قوعام حاۋىپسىزدىگى مينيسترلىگى: الەۋمەتتىك ورىنداردا ساقشى تۋىن قاساقانا قورلاعاندارعا زاڭ بويىنشا جازا بەرىلەدى
2020.12.01 14:33 كەلۋ قاينارى : حالىق تورابى
حالىق تورابىنىڭ 11 – ايدىڭ 30 - كۇنى بەيجيڭنەن بەرگەن حابارى. قوعام حاۋىپسىزدىگى مينيسترلىگى بۇگىن بەيجيڭدە اقپار جاريالاۋ ءماجىلىسىن اشىپ، «حالىق ساقشىلارىنىڭ ساقشى تۋىن باسقارۋ بەلگىلەمەسىنە (سىناق رەتىندە اتقارىلادى)» تۇسىنىك جاسادى.
اقپار جاريالاۋ ماجىلىسىندە بىلاي دەلىندى: «جۇڭحۋا حالىق رەسپۋبليكاسىنىڭ حالىق ساقشىلارى زاڭى» قاتارلى قاتىستى زاڭدارداعى بەلگىلەمەلەرگە ساي، قوعام حاۋىپسىزدىگى مينيسترلىگى ەڭ جوعارى حالىق سوت مەكەمەسىمەن، ەڭ جوعارى حالىق پروكۋراتۋراسىمەن، مەملەكەت حاۋىپسىزدىگى مينيسترلىگىمەن، ٵدىليا مينيسترلىگىمەن بىرلىكتە «حالىق ساقشىلارىنىڭ ساقشى تۋىن باسقارۋ بەلگىلەمەسىن (سىناق رەتىندە اتقارىلادى)» باسىپ تاراتتى. بەلگىلەمە جالپى ەرەجە، ساقشى تۋى ۇلگىسى مەن ولشەمى، ساقشى تۋىن بەرۋ جانە الۋ، ساقشى تۋىن ىستەتۋ، زاڭدىق جاۋاپكەرشىلىك، قوسىمشا ەرەجە سىندى 6 تاراۋعا بولىنگەن، سونىمەن بىرگە ساقشى تۋىنىڭ ۇلگىسى مەن ساقشى تۋىنىڭ جاسالۋىنا قاتىستى 2 قوسىمشا ماتەريال بار.
بەلگىلەمە مىنانى ايقىن بەلگىلەدى: ەڭ جوعارى حالىق سوت مەكەمەسىنىڭ، ەڭ جوعارى حالىق پروكۋراتۋراسىنىڭ، قوعام حاۋىپسىزدىگى مينيسترلىگىنىڭ، مەملەكەت حاۋىپسىزدىگى مينيسترلىگىنىڭ، ٵدىليا مينيسترلىگىنىڭ ساياسي قىزمەت تاراۋلارى ساقشى تۋىن باسقاراتىن باسقارۋشى تاراۋ بولىپ، ساقشى تۋىن بەرۋ - الۋ، تاراتۋ، ۇگىت - تاربيە جۇرگىزۋ سياقتى ىستەرگە جاۋاپتى بولادى، ساقشىلىق جابدىقتارىن قامتاماسىزداندىرۋ تارماعى ساقشى تۋىن جاساۋعا، تاراتۋعا، جيىپ الىپ ٴبىر جاقتىلى ەتۋگە جاۋاپتى بولادى، ساقشى ىستەرىن باقىلاۋ تاراۋلارى ساقشى تۋىن ىستەتۋ، ساقتاۋ سياقتى ىستەردى باقىلاۋعا جاۋاپتى بولادى.
بەلگىلەمەدە مىنالار تالاپ ەتىلدى: ساقشى تۋىن پايدالانعاندا، ءسوز جوق، تۋ ىستەتۋگە ۇقىقتى ورىنداردىڭ نەگىزگى جاۋاپتىلارىنا مالىمدەپ بەكىتتىرۋ كەرەك. ٴارقانداي ۇيىم مەن جەكەنىڭ بەكىتتىرمەي تۇرىپ ساقشى تۋىن جاساۋىنا، ساۋدالاۋىنا، يەمدەنۋىنە، پايدالانۋىنا بولمايدى. ساقشى تۋىن زاڭسىز جاساعاندارعا، ساۋدالاعاندارعا، يەمدەنگەندەرگە، ىستەتكەندەرگە نەمەسە الەۋمەتتىك ورىنداردا قاساقانا ٴبۇلدىرۋ، سىزعىلاۋ، بىلعاۋ، تاپتاۋ، ورتەۋ سياقتى تاسىلدەرمەن ساقشى تۋىن قورلاسا، زاڭ بويىنشا جازالانادى؛ ٴىسى قىلمىسقا تولسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى. بەلگىلەمەگە قايشىلىق جاساپ، ساقشى تۋىن ىستەتكەن ورىندار شەكتى مەرزىم ىشىندە تۇزەتۋگە بۇيىرىلادى جانە حابارلاندىرۋ شىعارىپ سىندالادى، قاتىستى ادامداردىڭ جاۋاپكەرشىلىگى زاڭ بويىنشا قۋزاستىرىلىپ، ٴىسى اۋىر بولسا، زاڭ بويىنشا شارا قولدانىلادى نەمەسە ۇيىمدىق جاقتان ٴبىر جاقتىلى ەتىلەدى.
قازىر بەلگىلەمە سىناق رەتىندە اتقارۋ ساتىسىندا تۇر، قوعام حاۋىپسىزدىگى مينيسترلىگى قاتىستى تاراۋلارمەن بىرلەسىپ ٴىس جۇزىندىك اتقارىلۋ احۋالىنا نەگىزدەلىپ، كەزدەسكەن ماسەلەلەرمەن بىرلەستىرىپ، باعىتتامالى تۇردە وزگەرىس ەنگىزىپ كەمەلدەندىرەدى، سونداي ـ اق قوعامداعى ٴار سالانىڭ ۇسىنىس ـ پىكىرلەرىن دە قارسى الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
