شي جينپيڭ ورتالىق كوميتەت ساياسي بيۋروسىنىڭ 25 - رەتكى توپتىق ۇيرەنۋىندە مىنانى دارىپتەدى
ءبىلىم مەنشىك ۇقىعىن قورعاۋ قىزمەتىن جاپپاي كۇشەيتىپ، جاڭالىق جاراتۋ ومىرشەڭدىك كۇشىن قاۋلاتىپ، جاڭا دامۋ جاعدايىن قالىپتاستىرۋدى ىلگەرىلەتۋ كەرەك
2020.12.02 15:22 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 1 - كۇنى، بەيجيڭ. ج ك پ ورتالىق كوميتەتتىڭ ساياسي بيۋروسى 11 - ايدىڭ 30 - كۇنى تۇستەن كەيىن ەلىمىزدىڭ ءبىلىم مەنشىك ۇقىعىن قورعاۋ قىزمەتىن كۇشەيتۋ جونىندە 25 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنانى دارىپتەدى: ءبىلىم مەنشىك ۇقىعىن قورعاۋ قىزمەتى مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋعا، ساپالى دامۋعا، حالىقتىڭ باقىتتى تۇرمىس كەشىرۋىنە، مەملەكەتتىڭ سىرتقا ەسىك اشۋ جالپى جاعدايىنا، مەملەكەتتىڭ حاۋىپسىزدىگىنە سايادى. جالپى بەتتىك سوتسياليستىك وسىزاماندانعان مەملەكەت قۇرۋدا، ءسوز جوق، مەملەكەتتىڭ ستراتەگيالىق ددەڭگەيىن جانە جاڭا دامۋ ساتىسىنا ءوتۋ تالابىن شىعار ءتۇيىن ەتىپ، ءبىلىم مەنشىك ۇقىعىن قورعاۋ قىزمەتىن جالپى بەتتىك كۇشەيتىپ، وسىزاماندانعان ەكونوميكالىق جۇيە قۇرۋدى جەبەپ، تۇتاس قوعامنىڭ جاڭالىق جاراتۋ ومىرشەڭدىك كۇشىن تاسقىنداتىپ، جاڭا دامۋ جاعدايىن قالىپتاستىرۋدى ىلگەرىلەتۋ كەرەك.
بەيجيڭ داشۋەسى زاڭ شۋەيۋانىنىڭ پروفەسسورى، بەيجيڭ داشۋەسى حالىقارالىق ءبىلىم مەنشىك ۇقىعىن زەرتتەۋ ورتالىعىنىڭ مەڭگەرۋشىسى ي جيميڭ وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.
شي جينپيڭ ۇيرەنۋدى باسقارعاندا ءسوز سويلەدى. ول مىنالاردى اتاپ كورسەتتى: جاڭالىق جاراتۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، ءبىلىم مەنشىك ۇقىعىن قورعاعاندىق جاڭالىق جاراتۋدى قورعاعاندىق بولىپ تابىلادى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ورتاعا قويىلعان «ۇسىنىستا» ءبىلىم مەنشىك ۇقىعىن قورعاۋ قىزمەتىن كۇشەيتۋ جونىندە ايقىن تالاپ قويىلدى. قازىر ەلىمىز ءبىلىم مەنشىك ۇقىعىن ەنگىزۋدەگى ءىرى ەلدەن ءبىلىم مەنشىك ۇقىعىن جاراتۋشى ءىرى ەل بولۋعا قاراي بۇرىلىس جاساۋدا، ءبىلىم مەنشىك ۇقىعى قىزمەتىندە سانعا تالپىنۋدان ساپاعا تالپىنۋعا بۇرىلىس جاسالۋدا. ءبىز ەلىمىزدىڭ ءبىلىم مەنشىك ۇقىعىن قورعاۋ قىزمەتىنىڭ جاعدايى مەن مىندەتىن ايقىن تانىپ، تابىستاردى قورىتىندىلاپ، جەتەرسىزدىكتەردى تاۋىپ شىعىپ، ءبىلىم مەنشىك ۇقىعىن قورعاۋ قىزمەتىنىڭ ماڭىزدىلىعى جونىندەگى تانىمدى جوعارىلاتۋىمىز، ءبىلىم مەنشىك ۇقىعىن قورعاۋ قىزمەتىن كۇشەيتۋ جاعىندا جاڭا دامۋ تانىمىن دايەكتەندىرۋدى، جاڭا دامۋ جاعدايىن قالىپتاستىرۋدى، ساپالى دامۋدى ىلگەرىلەتۋدى پارمەندى كەپىلمەن قامداۋىمىز كەرەك.
شي جينپيڭ مىنالاردى دارىپتەدى: ەلىمىزدىڭ ءبىلىم مەنشىك ۇقىعىن قورعاۋ قىزمەتى جاڭا جۇڭگو قۇرىلعاننان كەيىن كوپ وتپەي باستالدى. پارتيانىڭ 18 - قۇرىلتايىنان بەرى پارتيا ورتالىق كوميتەتى ءبىلىم مەنشىك ۇقىعىن قورعاۋ قىزمەتىن ءتىپتى دە كورنەكتى ورىنعا قويىپ، ءبىرقىدىرۋ رەفورما جۇرگىزىپ، ءبىرقىدىرۋ ماڭىزدى ساياسات، ارەكەت، جوسپاردى بەلگىلەپ جانە تياناقتاندىرىپ، ءبىلىم مەنشىك ۇقىعىن قورعاۋدىڭ قاتاڭ ءتۇزىمىن اتقارىپ، زاڭدى ۇقىق – مۇددەگە، اسىرەسە، ءبىلىم مەنشىك ۇقىعىنا قول سۇعۋ ارەكەتتەرىن زاڭ بويىنشا باتىل جازالادى. جالپى العاندا، ەلىمىزدىڭ ءبىلىم مەنشىك ۇقىعى ىستەرى ۇزدىكسىز دامىدى، ەلىمىز جۇڭگوشا ءبىلىم مەنشىك ۇقىعىن دامىتۋ جولىمەن ءجۇرىپ، ءبىلىم مەنشىك ۇقىعىن قورعاۋ قىزمەتىندە تاريحي تابىستارعا قول جەتكىزدى، تۇتاس قوعامنىڭ ءبىلىم مەنشىك ۇقىعىنا قۇرمەت ەتۋ جانە ونى قورعاۋ تانىمى كورنەكتى جوعارىلادى.
شي جينپيڭ مىنالاردى اتاپ كورسەتتى: ءبىلىم مەنشىك ۇقىعىن قورعاۋ قىزمەتىن ورەلى جوبالاۋدى كۇشەيتۋ كەرەك. «14 - بەسجىلدىق» كەزىندەگى مەملەكەتتىڭ ءبىلىم مەنشىك ۇقىعىن قورعاۋ جانە ودان پايدالانۋ جوباسىن زەرتتەپ جاساپ، نىسانانى، مىندەتتى، شارالاردى جانە ونى اتقارۋ جوباسىن ايقىنداۋ كەرەك. ءوز ەلىمىزدى نەگىز ەتۋدە، حالىقتىڭ مۇددەسىن بارىنەن جوعارى قويۋدا، ءادىل، ۇيلەسىمدى قورعاۋدا تاباندى بولىپ، ءارى ءبىلىم مەنشىك ۇقىعىن قاتاڭ قورعاۋ، ءارى الەۋمەتتىك مۇددە مەن جاڭالىق جاراتۋعا دەم بەرۋگە كەپىلدىك ەتۋ كەرەك. شەشۋشى سالالاردا دەربەس ءبىلىم مەنشىك ۇقىعى جاسامپازدىعى مەن زاپاس قوردى كۇشەيتۋ كەرەك.
شي جينپيڭ مىنالاردى دارىپتەدى: ءبىلىم مەنشىك ۇقىعىن قورعاۋ قىزمەتىن زاڭمەن جونگە سالۋ دەڭگەيىن جوعارىلاتۋ كەرەك. ازاماتتىق ىستەر زاڭناماسىنداعى قاتىستى بەلگىلەمەلەردى قاتاڭ اتقارۋمەن بىرگە، قاتىستى زاڭ - ەرەجەلەردى كەمەلدەندىرۋدى جەدەلدەتىپ، پاتەنت زاڭى، تاۋار ماركاسى زاڭى، اۆتورلىق ۇقىق زاڭى، مونوپوليالاۋعا قارسى تۇرۋ زاڭى، عىلىم - تەحنيكا العاباسارلىعى زاڭى سياقتى زاڭدارعا وزگەرىستەر ەنگىزۋ قىزمەتىن ءبىر تۇتاس جوسپارلاپ ىلگەرىلەتىپ، زاڭداردىڭ ءبىرىڭعايلىعىن كۇشەيتۋ كەرەك. جاعراپيالىق بەلگى، ساۋدا قۇپيالىعى سياقتى سالالاردا زاڭ شىعارۋدى كۇشەيتۋ كەرەك. ازاماتتىق ىستەردى ءادىليالىق جاقتان قورعاۋدى كۇشەيتىپ، ءبىلىم مەنشىك ۇقىعىنا ساياتىن دەلولاردىڭ زاڭدىلىعىنا ۇيلەسەتىن ارىز - شاعىم ولشەمىن زەرتتەپ جاساۋ كەرەك. ءبىلىم مەنشىك ۇقىعىنا سوت جۇرگىزۋ ساپاسى مەن ونىمدىلىگىن جوعارىلاتىپ، جالپىنى مويىنداتۋ قۋاتىن ارتتىرۋ كەرەك. ءبىلىم مەنشىك ۇقىعى اكىمشىلىك زاڭ اتقارۋ ولشەمى مەن ءادىليالىق تورەلىك ايتۋ ولشەمىنىڭ تۇتاستىعىن جەبەپ، اكىمشىلىك زاڭ اتقارۋ مەن ءادىليانى ۇشتاستىرۋ مەحانيزمىن كەمەلدەندىرۋ كەرەك. قىلمىستىق ىستەر زاڭى مەن ءادىليالىق تۇسىندىرمەنى كەمەلدەندىرىپ، قىلمىستىق ىستەرگە سوققى بەرۋ تەبىنىن ارتتىرۋ كەرەك. اكىمشىلىك زاڭ اتقارۋ تەبىنىن كۇشەيتىپ، بۇقارانىڭ اڭىسى كۇشتى بولعان، قوعام نازار اۋدارىپ وتىرعان، ۇقىققا قول سۇعۋ، جالعاندىق ىستەۋ جايتتەرى ءجيى بەلەڭ بەرگەن ءتۇيىندى سالالار مەن رايونداردا سىلەيتە سوققى بەرۋ، سوڭىنا دەيىن وڭاۋ، تىكسىندىرۋ جۇمىسىن تياناقتاندىرۋ كەرەك.شي جينپيڭ مىنالاردى اتاپ كورسەتتى: ءبىلىم مەنشىك ۇقىعىن تۇتاس تىزبەك بويىنشا قورعاۋدى كۇشەيتۋ كەرەك. زاڭ، اكىمشىلىك، ەكونوميكا، تەحنيكا، قوعامدىق جونگە سالۋ سياقتى كوپ ءتۇرلى تاسىلدەن پايدالانىپ، تەكسەرۋ ارقىلى ۇقىق بەرۋ، اكىمشىلىك زاڭ اتقارۋ، ءادىليالىق قورعاۋ، تورەلىك ايتۋ، جاراستىرۋ، سالالىق ءوزىن جونگە سالۋ، ازاماتتاردىڭ سەنىمدىلىگى سياقتى بۋىنداردان باستاپ كىرىسىپ قورعاۋ جۇيەسىن كەمەلدەندىرىپ، سايكەسۋدى، سەلبەسۋدى كۇشەيتىپ، جاپپاي قورعاۋ قىزمەت جاعدايىن قالىپتاستىرۋ كەرەك. ءبىلىم مەنشىك ۇقىعىن جاراتۋ، قولدانۋ، قورعاۋ، باسقارۋ جانە قىزمەت وتەۋدىڭ جالپى تىزبەگىن تۇتاستىرۋ، ءبىلىم مەنشىك ۇقىعىن جالپىلىق باسقارۋ ءتۇزىلىسىن اقاۋسىزداندىرىپ، جۇيەلىك قورعاۋ قۋاتىن كۇشەيتۋ كەرەك. ءبىلىم مەنشىك ۇقىعىن قورعاۋ، مونوپوليالاۋعا قارسى تۇرۋ، ءادىل باسەكەنى تەكسەرۋ سياقتى قىزمەتتەردى ءبىر تۇتاس جوسپارلاپ، ويداعىداي ىستەپ، جاڭالىق جاراتۋ فاكتورلارىنىڭ دەربەس، ءتارتىپتى اينالىمىن، جوعارى ءونىمدى ورنالاسۋىن جەبەۋ كەرەك. ءبىلىم مەنشىك ۇقىعى جاعىندا حالىققا قولايلى، ءتيىمدى الەۋمەتتىك قىزمەت وتەۋ جۇيەسىن قالىپتاستىرىپ، جاڭالىق جاراتۋ تابىسىنان حالىقتى اناعۇرلىم ويداعىداي يگىلىكتەندىرۋ كەرەك. ءبىلىم مەنشىك ۇقىعىن ينفورماتسيالاندىرۋ مەن زەيىندەندىرۋدەگى نەگىزدىك قۇرىلعىلار قۇرىلىسىن كۇشەيتىپ، ءبىلىم مەنشىك ۇقىعىن قورعاۋ ىستەرىنىڭ جەلىدە جانە جەلى سىرتىندا توعىسپالى دامۋىن ىلگەرىلەتۋ كەرەك. ءبىلىم مەنشىك ۇقىعىن قورعاۋداعى ءوزىن تەجەۋ مەحانيزمىن ورناتۋعا دەم بەرىپ، سەنىمدىلىك جۇيەسى قۇرىلىسىن ىلگەرىلەتۋ كەرەك. ءبىلىم مەنشىك ۇقىعىن قورعاۋ جونىندەگى ۇگىت - تاربيەنى كۇشەيتىپ، تۇتاس قوعامنىڭ ءبىلىم مەنشىك ۇقىعىنا قۇرمەت ەتۋ جانە ونى قورعاۋ ساناسىن نىعايتۋ كەرەك.
شي جينپيڭ مىنالاردى دارىپتەدى: ءبىلىم مەنشىك ۇقىعىن قورعاۋ قىزمەتىنىڭ ءتۇزىلىس - مەحانيزم رەفورماسىن تەرەڭدەتۋ كەرەك. پارتيانىڭ 18 - قۇرىلتايىنان بەرى ءبىز ءبىلىم مەنشىك ۇقىعى سالاسىندا ءبىرقىدىرۋ رەفورمانى ىلگەرىلەتتىك، مۇنى ءۇرتىس مىقتى يگەرىپ تياناقتاندىرۋ كەرەك. كاسىپتىك جانە وڭىرلىك ءبىلىم مەنشىك ۇقىعىن پارىقتى اتقارۋ ساياساتىن زەرتتەپ، ءبىلىم مەنشىك ۇقىعىن تەكسەرۋ ءتۇزىمىن كەمەلدەندىرۋ كەرەك. ءىرى ساندى مالىمەت، جاساندى زەردە، گەن تەحنيكاسى سياقتى جاڭا سالالار مەن جاڭا كاسىپ كۇيلەرىندەگى ءبىلىم مەنشىك ۇقىعىن قورعاۋ ءتۇزىمىن اقاۋسىزداندىرىپ، ءداستۇرلى مادەنيەت، ءداستۇرلى ءبىلىم سياقتى سالالاردى قورعاۋ ادىستەرىن دەر كەزىندە زەرتتەپ جاساۋ كەرەك. ءبىلىم مەنشىك ۇقىعىنا ساياتىن سوت جۇرگىزۋ سالاسىنداعى رەفورمانى، جاڭالىق جاراتۋدى تەرەڭدەتىپ، ءبىلىم مەنشىك ۇقىعى ارىز - شاعىم ءتۇزىمىن اقاۋسىزداندىرىپ، تەحنيكا تۇرىندەگى ءبىلىم مەنشىك ۇقىعىنا ساياتىن سوت جۇرگىزۋدى كەمەلدەندىرىپ، ءبىلىم مەنشىك ۇقىعىنا ساياتىن جازالاۋ سيپاتىنداعى تولەم تولەتكىزۋ ءتۇزىمىن تياناقتاندىرۋدى مىقتى يگەرۋ كەرەك. ءبىلىم مەنشىك ۇقىعىنا ساياتىن باعالاۋ جۇيەسىن اقاۋسىزداندىرىپ، ءبىلىم مەنشىك ۇقىعىنىڭ تاۋەلدىلىك ءتۇزىمىن جاقسارتىپ، ءبىلىم مەنشىك ۇقىعىن بەتالدى پايدالانۋدان ساقتانۋعا قاتىستى تۇزىمدەردى زەرتتەپ جاساۋ كەرەك.
شي جينپيڭ مىنالاردى اتاپ كورسەتتى: ءبىلىم مەنشىك ۇقىعى سالاسىنداعى حالىقارالىق سەلبەستىك پەن باسەكەنى ءبىر تۇتاس ىلگەرىلەتۋ كەرەك. ادامزاتتىڭ تاعدىرلاس ورتاق تۇلعاسى تانىمىندا، اشىق، سيىسىمدى بولۋ، تەڭ تۇرعىدا پايدا جەتكىزۋ پرينسيبىندە تاباندى بولىپ، دۇنيە جۇزىلىك ءبىلىم مەنشىك ۇقىعى ۇيىمى جۇلگەسىندەگى دۇنيە جۇزىلىك ءبىلىم مەنشىك ۇقىعىن جونگە سالۋعا ىشكەرىلەي ات سالىسىپ، ءبىلىم مەنشىك ۇقىعى جانە قاتىستى حالىقارالىق ساۋدا، حالىقارالىق قارجى قوسۋ سياقتى حالىقارالىق ەرەجەلەر مەن ولشەمدەردى كەمەلدەندىرۋدى ىلگەرىلەتۋ، دۇنيە جۇزىلىك ءبىلىم مەنشىك ۇقىعىن جونگە سالۋ ءتۇزىلىسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك. جۇڭگونىڭ ءبىلىم مەنشىك ۇقىعى حيكاياسىن ويداعىداي بايانداپ، وركەنيەتتى ءىرى ەلدىڭ، جاۋاپكەرلىك ارقالايتىن ءىرى ەلدىڭ وبرازىن ايگىلەۋ كەرەك. «ءبىر بەلدەۋ، ءبىر جول» بويىنداعى ەلدەرمەن جانە رايوندارمەن ءبىلىم مەنشىك ۇقىعى سەلبەستىگىن تەرەڭدەتىپ، بىلىمنەن ورتاق يگىلىكتەنۋدى دارىپتەۋ كەرەك.
شي جينپيڭ مىنالاردى دارىپتەدى: ءبىلىم مەنشىك ۇقىعى سالاسىنداعى مەملەكەت حاۋىپسىزدىگىن قورعاۋ كەرەك. مەملەكەت حاۋىپسىزدىگىنە ساياتىن شەشۋشى وزەكتى تەحنيكالاردى دەربەس زەرتتەپ اشۋدى جانە قورعاۋدى كۇشەيتىپ، مەملەكەت حاۋىپسىزدىگىنە ساياتىن ءبىلىم مەنشىك ۇقىعىن سىرتقا وتكەرمەلەۋ ارەكەتتەرىن زاڭ بويىنشا باسقارۋ كەرەك. ءبىلىم مەنشىك ۇقىعى جاعىندا مونوپوليالاۋعا قارسى تۇرۋعا، ءادىل باسەكەگە قاتىستى زاڭ - ەرەجە مەن ساياساتتىق شارالاردى كەمەلدەندىرىپ، ورىندى دا پارمەندى تەجەۋ ءتاسىلىن قالىپتاستىرۋ كەرەك. ەلىمىزدىڭ ءبىلىم مەنشىك ۇقىعىنا قاتىستى زاڭدارداعى بەلگىلەمەلەردى شەكارا سىرتىندا قولدانۋدى ىلگەرىلەتىپ، شەكارا اتتاعان ءادىليالىق سەلبەستىك ورنالاستىرۋىن كەمەلدەندىرۋ كەرەك. جوعارى ءونىمدى حالىقارالىق ءبىلىم مەنشىك ۇقىعى حاۋىپ - قاتەرىنەن ساقتانۋ جانە شۇعىل توتەپ بەرۋ مەحانيزمىن قالىپتاستىرىپ، ءبىلىم مەنشىك ۇقىعىنا قاتىستى سىرتقى حاۋىپ - قاتەردەن ساقتانۋ جانە ونى تەجەۋ جۇيەسىن قۇرۋ كەرەك.
شي جينپيڭ مىنالاردى اتاپ كورسەتتى: ءار دارەجەلى پارتكومدار مەن ۇكىمەتتەر جاۋاپكەرلىكتى تياناقتاندىرىپ، ءبىلىم مەنشىك ۇقىعى قىزمەتىنە قاتىستى سايكەستىرۋ مەحانيزمىن كۇشەيتىپ، ءبىلىم مەنشىك ۇقىعى دارىندىلار قوسىنى قۇرىلىسىنا ءمان بەرىپ، قىزمەتتىڭ بىرىككەن كۇشىن قالىپتاستىرىپ، جالعانشىلىق ىستەۋ، ۇقىققا قول سۇعۋ ارەكەتىنە باتىل سوققى بەرىپ، جەرگىلىكتى قورعانىمپازدىقتى باتىل جەڭۋى كەرەك. ءار دارەجەلى باسشى كادرلار ءبىلىم مەنشىك ۇقىعى تانىمىن نىعايتىپ، ۇيرەنۋدى كۇشەيتىپ، كاسىپكە قانىق بولىپ، جاڭا جاعدايدا ءبىلىم مەنشىك ۇقىعىن قورعاۋ قىزمەتىن ويداعىداي ىستەۋ قابىلەتىن كۇشەيتىپ، ەلىمىزدىڭ ءبىلىم مەنشىك ۇقىعىن قورعاۋ قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
