- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇتىبي اۋدانىنىڭ ارناۋلى دەموكراتيالىق تۇرمىس جيىنىن ونەگە ەتەيىك
2014.06.09 17:18 كەلۋ قاينارى : شينجياڭ گازەتى
ماسەلەنى ءداپ باسىپ، كەمشىلىكتەر مەن ولقىلىقتاردى دۇرىس باعامداپ جانە كورسەتىپ، شىنداپ، قاتاڭ سوگىس ايتىپ، ماسەلەنىڭ ءتۇپ توركىنىنە تالداۋ جاساپ، جان دۇنيەسىنە جەتە تيگىزدى. 7 - ماۋسىم كۇنى اشىلعان قۇتىبي اۋداندىق پارتكوم تۇراقتى كوميتەتى القاسىنداعىلار ارناۋلى دەموكراتيالىق تۇرمىس جيىنىندا، القانىڭ 14 مۇشەسى (شينجياڭعا كومەككە كەلگەن، ۋاقىتتىق مىندەتپەن كەلگەندەردى دە قامتيدى) جۇرەك سىرىن اقتارىپ، ءسوز تيەگىن اعىتىپ، سىن جانە ءوز - وزىنە سىن ورىستەتتى، بۇل ءبىر رەتكى جوعارى ساپالى دەموكراتيالىق تۇرمىس جيىنى بولدى، بەت قىزارتۋ، تەر شىعارتۋ «ۋىتتى الاستاۋ» ونىمىنە قول جەتكىزىپ، ىنتىماقتى نىعايتۋ، قايراتىنا قامشى باسۋ ماقساتىنا جەتىپ، اۆتونوميالى رايونىمىزدىڭ 2 - توپتاعى تاربيە جانە امالياتتىق قيمىلىنىڭ دەموكراتيالىق تۇرمىس جيىنىن قاتاڭ دا شىنايى وتكىزۋىنە جاقسى ونەگە، ۇلگى بولدى.
«قاتاڭ بولۋ» مەن «شىنايى بولۋ» تاربيە جانە امالياتتىق قيمىلدىڭ دۇرىس، شىنايى، ناقتى بولۋىنا كەپىلدىك ەتۋدىڭ وزەگى. قاتاڭ تالاپ قويۋدى تياناقتاندىرىپ، ساياسي تاباندىلىق ماسەلەسىنە باسا نازار اۋدارىپ، «ءتورت ءتۇرلى بۇرىس ستيلگە» قارسى تۇرىپ، ناقتى ماسەلەلەرگە كۇش سالىپ، قاشقالاقتاماي، جاسىرماي، ءوزىنىڭ شىنايى بەينەسىن كورسەتىپ، ماسەلەلەردى ىشكەرىلەي، شىنايى تۇردە تەكسەرگەندە جانە العا قويعاندا عانا، دەموكراتيالىق تۇرمىس جيىنىن شىنايى جاقسى اشىپ، پارتيا ىشىندەگى قاتاڭ تۇرمىستىق شىڭدالۋ ارقىلى، پارتيالى باسشى كادرلاردىڭ بارلىعىن يدەيالىق سىننان وتكىزىپ، پارتيالىلىقتارىن جەبەۋگە جانە شىڭداۋعا بولادى. ەگەر ماسەلەلەر ىشكەرىلەي، ەگجەي - تەگجەيلى العا قويىلماسا، جەڭىل - جەلپىسى عانا ايتىلسا، ۇقىپسىزدىق ىستەلسە، سيپاي قامشىلاپ عانا سوگىس ايتىلسا، كورەر كوزگە دابىرالى سياقتى بولعانىمەن، ءىس جۇزىندە بوس ءسوز عانا بولسا، دەموكراتيالىق تۇرمىس جيىنىنىڭ سيپاتى وزگەرىپ، تۇتاس تاربيە جانە امالياتتىق قيمىلدىڭ اقاۋسىز ورىستەتىلۋىنە ىقپال جاسايتىنى ءشۇباسىز.
قۇتىبي اۋداندىق پارتكوم تۇراقتى كوميتەتىنىڭ مۇشەلەرى «ءدال، دۇرس، شىنايى، تەرەڭ، ناقتى بولۋ» ولشەمىمەن، پارتيا ۋستاۆى، جياۋ يۇيلۋ رۋحى، ورتالىقتىڭ «8 ءتۇرلى بەلگىلەمەسى»، اۆتونوميالى رايوندىق پارتكومنىڭ «10 تارماقتى بەلگىلەمەسى»، سونداي - اق بۇقارانىڭ ارمان - تىلەگىن اينا ەتە وتىرىپ، بۇقارا العا قويۋ، ءوزى ىزدەۋ، باسشىلار كورسەتۋ، ءوزارا كومەكتەسۋ جانە كوپشىلىك بىرگە رەتتەۋ ارقىلى، ماسەلەلەردى ىشكەرىلەي تەكسەرىپ، ورتاعا سالدى. تۇراقتى كوميتەت مۇشەلەرى بۇكپەسىزدىكپەن اڭگىمەلەسىپ، «بىرگە ءبىر» اڭگىمەلەسۋ، سىرلاسۋ قيمىلىن ءبىر ايدا 3 رەت ورىستەتىپ، كوميتەتتىڭ جانە كوميتەت مۇشەلەرىنىڭ سالىستىرمالى تەكسەرۋ ماتەريالىن قايتا - قايتا وزگەرتتى، ماسەلەلەرگە تەرەڭدەي، ىشكەرىلەي وي جۇگىرتىپ، ماسەلەلەر بارىنشا ناقتى، شىنايى تەكسەرىلىپ، ورتاعا سالىنىپ، تەرەڭدەگى، شىنايى ماسەلەلەر كورسەتىلدى. وسىدان كەيىنگى ارناۋلى دەموكراتيالىق تۇرمىس جيىنىندا، «القا باستىعى» باستاماشىلدىقپەن ءوز باسىنداعى ساياسيدا تىم تاباندى بولماۋ جانە «ءتورت ءتۇرلى بۇرىس ستيل» ماسەلەسىن تىلگە تيەك ەتىپ، جولداستاردىڭ سوگىسىن شىن نيەتىمەن تىڭدادى. كوپشىلىك ۋايىمدى قايىرىپ تاستاپ، قام - قايعىدان ايىرىلىپ، بۇكپەسىزدىكپەن اشىق پىكىر ءبىلدىرىپ، ءبىر - بىرىنە قاتاڭ سوگىس ايتتى، ناقتى دا باعىتتامالى ماسەلەلەردى تىلگە تيەك ەتتى، جەكەنىڭ ماسەلەسىن دە، القانىڭ ماسەلەسىن دە دۇرىس باعامداپ، جاۋاپكەرلىكتى شىنايى ۇستىنە الدى. پارتيا ىشىندەگى قاتاڭ دا مۇقيات ساياسي تۇرمىس ارقىلى، بارلىق ادام ءوز باسىنداعى پارىقتار مەن جەتەرسىزدىكتەردى تانىپ جەتىپ، رەتتەۋ، وڭاۋدى تياناقتاندىرۋدىڭ كۇش سالۋ ءتۇيىنىن تاپتى.قۇتىبي اۋداندىق پارتكوم تۇراقتى كوميتەتى القاسىنىڭ ارناۋلى دەموكراتيالىق تۇرمىس جيىنى شىندىقپەن ءتۇسىندىرىپ، جوعارى باستامانى تياناق ەتىپ، جيىننىڭ دايىندىق قىزمەتتەرىن جىنتىكتەي، ناقتى ىستەپ، ىشكەرىلەي تەكسەرىپ، تەرەڭدەي قۋزاستىرىپ، ماسەلەلەردى دۇرىس تاپتى؛ جوعارى ساپانى كوزدەي وتىرىپ، ستيلدى دۇرىستاۋ رۋحىمەن شىنايى دا قاتاڭ سوگىس ايتىپ، بەلسەندى دە اقاۋسىز يدەيالىق كۇرەس ورىستەتۋ − دەموكراتيالىق تۇرمىس جيىنىن جاقسى اشۋ جونىنەن كەلەلى ماڭىزعا يە. ول پارتيانىڭ بۇقارالىق لۋشيان اسىل داستۇرىنە مۇراگەرلىك ەتۋدى جانە مۇنى ساۋلەلەندىرۋدى جوعارى داۋىسپەن العا قويىپ، رايونىمىزدىڭ كەزەكتەگى ستيل قۇرىلىسىنىڭ تىڭعىلىقتى دا تىندىرىمدى، تاباندى جاعدايىن ءار ۇلت جۇرتشىلىعىنا كورسەتتى.
قۇتىبي اۋدانىنىڭ ارناۋلى دەموكراتيالىق تۇرمىس جيىنىن ونەگە ەتۋدىڭ تەتىگى − سىن جانە ءوز - وزىنە سىن قارۋىن دۇرىس ىستەتە ءبىلۋ. جەر - جەر، مەكەمەلەر، تاراۋلار جوعارى ولشەم بەلگىلەپ، قاتاڭ تالاپتاردى تياناقتاندىرىپ، دەن قويا دايىندالىپ، ساتىلى ىلگەرىلەتىپ، باسشىلىق القاسىنىڭ ارناۋلى دەموكراتيالىق تۇرمىس جيىنىن دەن قويا، ويداعىداي ۇيىمداستىرۋ كەرەك. «ۇشتە قاتاڭ، ۇشتە شىنايى بولۋ» تالابى بويىنشا، ورتالىق كوميتەت پەن اۆتونوميالى رايوندىق پارتكومنىڭ ورنالاستىرۋلارىن بۇلجىتپاي دايەكتىلەندىرىپ، اناعۇرلىم جوعارى ولشەممەن، جوعارى تالاپپەن، ناقتى شارالارمەن، تاربيە جانە امالياتتىق قيمىلدى ىشكەرىلەي تەرەڭدەتۋ كەرەك. دەموكراتيالىق تۇرمىس جيىنىن جاڭا باستاما ەتە وتىرىپ، ماسەلەلەردەن قاشقالاقتاماي، رەتتەۋ، وڭاۋ باعىتىن ايقىنداپ، شارالاردى بىرتىندەپ تياناقتاندىرىپ، ستيل قۇرىلىسىن ماڭگىلىك تاقىرىپ ەتىپ، ۇستىنەن ءارى تۇبىرىنەن وڭاپ، ۇنەمى مىقتاپ يگەرىپ، ۇدايىلاندىرۋدى، ىشكەرىلەي ۇستاپ، ناقتى ونىمدىلىككە قول جەتكىزۋدى، باياندى ۇستاپ، ۇزاق ۋاقىتتىق ءونىمىن كورۋدى ىسكە اسىرىپ، بۇقاراعا وزگەرىستى كورسەتىپ، ولاردىڭ رازىلىعىن الۋ قاجەت.
«بەت قىزارعاندا شىنايى بەينە جاريا بولىپ، جۋىنعاندا كىر - داقتاردى تازارتۋعا بولادى». ماسەلەلەردى تەكسەرىپ، ورتاعا سالىپ، سىن ورىستەتۋدىڭ ءونىمى پارتيا مۇشەلەرىنىڭ جالپى بەتتىك سانالىلىعىنان، سونداي - اق تيپتىك تاجىريبەلەردىڭ ونەگە بولىپ، باستاماشىلدىق ەتۋىنەن دە ايرىلا المايدى. جەر - جەر، مەكەمەلەر، تاراۋلار قۇتىبي اۋدانىنىڭ ارناۋلى دەموكراتيالىق تۇرمىس جيىنىن ونەگە ەتە وتىرىپ، قاتاڭ دا مۇقيات پوزيتسيا مەن ستيلدى وڭاۋ رۋحىن دەموكراتيالىق تۇرمىس جيىنىنىڭ تۇتاس بارىسىنا ءسىڭىرىپ، ماسەلەلەردى قاتاڭ دا شىنايى ۇستايتىن، قاتاڭ دا ناقتى سوگىس ايتاتىن جاعداي جاراتىپ، 2 - توپتاعى بۇقارالىق لۋشيان تاربيەسى جانە امالياتتىق قيمىلدى تىڭعىلىقتى دا ءونىمدى ورىستەتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
