- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وتاندى ساعىنامىز، دامۋدى ماقتايمىز، جاراسىمدىلىقتى اڭسايمىز، كۇش توپتايمىز
− شەتەلدە وقىپ جاتقان، شينجياڭدىق 13 جاس بىرلەسىپ حات جولداپ، توراپكەرلەردىڭ القاۋىنا يە بولدى
2014.06.06 11:00 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 4 - ماۋسىمدا ۇرىمجىدەن بەرگەن حابارى. شەتەلدە وقىپ جاتقان، 5 ۇلتتان قۇرالعان شينجياڭدىق 13 جاس «وتان، شينجياڭ، سىزگە ايتارىم» دەگەن تاقىرىپتا ماقالا جاريالاپ، وتانعا دەگەن ساعىنىشتارىن، اتا مەكەندەرىنە دەگەن تەرەڭ سۇيىسپەنشىلىكتەرىن بەينەلەدى. بىرنەشە كۇننەن بەرى، وسى ماقالا كەڭىنەن تاراتىلدى جانە تالقى تارازىسىنا ءتۇستى، بۇل سان مىڭداعان توراپكەردىڭ قولداۋىنا جانە القاۋىنا يە بولدى.
ماقالانى جاريالاۋشى شۆەتسيا ۇمە اۋنيۆەرسيتەتىندە ماگيستر اسپيرانتتىق وقىپ جاتقان مارھابا ءاينايتۇل. ول بىلاي دەدى: شەتەلدە وقيتىن نەمەسە قىزمەت ىستەيتىن شينجياڭدىق جاستار توراپ ارقىلى دوستاستى، تاياۋدا ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلىپ، اتا مەكەنىمىزدىڭ ورنىقتىلىعىنا، دامۋىنا ءتيىمدى كوپتەگەن ساياساتتاردىڭ العا قويىلعانىن ەستىگەن كوپشىلىك ايرىقشا تەبىرەندى ءارى شەتەلدەگى وقۋشىلاردىڭ دا اتتانىسقا كەلىپ، جۇرەك ءۇنىن ءبىلدىرۋىن ۇسىنىس ەتتى، سونىمەن كوپشىلىك جەكە - جەكە اسەر جازىپ، پىكىر ءبىلدىردى، ەڭ سوڭىندا مەن بۇلاردى رەتتەدىم ءارى جاريالادىم.
مارھابا ءاينايتۇل: ءبىز QQدا تالقىلاعاندا، كەيبىرەۋلەر تۇرعان جەردە قاس قارايعان، كەيبىرەۋلەر تۇرعان جەردە ءتۇن جارىمى بولاتىن، ايتسە دە كوپشىلىك اڭگىمەنىڭ تيەگىن اعىتىپ، وتانعا جانە مەكەنگە دەگەن سۇيىسپەنشىلىكتەرىن جانە زورلىقتى كۇش لاڭكەستەرىنە دەگەن وشپەندىلىكتەرىن جاپا - تارماعاي اعىنان اقتارىلا اڭگىمەلەدى. ەڭ سوڭىندا ماقالا رەتتەلىپ بولعاندا تاڭ دا اتتى، ەرتەڭىندە مەن ماقالانى اۆتوبۋستا وتىرىپ توراپتا جاريالادىم، مۇنى تاراتاتىنداردىڭ جانە تالقى تارازىلارىنا سالاتىنداردىڭ وسىنىشا كوپ بولارىن مۇلدە ويلاماپپىن، - دەدى.
ماقالادا تەرەڭ سۇيىسپەنشىلىكپەن: اتا مەكەننەن، وتاننان الىستا جۇرگەندە عانا، جۇڭگو ءوز سالاۋاتىمىز ەكەنىن شىنايى سەزىندىك... وتانىمىزدىڭ، شينجياڭنىڭ دامىعانىن جانە وزگەرىستەرىن كورىپ قاتتى تەبىرەندىك، اتا مەكەنىمىزدىڭ جاعدايىنان دا الاڭدادىق، زورلىقتى كۇش لاڭكەستىك دەلوسى تۋىلعان سايىن، شەتەلدەگى وقۋشىلاردىڭ جۇرەگى اۋىرادى... ءبىز ەندىگارى ءۇنسىز وتىرا المايمىز، نازالانبايمىز، جاۋاپكەرلىك پەن بورىشتى ويلام مەن ارەكەتكە اينالدىرامىز، قۇلشىنامىز! جاڭالىق جاسايمىز! وزگەرتەمىز!».
4 - ماۋسىم كۇنى ءتۇستىڭ الدىنا دەيىن، ۇلى بريتانيا، ا ق ش، تۇركيا، جاپونيا سياقتى 7 ەلدە وقىپ جاتقان نەمەسە قىزمەت ىستەپ جۇرگەن شينجياڭدىق 13 جاس جازعان وسى ماقالا ميكرو بلوگ پەن تالقى مىنبەرىندە 50 مىڭ رەتتەن كوبىرەك تاراتىلدى، بۇل جونىندەگى ءتۇرلى باعالار دا 20 مىڭنان استى. كوپتەگەن توراپكەر شەتەلدە وقىپ جاتقان وقۋشىلاردىڭ باتىلدىقپەن كوزقاراس ءبىلدىرۋ، وتانشىلدىق سۇيىسپەنشىلىگىن بەينەلەۋ ارەكەتىن قولداپ: «ەڭ كورىكتى شينجياڭ قۇرۋ ءۇشىن، كوپشىلىكتىڭ بىرگە قۇلشىنۋى كەرەك!» دەدى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان شەتەلدە وقىپ جاتقان وقۋشىلارعا جولداعان سالەمىندە: جات ەل، جات جەردە جۇرگەن سەندەردىڭ ارت جاقتارىڭدا مىقتى وتاندارىڭ جانە سەندەردى قىزۋ سۇيەتىن اتا مەكەندەرىڭ بار، سەندەردىڭ قيىنشىلىقتاردى جەڭىپ، قاجىرلىلىقپەن قۇلشىنا ۇيرەنىپ، بولاشاقتا وتاننىڭ ءۇمىتىن اقتاپ، مەكەندەرىڭ ءۇشىن قىزمەت ەتۋلەرىڭدى ءۇمىت ەتەمىن، - دەدى.
كەزىندە مەملەكەتتىك 2 - دارەجەلى سپورتشى بولعان ءالىمجان ءابىلىز قازىر كاناداداعى مانيتوبا ۋنيۆەرسيتەتىندە ەلەكترون ينجەنەرياسى كاسىبىن وقيدى. ول بىلاي دەدى: كاناداداعى ەڭ سۋىق قالادا وقىپ جانە تۇرمىس كەشىرىپ جاتقانىممەن، وتان مەن اتا مەكەنىمىزدىڭ قالتقىسىز قامقورلىعىن سەزىندىم، ءبىز مەيلى قايدا جۇرسەك تە، وتانىمىز بىزبەن ماڭگى بىرگە، بىزگە ماڭگى زور رۋحاني كۇش سيلايدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
