- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدا ورتالىقتىڭ سەگىز ءتۇرلى بەلگىلەمەسىنە قايشىلىق جاساعان تيۆتىك ماسەلەلەرگە جالپى حابارلاندىرۋ شىعارىلدى
2014.01.29 13:17 كەلۋ قاينارى : حالىق تورابى
شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسى مەن اۆتونوميالى رايوندىق پارتكومنىڭ 10 تارماقتى بەلگىلەمەسىنىڭ رۋحىنا قايشى كەلەتىن تيۆتىك 7 ءىس جايلى تاعى دا حابارلاندىرۋ شىعاردى، بۇل تيۆتىك 7 ءىس مىنالار:
تۇرپان ايماقتىق اۋىل شارۋاشىلىق عىلىم – تەحنيكا باقشا رايونىنىڭ ورىنباسار مەڭگەرۋشىسى (ورىنباسار اۋدان دارەجەلى) ابىلەت قيۇمنىڭ ۇلىنا سۇندەت توي جاساۋ بارىسىندا بەلگىلەمەگە قايشىلىق جاساۋ ماسەلەسى. 2013 – جىلى 26 – قازاندا ابىلەت قييۇم تۇرپان قالاسىنداعى بەلگىلى اسحانادا ۇلىنىڭ سۇندەت تويىن وتكىزگەن، سۇندەت توي سول كۇنى ساعات 13تە باستالىپ، ساعات 23تەن 30 مينۋت وتكەندە اياقتاعان، تويعا كەلگەن قوناقتارعا 53 ۇستەلگە داستارقان جايىلعان. تۇرپان ايماقتىق ءتارتىپ تەكسەرۋ كوميتەتى ابىلەت قيۇمعا پارتيا ىشىندە ەسكەرتۋ بەردى.
تارباعاتاي ايماعىنىڭ ورىنباسار ءۋاليى نۇرشارىپ شاكەي ۇلىنىڭ ءولىم – ءجىتىم، توي ىستەرىن وتكىزۋگە قاتىستى بەلگىلەمەگە قايشىلىق جاساۋ ماسەلەسى. 2013 – جىلى 28 – تامىزدان 9 – قىركۇيەككە دەيىن، نۇرشارىپ شاكەي ۇلى قۇمىل قالاسىندا كەلىن ءتۇسىرۋ تويىن جاساعان، توي جاساۋدان بۇرىن ۇيىمعا جازباشا مالىمەت بەرمەگەن، تويعا كەلگەن ادام سانى 390 نەشە ادام بولىپ، بەلگىلەنگەن ادام سانىنان اسىپ كەتكەن ءارى باسقارۋىنداعى جانە قىزمەت وتەۋ كولەمىندەگى وبيەكتىلەر دە تويعا قاتىناسقان. مۇنان سىرت، نۇرشارىپ شاكەي ۇلى كەلىن ءتۇسىرۋ تويىن وتكىزۋ بارىسىندا، مەكەمەنىڭ اۆتوكولىگىن 9 كۇن ىستەتكەن ءارى شوفەردىڭ شاۋەشەكتەن قۇمىلعا دەيىنگى جاتىن ورىن قاراجاتى، اۆتوكولىككە ىستەتىلگەن ماي قاراجاتى بولىپ، ساپار شىعىمىنا كەتكەن 7609 يۋاندى مەكەمەنىڭ ەسەبىنەن كوتەرتكەن. اۆتونوميالى رايوندىق ءتارتىپ تەكسەرۋ كوميتەتى نۇرشارىپ شاكەي ۇلىنا پارتيا ىشىندە ەسكەرتۋ بەردى ءارى شوفەر مەن ۇكىمەت اۆتوكولىگىن ىستەتۋ سياقتىلارعا قاتىستى جۇمساعان 7609 يۋان اقشانى ءوزى وتەيتىن بولعان.
موڭعۇلكۇرە اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى شاتتىق ءسابيت ۇلى (نىلقى اۋدانىنىڭ بۇرىنعى ورىنباسار اكىمى)، نىلقى اۋدانى جىلقى فەرما پارتكوم تۇراقتى كوميتەتىنىڭ مۇشەسى، ورىنباسار فەرما باستىعى سابىرجان تىلەۋقان ۇلى قاتارلىلاردىڭ پاك تە تەجەمدى بولۋعا قاتىستى بەلگىلەمەگە قايشىلىق جاساۋ ماسەلەسى. شاتتىق ءسابيتقان ۇلى مەن سابىرجان تىلەۋقان ۇلى ەكەۋىنىڭ دە ايەلدەرى نىلقى اۋداندىق 2 – ورتا مەكتەپتىڭ مۇعالىمدەرى، ەكەۋىنىڭ ايەلدەرى جەكە – جەكە 2010 – جىلى ساۋىردە جانە ماۋسىمدا ناۋقاس سەبەبىنەن قىزمەتتەن شەگىنۋ ءوتىنىش تاپسىرعانىمەن، ناۋقاس سەبەبىنەن قىزمەتتەن شەگىنۋ جانە رۇحسات سۇراۋعا قاتىستى رەسميەتتەردى وتەمەي تۇرىپ، ۇزاق ۋاقىت بويى جۇمىسقا شىقپاسا دا، 2013 – جىلى 31 – جەلتوقسانعا دەيىن تولىق ەڭبەكاقى مەن قوسىمشا قاراجاتتان يگىلىكتەنگەن. شاتتىق ءسابيت ۇلى مەن سابىرجان تىلەۋقان ۇلى جۇبايلارى ۇزاق ۋاقىت قىزمەت ورنىندا بولماسا دا، ەڭبەكاقىسىن تولىق العانىن بىلە تۇرا ەركىنە جىبەرىپ، ولارعا تيىم سالماعان، بۇل قوعامدا ناشار ىقپال تۋدىرعان، ول ەكەۋى دە پاك تە تەجەمدى بولۋ بەلگىلەمەسىنە قايشىلىق جاساعان. ىلە وبلىستىق ءتارتىپ تەكسەرۋ كوميتەتى شاتتىق ءسابيت ۇلى مەن سابىرجان تىلەۋقان ۇلى ەكەۋىنە جەكە – جەكە پارتيا ىشىندە ەسكەرتۋ بەردى. نىلقى اۋداندىق وقۋ – اعارتۋ مەكەمەسى شاتتىق ءسابيت ۇلىنىڭ ايەلىنە پارتيا ىشىندە قاتاڭ ەسكەرتۋ بەردى جانە قىزمەت دارەجەسىن تومەندەتتى، سابىرجان تىلەۋقان ۇلىنىڭ ايەلىنە قىزمەت دارەجەسىن تومەندەتۋ جازاسىن بەردى ءارى ول ەكەۋىنىڭ بەلگىلەمەگە قايشى يگىلىكتەنگەن ەڭبەكاقىلارى مەن قوسىمشا قاراجاتتارىن قايتارىپ الدى. نىلقى اۋداندىق ءتارتىپ تەكسەرۋ كوميتەتى اۋداندىق وقۋ – اعارتۋ مەكەمەسى، اۋداندىق 2 – ورتا قاتارلى قاتىستى ورىندارداعى 7 جاۋاپتى ادامعا جەكە – جەكە پارتيالىق جانە اكىمشىلىك ءتارتىپ جازاسىن قولداندى جانە ۇيىم ىشىندە ءبىرجاقتىلى ەتتى.
قاشقار جاڭا ءشار اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى كەرىم سىمايىلدىڭ ۇكىمەت اۆتوكولىگىن ءوزى جۇرگىزۋ بارىسىندا اۋىر قاتىناس شىرعالاڭىن تۋدىرۋ ماسەلەسى. 2013 – جىلى 3 – تامىزدا كەرىم سىمايىل مەكەمەنىڭ اۆتوكولىگىن ءوزى جۇرگىزىپ، قاشقار قالاسىنداعى بەلگىلى اۆتوكولىك دۇكەنىنە اپارىپ جوندەتپەك بولعاندا، جول ورتادا كۋالىكسىز موتوتسيكىلمەن سوعىلىسىپ، موتوتسيكل جۇرگىزۋشىسى قازا بولۋ سىندى اۋىر قاتىناس شىرعالاڭى تۋىلعان. قاشقار ايماقتىق ءتارتىپ تەكسەرۋ كوميتەتى كەرىم سىمايىلعا پارتيا ىشىندە قاتاڭ ەسكەرتۋ بەرۋ جازاسىن قولداندى.
شونجى اۋداندىق اۋىل – قىستاق زەينەتتىك قامسىزداندىرۋ كەڭسەسىنىڭ مەڭگەرۋشىسى جاڭ شيننىڭ ۇكىمەت قاراجاتىمەن ساياحاتتاۋ، ۇكىمەت اۆتوكولىگىن ءوز جۇمىسىنا ىستەتۋ ماسەلەسى. 2012 – جىلى مامىر ايىندا جاڭ شين جياڭشي ولكەسى جيۋجياڭ قالاسىنا قىزمەتكە قاتىستى كۋرسقا بارعاننان كەيىن، شاڭحاي، شي – ان قاتارلى جەرلەردە ءوز بەتىمەن ساياحاتتاعان ءارى 5206 يۋاندىق ساياحات قاراجاتىن مەكەمەنىڭ ەسەبىنەن كوتەرتكەن. سول جىلى جەلتوقساندا جاڭ شين ۇكىمەت اۆتوكولىگىن حايناننان قايتىپ ورالعان كۇيەۋىنىڭ الدىنان شىعۋعا ءۇرىمجى قالاسىنا جىبەرگەن، اۆتوكولىكتىڭ بارىپ – كەلۋىنە قاجەتتى 790 يۋاندى مەكەمەنىڭ ەسەبىنەن كوتەرتكەن. شونجى اۋداندىق ءتارتىپ تەكسەرۋ كوميتەتى جاڭ شينگە پارتيا ىشىندە قاتاڭ ەسكەرتۋ بەردى.
توقسۇن اۋداندىق كومىر ونەركاسىبىن باسقارۋ مەكەمەسىنىڭ ورىنباسار باستىعى ۋاڭ جۇننىڭ ۇكىمەت اۆتوكولىگىن ءوزى جۇرگىزۋ بارىسىندا قاتىناس شىرعالاڭىن تۋدىرۋ ماسەلەسى. 2013 – جىلى 6 – قىركۇيەك تۇستە ۋاڭ جۇن جەكەلىك جۇمىسىنا بولا ۇكىمەت اۆتوكولىگىن جۇرگىزىپ سىرتقا شىققان، وسى بارىستا ول قاتىناس شىرعالاڭىنا ۇشىراپ، ءوزى جارالانعان، ۇكىمەت اۆتوكولىگى اۋىر دارەجەدە بۇلىنگەن. توقسۇن اۋداندىق ءتارتىپ تەكسەرۋ كوميتەتى ۋاڭ جۇنگە پارتيا ىشىندە ەسكەرتۋ بەرۋ جازاسىن قولداندى، شىرعالاڭ سەبەبىنەن تۋىنداعان ەكونوميكالىق زياندى بۇكىلدەي ونىڭ ءوزى وتەدى.
قاشقار كونە ءشار اۋدانى توعزاق قالاشىعىنىڭ پارتكوم شۋجيى چىن فەي، پارتكومنىڭ ورىنباسار شۋجيى، قالاشىق باستىعى ايگۇل قيۇم قاتارلىلاردىڭ ۇكىمەت اقشاسىمەن ءىشىپ – جەۋ ماسەلەسى. 2013 – جىلى 8 – قازان، 16 – قاراشا كۇندەرى چىن فەي، ايگۇل قيۇم قاتارلىلار قالاشىق، قىستاقتارداعى كادرلاردى ۇيىمداستىرىپ، ىلگەرىندى – كەيىندى قاشقار قالاسىنداعى بەلگىلى اسحانادا ۇكىمەت قاراجاتىمەن ءىشىپ – جەگەن، وسى بارىستا 5107 يۋان اقشا جۇمساعان. قاشقار كونە ءشار اۋداندىق ءتارتىپ تەكسەرۋ كوميتەتى چىن فەي، ايگۇل قيۇم قاتارلىلارعا پارتيا ىشىندە قاتاڭ ەسكەرتۋ بەرۋ جازاسىن قولداندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
