- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كونە كوز دوستىڭ جۇڭگوعا 20 - رەتكى ساپارى
جۇڭگو - قازاقستاننىڭ اناعۇرلىم ىشكەرىلەگەن تۇردە جان - جاقتىلى سەلبەستىك ورىستەتۋى تاراپتاردىڭ ءوز مەملەكەت ارمانىن ىسكە اسىرۋعا تىڭ ومىرشەڭدىك سيلاپ، ەكى ەل حالقىن ۇزدىكسىز يگىلىككە كەنەلدىرەدى
2014.06.05 17:03 كەلۋ قاينارى : شينجياڭ گازەتى
ازيا ءوزارا سەلبەسۋ جانە سەنىم شارالارى جونىندەگى 4 - رەتكى باسشىلار كەڭەسى جۇڭگونىڭ شاڭحاي قالاسىندا اشىلدى. وسى رەتكى سالتاناتتى جينالىسقا قاتىناسقان قىمباتتى قوناقتاردىڭ ىشىندە وزگەشە ءبىر قوناق بار ەدى، ول بولسا جۇڭگو حالقىنىڭ كونە كوز دوسى، ازيا ءوزارا سەلبەسۋ جانە سەنىم شارالارى كەڭەسى تۋرالى تۇڭعىش رەت باستاما كوتەرگەن − قازاقستاننىڭ زۇڭتۇڭى نازاربايەۆ. ول بۇل جولعى جۇڭگوعا 20 - رەت ساپارلاي كەلدى.
نازاربايەۆ زۇڭتۇڭ بيلىك باسىنا وتىرعان 20 نەشە جىلدان بەرى قازاقستان حالقىنىڭ قۇرمەتى مەن قادىرلەۋىنە بولەنىپ كەلدى. ونىڭ باسشىلىعىندا قازاقستان مەملەكەت قۇرۋ، استاناسىن كوشىرۋ، پارتيا، ارميا قۇرۋ سىندى ءبىر قىدىرۋ ۇلى ىستەرىن ءساتتى ورىندادى، سوۆەت وداعى ىدىراعان كەزدەگى ءالسىز مەملەكەتتەن قازىرگى كىسى باسىندىق ەل ءىشى ءوندىرىس جالپى قۇنى 13 مىڭ دوللاردان اسقان مەملەكەتكە اينالدى. بۇل كۇندەرى قازاقستان ەكونوميكاسى گۇلدەنگەن، قوعامى ورنىقتى، حالقى ۋايىمسىز، شارۋاشىلىعى شالقىعان، ەۆروپا - ازياداعى اتى - زاتىنا ساي ءىرى ەل بولدى. سوناۋ 1992 - جىلى قازاقستان ەندى عانا ەگەمەندىك العاندا، نازاربايەۆ زۇڭتۇڭ ب م ۇ - نىڭ 74 - رەتكى جينالىسىندا ازيا ءوزارا سەلبەسۋ جانە سەنىم شارالارى كەڭەسىن قۇرۋدى ۇسىنىس ەتەدى. وسىدان كەيىن، ازيا ءوزارا سەلبەسۋ جانە سەنىم شارالارى كەڭەسىنىڭ ءۇردىسىن جەبەۋ ءۇشىن قازاقستان بارلىق كۇشىن سارقا جۇمساپ، قاجىماي - تالماي ازيا ءوزارا سەلبەسۋ جانە سەنىم شارالارى كەڭەسىن جوقتان بار ەتۋگە، كىشكەنەدەن ۇلعايۋىنا مۇمكىندىك جاساپ، كەزەكتەگى حالىقارادا اسا ىقپالدى، ازياداعى ەڭ ۇلكەن حاۋىپسىزدىك تالقى مىنبەرىنە اينالدىردى.
مۇندا اۋىزعا الۋعا تاتيتىنى نازاربايەۆ زۇڭتۇڭنىڭ جۇڭگوعا دەگەن ىقىلاسى. جۇڭگو مەن قازاقستان ديپلوماتيالىق قارىم - قاتىناس ورناتقان 22 جىلدا نازاربايەۆ زۇڭتۇڭ جۇڭگوعا 20 رەت ساپارلاي كەلدى، ەكى ەل باسشىلارىنىڭ ءتۇرلى ورتاداعى كەزدەسۋلەرىنىڭ سانىنا جەتۋ ءتىپتى قيىنداۋ. ول جۇڭگو باسشىلارىمەن قىزمەتتە تىعىز بايلانىس جانە تەرەڭ دوستىق سۇيىسپەنشىلىك ورناتتى. ءار جولعى كەزدەسۋلەردە ول جۇڭگو باسشىلارىمەن ىشكەرىلەي پىكىر اۋىستىرىپ، ماڭىزدى ساياسي حۇجاتتاردى بىرگە جاريالاپ، ءبىرسىپىرا ناقتى سەلبەستىك كەلىسىمدەرىنە قول قويىستى.
ءبىز مىنالاردى ەسىمىزدەن شىعارمايمىز: 2008 - جىلى نازاربايەۆ زۇڭتۇڭ الماتىدا تۇڭعىش رەتكى الاۋدى ۇستاپ، بەيجيڭ وليمپيادا سپورت جارىسى قاسيەتتى الاۋىن شەكارا سىرتىندا جالعاستىرۋ قيمىلىنىڭ شىمىلدىعىن ءوز قولىمەن اشىپ، قازاقستان حالقىنىڭ جۇڭگونى بارىنشا قولداپ - قۋاتتايتىندىعىن ايگىلەدى؛ جۇڭگونىڭ بيلىگىنە جانە تەرريتوريا تۇتاستىعىنا ساياتىن كەلەلى ماسەلەلەردە نازاربايەۆ زۇڭتۇڭ پوزيتسياسى ايقىن تۇردە ءبىر جۇڭگو پرينسيپتىك مايدانىندا بەرىك تۇرىپ، لاڭكەستىككە، بولشەكتەۋشىلىككە جانە ۇشقارىلىققا باتىل قارسى تۇرىپ كەلدى؛ وتكەن جىلى قىركۇيەكتە ءتوراعا شي جينپيڭ قازاقستانداعى ساپارىندا جىبەك جولى ەكونوميكالىق بەلدەۋىن قۇرۋ ماڭىزدى ۇندەۋىن العا قويعاندا، نازاربايەۆ زۇڭتۇڭ سول جەردە قولدايتىنىن ءبىلدىردى، كەزەكتە قازاقستان مەن جۇڭگو وسى ماڭىزدى ۇندەۋدى بەلسەنە ىلگەرىلەتىپ تياناقتاندىرۋدا؛ كوپ جىلداردان بەرى نازاربايەۆ زۇڭتۇڭ جۇڭگو مەن قازاقستاننىڭ ءىرى نىسانا بويىنشا سەلبەستىك جاساۋ ىستەرىنە تىكەلەي كوڭىل ءبولىپ جانە ونى ىلگەرىلەتىپ، جۇڭگو - قازاقستان تابيعي گاز قۇبىرى، جۇڭگو - قازاقستان شەكارا اتتاعان تەمىر جولى، اقتاۋ قاراماي زاۆودى سىندى ءبىرسىپىرا ءىرى نىسانداردىڭ باستالۋ نەمەسە وندىرىسكە قوسىلۋ سالتتارىنا قاتىناسىپ، جۇڭگو كاسىپورىندارىنىڭ جەرگىلىكتى ورىن قوعامىنا قوسقان كورنەكتى ۇلەسىنە جوعارى باعا بەردى.
نازاربايەۆ زۇڭتۇڭ ءىس جۇزىندىك ارەكەتى ارقىلى جۇڭگو - قازاقستان دوستىق ىستەرىن ىلگەرىلەتىپ، ەكى ەل بايلانىسىنىڭ اقاۋسىز، ورنىقتى دامۋىنا كەلەلى ۇلەستەر قوسىپ، ماڭىزدى رول اتقاردى. مامىر ايىندا شاڭحايدا گۇلدەر شەشەك اتتى، نازاربايەۆ زۇڭتۇڭ جۇڭگونىڭ رەفورمانى جاپپاي تەرەڭدەتكەن، تۇتاس ەل بولىپ جۇڭگو ارمانىن جانە «قوس ءجۇز جىلدىق» نىساناسىن ىسكە اسىرۋ جولىندا كۇرەس جاساپ جاتقان شاقتا جۇڭگوعا تاعى ساپارلاي كەلدى. قازاقستان دا مەملەكەتتى قۇدىرەتتەندىرىپ، حالىقتى اۋقاتتاندىرۋدى ماقسات ەتكەن «2050 ستراتەگياسىن» العا قويدى. ەكى ەلدىڭ اناعۇرلىم ىشكەرىلەگەن تۇردە جان - جاقتىلى سەلبەستىك ورىستەتۋى تاراپتاردىڭ ءوز مەملەكەت ارمانىن ىسكە اسىرۋعا تىڭ ومىرشەڭدىك سيلاپ، ەكى ەل حالقىن ۇزدىكسىز يگىلىككە كەنەلدىرەدى. ازيا ءوزارا سەلبەسۋ جانە سەنىم شارالارى جونىندەگى 4 - رەتكى باسشىلار كەڭەسى جۇڭگو - قازاقستان دوستىق سەلبەستىگىنىڭ تىڭ پاراعىن اشتى.
اۆتور: جۇڭگونىڭ قازاقستانداعى ەلشىسى يۋە يۇيچىڭ
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
