شي جينپيڭ حالىق وقۋ - اعارتۋ باسپاسىنداعى ساقا جولداستارعا جاۋاپ حات جازىپ مىنانى دارىپتەدى
مورالمەن ادام تاربيەلەۋ ءتۇبىرلى مىندەتىن مىقتاپ ارقاۋ ەتىپ، نەگىز قالاپ، رۋح سومداپ، اقىل - پاراسات جەتىلدىرەتىن سارا وقۋلىقتار ازىرلەۋ كەرەك
2020.12.01 16:27 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 30 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حالىق وقۋ - اعارتۋ باسپاسىنان زەينەتكە شىققان ءبىر ءبولىم ساقا جولداسقا جاۋاپ حات جازىپ، حالىق وقۋ - اعارتۋ باسپاسىنداعى بارلىق جولداسقا سالەم جولداپ، وقۋلىق قۇراستىرۋ، زەرتتەۋ، باسپادان شىعارۋ قىزمەتىنە شىنايى ءۇمىت ارتتى.
شي جينپيڭ جاۋاپ حاتىندا بىلاي دەدى: 70 جىلدان بەرى حالىق وقۋ - اعارتۋ باسپاسى نەگىزدىك وقۋ - اعارتۋ وقۋلىقتارىن جانە وقۋ - اعارتۋ كىتاپتارىن قۇراستىرۋ، زەرتتەۋ، باسپادان شىعارۋ جاعىندا قاجىرلىلىقپەن ەڭبەك ەتىپ، تىنباي كۇرەس جاساپ، ەلىمىزدىڭ وقۋ - اعارتۋ ىستەرىنىڭ دامۋىنا بەلسەندى ۇلەس قوستى، مەن سىزدەرگە جانە بۇكىل باسپا قىزمەتكەرىنە شىنايى سالەم جولدايمىن!
شي جينپيڭ مىنالاردى دارىپتەدى: عاسىرلىق ۇلى ءىس وقۋ - اعارتۋدى نەگىز ەتەدى. حالىق وقۋ - اعارتۋ باسپاسىنىڭ مورالمەن ادام تاربيەلەۋ ءتۇبىرلى مىندەتىن مىقتاپ ارقاۋ ەتىپ، دۇرىس ساياسي باعىتتا تاباندى بولىپ، تاڭداۋلى ءداستۇردى ساۋلەلەندىرىپ، رەفورمانى، جاڭالىق جاراتۋدى ىلگەرىلەتىپ، نەگىز قالاپ، رۋح سومداپ، اقىل - پاراسات جەتىلدىرەتىن سارا وقۋلىقتاردى دەن قويا ازىرلەپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋعا، وقۋ - اعارتۋدا قۇدىرەتتى ەل قۇرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن. (جاۋاپ حاتتىڭ تولىق مازمۇنى بولەك جاريالاندى)
حالىق وقۋ - اعارتۋ باسپاسى 1950 - جىلى قۇرىلعان، نەگىزدىك وقۋ - اعارتۋ وقۋلىقتارىن جانە وقۋ - اعارتۋ كىتاپتارىن قۇراستىرۋ، زەرتتەۋ، باسپادان شىعارۋ جانە تاراتۋعا باستان - اياق كۇش سالىپ كەلەدى، تاياۋ جىلداردان بەرى باستاۋىش، ورتا مەكتەپتەردىڭ ءمورال جانە زاڭمەن باسقارۋ (يدەيا - ساياسي)، ءتىل - ادەبيەت جانە تاريح سىندى 3 ءتۇرلى وقۋلىعىن ءبىر تۇتاس رەداكسيالاپ باسپادان شىعارۋ مىندەتىن ۇستىنە الدى. 70 جىلدان بەرى حالىق وقۋ - اعارتۋ باسپاسى مەملەكەت بويىنشا ورتاق قولدانىلاتىن 11 توپتاعى باستاۋىش، مەكتەپ وقۋلىعىن ىلگەرىندى - كەيىندى قۇراستىرىپ، زەرتتەپ، باسپادان شىعاردى، جيىنى 70 مىڭ تۇردەن استام ءار تۇردەگى باسىلىمدى باسپادان شىعاردى، بۇلاردىڭ تيراجى 75 ميلليارد دانادان استى. تاياۋدا وسى باسپادان دەمالىسقا، زەينەتكە شىققان ءبىر ءبولىم ساقا جولداس باس شۋجي شي جينپيڭگە حات جازىپ، باسپاداعى جالپى جولداس اتىنان باسپانىڭ 70 جىلدان بەرگى كىتاپ قۇراستىرۋ، ادام تاربيەلەۋ بورىشىن وتەۋ جاعدايىنان مالىمەت بەرىپ، ەلىمىزدىڭ وقۋ - اعارتۋ، باسپا ءسوز ىستەرىن گۇلدەندىرۋ جولىندا ۇلەس قوسۋ بەكىمىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
