- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان قۇتىبي اۋدانىنىڭ تاربيە جانە امالياتتىق قيمىلىنىڭ جاعدايى جونىندەگى مالىمەتىن تىڭدادى
جوعارى ولشەم بەلگىلەپ، قاتاڭ تالاپتى تياناقتاندىرايىق
2014.06.05 13:07 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 3 - ماۋسىم تۇستەن كەيىن جەتەكشىلىك ەتۋ ءماجىلىسىن باسقارىپ اشىپ، قۇتىبي اۋدانىنىڭ پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ ورىستەتىلۋ جاعدايى جونىندەگى مالىمەتىن تىڭداپ، تاربيە جانە امالياتتىق قيمىلىن ونان ارى تىڭعىلىقتى ىلگەرىلەتىپ، ءوزىنىڭ بايلانىس ءتۇيىنى بولعان قۇتىبي اۋدانىنىڭ باستاماشى بولۋ، ۇلگى كورسەتۋ رولىن تولىق ساۋلەلەندىرۋىن اقىلداستى.
قۇتىبي اۋدانى − اۆتونوميالى رايوننىڭ 2 - توپتاعى تاربيە جانە امالياتتىق قيمىلىنداعى جاڭ چۇنشياننىڭ بايلانىس ءتۇيىنى. جاڭ چۇنشيان قۇتىبي اۋدانىنىڭ تاربيە جانە امالياتتىق قيمىلىنا ەرەكشە نازار اۋداردى. 3 - ءساۋىر كۇنى ءبىر كۇن ۋاقىتپەن قۇتىبي اۋدانىداعى اۋىل - قىستاقتاردى، الەۋمەتتىك اۋماقتاردى، كاسىپورىنداردى، تەرەزەلىك قىزمەت ورىندارىن ارالاپ، كادر - بۇقارامەن اڭگىمەلەسىپ، پىكىر - ۇسىنىستاردى تىڭداپ، قۇتىبي اۋدانىنىڭ تاربيە جانە امالياتتىق قيمىلىنىڭ جانە «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنىڭ ورىستەتىلۋ جاعدايىن تەكسەرىپ زەرتتەگەن بولاتىن.
قۇتىبي اۋداندىق پارتكومنىڭ شۋجيى زى چۇنلەي تاربيە جانە امالياتتىق قيمىلىنىڭ ورىستەتىلۋ جاعدايىنان مالىمەت بەردى. اۆتونوميالى رايوننىڭ قۋزاۋ - جەتەكشىلىك ەتۋ 5 - گرۋپپاسىنىڭ باستىعى جاڭ گولياڭ قۋزاۋ - جەتەكشىلىك ەتۋ قىزمەتىنىڭ جاعدايىنان مالىمەت بەردى. سانجى حۇيزۋ اۆتونوميالى وبلىستىق پارتكومنىڭ شۋجيى لي جيانگو جەتەكشىلىك ەتۋ قىزمەتىنىڭ جاعدايىنان مالىمەت بەردى. جاڭ چۇنشيان مالىمەتتەردى تىڭداپ، ەستەلىك الا وتىرىپ، ءالسىن - ءالى قاتىستى ماسەلەلەر جونىندە كوپشىلىكپەن اڭگىمەلەستى.
مالىمەتتى تىڭداعان سوڭ، جاڭ چۇنشيان ءسوز سويلەدى. ول بىلاي دەدى: قۇتىبي اۋدانى ورتالىقتىڭ ورنالاستىرۋىن جانە اۆتونوميالى رايوندىق پارتكومنىڭ تالابىن مۇقيات تياناقتاندىردى، تاربيە جانە امالياتتىق قيمىلىن ايتارلىقتاي باستاپ، تىڭعىلىقتى تۇردە ىلگەرىلەتتى. اۋداندىق پارتكوم باستاماشىلدىق رولىن ساۋلەلەندىرىپ، ۇيرەنۋ قيمىلىن تابىستى جۇرگىزىپ، بۇقارا اراسىنا بارىپ پىكىر تىڭداپ، جاعدايدى شىنايى تۇردە ۇعىسىپ، ماسەلەنىڭ ءتۇپ - قاينارىنا وي جۇگىرتىپ، ۇيرەنە ءجۇرىپ تەكسەرىپ، تەكسەرە ءجۇرىپ تۇزەتىپ، بۇقارا نازار اۋدارعان ماسەلەلەرگە جاۋاپ بەردى، ماسەلەلەردى تەكسەرىپ ورتاعا سالۋ، سىن ايتۋ جاعىندا دا قىرۋار قىزمەت ىستەدى. قۋزاۋ - جەتەكشىلىك ەتۋ گرۋپپاسى قاتاڭ قۋزاۋ مەن ناقتى جەتەكشىلىك ەتۋگە تاباندى بولىپ، پارمەندى تۇردە قۋزاپ جەتەكشىلىك ەتتى. جاڭ چۇنشيان تاربيە جانە امالياتتىق قيمىلدى ونان ارى ويداعىداي ورىستەتۋ، بايلانىس ءتۇيىنىنىڭ باستاماشىلدىق، ۇلگى كورسەتۋ رولىن ساۋلەلەندىرۋى جونىندە 4 ءتۇرلى تالاپ قويدى:
ءبىرىنشى، باس شۋجي شي جينپيڭنىڭ ماڭىزدى ءسوزىنىڭ رۋحىن جانە ورتالىقتىڭ، اۆتونوميالى رايوندىق پارتكومنىڭ قاتىستى ورنالاستىرۋلارىنىڭ تالابىن ىشكەرىلەي ۇيرەنۋ، دايەكتىلەندىرۋ كەرەك. باس شۋجي شي جينپيڭنىڭ ماڭىزدى سوزدەرى − تاربيە جانە امالياتتىق قيمىلىنىڭ ءساتتى ورىستەتىلۋىنىڭ يدەيالىق جەتەكشىسى، اسىرەسە، تۇبىرىنەن وڭاۋدىڭ باياندى شاراسى، سوندىقتان ونى باستان - اياق ۇيرەنىپ، دايەكتىلەندىرىپ، ۇيرەنۋدە تابىسقا جەتۋ كەرەك.
ەكىنشى، لانكاۋ اۋدانىن ۇلگى جانە اينا ەتىپ، ارناۋلى دەموكراتيالىق تۇرمىس جيىنىنىڭ دايىندىق قىزمەتىن ساپالى تۇردە ويداعىداي ىستەۋ كەرەك. قۇتىبي اۋدانى لانكاۋ اۋدانىن شىن مانىندە ۇلگى ەتىپ، جوعارى ولشەم، قاتاڭ تالاپ قويىپ، ولقىلىقتاردى تابا ءبىلىپ، دايىندىق قىزمەتىن تولىق تياناقتاندىرۋ ءۇشىن ۇزبەي قۇلشىنۋ كەرەك.
ءۇشىنشى، سىن جانە ءوز - وزىنە سىندى شىن مانىندە ورىستەتۋ كەرەك. ءبىرىنشى باسشى باستاماشى بولىپ، ۇلگى كورسەتىپ، وزدەرى باستاپ كەمشىلىكتەردى كورسەتىپ، ايىپتاردى اشىپ، سىن ايتىپ، وزدەرىنىڭ ناقتى ارەكەتى ارقىلى سىن جانە ءوز - وزىنە سىن ايتۋدىڭ قانىق رايىن قالىپتاستىرۋعا جەتەكتەۋى كەرەك.
ءتورتىنشى، ارناۋلى دەموكراتيالىق تۇرمىس جيىنىنا باسشىلىقتى جانە قۋزاۋ مەن جەتەكشىلىكتى شىن مانىندە كۇشەيتۋ كەرەك. كەمشىلىكتەردى تەكسەرىپ، اعاتتىقتاردى تولىقتاپ، قىزمەتتى ونان ارى مۇقيات ىستەپ، «قايىرىلا قاراۋ» قىزمەتىن مۇقيات ۇيىمداستىرىپ، ماسەلەلەردى ءدال، شىنايى تابۋ كەرەك. جوعارى ولشەم بەلگىلەپ، قاتاڭ تالاپتى تياناقتاندىرۋ، دايىندىق قىزمەتتەرىن شىن مانىندە ىستەۋ كەرەك. دەن قويا جەتەكشىلىك ەتىپ، قىزمەتتى ونان ارى مۇقيات ىستەۋ ءتيىس. سانجى وبلىستىق پارتكوم بايلانىس ءتۇيىنىنىڭ لانكاۋ سىندى ۇلگىمەن سالىستىرىپ، پارىقتاردى ءبىر - بىرلەپ تاۋىپ، ولقىلىقتاردى تەكسەرىپ، شارالاردى ءبىر - بىرلەپ بەلگىلەپ، رەتتەۋ مەن تۇزەتۋدى يگەرىپ، تالاپتاردى شىن مانىندە تياناقتاندىرىپ، ۇلگى اسەرىن قالىپتاستىرۋىنا كومەكتەسۋى كەرەك. قۋزاۋ - جەتەكشىلىك ەتۋ 5 - گرۋپپاسى بۇراۋدى ونان ارى قاتايتىپ، تەكسەرۋ مەن باقىلاۋدى كۇشەيتىپ، ماسەلەلەردى تابۋ وتكەلىن، سالىستىرىپ تەكسەرۋ وتكەلىن، ماتەريالداردى تەكسەرۋ وتكەلىن، ىشكەرىلەي بورشالاۋ وتكەلىن شىن مانىندە يگەرۋى كەرەك، ولشەمدى تومەندەتۋىنە استە بولمايدى.
جاڭ چۇنشيان بىلاي دەپ اتاپ كورسەتتى: جاۋاپكەرلىك سەزىم مەن كوكەي تەستىلىك سەزىمدى شىن مانىندە ارتتىرۋ كەرەك. ءبىرىنشى باسشى «ءبىرىنشى جاۋاپتى ادامنىڭ» جاۋاپكەرلىگىن شىن مانىندە اتقارىپ، ولشەمدى ءتىپتى دە جوعارى بەلگىلەپ، تالاپتى ءتىپتى دە جوعارى قويىپ، ونان ارى كۇش سالىپ، ارناۋلى دەموكراتيالىق تۇرمىس جيىنىنىڭ دايىندىقتارىن ويداعىداي ىستەۋى قاجەت. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ۇزدىكسىز يگەرىپ، رەفورما، دامۋ، ورنىقتىلىق قىزمەتتەرىن ءبىر تۇتاس يگەرىپ، «ءتورتتى ۇشتاستىرۋ» «بەس باستاماشىلدىق» تالابىنا ساي، قۇتىبيدى اۆتونوميالى رايونىمىزدىڭ عىلمي دامۋىنداعى، قوعام ورنىقتىلىعىنداعى، باياندى تىنىشتىعىنداعى ۇلگىلى ءتۇيىن ەتىپ قۇرىپ شىعۋ كەرەك.
اۆتونوميالى رايوندىق پارتكومنىڭ ورىنباسار شۋجيى حان يۇڭ، اۆتونوميالى رايوندىق پارتكوم ۇيىمداستىرۋ ءبولىمىنىڭ باستىعى ما شۋەجۇن ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
