وڭتۇستىك شينجياڭدىق بويجەتكەن قالايشا وسىنشاما ”جارقىراپ كوز تارتادى“
جاڭ بەي
2020.12.03 15:53 كەلۋ قاينارى : شينجياڭ گازەتى
اۋىلداعى اسقار تاۋ قويناۋىنان شىعىپ، قيىرداعى زاۆودقا بارىپ، تاباندىلىعىمەن بۇكىل ەلدەگى ”ەڭ ارداقتى قىزمەتكەر“ سيلىعى ساحناسىنان كورىنگەن − وڭتۇستىك شينجياڭدىق بويجەتكەن پاشاگۇل كەرىم نىق قادامىمەن ءوز ءومىرىنىڭ شۇعىلالى شاقتارىنا جەتتى.
پاشاگۇلدىڭ بويىنان كوپتەگەن ەرەن وزگەشەلىكتەردى بايقاۋعا بولادى: باتىس بولىكتىڭ قيىر شەتىنەن شىعىس وڭتۇستىكتەگى تەڭىز جاعالاۋىنا بارىپ جۇمىس ىستەدى، اسقار تاۋلاردىڭ توسقاۋىل - كەدەرگىلەرىنەن اسىپ، ءومىردىڭ سارا جولىنا ءتۇستى، يدەيالىق بۇعاۋدى تالقانداپ، وسى زامانعى تۇرمىس كەشىرە باستادى، ءوز ءومىرىن وزگەرتىپ عانا قويماي، ءتىپتى، كوپ ادامنىڭ تاعدىرىن وزگەرتۋىنە جەتەكشىلىك ەتتى... وسى ءبىر وڭتۇستىك شينجياڭدىق بويجەتكەن قالايشا وسىنشاما ”جارقىراپ كوز تارتادى؟“ دەر بولساڭىز، بۇنىڭ جاۋابى ونىڭ حيكاياسىندا جاتىر.
ونىڭ حيكاياسىندا توپ جارىپ اتوي سالاتىن، ۇمتىلا قۇلشىناتىن، كۇرەس جاساپ تاعدىرىن وزگەرتەتىن باتىلدىق جاتىر. سىرتقا شىعىپ جۇمىس ىستەۋ ايتاقالسىن جاڭالىق ەسەپتەلمەيدى، الايدا 14 جىلدىڭ الدىندا پامير ۇستىرتىندەگى كوپ ساندى ادامدار جونىنەن ايتقاندا، اۋىلدان الىستاپ تەڭىز جاعالاۋىنداعى وڭىرلەرگە بارىپ جۇمىس ىستەۋ مۇلدە ويلاماعان جايت ەدى. 23 جاستاعى پاشاگۇل قىستاق بويىنشا ءبىرىنشى بولىپ تىزىمدەلەدى. ەلدەن ەرەن باتىلدىق پەن الىمدىلىق ونىڭ ءومىر جولىن وزگەرتتى، سونداي - اق جاستىق كوكتەمنىڭ وزگەشە شۇعىلا شاشۋىنا مۇمكىندىك جاسادى. بۇل ءداۋىر بارلىق ادامعا ءومىردىڭ جارقىن بەتىن اشاتىن ساحنا ازىرلەدى، ىرىقتىلىقپەن ورايدى يگەرەتىن، باتىلدىقپەن العا ۇمتىلاتىن جاندار قاشاندا ءومىردىڭ وزگەشە كورىنىستەرىن ەڭ الدىمەن اڭعارا ءبىلدى.
ونىڭ حيكاياسى قيىنشىلىق الدىندا باس يمەيتىن، قايسارلىق كورسەتىپ استە بوساڭسىمايتىن توزىمدىلىكتى ايگىلەدى. ارمانعا ۇمتىلۋ جولى ۇنەمى داڭعىل بولا بەرمەيدى. قيىنشىلىق الدىندا، تاباندىلىق كەرەك پە، الدە تايساقتاۋ ما، بۇل ادامنىڭ ەرىك - جىگەرىن بارىنشا سىنايدى. كوپتەگەن كەزدە تابىستىڭ سىرى تاباندىلىق كورسەتۋدە، تىنباي تاباندىلىق كورسەتۋدە جاتادى. پاشاگۇل وڭاي مويىنسال بولمايتىن جانسەبىلدىگىنە سۇيەنىپ، تىرىسا ۇيرەنىپ، جاپالىلىقپەن جاتتىعىپ، تۇرمىس، ءتىل، تەحنيكاداعى قيىن وتكەلدەردىڭ بىرىنەن سوڭ ءبىرىن جەڭىپ، ءوزىن ۇزدىكسىز كەمەلدەندىرە ءتۇستى.
ونىڭ حيكاياسىندا قامقورلىقتى تۇسىنەتىن، العىس ايتاتىن، قوعامعا قارىمجى قايتاراتىن قاسيەت جاسىرىنعان. تابان تىرەپ ورنىققان سوڭ، جەكە باسىنىڭ تابىسىنا قاناعاتتانعانى جوق، قايتا پارتيا مەن مەملەكەتتىڭ جاقسى ساياساتىنىڭ وزىنە اكەلگەن ىرىس - قۇتىنا العىس ايتىپ، اسقار تاۋلار اراسىنداعى ءالى اۋقاتتانا قويماعان اۋىلداستارىن ەسىنەن شىعارمادى. ءار جولى اۋىلىنا قايتىپ تۋىسشىلاعان سايىن ول اۋىلداستارىنا پارتيانىڭ جاقسى ساياساتىن بەلسەندىلىكپەن ۇگىتتەپ، سىرتقا شىعىپ جۇمىس ىستەۋدىڭ پايداسىن ۇگىتتەپ، ىلگەرىندى - كەيىندى 1300دەن استام ادامنىڭ سىرتقا شىعىپ جۇمىس ىستەۋىنە تۇرتكى بولىپ، ارحيۆ تۇرعىزىلىپ، كارتچكالاندىرىلعان 279 كەدەي وتباسىنىڭ كەدەيلىكتەن ارىلۋدى جۇزەگە اسىرۋىنا كومەكتەستى. قامقورلىقتى تۇسىنەتىن، العىس ايتاتىن، قوعامعا قارىمجى قايتاراتىن قاسيەت پاشاگۇلدىڭ بويىندا جارىق شاشقان رۋحاني شۇعىلا بولىپ تابىلادى.
ونىڭ حيكاياسىنان وڭتۇستىك شينجياڭنىڭ بايتاق دالاسىندا تۋىلعان تەرەڭ وزگەرىستەر مەن مۇندالايدى. وڭتۇستىك شينجياڭداعى 4 ايماق - وبلىس مەملەكەتتىڭ ”ءۇش رايون، ءۇش وبلىستاعى“ اۋىر كەدەي وڭىرلەردىڭ ءبىرى، پاشاگۇلدىڭ مەكەنى ۇلۇقشات اۋدانى پامير ۇستىرتىندەگى تاۋ اڭعارىنا ورنالاسقان، جاسىل القاپقا سالىستىرعاندا، ءوندىرىس، تۇرمىس شارت - جاعدايى ءتىپتى دە جاپالى ەدى. توماعا - تۇيىق قورشاعان ورتا، كونە يدەيا، ونىڭ ۇستىنە كەزىندە ءدىني ۇشقارى يدەيانىڭ ىقپالىنا ۇشىراعاندىقتان جەرگىلىكتى ورىنداعى ايەلدەر ۇزاق ۋاقىت بويى ”جۇرت كوزىنە تۇسۋگە بولمايدى، تەك وت باسى، وشاق قاسىندا ءجۇرۋ كەرەك“ دەيتىن بۇعاۋدىڭ قۇرساۋىندا بولدى. ادامدار ”وڭتۇستىك شينجياڭدىق بويجەتكەندەردى“ تىلگە العاندا، ۇزىن بۇرىم، اتلاس كويلەك سىندى تاماشا ەلەستەن تىس، بۋالدىر بەينەدەن ارى اسا المايتىن، ءتىپتى، ولاردىڭ ۇيالشاق جانارىنا جاسىرىنعان ىنتىزارلىق پەن تالپىنىستى بايقامايتىن. وسى سەبەپتى، پاشاگۇل بۇكىل ەلدەگى ”ەڭ ارداقتى قىزمەتكەر“ وبرازىمەن ءبىزدىڭ الدىمىزدا پايدا بولعان ساتتە، جاڭا داۋىردەگى ”وڭتۇستىك شينجياڭ بويجەتكەنىنىڭ“ كەلبەتىن انىق كورسەتىپ عانا قالماستان، ونان دا ماڭىزدىسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە وڭتۇستىك شينجياڭنىڭ بايتاق دالاسىندا تۋىلعان تەرەڭ وزگەرىستەردى دە ايگىلەدى.
پاشاگۇل ماراپاتتاۋعا يە بولۋدىڭ الدىندا عانا، شينجياڭداعى ەڭ سوڭعى 10 كەدەي اۋداننىڭ كەدەيلىك قالپاعى الىنعاندىعى جاريالاندى. پاشاگۇل دە كەلەر جىلى ءوزىنىڭ اۋىلى ۇلۇقشات اۋدانىنا قايتىپ اياق كيىم زاۆودىن قۇرىپ، اناعۇرلىم كوپ اۋىلداستارىنىڭ جاقىن جەردە جۇمىستانۋىنا كومەكتەسۋدى جوسپارلاۋدا. بۇگىنگى شينجياڭنىڭ بايتاق دالاسىندا ادامدار بۇكىلدەي كەدەيلىكتەن ارىلعاننان كەيىن، ەندى مىنە بۇكىل ەلمەن بىرگە جاپپاي دوڭگەلەك داۋلەتتى قوعامعا اياق باسۋعا كوكىرەك تولى سەنىممەن ۇمتىلۋدا. ”قوس 100 جىلدىق“ كۇرەس نىساناسىنىڭ تاريحي توعىسىندا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالۋ الدىندا تۇرعاندا، پاشاگۇلدىڭ حيكاياسىنىڭ ءتىپتى دە كوپ جاستاردى، ول سياقتى كۇرەس ارقىلى جاستىق كوكتەمىنىڭ جالاۋىن لاۋلاتۋعا، كۇرەس ارقىلى تاماشا تۇرمىس جاراتۋعا، كۇرەس ارقىلى وتان ارمانىن بىرگە جۇزەگە اسىرۋعا شابىتتاندىراتىندىعى داۋسىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
