- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بيىل رايونىمىز سۋ بايلىعى اقىسىن جيناۋدىڭ جاڭا ولشەمىن كۇش سالا اتقارادى ەكەن
2014.02.07 15:45 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايوندىق سۋ يگىلىگى مەڭگەرمەسىنەن ۇعىسۋعا قاراعاندا، بيىل رايونىمىز سۋ ۇقىعى، سۋ بازارى رەفورماسى سىناق ءتۇيىنىن نەگىز ەتىپ، باعالاۋ ءادىسىن جاريالاپ، سۋ بايلىعىن باسقارۋدىڭ قاتاڭ ءتۇزىمىن اتقارىپ، سۋ بايلىعى اقىسىن جيناۋدىڭ جاڭا ولشەمىن كۇش سالا اتقارادى ەكەن، ءارى «سۋارۋعا كەتكەن جالپى سۋ مولشەرى مەن سۋارۋ اۋماعى» جانە «جەر استى سۋنىڭ مولشەرى مەن جەر استى سۋىنىڭ دەڭگەيى» سىندى ەكى ولشەمدى مەڭگەرۋ ءتۇزىمىن بىرتىندەپ اتقارادى ەكەن.
اۆتونوميالى رايوندىق سۋ يگىلىگى مەڭگەرمەسىنىڭ ورىنباسار باستىعى شى چيۋچى تىلشىلىكتى قابىلداعاندا، سۋ يگىلىگى مەڭگەرمەسىنىڭ وسى قىزمەتتى، اسىرەسە، اۋىل شارۋاشىلىعى نوپوسىنا جاتپايتىن وتباستارىنان اۋىز سۋ بايلىعى اقىسىن الۋ قىزمەتىن كۇش سالا ىلگەرىلەتەتىندىگىن ايتتى.
ەڭ قاتاڭ سۋ بايلىعىن باسقارۋ ءتۇزىمىن اتقارۋ ـــ ورتالىق پەن اۆتونوميالى رايون العا قويعان تالاپ. وتكەن جىلى سۋ يگىلىگى مەڭگەرمەسى مەن ءارقايسى ايماق، وبلىستىڭ تىعىز سەلبەسۋىندە، «ءۇش ءتۇرلى قىزىل سىزىقتى» مەڭگەرۋ ولشەمىن بەلگىلەپ، ءارقايسى ايماق، وبلىس،اۋدان دارەجەلى ءبولۋ قىزمەتىن العاشقى ادىمدا ورىستەتىپ، ەڭ قاتاڭ سۋ بايلىعىن باسقارۋ ءتۇزىمىن جاپپاي تياناقتاندىرۋعا بەرىك نەگىز قالادى.
كەزەكتە رايونىمىزدىڭ شارۋاشىلىق پەن قوعامدىق ىستەرگە پايدالانعان جالپى سۋ مولشەرى 61 ميلليارد 700 ميلليون تەكشە مەترگە جەتىپ، مەملەكەت بەلگىلەگەن رايونىمىزدىڭ 2015-جىلعا بارعاندا 51 ميلليارد 500 ميلليون تەكشە مەتر جانە 2030-جىلعا بارعاندا 52 ميلليارد 600 ميلليون تەكشە مەتر سۋ پايدالانۋ نىساناسىنان الدە قايدا اسىپ كەتتى. سۋ بايلىعىن اشىپ پايدالانۋ مولشەرى %74 كە جەتىپ، حالىقاراداعى قۋاڭ، جارتىلاي قۋاڭ ءوڭىردىڭ سۋ بايلىعىن پايدالانۋ مولشەرى %60 تەن اسپاۋ پرەنسيبىنە قايشى كەلدى.
رايونىمىزدىڭ سۋ باعاسى مەحانيزىمى ءالى ۇيلەسىمسىز، سۋ ۇقىعىن وتكىزىپ بەرۋ مەحانيزىمى مەن سۋ ساۋدا بازارى ءالى قۇرىلمادى. رايونىمىزدا قازىر سۋ باعاسى ورتا ەسەپپەن نەبارى 0.047 يۋان، 2010-جىلعى سۋمەن قامداۋدىڭ وزىندىك قۇنىنىڭ %31 ىنە دە جەتپەيدى، بۇل سۋ بايلىعىن ۇيلەسىمدى ءبولۋ مەن جوعارى ونىمدىلىكپەن پايدالانۋعا ىقپال جاساپ وتىر.
شى چيۋچى بىلاي دەدى: تەك اكىمشىلىك تاسىلدەن پايدالانىپ، جاڭا داۋىردەگى سۋ بايلىعىن ۇيلەسىمدى ءبولۋ، جوعارى ونىمدىلىكتە پايدالانۋ جانە ءونىمدى قورعاۋ تالابىنا جەتۋگە بولمايدى. بازارداعى قاتاردان قالعان سۋدان پايدالانۋ ءتاسىلىن جاقسارتىپ، سۋ پايدالانۋ باعىتى، سۋدان پايدالانۋ ونىمدىلىگىن جوعارلاتىپ، سۋ بايلىعىنىڭ تاپشى بايلىعىنا جاتاتىن ناقتى قۇنىن، ەكولوگيالىق ورتانى قورعاۋداعى ماڭىزدىلىعىن ايگىلەۋ كەرەك. رايونىمىز سۋ بايلىعىن بازارلاندىرىپ ءبولۋ مەحانيزىمىن قۇرىپ، سۋدى بازارلاندىرۋ اياق الىسىن ىلگەرىلەتەدى. «13-بەسجىلدىق» پلان مەزگىلىندە وزىندىك قۇن سۋ باعاسىنا نەگىزىنەن جەتەدى، بيىل جاڭا سۋ بايلىعى اقىسىن الۋ ولشەمى اتقارىلادى. بيىل رايونىمىز مەملەكەتتىك اۋىل شارۋاشىلىعىنا پايدالانىلاتىن سۋ باعاسىنا سىناق رەتىندە رەفورما جاسايتىن ەكى اۋدان مەن اۆتونوميالى رايونىمىزداعى سۋ باعاسى رەفورماسىن سىناق رەتىندە اتقاراتىن ءۇش اۋدان-قالانىڭ رەفورما جاساۋ اياق الىسىن بەلسەنە ىلگەرىلەتىپ، سۋ ۇقىعىن وتكىزىپ بەرۋ ءتۇزىمىن تەرەڭدەتۋ، سۋ بازارىن قۇرۋ سياقتى ماڭىزدى سالادا رەفورما جاساۋ، جاڭالىق جاراتۋ اياق الىسىن ىلگەرىلەتىپ، سۋ بايلىعىن پايدالانۋ ۇقىعىن تىزىمگە تىركەپ، سۋ ۇقىعىن اينالىمعا سالۋدىڭ ناقتى فورماسىن قاراستىرىپ، سۋ ۇقىعىن وتكىزىپ بەرۋ-وتكىزىپ الۋ ءتۇزىمى مەن سۋ بازارى قۇرىلىسىن كۇشەيتۋگە بەرىك نەگىز قالايدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
