- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پوروشەنكو ۋكراينا داعدارىسىنا نۇكتە قويا الا ما؟
2014.06.09 16:28 كەلۋ قاينارى : حالىق تورابى
ۋكراينانىڭ جاڭا تاعايىندالعان زۇڭتۇڭى پوروشەنكو 7 – ماۋسىمدا سەرت بەرىپ مىندەتكە وتىردى. قازىرگى تاڭدا ۋكراينانىڭ شىعىسىنداعى دونەتسكى وبلىسى مەن لۋگانسكى وبلىسىنداعى ءىشىنارا جەرلەردە سوعىس ءورتى لاۋلاپ تۇر، ۇكىمەت ارمياسى مەن حالىق اراسىنداعى قارۋلى ەلەمەنتتەر اراسىنداعى قاقتىعىس كۇننەن كۇنگە ءورشىپ كەلەدى. جارتى جىلدان استام ۋاقىت جالعاسقان دۇربەلەڭ جاعداي ۋكراينا ەكونوميكاسىن قۇلدىراتىپ، حالىقتىڭ تۇرمىسى اۋىر ىقپالعا ۇشىرادى. ۋكراينا حالقى قازىرگى جاعدايدىڭ تۇبەگەيلى وزگەرۋىن كوكسەپ، ەلدىڭ بەيبىتشىلىگى مەن ورنىقتىلىعىن قالپىنا كەلتىرۋ ءۇمىتىن پوروشەنكوعا ارتىپ وتىر.
پوروشەنكونى قانداي سىناقتار كۇتۋدە
شىعىس بولەكتەگى دونەتسكى وبلىسى مەن لۋگانسكى وبلىسىنداعى ەگەمەندىك الۋعا ارەكەتتەنگەندەردىڭ ماسەلەسىن تەز ارادا قالاي ءبىرجاقتىلى ەتۋ پوروشەنكو مىندەتكە تاعايىندالعاننان كەيىن ءدۇپ كەلەتىن ەڭ زور سىناق بولىپ وتىر. شىعىس بولەكتەگى ماسەلە شەشىلمەسە، ۋكراينا بولشەكتەنگەن كۇيدە قالادى دا، بۇل ساياسي ورنىقتىلىق پەن ەكونوميكالىق دامۋعا ءتيىمسىز بولادى.
شىعىس بولەكتەگى جاعدايدى ورنىقتىرۋدان سىرت، ۋكراينانى ەكونوميكالىق داعدارىستان قالاي الىپ شىعۋ ماسەلەسى دە جاڭا تاعايىندالعان زۇڭتۇڭنىڭ الدىنا قويىلعان اۋىر سۇراقتاردىڭ ءبىرى. ۋكراينا قازىر كۇردەلى جاعدايدا: ەل ىشىندەگى بىلىقپالىق سەبەبىنەن ەكونوميكا قۇلدىرادى، ەكونوميكانىڭ قۇلدىراۋى قايتا اينالىپ حالىقتىڭ تۇرمىس ورەسىن تومەندەتىپ، ولاردىڭ ۇكىمەتكە نارازىلىعىن كۇشەيتتى، وسىنداي نارازى كوڭىل – كۇي شىعىس بولەكتە جۇرتشىلىقتى حالىقتىق قارۋلى ەلەمەنتتەردى قولداۋعا ءماجبۇرلەردى ءارى بىلىقپالىقتى شيەلەنىستىردى. بۇدان ءبىز ۋكراينانىڭ ەكونوميكالىق داعدارىسى ەكونوميكالىق ماسەلە عانا بولۋدان قالعانىن، كۇردەلى جان – جاقتىلى شارالار قولدانۋدى قاجەت ەتەتىنىن كورە الامىز.
شىعىس بولەكتەگى ماسەلەنى شەشىم ەتە الا ما؟
پوروشەنكو سايلامدا جەڭىسكە جەتكەننەن كەيىن تۇڭعىش رەت سويلەگەن سوزىندە ۋكراينا حالقىنا بەيبىتشىلىك سيلايتىنىن باسا جەتكىزدى. جۋىردا ول شىعىس بولەكتەگى داعدارىستى بەيبىت جولمەن شەشۋگە دايىندالىپ جاتقانىن ءبىلدىرىپ، شىعىس بولەكتەگى وڭىرلەردىڭ ۋاكىلدەرىن كەڭەسۋگە شاقىردى.
پوروشەنكونىڭ جۋىرداعى ەمەۋرىنىنە قاراعاندا، ونىڭ كەڭەسكە شاقىرعان وبيەكتىلەرى حالىقتىق قارۋلى ەلەمەنتتەردى قامتىمايدى. پوروشەنكو «اتالعان قارۋلى ەلەمەنتتەر ‹لاڭكەس ەلەمەنتتەر›، ولارعا قاتاڭ سوققى بەرۋ جانە ولاردى جويۋ كەرەك، ۋكراينا ۋاقىتتىق ۇكىمەتى اتقارعان ‹لاڭكەستەرگە سوققى بەرۋ› ارەكەتىن توقتاتپاۋ، قايتا ءتىپتى دە پارمەندى تۇردە ورىستەتىپ، تەز شايقاس جاساپ، تەز جەڭىسكە جەتۋ كەرەك» دەپ قارايدى. ال، ۋكراينانىڭ شىعىسنداعى حالىقتىڭ باسىم كوپشىلىگى ەكى جاقتىڭ اتىستى توقتاتىپ، كەلىسىمگە كەلۋ ارقىلى ماسەلەنى شەشىم ەتۋىن قالايدى. ەگەر پوروشەنكو ۇكىمەتى قارۋلى ەلەمەنتتەرمەن كەلىسىمگە كەلمەۋ، ولاردى قارۋلى جولمەن جويۋ مايدانىندا بەرىك تۇرسا، شىعىس بولەكتەگى داعدارىستى بەيبىت جولمەن شەشۋ ىسكە اسۋى قيىن ارمان بولىپ قالۋى مۇمكىن.
رەسەيگە قاراتىلعان ساياساتتى قالاي رەتتەيدى؟
ۋكراينانىڭ جاڭا باسشىسى ەۆروپامەن بىرلەسۋ باعدارىن تاڭدادى، باتىس ەلدەرى وعان قۇشاق جايا قارسى الاتىندىقتارىن جانە قولدايتىندىقتارىن ءبىلدىردى. ۋكراينا مەن رەسەي قاتىناسى ەكى ەل تاۋەلسىزدىك العاننان بەرگى ەڭ تومەنگى دەڭگەيگە ءتۇستى. پوروشەنكو ديپلوماتيالىق جاقتا «ءبىر جاققا اۋۋدىڭ» ۋكرايناعا ءتيىمسىز بولاتىنىن، ۋكراينا مەن رەسەيدىڭ قارىم – قاتىناسىن قالىپقا ءتۇسىرۋدىڭ قاجەت بولاتىنىن ۇعىنىپ، رەسەيدىڭ سايكەسۋىنسىز ۋكراينانىڭ شىعىس بولەگىندەگى ماسەلەنى شەشىم ەتۋدىڭ قيىن بولاتىنىن اتاپ كورسەتتى.
جۋىردا پوروشەنكو رەسەي زۇڭتۇڭى پۋتينمەن فرانسيادا قىسقاشا كەڭەس وتكىزدى. پوروشەنكو ۇكىمەتى ۋكراينانىڭ تىنىشتىعى مەن دامۋىنا شارت – جاعداي ازىرلەۋ ءۇشىن، الداعى جەردە ساياسي جانە ەكونوميكا قاتارلى سالالاردا رەسەيگە قاراتىلعان ساياساتىن رەتتەپ، ەكى ەل اراسىنداعى قالىپتى قارىم – قاتىناستى ساقتايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
