جالپى ءماجىلىسى ۇلى قۇرلىقتىڭ «14 – بەسجىلدىق» جوسپار مەزگىلىندەگى ەكونوميكاسى مەن قوعامىنىڭ دامۋ جوسپارىنا ورنالاستىرۋ جاساپ، 2035 – جىلعا دەيىن سوتسياليستىك وسىزامانداندىرۋدى نەگىزىنەن ىسكە اسىرۋ سىندى بولاشاقتىق نىسانانى ورتاعا قويدى، بۇل قالىڭ تايۋان كاسىپورىندارى مەن تايۋاندىق باۋىرلاستارعا كەلەلى وراي جانە ۇزاق ۋاقىتتىق پايدا جەتكىزەتىنى داۋسىز. ءبىز ءبىر جۇڭگو پرينسيپىنە جانە «1992 – جىلعى ورتاق تانىمعا» تاباندى بولىپ، ەكى جاعالاۋداعى باۋىرلاستاردىڭ قۇت – ىرىسىن تياناق ەتىپ، ەكى جاعالاۋ قارىم – قاتىناسىنىڭ بەيبىت دامۋىن، توعىسا دامۋىن ىلگەرىلەتۋىمىز، ەكى جاعالاۋدىڭ كاسىپ سالاسىندىق سەلبەستىگىن كۇشەيتىپ، ەكى جاعالاۋدىڭ ورتاق بازارىن قالىپتاستىرۋىمىز، جۇڭحۋا ۇلتىنىڭ ەكونوميكاسىن زورايتۋىمىز كەرەك. ءبىز تايۋاندىق باۋىرلاستاردىڭ قۇت – ىرىسىنا ۇلى قۇرلىقتا ۇقساس مامىلەگە يە بولۋىنا كەپىلدىك ەتەتىن تۇزىمدەر مەن ساياساتتاردى كەمەلدەندىرىپ، تايۋاندىق ساۋداگەرلەردىڭ، تايۋاندىق كاسىپكەرلەردىڭ «ءبىر بەلدەۋ، ءبىر جول» قۇرىلىسى مەن مەملەكەتتىڭ وڭىرلىك سايكەستى دامۋ ستراتەگياسىنا اتسالىسۋىنا قولداۋ بىلدىرەمىز، ساياساتتى تياناقتاندىرۋ تەبىنىن اناعۇرلىم ارتتىرىپ، تايۋان كاسىپورىندارى مەن تايۋاندىق كاسىپكەرلەردىڭ اناعۇرلىم مول تابىس سەزىمىنە كەنەلۋىنە وراي جاراتامىز.
ۋاڭ ياڭ مىنانى باسا دارىپتەدى: كاسىپورىن — ەكى جاعالاۋ ەكونوميكاسى سەلبەستىگىنىڭ نەگىزگى تۇلعاسى، سونىمەن بىرگە، ەكى جاعالاۋ قارىم – قاتىناسىن دامىتۋداعى ۇلەس قوسۋشىلار. كەڭەس بارىسىندا ەكى جاقتىڭ القالار كەڭەسى ەكى جاعالاۋ كاسىپكەرلەرىن ىنتىماقتاستىرىپ جانە جەتەلەپ، ۇلتتىق ۇلاعاتتى ۇستانا وتىرىپ، دامۋدىڭ زور بەتالىسىن مىقتى يگەرىپ، ەكى جاعالاۋ ەكونوميكالىق سەلبەستىگىنىڭ «بالكۇلشەسىن» بارعان سايىن ۇلكەيتۋىن، ەكى جاعالاۋداعى باۋىرلاستاردىڭ ەكونوميكالىق قۇت – ىرىسىن بارعان سايىن جاقسارتۋىن، ۇلتتىڭ ۇلى گۇلدەنۋى سىندى ۇلى ىسكە ءبىر نيەتپەن اتسالىسۋىن تىلەيمىز.
كەڭەستىڭ ۇلى قۇرلىق جاق القالار كەڭەسىنىڭ باستىعى گو جينلۇڭ، القالار كەڭەسىنىڭ ورىنباسار باستىعى جاڭ پيڭ قاتارلىلار شيامىندە جىلدىق ماجىلىسكە قاتىناستى، ەكى جاعالاۋداعى ونەركاسىپ – ساۋدا سالاسىنداعى قايراتكەرلەردەن 700 نەشە ادام قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
