- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىل-قىستاقتارداعى ۇگىت-تاربيە قيمىلدارىنا بۇقارانىڭ بەلسەنە قاتىناسۋىن جەبەۋ قاجەت
2014.06.09 17:08 كەلۋ قاينارى : شينجياڭ حالىق راديو ستانسياسى تورابى
كەزەكتە، اۋىل-قىستاقتاردا، الەۋمەتتىك اۋماقتاردا ۇنەمى باي مازمۇندى قيمىلدار وتكىزىلىپ، ۇكىمەتتىڭ حالىق تۇرمىسىنا قاتىستىءتيىمدى ساياساتتارى ۇگىتتەلىپ، ورنىقتىلىقتى قورعاۋ، ۇلتتار ىنتماعىن نىعايتۋ تۋرالى قىزمەتتەر جۇيەلى ىستەلۋدە. بۇل بۇقارانىڭ قوعامدى تۇسىنۋىنە، ۇكىمەتتىڭ ءتيىمدى ساياساتتارىن دەر كەزىندە يگەرۋىنە، ءوندىرىستىڭ سايابىر كەزدەرىندە مادەنيەت-كوركەمونەر جاۋقارلارىنان سۋسىنداپ، مادەني تۇرمىستارىن بايىتۋىنا پايدالى بولىپ وتىر. دەسەدە، وسى قيمىلدارعا ىشكەرلەي تەكسەرۋ جۇرگىزسەك، ءىشىنار وڭىرلەردە كەستەشىلىك، ءان-ءبي جارىستارى كوبىرەك وتكىزىلىپ، جاتتاندى ءبىر سارىندىلىق قۇبىلىس بەلەڭ بەرىپ، بۇقارانى جالىقتىرىپ الاتىن جانە بۇقارانىڭ قاتىناسۋ مولشەرى، بەلسەندىلىگى تومەن بولاتىن جاعدايلار دا بايقالىپ ءجۇر. ايتالىق، ۇلتتار ىنتىماعى تۋرالى لەكسيا جارىسى، زەيىن سىناۋ جارىسى، ءان-ءبي جارىسى، ۇگىت تاقتاسىن شىعارۋ، ۇگىت قاعازىن تاراتۋ سياقتىلار ۇنەمى وتكىزىلەتىن قيمىل فورمالارى بولىپ سانالادى. ۇنەمى وسى بىرنەشە فورمانى پايدالانعاندا، اۋىل-قىستاقتاعى ۇگىت-تاربيە قيمىلدارىنىڭ ءبىر سارىندىلىعىن، مازمۇنىنىڭ جۇتاڭ جاتتاندىلىعىن كورنەكتىلەندىرىپ، بۇقارانىڭ قاتىناسۋ بەلسەندىلىگىنە ىقپالى تيەرى حاق. ول ءۇشىن اۋىل-قىستاقتارداعى بۇقارالىق قيمىلدىڭ مازمۇنىن بايىتىپ، ءمانىن تەرەڭدەتىپ، ۇگىت ونىمدىلىگىن جوعارىلاتۋ ءۇشىن مىناداي تۇيىندەرگە باسا ءمان بەرۋىمىز قاجەت. بىرىنشىدەن، اۋىل-قىستاقتارداعى قيمىلداردا بۇقارالىق قيمىلدى نەگىز ەتىپ، بۇقارانىڭ قاتىناسۋىن جەبەۋ. اۋىل-قىستاق ورگان كادرلارى كۇش سالا ۇيىمداستىرۋشى، قولداۋشى رەتىندە ات سالىسۋى كەرەك. مەيلى زەيىن سىناۋ قيمىلى، لەكسيا سويلەۋ قيمىلى بولسىن بارىندە بۇقارانىڭ قاتىناسۋ سالىستىرماسىن جوعارلاتىپ، كادرلاردىڭ ءوزى ۇيىمداستىرىپ، ءوزى شاباندوز بولاتىن جاعدايدى ازايتۋ نەمەسە كادرلاردىڭ كاسىپتىك-تەحنيكالىق دەڭگەيىن بايقايتىن قيمىلدار ءوز الدىنا جەكە ۇيىمداستىرىلۋى ءتيىس. ەكىنشىدەن، بۇقارا ءۇشىن وندىرىستىك ەڭبەكتەردى دە جارىس تۇرىندە ۇيىمداستىرىپ، ەڭبەكتىڭ قۇنىن دارىپتەۋ سول ارقىلى جاستارمەن ورەندەر اراسىندا «ەڭبەكتىڭ ءبارى دە قادىرلى»، «قوس قولىمىز ارقىلى باقىت جاراتۋعا بولادى» دەيتىن ەڭبەك سۇيگىشتىك تانىم قالىپتاستىرۋ. مىسالى، ايەلدەر اراسىندا، ۇلتتىق ازىق-تۇلىكتەرىمىزدى دايىنداۋ جارىسى، اسىرەسە، ۇمىت بولىپ بارا جاتقان بايىرعى تاعامدارىمىزدى ازىرلەۋ، ونى ۇرپاقتارعا ۇلاعاتتاۋ جارىسى. جەنت، باۋىرساق، بالقايماق، نان، ىرىمشىك، قۇرت، ۋىز سياقتى ۇلتتىق تاعامداردى ازىرلەۋ، سول ورىننىڭ جەرگىلىكتى ابىزالدىلىعىنا، ۋاقىت، ورىن جاعدايىنا قاراي ۇيىمداستىرۋ. ۇشىنشىدەن، باي مازمۇندى قيمىلدار ۇيىمداستىرىپ، ەگىنشى-مالشىلاردى كوپتەپ قاتىناستىرۋ ارقىلى بۇقارا مەن كادرلار اراسىنداعى ەتەنە بارىس-كەلىستى قويۋلاتۋ ءارى كادرلار ۇيىمداستىراتىن، ەگىنشى-مالشىلار بەلسەنە ات سالىساتىن تاماشا اۋقىم قالىپتاستىرىپ، بۇقارا تەك قيمىلدىڭ سىرتتاي تاماشالاۋشىسى بولاتىن سىڭار جاقتىلى قيمىل جۇرگىزۋ تاسىلىنەن جاڭالىق اشۋ. مىسالى، اسىل تۇقىمدى مال باعالاۋ، شالعىشىلار جارىسى، اتىز باپتاۋ، عىلمي جولمەن ەگىن ەگۋ مايتالماندارىن باعالاۋ، اۋلا مادەنيەتى نەمەسە اۋلاسىن ءونىمدى پايدالانۋ، گۇل، ءشوپ، جەمىس اعاشتارى ارقىلى كورىكتەندىرۋ احۋالى سياقتىلاردى قيمىل كولەمىنە ەنگىزىپ، بۇقارا كوپتەپ قاتىناسا الاتىن، ۇزدىكتەردەن ۇيىرەنەتىن تاماشا سالت قالىپتاستىرۋ. جيناقتاپ ايتار بولساق،اۋىل شارۋاشىلىعى، اۋىل-قىستاق جانە شارۋالار ماسەلەسى نەگىزگى ساتىداعى بارلىق قىزمەتتىڭ وزەگى، تابان تىرەر تياناعى. بۇقارانى اناعۇرلىم مول ادەبيەت-كوركەمونەر، ۇگىت، تەحنيكا، لەكسيا، تالقى قيمىلدارىنا ۇيىمداستىرۋ ارقىلى ولاردىڭ باسقالارمەن سەلبەسۋ قابىلەتىن، ۇلتتار ىنتىماعى تانىمىن، قوعامنىڭ جاراسىمدىلىعىن سەزىنۋ تانىمىن، وزىندىك قۇن جانە باقىت كوزقاراسى تانىمىن قالىپتاستىرۋىنا بولادى. مىنە، وسى ارقىلى جالپى حالىق جاراسىمدى قوعامعا بىرگە ات سالىساتىن، وسى زامانعى مادەنيەتتى جەتەكشى ەتۋ ارقىلى ورتاق ىلگەرلەپ، تابىس جاراتاتىن، ءادىل باسەكە ارقىلى العا باساتىن قوعامدىق ونىمدىلىك جاراتۋعا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
