- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىقتىڭ شينجياڭ قىزمەتى كوپتەگەن «مادەنيەت قايراتكەرلەرىنىڭ» بولاشاققا دەگەن سەنىمىن ارتتىردى
2014.06.09 17:12 كەلۋ قاينارى : شينجياڭ حالىق راديو ستانسياسى تورابى
ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىندە مىنالار اتاپ كورسەتىلدى: سوتسياليزمنىڭ وزەكتى قۇن جۇيەسى مەن سوتسياليزمنىڭ وزەكتى قۇن كوزقاراسىن ساۋلەلەندىرىپ، شينجياڭنىڭ وسىزامانعى مادەنيەتىنىڭ دامۋىن جەبەۋ كەرەك. بۇل رايونىمىزدىڭ مادەنيەت ىستەرىنىڭ دامۋىنىڭ بەتالىسىن ايقىندادى، ءارى كوپتەگەن «مادەنيەت قايراتكەرلەرىنىڭ» بولاشاققا دەگەن سەنىمىن ارتتىردى.ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسىنىڭ اشىلۋىنان تۇتاس رايونىمىزداعى ءار ۇلت بۇقاراسى زور شابىت الدى. ورتالىقتىڭ شينجياڭنىڭ مادەنيەت كاسىبىن ونان ارى سۇيەمەلدەۋى ءار ۇلت بۇقاراسى مەن حالىقتىق كوركەمونەرشىلەردىڭ سەنىمىن كۇشەيتتى. جەمسارى اۋداندىق كوركەمونەر ۇيىرمەسىنىڭ مۇشەسى لي جۋان:« حاباردان باس شۋجي شي جينپيڭنىڭ مادەنيەت كاسىبىن، بۇقارالىق مادەنيەت قۇرىلىسىن اناعۇرلىم دەمەيتىندىگىن ەستىپ، توتەنشە قۋاندىق، وسىدان كوركەمونەر ۇيىرمەمىزدىڭ وزىندىك قۇرىلىسى تىڭ ساتىعا كوتەرىلۋدەن سىرت، وسى اراداعى بۇقارا دا اناعۇرلىم تارتىمدى ويىن نومىرلەرىن كورە الاتىن بولدى»،-دەدى. مەملەكەت دارەجەلى بەيزاتتىق مادەني مۇرا نىسانى بولعان «ۇيعۇر ۇلتىنىڭ ىلە ءسانامىنىڭ» جالعاستىرۋشىسى-قۇلجا اۋدانى تۇرپانيۇزى اۋىلىنىڭ ديحانى ابىلىميت 13 جاسىنان باستاپ اكەسىنە ىلەسىپ ىلە ءسانامىن ۇيرەنىپ، ونداعان جىلداردان بەرى ون شاقتى شاكىرت تاربيەلەپ، جەر-جەرگە بارىپ ءتۇرلى ويىن نومىرلەرىن ورىنداپ كەلەدى. جاسى 60 تان اسقان ول، الدا حالىقتىق مادەنيەتتى جالعاستىرۋ جاعىندا قۇلشىنىپ، بۇقارانىڭ مادەنيەت تۇرمىسىن بايىتىپ، قوعام ورنىقتىلىعىن قورعاۋ جاعىنا ۇلەس قوساتىندىعىن ايتتى. ول :«شينجياڭنىڭ ورنىقتىلىعىنىڭ تەتىگى ءار ۇلت حالقىنىڭ ىنتىماقتى وتۋىندە، بەيزاتتىق مادەن مۇرانىڭ جالعاستىرۋشىسى بولعان مەن بۇدان بىلاي ۇلتتار ىنتىماعىنا قاتىستى مادەنيەت ويىندارىن دايىنداپ، كوبىرەك شاكىرت جەتىلدىرىپ، مادەنيەت ءىزباسارلارىنىڭ رولىن ويداعىداي ساۋلەلەندىرىپ، شينجياڭنىڭ ورنىقتىلىعىن قورعاۋعا، شينجياڭنىڭ كوركەم بولاشاعىن جاراتۋعا ءبىر كىسىلىك ۇيلەسىمدى قوسامىن»،-دەدى. قۇلجا اۋداندىق پارتكوم ۇگىت ءبولىمىنىڭ كادىرى لي جىگاڭ، تاياۋ جىلدارى قۇلجا اۋدانىنىڭ مادەنيەت جاعىندا حالىققا ءتيىمدى ءتۇرلى ينجەنەريالاردى ورىستەتكەنىن، مۇنى ەگىنشى-مالشىلاردىڭ ەرەسەن ۇناتقانىن، بۇدان بىلاي ولاردىڭ ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسىنىڭ رۋحىمەن ۇشتاستىرىپ، سوتسياليزمنىڭ وزەكتى قۇن جۇيەسى مەن سوتسياليزمنىڭ وزەكتى قۇن كوزقاراسىن بارىنشا ساۋلەلەندىرىپ، ءار ۇلت بۇقاراسىنىڭ مادەنيەت قيمىلدارىنا قاتىناسۋ بەلسەندىلىگىنە دەم بەرەتىندىگىن ايتتى. ول :«شينجياڭنىڭ ەرەكشەلىگىنە ساي الدا بۇقارالىق مادەنيەت قيمىلداردى تاباندىلىقپەن ويداعىداي ورىستەتىپ، وسى قيمىلدار ارقىلى ۇلتتار اراسىنداعى اۋىس-كۇيىستى كۇشەيتىپ، ىنتىماقتىلىقتى جانە جاراسىمدىلىقتى جەبەيمىز. ءار ۇلتتىڭ ۇلى وتانعا، جۇڭحۋا ۇلتتارىنا، جۇڭحۋا مادەنيەتىنە، جۇڭگوشا سوتسياليزم جولىنا دەگەن تانىمىن كۇشەيتەمىز»،-دەدى. اۆتونوميالى رايوندىق مادەنيەت مەڭگەرمەسىنىڭ باستىعى مۇحتار ماقسۇت، ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسىنىڭ رايونىمىز مادەنيەت ىستەرىنىڭ دامۋىنا ايقىن باعدار كورسەتكەنىن، بۇدان بىلاي بۇكىل شينجياڭداعى ءار دارەجەلى مادەنيەت تاراۋلارىنىڭ مەحانيزمگە جاڭالىق ەنگىزىپ، شينجياڭنىڭ قوعام ورنىقتىلىعى مەن باياندى تىنشتىعىن قورعاۋعا ۇلەس قوساتىندىعىن ايتتى. ول: «بۇقارا ۇناتاتىن مادەنيەت قيمىلدارى ارقىلى بۇقارا قاتىناساتىن مادەنيەت قيمىلدارىن وتكىزۋ تەبىنىن ارتتىرىپ، ءدىني ۇشقارى يدەيانىڭ جالبىزبالاپ كىرۋىن توسىپ، وسىزامانعى تۇرمىس تاسىلىمەن، وسىزامانعى مادەنيەتپەن ءار ۇلت بۇقاراسىنىڭ مادەنيەت تۇرمىسىنىڭ مازمۇنىن بايىتامىز. ۇلتتاردىڭ تىعىز ىنتىماقتاسىپ كۇرەس جاسايتىن قوعامدىق ورتاسىن قالىپتاستىرامىز»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
