سۇن چۇنلان بەيجيڭ قالاسىندا تەكسەرۋ – زەرتتەۋدە بولعان كەزدە مىنانى باسا دارىپتەدى
ءايدىز اۋرۋىنان ساقتانۋ – ەمدەۋ قىزمەتىن ويداعىداي ىستەۋدى تاباندىلىقپەن، بۇلجىتپاي اتقارىپ، حالىق جۇرتشىلىعىنىڭ سالاماتتىق قورعانىن بەكەمدەيىك
2020.12.02 15:47 كەلۋ قاينارى : حالىق تورابى
حالىق گازەتىنىڭ 12 – ايدىڭ 1 – كۇنى بەيجيڭنەن بەرگەن حابارى. بۇگىن 33 – كەزەكتى دۇنيە جۇزىلىك ءايدىز اۋرۋى كۇنى، مەملەكەتتىك كەڭەس زۇڭليىنىڭ ورىنباسارى، مەملەكەتتىك كەڭەستىڭ ءايدىز اۋرۋىنان ساقتانۋ قىزمەتى كوميتەتىنىڭ مەڭگەرۋشىسى سۇن چۇنلان بەيجيڭ يوۋ – ان ەمحاناسىنا بارىپ، ءايدىز اۋرۋىنان ساقتانۋ – ەمدەۋ قىزمەتىن تەكسەردى، ساقتانۋ – ەمدەۋ قىزمەتكەرلەرى مەن ەرىكتىلەردەن حال سۇرادى، سىچۋان ولكەسى لياڭشان وبلىسى مەيگۋ اۋداندىق حالىق ەمحاناسىمەن بەينە كەسكىن ارقىلى حابارلاسىپ، نەگىزگى ساتىلارداعى ءايدىز اۋرۋىنان ساقتانۋ – تىزگىندەۋ جانە قۇتقارۋ – ەمدەۋ قىزمەتىن ۇعىستى ءارى جەرگىلىكتى ورىن، تاراۋلار جانە ماماندار قاتىناسقان اڭگىمە ءماجىلىسىن باسقارىپ اشتى. ول مىنانى باسا دارىپتەدى: جەر – جەر، تاراۋلار پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى مەن باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرۋى، لي كىچياڭ زۇڭليدىڭ بەكىتپەسىندەگى تالاپتاردى مۇقيات دايەكتىلەندىرۋى، ساقتانۋدى نەگىز ەتۋ، ساقتانۋ – ەمدەۋدى ۇشتاستىرۋ، جان – جاقتىلى جونگە سالۋ، ءتۇيىندى وڭىرلەرگە، ءتۇيىندى ادامدار توبىنا، ءتۇيىندى بۋىندارعا نازاردى شوعىرلاندىرىپ، ساياساتتى سايكەستىرۋ مەن قىزمەتتى ۇشتاستىرۋدى كۇشەيتىپ، ۇگىت – تاربيە ارقىلى ارالاسۋ، تەكسەرۋ – ساراپتاۋ، ناۋقاستاردى قۇتقارۋ – ەمدەۋ قاتارلى ساقتانۋ – تىزگىندەۋ شارالارىن ءبىرتۇتاس جوسپارلاپ، دەنساۋلىق ساقتاۋ بىلىمدەرىنىڭ الەۋمەتتىك اۋماقتارعا، كاسىپورىندارعا، مەكتەپ اۋلالارىنا، وتباسىلارعا جەتكىزىلۋىن ىلگەرىلەتىپ، جۇرتشىلىقتىڭ ءوز ارەكەتىن جۇيەگە سالۋ، ءوزىن – ءوزى قورعاۋ جانە ساقتانۋ تانىمىن جوعارىلاتۋىنا جەتەكشىلىك ەتىپ، ءتۇيىندى وڭىرلەردەگى ساقتانۋ – تىزگىندەۋدەن قامال الۋ ارەكەت جوباسىن بەلگىلەۋ، 3 – 5 جىل ۋاقىت ىشىندە، تارالۋى ءبىرشاما جوعارى بولعان وڭىرلەردە ىندەتتى ءبىرشاما تومەن دەڭگەيگە ءتۇسىرۋ، حالىق جۇرتشىلىعىنىڭ دەنساۋلىق جاعىنداعى يگىلىگىن ۇزدىكسىز ارتتىرۋ كەرەك.
سۇن چۇنلان مىنانى اتاپ كورسەتتى: «13 – بەسجىلدىق» مەزگىلىندە، ەلىمىز ءايدىز اۋرۋىنان ساقتانۋ – تىزگىندەۋ قىزمەتىندە كورنەكتى ناتيجەلەرگە قول جەتكىزدى، قان بەرۋ ارقىلى تارالۋ نەگىزىنەن ءۇزىلدى، انادان نارەستەگە تارالۋ مولشەرى تاريحتاعى ەڭ تومەنگى دەڭگەيدە تۇر، ناۋقاستاردى ەمدەۋدىڭ قامتۋ مولشەرى جانە ءساتتى بولۋ مولشەرى %90 تەن جوعارى بولدى، ءايدىز اۋرۋى باستان – اياق ءبىرشاما تومەن تارالۋ دەڭگەيىندە مەڭگەرىلدى. قازىر، ەلىمىز ءايدىز اۋرۋىنان ساقتانۋ – تىزگىندەۋ جاعىندا جاڭا جاعداي مەن جاڭا تالاپتارعا ءدوپ كەلدى، قاينارىنان باستاپ ساقتانۋ – تىزگىندەۋدى كۇشەيتۋ، ءتۇيىندى ادامدار توبىنا ۇگىت – تاربيە ارقىلى ارالاسۋدى تەرەڭدەتۋ، ءايدىز اۋرۋىنان ساقتانۋعا، مەڭگەرۋگە، ەمدەۋگە بولاتىنى جونىندەگى بىلىمدەردى جالپىلاستىرۋ، تەكسەرۋ تورىن كەمەلدەندىرۋ، ىرىقتىلىقپەن تەكسەرۋ جۇرگىزۋدى ورىستەتىپ، تەكسەرىلەتىن ادامدار توبىنىڭ قامتۋ كولەمىن كەڭەيتۋ، جۇعىمدالۋشىلاردى ەڭ جوعارى دەڭگەيدە بايقاۋ جانە باسقارۋ، ءايدىز اۋرۋىنىڭ تارالۋ ورەسىن تومەندەتۋ كەرەك. كۇشتى شوعىرلاندىرىپ، ساقتانۋ – ەمدەۋ تەحنيكاسىندا قامال الۋدى ورىستەتىپ، جۇڭگوشا شيپاگەرلىك پەن ءدارى – دارمەكتىڭ رولىن اناعۇرلىم ساۋلەلەندىرۋ، دياگنوز قويۋ – ەمدەۋ جوباسىن ۇزدىكسىز كەمەلدەندىرىپ، نەگىزگى ساتىلارداعى تەحنيكالىق قىزمەتكەرلەردى تاربيەلەۋ تەبىنىن ارتتىرىپ، ءايدىز اۋرۋىن تەكسەرۋ، ناۋقاستاردىڭ جاعدايىن ءبىلۋ، باسقا جەرگە اپارىپ ەمدەتۋ، ەمدەۋ ورەسى قاتارلى جاقتاردى جوعارىلاتۋ كەرەك. ۇكىمەت، قوعام، وتباسى، جەكەلەر بولىپ ساقتانۋ – تىزگىندەۋ جاۋاپكەرشىلىگىن كەمەلدەندىرىپ، الەۋمەتتىك ۇيىمدار مەن ەرىكتىلەردىڭ رولىن تولىق ساۋلەلەندىرىپ، بۇكىل قوعام بولىپ ءايدىز اۋرۋىنا شالدىققان ناۋقاستار مەن ءايدىز ۆيروسىمەن جۇعىمدالۋشىلارعا قامقورلىق جاساپ، ولاردىڭ سەنىم ورناتۋىنا، كوپپەن بىرگە سالاماتتى بولۋىنا كومەكتەسۋ كەرەك.
سۇن چۇنلان مىنانى باسا دارىپتەدى: جەر – جەر، تاراۋلار سالاماتتى جۇڭگو قۇرىلىسىن جاپپاي ىلگەرىلەتۋ جاعىنداعى ورنالاستىرۋلارعا ساي، ءايدىز اۋرۋىنان ساقتانۋ – ەمدەۋدىڭ «14 – بەسجىلدىق» جوسپارىن جەدەلدەتە جاساپ شىعۋى، ۇيىمدىق باسشىلىقتى جانە ءبىرتۇتاس جوسپارلاۋ - سايكەستىرۋدى كۇشەيتىپ، ساقتانۋ – تىزگىندەۋ جۇيەسى مەن قىزمەتتى سايكەستىرۋ مەحانيزمىن كەمەلدەندىرىپ، اناعۇرلىم باعىتتامالى ساياساتتىق شارالار ارقىلى ساقتانۋ – ەمدەۋ جاعىنداعى قيىن ماسەلەلەردى شەشىم ەتىپ، شابىتتاندىرۋ – قامتاماسىزداندىرۋ جانە دارىندىلاردى جەتىلدىرۋ مەحانيزمىن كەمەلدەندىرىپ، ءايدىز اۋرۋىنان ساقتانۋ قىزمەتىندە جاڭا ناتيجەلەرگە قول جەتكىزۋدى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
