- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىزدا زورلىقتى كۇش، لاڭكەستىك دەلولارىنا سوت اشىلدى
23 دەلوداعى 81 ايىپكەر سوتتالدى، 12 ادام ءولىم جازاسىنا ۇكىم ەتىلدى
2014.06.06 13:06 كەلۋ قاينارى : ءتاڭىرتاۋ تورابى
اۆتونوميالى رايوندىق جوعارى حالىق سوتى مەكەمەسى اشقان اقپار جاريالاۋ ماجىلىسىنەن ۇعىسقانىمىزداي، 5 - ماۋسىمدا ءۇرىمجى، اقسۋ، قاشقار، حوتان سياقتى التى ايماق، وبلىس، قالانىڭ حالىق سوتى مەكەمەلەرى 23 دەلوداعى 81 ايىپكەرگە 1 - سوت اشىپ، اشىق ۇكىم جاريالاپ، لاڭكەستىك ۇيىم قۇرۋ، وعان باسشىلىق ەتۋ، قاتىناسۋ قىلمىسىمەن، قاساقانا كىسى ءولتىرۋ قىلمىسىمەن، ءورت قويۋ قىلمىسىمەن ايىپكەرلەردى ءولىم جازاسىنا، مەرزىمسىز قاماۋ جازاسىنا جانە مەرزىمدى قاماۋ جازاسىنا ۇكىم ەتكەن. بۇلاردىڭ اراسىندا 9 ايىپكەرگە ءولىم جازاسى ۇكىم ەتىلدى، 3 ايىپكەرگە ءولىم جازاسى ۇكىم ەتىلىپ، 2 جىل كەشىكتىرىلىپ اتقارىلاتىن بولدى.
وسى 23 دەلونىڭ اراسىندا 13 دەلودا 68 ادام لاڭكەستىك ۇيىم قۇرۋ، وعان باسشىلىق ەتۋ، قاتىناسۋ قىلمىسىن، قاساقانا كىسى ءولتىرۋ قىلمىسىن، ءورت قويۋ قىلمىسىن، جارىلعىش زاتتاردى زاڭسىز تۇردە جاساۋ، ساقتاۋ، تاسۋ قىلمىسىن، مىلتىق تارتىپ الۋ قىلمىسىن، قاساقانا كىسى زاقىمداۋ قىلمىسىن وتكىزگەن؛ 10 دەلودا 13 ادام زورلىقتى كۇش، لاڭكەستىك مازمۇنىنداعى دىبىس، بەينە جازبالارىن جاساۋ، تاراتۋ، ۇلتتىق وشپەندىلىككە، ۇلتتىق كەمسىتۋگە جەلىكتىرۋ قىلمىسىن، قىلمىس ادىستەرىن ۇيرەتۋ قىلمىسىن وتكىزگەن.
وسى دەلولارداعى زورلىقتى كۇش لاڭكەستىك، ءدىني ۇشقارىلىق، مىلتىق، جارىلعىش زات جاساۋ، زورلىقتى كۇش لاڭكەستىك مازمۇنىنداعى دىبىس، بەينە جازبالارىن جاساۋ، تاراتۋ سياقتى قىلمىستار − شينجياڭدا ورىستەتىلگەن زورلىقتى كۇش لاڭكەستىك قىلمىستارىنا قاتاڭ سوققى بەرۋ ارناۋلى قيمىلىنىڭ ءتۇيىنى ەسەپتەلەدى. اۆتونوميالى رايوندىق جوعارى حالىق سوتى مەكەمەسى وسى كۇنى 4 تيپتىك دەلونى جاريالادى.
ابدۋاسيت قادىر سياقتى 4 ايىپكەر تالاي رەت زورلىقتى كۇش لاڭكەستىك قىلمىستارىن وتكىزىپ، بەيكۇنا جانداردان تالاي ادامدى ءولتىرىپ، زاقىمداپ، الەۋمەتتىك جانە جەكەلىك مال - مۇلىكتەردى ورتەپ، ءبۇلدىرىپ، الەۋمەتتىك حاۋىپسىزدىك پەن حالىق بۇقاراسىنىڭ ومىرىنە مال - مۇلكىنە اۋىر قاتەر ءتوندىرىپ، زيان جەتكىزگەندىكتەن، زاڭ بويىنشا ءولىم جازاسىنا ۇكىم ەتىلدى.
ابدوزەز ماحمۇت سياقتى 17 ايىپكەر تالاي رەت قىرۋار جارىلعىش قۇرىلعىلارىن جاساپ، ساقشى بولىمشەسى مەن اۋىلدىق ۇكىمەتكە زورلىقتى كۇش لاڭكەستىك شابۋىلىن سايلاپ، ءبىر حالىق ساقشىسىن اۋىر جارالاعاندىقتان، جەكە - جەكە 2 جىل كەشىكتىرىلىپ اتقارىلاتىن ءولىم جازاسى، مەرزىمسىز قاماۋ جازاسى جانە مەرزىمدى قاماۋ جازاسى بەرىلدى.
ايىپكەر نۇرمامەت ابدىقايىم شەكارا سىرتىندا لاڭكەستىك ۇيىمعا قاتىناسىپ، ەلگە قايتىپ كەلگەن سوڭ ءدىني ۇشقارى يدەيالاردى تاراتىپ، جارىلعىش زات جاساۋ تەحنيكاسىن ۇيرەتىپ، ۇيىم مۇشەلەرىن كوبەيتىپ، زورلىقتى كۇش لاڭكەستىك قىلمىسىن وتكىزۋگە سايلانعاندىقتان، مەرزىمسىز قاماۋ جازاسىنا ۇكىم ەتىلىپ، ساياسي ۇقىعىنان ماڭگى ماقرۇم ەتىلدى، وسى ۇيىمنىڭ قالعان ەكى مۇشەسى جەكە - جەكە 10 جىلدىق قاماۋ جازاسىنا ۇكىم ەتىلدى.
ايىپكەر تۇرعۇن عۇپۇر سياقتى 2 ادام ينتەرنەت، ۋيچات ارقىلى ادامدارعا زورلىقتى كۇش لاڭكەستىك، ءدىني ۇشقارىلىق جانە ۇلتتىق وشپەندىلىككە، ۇلتتىق كەمسىتۋگە جەلىكتىرۋ سياقتى مازمۇندارداعى ينفورماتسيالاردى تاراتىپ، ۇلتتىق وشپەندىلىككە، ۇلتتىق كەمسىتۋگە اشىق جەلىكتىرگەن. قىلمىستارىنىڭ سيپاتىنا قاراي 2 ايىپكەرگە جەكە - جەكە 10 جىلدىق قاماۋ جازاسى جانە 5 جىلدىق قاماۋ جازاسى بەرىلدى.
سوت بارىسىندا رايونىمىزداعى سوت مەكەمەلەرى فاكتتى نەگىز ەتۋگە باستان - اياق تاباندى بولىپ، زاڭدى ولشەم ەتىپ، قىلمىستىق جازانىڭ قىلمىستى جازالاۋ، تيۋ، تاربيەلەۋ جانە ساقتانۋ رولىن ساۋلەلەندىرۋگە باسا ءمان بەرىپ، لاڭكەستىك ۇيىمداردىڭ اتاماندارىن، تىرەكتىلەرىن زاڭ بويىنشا جازالاۋمەن قاتار، دەلو جاعدايىنا نەگىزدەلە وتىرىپ، قىلمىسى جەڭىلدەۋ، زيانى اۋىر بولماعان، قىلمىسىن تانىپ تاۋباسىنا كەلگەندەردى، ءوزىن مالىمدەپ، ەڭبەك كورسەتكەندەردى زاڭ بويىنشا جەڭىل جازالادى نەمەسە جازاسىن جەڭىلدەتتى. سونىمەن قاتار جەر - جەردەگى سوت مەكەمەلەرى زاڭ بويىنشا اشىق سوت اشىپ، قوعامنىڭ ءار سالاسىنداعى ۋاكىلدەردى، ءار ۇلت بۇقاراسىن اشىق سوتتى تىڭداۋعا ۇسىنىس ەتىپ، ايىپكەرلەردىڭ اقتالۋ ۇقىعىن، ءوز ۇلتىنىڭ ءتىل - جازۋىمەن شاعىم ايتۋ ۇقىعىن زاڭ بويىنشا قامتاماسىز ەتىپ، اقتاۋشىلاردىڭ، باسقا دا ارىز - شاعىمعا قاتىسۋشىلاردىڭ ارىز - شاعىم ۇقىعىن زاڭ بويىنشا قامتاماسىز ەتتى.
اۆتونوميالى رايوندىق جوعارى حالىق سوتى مەكەمەسىنىڭ جاۋاپتىسى بىلاي دەدى: اشىق تەرگەۋ جانە ۇكىم جاريالاۋ حالىق سوتى مەكەمەسىنىڭ زورلىقتى كۇش لاڭكەستىك قىلمىستارىنا قاتاڭ سوققى بەرۋدەگى باتىل پوزيتسياسىن كورسەتتى، ءار دارەجەلى سوت مەكەمەلەرى قاتاڭ سوققى بەرۋ باعىتىنا قاتاڭ تاباندى بولىپ، مەملەكەت حاۋىپسىزدىگىنە زيان جەتكىزەتىن، الەۋمەتتىك حاۋىپسىزدىككە اۋىر زيان جەتكىزەتىن زورلىقتى كۇش لاڭكەستىك سياقتى قىلمىستارعا زاڭ بويىنشا اۋىر ءارى تەز سوققى بەرەدى، سونىمەن بىرگە زاڭ بويىنشا اشىق ۇكىم جاريالاۋعا تاباندى بولىپ، قوعامنىڭ ءار سالاسىنا دەر كەزىندە جاۋاپ بەرىپ، قىلمىسقا سەس كورسەتىپ، بۇقارانى تاربيەلەپ، قوعامدىق وڭ ەنەرگياعا شابىت بەرەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
