ج ك پ ورتالىق كوميتەتىنىڭ ساياسي بيۋروسى ءماجىلىس اشتى
«ارميانىڭ ساياسي قىزمەتى ەرەجەسىن»، «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» جانە «جۇڭگو كوممۋنيستىك پارتياسى مۇشەلەرىنىڭ ۇقىعىن قامتاماسىزداندىرۋ ەرەجەسىن» قارادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2020.12.01 16:25 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 30 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 11 - ايدىڭ 30 - كۇنى ءماجىلىس اشىپ، «ارميانىڭ ساياسي قىزمەتى ەرەجەسىن»، «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» جانە «جۇڭگو كوممۋنيستىك پارتياسى مۇشەلەرىنىڭ ۇقىعىن قامتاماسىزداندىرۋ ەرەجەسىن» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.ءماجىلىس مىنالاردى اتاپ كورسەتتى: ساياسي قىزمەتى − حالىق ارمياسىنىڭ جان تامىرى، ونى كۇشەيتۋگە عانا بولادى، السىرەتۋگە بولمايدى. «ارميانىڭ ساياسي قىزمەتى ەرەجەسىنە» وزگەرىس ەنگىزۋ − شي جينپيڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋدەگى ماڭىزدى شارا، بۇل «ءتورت تانىمدى» كۇشەيتۋدە، «ءتورت سەنىمدى» بەكەمدەۋدە، «ەكىنى قورعاۋدى» ورىنداۋدا، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، پارتيانىڭ ارميانىڭ ساياسي قىزمەتىنە باسشىلىعىن كۇشەيتىپ، جاڭا داۋىردەگى ساياسيمەن ارميا قۇرۋ جالپى جوباسىنىڭ جاپپاي تياناقتانۋىن ىلگەرىلەتىپ، ارميامىزدىڭ باستان - اياق پارتيانىڭ شارتسىز باسشىلىعىنداعى حالىق ارمياسىنا اينالۋىنا كەپىلدىك ەتۋدە، جاڭا داۋىردەگى ارميانىڭ بورىشى مەن مىندەتىن ءونىمدى وتەۋگە كەپىلدىك ەتۋدە، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋدا كەلەلى مانگە يە.ءماجىلىس مىنالاردى دارىپتەدى: پارتيانىڭ ارمياعا شارتسىز باسشىلىعى سىندى ءتۇبىرلى پرينسيپ پەن تۇزىمدە تاباندى بولىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن جاپپاي ىشكەرىلەي دايەكتىلەندىرىپ، شي جينپيڭ ارميانى قۇدىرەتتەندىرۋ يدەياسىمەن رۋحتى سومداۋدا، ادام تاربيەلەۋدە تاباندى بولىپ، مۇلدەم ادال، مۇلدەم كىرشىكسىز، مۇلدەم سەنىمدى بولۋعا كەپىلدىك ەتۋ كەرەك. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، ءار دارەجەلى پارتيا ۇيىمدارىنىڭ ساياسي قىزمەتكە باسشىلىق ەتۋ جاۋاپكەرلىگىن ناقتىلاندىرىپ، ءتۇرلى ساياسي قىزمەتتىڭ ءونىمدى تياناقتانۋىنا كەپىلدىك ەتىپ، ارميانىڭ ساياسي قىزمەتىندە جاڭا جاعداي جاراتۋ كەرەك. نازاردى، كۇش – قۋاتتى شايقاس جۇرگىزۋگە شوعىرلاندىرىپ، ساياسي قىزمەتتى جاۋىنگەرلىك قۋات قۇرىلىسىنىڭ ءارقايسى بۋىنىنا، اسكەري كۇرەس دايىندىعىنىڭ جالپى بارىسىنا ءسىڭىرىپ، بۇلجىماس شارالارمەن جاۋىنگەرلىك قۋات ولشەمىنىڭ بۇكىل ارميادا بەرىك ورناۋىن ىلگەرىلەتۋ كەرەك. ساياسي قىزمەتىنىڭ ءتۇبىرلى پرينسيبى مەن تۇزىمىندە تاباندى بولىپ، ساياسي قىزمەتىنىڭ وي جەلىسىندە، اينالىم ۇلگىسىندە، جەتەكشىلىك تاسىلىندە، ءادىس - امالىندا جاڭالىق جاراتۋدى بەلسەنە ىلگەرىلەتىپ، ساياسي قىزمەتىنىڭ ءداستۇرلى ابزالدىعى مەن ينفورماتسيا تەحنيكاسىنىڭ جوعارى دارەجەدە توعىسۋىن ىلگەرىلەتۋ كەرەك. ساياسي ەكولوگيانى ۇزدىكسىز كىرشىكسىزدەندىرىپ، پارتيانى جاپپاي قاتاڭ جونگە سالۋدا، ارميانى جاپپاي قاتاڭ جونگە سالۋدا تاباندى بولىپ، فورماشىلدىقتى، تورەشىلدىكتى باتىل تۇزەتۋ كەرەك.ءماجىلىس مىنالاردى اتاپ كورسەتتى: پارتيا ورتالىق كوميتەتى بىرلىكساپ پەن بىرلىكساپ قىزمەتىنە ەجەلدەن باسا ءمان بەرىپ كەلەدى. «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىنە» وزگەرىس ەنگىزۋ − پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋدى، پارتيانى بەلگىلەمە بويىنشا جونگە سالۋدى كوزدەۋدەگى ماڭىزدى مىندەتتەرىنىڭ ءبىرى، بىرلىكساپ سالاسىندا پارتيا مەن مەملەكەت قۇرىلىمدارى رەفورماسىنىڭ رۋحىن بەكەمدەۋدەگى، تەرەڭدەتۋدەگى ماڭىزدى شارا، سونداي - اق جاڭا داۋىردە بىرلىكساپ اسىلىنىڭ رولىن تولىق ساۋلەلەندىرۋدىڭ تابيعي تالابى.
ءماجىلىس مىنالاردى دارىپتەدى: پارتيانىڭ بىرلىكساپ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، بۇكىل پارتيا بىرلىكساپ قىزمەتىن ىستەيتىن جاعداي قالىپتاستىرىپ، بىرلىكساپ قىزمەتىنىڭ عىلميلانۋ، جۇيەلىلەنۋ، تۇزىمدەنۋ ورەسىن جوعارىلاتۋ كەرەك. ءار دارەجەلى پارتكومدار (پارتگرۋپپالار) جاڭا داۋىردەگى بىرلىكساپ قىزمەتىن جاقسى ىستەۋدىڭ ماڭىزدىلىعىن جەتە تانىپ، «جۇڭگو كوممۋنيستىك پارتياسىنىڭ بىرلىكساپ قىزمەتى ەرەجەسىن» ىشكەرىلەي ۇيرەنىپ، دايەكتىلەندىرىپ، بىرلىكساپ نازارياسىن، باعىتىن، ساياساتىن جاپپاي دۇرىس ۇيرەنىپ، ءتۇسىنىپ، بىرلىكساپ قىزمەتىن جاقسى ىستەۋدەگى تۇلعالىق جاۋاپكەرلىگىن شىنايى وتەپ، ءوز ءوڭىرىنىڭ، ءوز تاراۋىنىڭ بىرلىكساپ قىزمەتى جوسپارىن جانە ورنالاستىرۋىن كۇشەيتىپ، بىرلىكساپتى شىنايى جاقسى دامىتىپ، بىرلىكساپ قىزمەتىن جاقسى ورىستەتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتوردى جۇمىلدىرىپ، وتانشىلدىق بىرلىكساپ ىستەرىنىڭ ۇزدىكسىز بەكەمدەلۋىن، دامۋىن ىلگەرىلەتۋى كەرەك.
ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى پارتيا ىشىندەگى دەموكراتيانى ساۋلەلەندىرۋگە، پارتيا مۇشەلەرىنىڭ ۇقىعىن قامتاماسىزداندىرۋعا باسا ءمان بەرىپ، پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتىپ، پارتيا مۇشەلەرىنىڭ پارتيا ىشىندەگى ىستەرگە قاتىناسۋ ىنتاسىن تاسقىنداتۋدى دارىپتەدى، پارتيا ىشىندەگى دەموكراتيالىق ءتۇزىم جۇيەسى ۇزدىكسىز كەمەلدەنىپ، پارتيا مۇشەلەرىنىڭ ۇقىعىن قامتاماسىزداندىرۋ قىزمەتىندە ماڭىزدى ناتيجەگە قول جەتكىزۋ ىلگەرىلەتىلدى. داۋىرمەن بىرگە العا باسۋ نەگىزىندە «جۇڭگو كوممۋنيستىك پارتياسى مۇشەلەرىنىڭ ۇقىعىن قامتاماسىزداندىرۋ ەرەجەسىنە» وزگەرىس ەنگىزۋ پارتيامىزدىڭ باسشىلىق ءتۇزىمىنىڭ ابزالدىعىن تولىق ساۋلەلەندىرىپ، پارتيا مۇشەلەرىنىڭ تۇلعالىق رولىن ساۋلەلەندىرىپ، بارلىق پارتيا مۇشەسىن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن بىرگە كۇرەس جۇرگىزۋگە ءتيىمدى.
ءماجىلىس مىنالاردى دارىپتەدى: قالىڭ پارتيا مۇشەلەرى بورىش پەن ۇقىقتىڭ، جاۋاپكەرلىك پەن مىندەت ارقالاۋدىڭ، ۇقىق جۇرگىزۋ مەن تارتىپكە بويسۇنۋدىڭ ديالەكتيكالىق بىرلىككە كەلگەن قاتىناسىن دۇرىس تانۋى جانە ءبىر جاقتى ەتۋى كەرەك. پارتيا مۇشەلەرى ۇقىعىن جۇرگىزۋدە، ءسوز جوق، بورىشىن وتەۋدى، جاۋاپكەرلىكتى ارقالاۋدى، تارتىپكە بويسۇنۋدى العى شارت ەتۋى كەرەك. ءار دارەجەلى پارتيا ۇيىمدارى ەرەجەنى اتقارۋعا ۇيىمدىق باسشىلىقتى كۇشەيتىپ، ۇيرەنۋدى، ۇگىتتەۋدى مىقتى يگەرىپ، پارتيا مۇشەلەرىنىڭ بورىشى مەن ۇقىعى جونىندەگى تاربيەنى ۇنەمىلىك ورىستەتىپ، تۇلعالىق جاۋاپكەرلىكتى قاتاڭ تياناقتاندىرىپ، ءتۇزىم مەحانيزمىن كەمەلدەندىرىپ، اتقارۋدى تياناقتاندىرۋدى كۇشەيتىپ، ءتۇرلى قامتاماسىزداندىرۋ شارالارىنىڭ ناقتى تياناقتانۋىنا كەپىلدىك ەتىپ، پارتيا مۇشەلەرىن جاڭا جورىقتا وزىقتىق، ونەگەلىك رولدارىن سانالىلىقپەن ساۋلەلەندىرۋگە شابىتتاندىرۋى كەرەك. پارتيا مۇشەلەرىن دەموكراتيالىق باقىلاۋ جۇرگىزۋگە جەتەكتەپ، بۇرىس ستيلدەرمەن، شىرىكتەسۋ قۇبىلىستارىمەن تۋدى ايقىن ۇستاي وتىرىپ كۇرەس جۇرگىزىپ، پارتيانىڭ نەگىزىن شايقالتۋى، پارتيانىڭ ىستەرىنە كەدەرگى كەلتىرۋى مۇمكىن بولعان بارلىق ارەكەتپەن كۇرەس جۇرگىزىپ، پاك تە دۇرىس ساياسي ەكولوگيا قالىپتاستىرۋ كەرەك. «ءۇشتى پارىقتاندىرۋ» تالابىن تياناقتاندىرىپ، پارتيا مۇشەلەرىن باتىلدىقپەن ىزدەنۋگە، شوگەلدىكپەن ىستەۋگە، باتىلدىقپەن جاۋاپكەرلىك ارقالاۋعا، تىڭعىلىقتى جۇمىس ىستەۋگە شابىتتاندىرىپ، جالا جابىلعانداردىڭ ات - اتاعىن دەر كەزىندە قالپىنا كەلتىرۋ كەرەك. ءار دارەجەلى باسشى كادرلار، اسىرەسە، نەگىزگىى جاۋاپتى جولداستار ەرەجەدەگى بەلگىلەمەلەردى باستاماشىلدىقپەن اتقارۋى كەرەك، مۇندا جوعارى تومەنگە جەتەكشىلىك ەتىپ، بورىشتى وتەۋ، ۇقىق جۇرگىزۋ جاعىندا ۇلگى كورسەتۋ كەرەك ءارى پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتىپ، پارتيا مۇشەلەرىنىڭ پارتيا قۇرىلىسى مەن پارتيا ىستەرىنە ات سالىسۋ بەلسەندىلىگىن، ىرىقتىلىعىن، جاسامپازدىعىن تاسقىنداتۋ كەرەك.
ءماجىلىس باسقا دا ىستەردى اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
