- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ ءىسلام ءدىنى سالاسى «عازاۋات سوعىسىن جۇرگىزىپ، ءدىن جولىندا شەيىت بولعاندار ءجانناتقا كىرەدى» دەگەن ساندىراققا تويتارىس بەردى
«جاماندىق ىستەۋشىلەردىڭ بارار جەرى توزاق»
2014.06.06 11:02 كەلۋ قاينارى : ءتاڭىرتاۋ تورابى
«اللا تاعالا <قۇران كارىمدە>: <كىم كىسى ولتىرمەگەن نەمەسە جەر جۇزىندە بۇزاقىلىق قىلماعان بىرەۋدى ولتىرسە، سوندا شىنايى تۇردە بارلىق ادامدى ولتىرگەنمەن جانە كىم ونى تىرىلتسە (ولىمنەن قۇتقارسا)، بارلىق ادامدى تىرىلتكەنمەن تەڭ دەپ جازدىق>، دەدى. ءىسلام دىنىندە جازىقسىز ادام ءولتىرۋدىڭ ۇلكەن كۇنا ەكەنى، اللانىڭ قاھارىنا ۇشىرايتىندىعى بەلگىلەنگەن». 4 - ماۋسىم كۇنى ءتۇستىڭ الدىندا، 70 تەن استام ءدىني قايراتكەر شينجياڭ ءىسلام ينستيتۋتىنىڭ مەشىتىندە «22 - مامىر» اۋىر زورلىقتى كۇش لاڭكەستىك دەلوسىنا نالەت ايتىپ، سىن تەزىنە الىپ، زورلىقتى كۇش لاڭكەستىك ارەكەتتەردىڭ سۇرقيالىعىن ىشكەرىلەي اشكەرەلەپ، «عازاۋات سوعىسىن جۇرگىزىپ، ءدىن جولىندا شەيىت بولعاندار ءجانناتقا كىرەدى» دەگەننىڭ زاردابىن ارىلتىپ، دىنگە سەنەتىن بۇقارانى دۇرىس سەنىم ورناتۋعا جەتەكتەدى.
ساعات 11دە، بۇكىل شينجياڭنىڭ جەر - جەرىنەن كەلگەن 70 تەن استام ءدىني قايراتكەر ءىسلام مەدرەسسە ەرەجەسىنىڭ تالابىنا ساي، شينجياڭ ءىسلام ينستيتۋتىنىڭ مەشىتىندە دوڭگەلەنە وتىرىپ، الدارىنا قويىلعان «قۇران كارىمدى» وقىپ، ەرەكشە ىقىلاسپەن ءمىناجات ەتتى. ءدىني قايراتكەرلەر «قۇران كارىم»، «حاديس» سياقتى ءدىني كلاسسيك شىعارمالاردان پايدالانىپ، لاڭكەستەر مەن قاسكويلەردىڭ ءىسلام ءدىنىن جەلەۋ ەتىپ، قۇران كارىم مەن حاديستەردى ءوز بەتىمەن وزگەرتىپ، اتالمىش «عازاۋات سوعىسىن» ۋاعىزداپ، ۇشقارىلىقتى دارىپتەپ، زورلىقتى كۇشكە جەلىكتىرىپ، مۇسىلمانداردىڭ ءوز ىشىنە جانە مۇسىلماندار مەن مۇسىلمان ەمەستەر اراسىنا ىرتكى سالىپ، وشپەندىلىك تۋدىرماقشى بولعان قاسكۇنەمدىگىن اشكەرەلەدى.
مەشىت − مۇسىلمانداردىڭ قاسيەتتى جەرى، بۇل جەردە ايتىلعان ءاربىر ءسوز اللاعا، «قۇران كارىمگە»، «حاديسكە» قۇرمەتتى العى شارت ەتەدى. كوپشىلىكتىڭ دوڭگەلەنە وتىرۋىنىڭ ءوزى ىنتىماق ماعىناسىن ءبىلدىرىپ، ولاردىڭ ايتقان نالەتتەرى ادىلەتتىڭ قۇدىرەتتى كۇشىن ۇيىستىرۋعا مۇمكىندىك بەرەدى.
«زورلىقتى كۇش لاڭكەستەر ءدىندى جەلەۋ ەتىپ، جازىقسىز جانداردى جاۋىزدىقپەن ءولتىرىپ، زاڭدى اياق استى ەتتى ءارى ءىسلام ءدىنىنىڭ ادامدى ىزگىلىككە، وتاندى، ءدىندى سۇيۋگە ءناسيحاتتايتىن شاريعاتتارىنا شەك كەلتىردى». نالەت ايتۋ، اشكەرەلەۋ - سىنداۋ قيمىلىن باسقارعان اۆتونوميالى رايوندىق ءىسلام قوعامىنىڭ ورىنباسار باستىعى، شينجياڭ ءىسلام ينستيتۋتىنىڭ باستىعى ابدىراقىپ تەمىرنياز الدىمەن ءسوز الدى: «مۇسىلماندار ءوز پارىزىن تولىق ورىنداۋمەن قاتار، بالا - شاعاسىن تاربيەلەۋ قىزمەتىن دە جاقسى ىستەۋى كەرەك.
اللا تاعالا <قۇران كارىمدە>: ءاي مومىندەر! وزدەرىڭدى ءارى ءۇي - ىشتەرىڭدى وتىنى ادامدار مەن تاستاردان بولعان وتتان قورعاڭدار، − دەيدى. (تاحريم سۇرەسى، 6 - ايات)». «ادامنىڭ ءبارىن اللا تاعالا جاراتقان، وزگەلەرگە بەيبىتشىلىك اكەلمەي، كەرىسىنشە، جازىقسىز قاۋىمعا زيان جەتكىزۋ، ءتىپتى جاۋىزدىقپەن ءولتىرۋ ناعىز مۇسىلماندارعا مۇلدە جات ارەكەت.
مۇنداي ىستەۋ بۇزاقىلاردى تەك توزاققا باستايدى». مۇقتارام ءشارىپ داموللا مىنانى اتاپ كورسەتتى: «22 - مامىر» اۋىر زورلىقتى كۇش لاڭكەستىك دەلوسىنداعى جازىقسىز جانداردى ولتىرگەن بۇزاقىلار ءىسلام ءدىنىنىڭ شاريعاتى مەن ەرەجەسىنە تۇبىرىنەن قايشىلىق جاسادى، ول ءىسلام دىنىندە دارىپتەلەتىن بەيبىتشىلىك، كەشىرىمدىلىك، دوستىق رۋحىنا مۇلدە جات نارسە. ءار ۇلت مۇسىلماندارى وعان باتىل قارسى تۇرادى.
«كىم ءبىر جاماندىق كەلتىرسە، ىستەگەن ىستەرىنىڭ سازايىن تارتادى... ولار ماڭگى توزاقتىقتار». جاروللا قۇربان داموللا «قۇران كارىمنىڭ» يۇنۇس سۇرەسىنەن سيتات كەلتىرە وتىرىپ، «عازاۋات سوعىسىن جۇرگىزىپ، ءدىن جولىندا شەيىت بولعاندار جانناتقا كىرەدى» دەگەننىڭ زاردابىن قانداۋىرلادى. ول تاعى اللا ەلشىسىنىڭ «سەندەر دىندە شەكتەن شىعۋدان ساقتانىڭدار، سەندەردەن بۇرىنعىلار دىندە شەكتەن شىعۋ سەبەبىنەن قۇرىعان»، − دەگەن ءسوزىن سيتاتقا كەلتىردى.
«<توزاقتا> جەتى ۇلكەن جازا بار، زۇلىمدىق ىستەگەن بۇزاقىلارعا <اجىرعى> سالىنىپ، <توزاققا> تاستالادى». ابدۇشكۇر راحىمەتوللا داموللا قۇراننان سيتات كەلتىرىپ بايىمداۋ جاسادى.
بەدەلدى جەتى ءدىني قايراتكەر ءسوز سويلەدى. ولار ءىسلام شاريعاتتارىنان سيتات كەلتىرە وتىرىپ، ءىسلام ءدىنىنىڭ شەكتەن اسۋدى ەمەس، ورتا جولدى دارىپتەيتىن ءدىن ەكەنىن، ورتا جولدىڭ ءىسلام ءدىنىنىڭ دۇرىس جولى ەكەنىن اتاپ كورسەتتى.
ەڭ سوڭىندا ءدىني قايراتكەرلەر: «ۇلى وتانىمىز گۇلدەنىپ - كوركەيە بەرسىن، ەل امان، جۇرت تىنىش بولسىن!»، «شينجياڭدا ۇلتتار ىنتىماقتى، ءدىن جاراسىمدى، قوعام ورنىقتى بولسىن!» دەپ تىلەك تىلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
