- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۋاڭدۇڭ ولكەسى پارتيا، ۇكىمەت ورىندارىنىڭ ۋاكىلدەر ۇيىرمەسى قاشقار كونەشارى اۋدانىندا قىزمەت تەكسەردى
شينجياڭعا باعىتتامالى كومەكتەسۋدە وقۋ - اعارتۋ، كاسىپتەندىرۋ، دارىندىلار قىزمەتىن كورنەكتىلەندىرۋ كەرەك
2014.06.23 13:05 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋ چۇنحۋا باستاعان گۋاڭدۇڭ ولكەسى پارتيا، ۇكىمەت ورىندارىنىڭ ۋاكىلدەر ۇيىرمەسى ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ سەرىك بولۋىندا 22 - ماۋسىم تۇستەن بۇرىن قاشقار قالاسى مەن قاشقار كونەشارى اۋدانىندا قىزمەت تەكسەرىپ، قاشقار ۋنيۆەرسيتەتى سالىناتىن جەرگە بارىپ، قاشقار ۋنيۆەرسيتەتىنىڭ جوبالانۋ، سالىنۋ جاعدايىن كوزدەن كەشىردى.
گۋاڭدۇڭ ولكەسى پارتيا، ۇكىمەت ورىندارى ۋاكىلدەر ۇيىرمەسىندەگىلەر قاشقار قالاسى مەن قاشقار كونەشارى اۋدانىنا كەلىپ، گۋاڭدۇڭ ولكەسى مەن شىنجىن قالاسىنىڭ شينجياڭعا كومەكتەسىپ سالعان قۇرىلىستارى − گۋاڭجوۋ جاڭا بازارى، شىنجىن بازارى، شىنجىن كاسىپ سالاسى باقشاسى سياقتى نىسانداردى كوزدەن كەشىردى.
2011 - جىلى قۇرىلىس باستاپ، 2013 - جىلى پايدالانۋعا بەرىلگەن گۋاڭجوۋ جاڭا بازارى سالىنىپ بىتكەن جىلى تۇڭعىش كەزەكتى جۇڭگو قاشقار - گۋاڭجوۋ تاۋار ساۋدا كورمەسىن وتكىزىپ، قاشقار كونەشارى اۋدانىنداعى ماڭىزدى ساۋدا سەنترىنە اينالعان. قازىر گۋاڭجوۋ جاڭا بازارى ساۋدا باقشاسىنا 68 نىسان ىرگە تەۋىپ، 6 ميلليارد يۋاننان استام قارجى تياناقتاندىرىلدى، جەرگىلىكتى تۇرعىنداردان 1300 نەشە ادام وسى ارادا كاسىپتەندى.
شىنجىن قالاسى شينجياڭعا باعىتتامالى كومەكتەسۋ قىزمەتىندە وي جەلىنى ايقىنداپ، ءتۇيىندى كورنەكتىلەندىرىپ، «ءبىر باقشا، ءبىر بازار»، ياعني شىنجىن كاسىپ سالاسى باقشاسى مەن شىنجىن بازارىن سالۋ ارقىلى قاشقار ەكونوميكالىق اشۋ رايونىنىڭ، ءتىپتى، قاشقار قالاسى مەن قاشقار ايماعىنىڭ ەكونوميكاسىنىڭ دامۋىنا جەتەكشىلىك ەتۋدى العا قويعان بولاتىن. بۇگىنگى كۇنى وسى «ءبىر باقشا، ءبىر بازار» قاشقار ەكونوميكالىق اشۋ رايونىنداعى وزەكتى، كاسىپ سالاسى شوعىرلانعان رايون تۇرعىسىنان اشۋ رايونىن دامىتۋدىڭ دەمەۋشىسىنە اينالدى. 2 جىل قۇرىلىس جۇرگىزۋ ارقىلى كەزىندەگى ءشول - جازيرادان اۋدانى 353 مىڭ شارشى مەتر كەلەتىن زاۆود ۇيلەرى مەن قىزمەت وتەۋ تەكشەلەرى سالىنىپ، ءجۇز نەشە كاسىپورىندى قاشقاردا ىرگە تەبۋگە باۋرادى. گۋاڭدۇڭ سى - كى توبى وسى باقشا رايونىندا تۇڭعىش رەت شاڭىراق كوتەرگەن ەڭبەككۇش شوعىرلانعان عىلىم - تەحنيكا كاسىپورنى، قۇرىلىس جاپپاي سالىنىپ بىتكەننەن كەيىن، 2000عا جۋىق ادامدى كاسىپتەندىرۋگە بولادى.
قاشقار ۋنيۆەرسيتەتىن قۇرۋ − پارتيا ورتالىق كوميتەتى مەن مەملەكەتتىك كەڭەستىڭ ماڭىزدى ستراتەگيالىق ورنالاستىرۋى، گۋاڭدۇڭ ولكەسى مەن شىنجىن قالاسى قاشقار ۋنيۆەرسيتەتىن سالۋ قىزمەتىنە بەلسەنە ات سالىسىپ، ۋنيۆەرسيتەتتى سالۋعا ەڭبەككۇش، ماتەريال، قازىنا جاعىنان بارىنشا قولداۋ كورسەتىپ، قاشقار ۋنيۆەرسيتەتىنىڭ قۇرىلىسىن ىلگەرىلەتتى. قاشقار ۋنيۆەرسيتەتى سالىناتىن جەردە شىنجىن قالاسى قاشقار ۋنيۆەرسيتەتىن سالۋعا كومەك رەتىندە بەرگەن ءبىر ميلليارد يۋاننىڭ اقشا شەگىن تابىس ەتتى.
جاڭ چۇنشيان قىزمەت تەكسەرۋ بارىسىندا بىلاي دەدى: ورتالىق وڭتۇستىك شينجياڭنىڭ قىزمەتىنە باسا ءمان بەرىپ وتىر. ج ك پ اۆتونوميالى رايوندىق 8 - كەزەكتى كوميتەتىنىڭ جەتىنشى جالپى (كەڭەيتىلگەن) ماجىلىسىندە وڭتۇستىك شينجياڭ قىزمەتىن بارىنشا ويداعىداي ىستەۋ اتاپ كورسەتىلدى. كەلەسى قادامدا اۆتونوميالى رايون وڭتۇستىك شينجياڭ قىزمەتىن اناعۇرلىم كورنەكتى ورىنعا قويادى. شينجياڭعا باعىتتامالى كومەكتەسۋدە كاسىپتەندىرۋ، وقۋ - اعارتۋ، دارىندى قىزمەتتەرىن اناعۇرلىم كورنەكتىلەندىرىپ، تۇلعالىق رولدى ونان ارى ساۋلەلەندىرىپ، ىرىقتىلىقپەن قارىم - قاتىناس جاساپ، قىزمەت وتەپ، كاسىپ سالاسى بويىنشا شينجياڭعا كومەكتەسۋدى ۇزدىكسىز ىلگەرىلەتىپ، ءتىپتى دە كوپ جەرگىلىكتى تۇرعىنداردى كاسىپتەندىرۋ كەرەك.
حۋ چۇنحۋا بىلاي دەدى: كاسىپ سالاسى بويىنشا شينجياڭعا كومەكتەسۋ جانە قۇرىلىس نىساندارى ارقىلى جەرگىلىكتى بۇقارانىڭ جاقىن جەردە كاسىپتەنۋىن جەبەۋ كەرەك، شارۋاشىلىق قۇرۋعا شابىت بەرۋ جانە ونى قولداۋ ارقىلى اناعۇرلىم كوپ ادامدى كاسىپتەندىرۋ، تاربيەلەۋ قۋاتىن ارتتىرۋعا كومەكتەسۋ ارقىلى كاسىپتەندىرۋدى ونان ارى جەبەۋ كەرەك. كاسىپتەندىرۋدى شينجياڭعا باعىتتامالى كومەكتەسۋدەگى ءتۇيىندى مىندەت ەتىپ، كاسىپتەندىرۋدى جەبەۋدە ناقتى ونىمدىلىككە قول جەتكىزۋ كەرەك.
گۋاڭدۇڭ ولكەسى پارتيا، ۇكىمەت ورىندارى ۋاكىلدەر ۇيىرمەسىندەگىلەر قاشقار كونەشارى اۋداندىق 2 - ورتا مەكتەپتە قىزمەت تەكسەرىپ، دارىندىلار بويىنشا شينجياڭعا كومەكتەسۋ جانە «قوس ءتىل» وقۋ - اعارتۋى جاعدايىن ەگجەي - تەگجەيلى ۇعىستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
