- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىز ەكى ءتۇرلى لاستانۋدى وڭاۋعا شىنداپ كىرىستى
ىسپانديار سولتاش ۇلى
2014.06.10 13:54 كەلۋ قاينارى : حالىق تورابى
ەلىمىز ۇكىمەتى جۋىق جىلدارى ەكولوگيالىق جاقتا لاستانۋ مەن يدەيالىق جاقتا ءىرىپ-ءشىرۋدى وڭاۋعا شىنداپ كىرىستى. بۇنىڭ العاشقىسى حالىقتىڭ تىرشىلىك تىنىسىنا، سوڭعىسى حالىقتىڭ ساياسي جانە قوعامدىق ومىرىنە تىكەلەي قاتىستى، ءار ەكەۋى دە تۇتاس مەملەكەتتىڭ بولاشاق تاعدىرىنا، سوتسياليستىك وسىزامانداندىرۋ قۇرىلىسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا، جۇڭگو ارمانىن ورىنداۋعا ساياتىن اسا كەلەلى ءىس ەسەپتەلەدى.
مۇندا ەلىمىزدىڭ ەكولوگيالىق جاقتاعى لاستانۋى جىل وتكەن سايىن اۋىرلاسىپ، ول قالىڭ حالىق بۇقاراسىنىڭ تۇنىق سۋ، زالالسىز ازىق-تۇلىك، تازا اۋا، جاسىل كەڭىستىك، جانعا ءجايلى كوڭىلدى ورتا سياقتىلاردان ويداعىداي يگىلىكتەنۋىنە اسا زور دارەجەدە اسەر ەتىپ، ىقپالى تۇتاس ەلىمىز ەكونوميكاسىنىڭ، قوعامىنىڭ ءۇرتىس، ورنىقتى، اقاۋسىز دامۋىنا ورالعى بولا باستاعان ەدى، ەكولوگيالىق ورتانى قورعاۋ مازمۇنى پارتيامىزدىڭ 18-قۇرىلتايىنان باستاپ مەملەكەتتىڭ ماڭداي الدى قىزمەت كۇن تارتىبىنە، بەستى ءبىر تۇلعالاندىرۋ قۇرىلىسىنىڭ قاتارىنا كىرگىزىلىپ، قورعاۋ شارالارىنىڭ اناعۇرلىم كۇشەيتىلە ءتۇسۋى العاشقى قادامدا ءونىم كورسەتىپ، جالپى حالىقتىڭ قولداپ-قۋاتتاۋىنا يە بولا باستادى.
ال ەلىمىزدە بيلىك باسىنداعى ءبىر ءبولىم ادامداردىڭ يدەيالىق جاقتا ءىرىپ-ءشىرۋ جاعدايى ۋاقىت وزعان سايىن اۋىرلاسىپ ول پارتيامىزدىڭ وبىرازىنا، بەت-بەدەلىنە كەرى جاقتان اسەر ەتىپ، از سانداعى ادامداردىڭ حالىققا باسشىلىق ەتىپ بيلىك جۇرگىزۋى ءبىر ءتۇرلى تورەشىلدىككە، فورماشىلدىققا، اتاققۇمارلىققا اينالىپ، حالىقتىڭ پارتياعا بولعان سەنىمىن بارعان سايىن سولعىنداتىپ، پارتيامەن حالىقتىڭ ارا قاتىناسىن بارعان سايىن الشاقتاپ بارا جاتىر ەدى، ورتالىق كوميتەت 2012-جىلدىڭ سوڭىندا قىزمەت ستيلىن جاقسارتىپ، پارتيا مەن بۇقارانىڭ قاتىناسىن قويۋلاتۋ مازمۇنىندا «سەگىز ءتۇرلى بەلگىلەمە» شىعارىپ ونى ورتالىق كوميتەتتەن تارتىپ نەگىزگى ساتىلارعا دەيىن قاتتامدار بويىنشا اتقارۋدى جولعا قويۋى، ءىرىپ-شىرىگەندەردى بۇرىنعى جانە قازىرگى دەپ ايىرماي، «جولبارىس پەن شىبىندى بىرگە سوعۋ» بەكىمىنە كەلۋى العاشقى قادامدا ءونىم بەرىپ، حالىقتىڭ پارتياعا دەگەن سەنىمىن قايتا كۇشەيتە ءتۇستى.
حالىق قاشاندا ءادىل تارازى، ول ەلىمىز قوعامىنداعى قازىرگى بارلىق جاعدايدى كورىپ-ءبىلىپ، ءوز باعاسىن بەرىپ وتىر. ەكولوگيالىق جاقتاعى لاستانۋ مەن بيلىك باسىنداعى ءبىر ءبولىم ادامداردىڭ يدەيالىق جاقتا ءىرىپ-ءشىرۋ قۇبىلىسىنىڭ پارتيا مەن ۇكىمەتىمىز جاعىنان بىرتىندەپ تىزگىندەلىپ، العاشقى قادامدا ناتيجە بەرە باستاعانىنا قازىر حالىق ءدان ريزا بولۋدا، سوندىقتان دا قاراپايىم حالىق بۇقاراسى پارتيا مەن ۇكىمەتىمىزگە زور سەنىممەن قاراۋدا. حالىقتىڭ الدا الاڭدايتىنى بۇرىنعى داعدىعا اينالعان فورماشىلدىق تاسىلدەرىنىڭ اۋەلگىدەي قايتالانۋىنا ەنىگارى جول بەرىلمەي، كەزەكتە جولعا قويىلىپ وتىرعان ەكولوگيالىق ورتانىڭ لاستانۋىن تىزگىندەۋ جانە پارتيا مەن ۇكىمەتتىڭ قىزمەت ءستيلىن جاقسارتىپ، پاكتىك قۇرىلىسىن ونان ارى كۇشەيتۋ، بۇقارامەن قارىم-قاتىناسىن قويۋلاتۋ شارالارىنىڭ شىنايى كۇشەيتىلە ءتۇسۋىن، ونىڭ كۇندەلىكتى قاراپايىم داعدىلى ارەكەتكە اينالۋىن ارماندايدى. حالىقتىڭ شىنايى تىلەگى مىنە وسى.
” سوڭى “
اۆتوردىڭ قىزمەت ورنى: التاي ايماقتىق پارتيا مەكتەبى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
