- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇدىرىقتاي جۇمىلىپ، جاۋعا جاي وتىنداي ءتيىپ، زورلىقتى كۇش لاڭكەستەرىنە كۇيرەتە سوققى بەرەيىك
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇرباكىر
2014.08.07 14:08 كەلۋ قاينارى : ءتاڭىرتاۋ تورابى
اۆتونوميالى رايونىمىزداعى ءار ۇلت حالقى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، ورتالىق پەن اۆتونوميالى رايوندىق پارتكومنىڭ زورلىقتى كۇش، لاڭكەستىك قىلمىستارىنا قاتاڭ سوققى بەرۋ ارناۋلى قيمىلىن ىشكەرىلەي ورىستەتۋ جونىندەگى قىزمەت ورنالاستىرۋىن جاپپاي تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن بارىنشا ىلگەرىلەتە تۇسكەن جاڭا جاعدايدا، ياركەندە «28 - شىلدە»، قاشقاردا «30 - شىلدە» اۋىر زورلىقتى كۇش، لاڭكەستىك دەلولارى تۋىلدى. بۇل بىزگە، شينجياڭدا بولشەكتەۋشىلىك پەن بولشەكتەۋشىلىككە قارسى تۇرۋ كۇرەسىنىڭ ۇزاق ۋاقىتقا جالعاساتىنىن، كۇردەلى دە قيان - كەسكى بولاتىنىن، ءسوزسىز، جەتە تانىپ، قاتاڭ پوزيتسيا ۇستاپ، پارمەندى شارالار قولدانىپ، قاسارىسا قارسىلاسقان، ءولىم الدىندا ارىپتالاسقا تۇسكەن زورلىقتى كۇش، لاڭكەستەرىنە باتىل، اياۋسىز، كۇيرەتە سوققى بەرۋ كەرەكتىگىن تاعى ءبىر رەت ەسكەرتتى.
28 - شىلدەدە ياركەندە تۋىلعان زورلىقتى كۇش، لاڭكەستىك دەلوسى − شەكارا ءىشى - سىرتىنداعى لاڭكەستىك ۇيىمدار ءوز ارا ءتىل بىرىكتىرگەن، كوپ ادام قاتىناسقان، ۇيىمدى، ماقساتتى، جوسپارلى تۇردە جۇرگىزىلگەن، سيپاتى جيرەنىشتى، اۋىر زورلىقتى كۇش، لاڭكەستىك شابۋىل دەلوسى. زورلىقتى كۇش، لاڭكەستەرى الىنەن اسىپ، قانقۇيلى تاسىلدەر قولدانىپ، ءار ۇلت بۇقاراسىنىڭ ءومىرى مەن مال - مۇلىك حاۋىپسىزدىگىنە اۋىر زيان سالدى. لاڭكەستەردىڭ سۇرقيا ارەكەتى ولاردىڭ ادامزاتقا، قوعامعا، وركەنيەتكە قارسى جيرەنىشتى كەسپىرىن تاعى ءبىر رەت اشكەرەلەدى. 30 - شىلدەدە 3 قانپەزەر بۇلىكشى ايتكار مەشىتىنىڭ يمامى جۇما تايىر داموللاعا شابۋىلداپ، قولىندا كوك تەمىردىڭ سىنىعى جوق، قاۋقارسىز، مۇسىلمان قاۋىمىنىڭ قۇرمەتىنە يە بولعان قاريانى پىشاقتاپ ءولتىردى. ءسويتىپ، زورلىقتى كۇش، لاڭكەستەرى ادامشىلىقتان شىعىپ، جان توزگىسىز، كەشىرگىسىز قىلمىس وتكىزدى. اۆتونوميالى رايونىمىزداعى ءار ۇلت كادر - بۇقاراسى، سونداي - اق ءدىن سالاسىنداعى قايراتكەرلەر مەن دىنگە سەنەتىن قاۋىم «28 - شىلدە»، «30 - شىلدە» زورلىقتى كۇش، لاڭكەستىك ارەكەتتەرىن قاتاڭ جازعىردى، پارتكوم مەن حالىق ۇكىمەتىنىڭ لاڭكەستەردى دەر كەزىندە زاڭ جازاسىنا تارتۋىن ءۇمىت ەتىپ، جاۋعا جاي وتىنداي ءتيىپ، سىلەيتە سوققى بەرىپ، زورلىقتى كۇش لاڭكەستەرىن قاتاڭ جازالايىق دەگەن ورتاق تىلەككە جارشى بولدى. زورلىقتى كۇش، لاڭكەستىك ارەكەتىنە قارسى تۇرىپ، ورنىقتىلىقتى قورعاۋدىڭ كەزەكتەگى قاتاڭ، كۇردەلى جاعدايى الدىندا، ءبىز قاشاندا زاڭنىڭ بەت - بەدەلىن، وتاننىڭ بىرلىگىن، جۇڭحۋا ۇلتىنىڭ وزەكتى مۇددەسىن، ءار ۇلت حالقىنىڭ ءتۇبىرلى مۇددەسىن قورعاۋ تۋىن بيىك ۇستاپ، ورتالىق پەن اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن بۇلجىتپاي دايەكتى تياناقتاندىرىپ، «ءۇش ءتۇرلى كۇشپەن» باتىل كۇرەس جۇرگىزۋىمىز كەرەك.
ءبىرىنشى، لاڭكەستىككە قارسى تۇرىپ، ورنىقتىلىقتى قورعاۋ جاعدايىن جىعا تانىپ، يدەيا مەن ءىس - ارەكەتتى پارتيا ورتالىق كوميتەتىنىڭ، اۆتونوميالى رايوندىق پارتكومنىڭ تالاپتارىمەن، ورنالاستىرۋلارىمەن بىرلىككە كەلتىرۋ كەرەك
قىسقا عانا 2 كۇننىڭ ىشىندە، قاشقار ايماعىندا سيپاتى جيرەنىشتى، ىقپالى ەرەكشە ناشار «28 - شىلدە»، «30 - شىلدە» زورلىقتى كۇش، لاڭكەستىك دەلولارى ىركەس - تىركەس تۋىلدى. قاتاڭ دا كۇردەلى كۇرەس جاعدايى باس شۋجي شي جينپيڭنىڭ شينجياڭنىڭ ورنىقتىلىق جاعدايى جونىندەگى «3 كەزەڭ قاباتتاسۋ» تۇجىرىمىنىڭ شينجياڭنىڭ ءىس جۇزىندىك جاعدايىنا بۇكىلدەي ۇيلەسەتىنىن، ورتالىق پەن اۆتونوميالى رايوندىق پارتكومنىڭ شينجياڭنىڭ ورنىقتىلىق جاعدايى جونىندەگى تۇجىرىمدارى مەن قىزمەت تالاپتارىنىڭ بۇكىلدەي دۇرىس ەكەنىن تولىق دالەلدەدى. كەزەكتە اۆتونوميالى رايونىمىز رەفورما، دامۋ، ورنىقتىلىق ىسىندە تىڭ ساتىعا قادام تاستاپ، سونى تابىستارعا قول جەتكىزدى، ءار ۇلت كادر - بۇقاراسى ورتالىق پەن اۆتونوميالى رايوندىق پارتكومنىڭ ماڭىزدى شەشىم، كەلەلى ورنالاستىرۋلارىن شىن جۇرەكپەن قولداپ وتىر، بۇل «ءۇش ءتۇرلى كۇشتىڭ» ءورىسىن بارىنشا تارايتتى، سوندىقتان ولار جان ۇشىرىپ، قايىرىلا اۋىز سالدى، شەكارانىڭ ءىشى - سىرتىنداعى جاۋ كۇشتەر ءتىل بىرىكتىرىپ، لاڭكەستىك شابۋىل وقيعاسىن جوسپارلاپ جانە اتقارىپ، جيرەنىشتى وقيعا ارقىلى اۋىر ىقپال تۋدىرىپ، ۇلتتاردى ارازداستىرۋ، ۇلتتار ىنتىماعىن ءبۇلدىرۋ، قوعام ورنىقتىلىعىن ءبۇلدىرۋ ماقساتتارىن ورىنداپ، وتاندى بولشەكتەۋ قاسكۇنەمدىكتەرىن ىسكە اسىرماق بولىپ جانتالاستى. ءار دارەجەلى باسشى كادرلار لاڭكەستىككە، بولشەكتەۋشىلىككە قارسى كۇرەستىڭ قاتاڭ جاعدايى مەن ارقامىزعا ارتىلعان اۋىر تاپسىرمانى، ءسوز جوق، جەتە تانىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە ورتالىقتىڭ ورنىقتىلىق جاعدايى جونىندەگى نەگىزگى تۇجىرىمىمەن، جاڭ چۇنشيان شۋجيدىڭ لاڭكەستىككە قارسى تۇرۋ، ورنىقتىلىقتى قورعاۋ قىزمەتىنە قويعان ايقىن تالابىمەن جانە اۆتونوميالى رايوندىق پارتكومنىڭ ورنالاستىرۋىمەن بىرلىككە كەلتىرىپ، شينجياڭ قىزمەتىنىڭ تياناعى مەن نىساناسىن بۇلجىتپاي مىقتى يگەرىپ، جاۋ جاعدايى جونىندەگى تانىمدى، تاۋقىمەت تانىمىن جانە جاۋاپكەرشىلىك تانىمىن ونان ارى نىعايىتپ، ەرەكشە قىراعى بولىپ، ساقاداي سايلانىپ، سىن - سايىسقا ىرىقتى تۇردە توتەپ بەرىپ، شينجياڭنىڭ قوعامدىق جالپى جاعدايىنىڭ ورنىقتىلىعىن بار كۇشپەن قورعاۋى كەرەك. شينجياڭدى زاڭ بويىنشا باسقارۋدان جازباي، ءىس جۇزىندىكتى نەگىز، زاڭدى تارازى ەتىپ، زورلىقتى كۇش، لاڭكەستەرىنە زاڭ بويىنشا قاتاڭ، سىلەيتە سوققى بەرىپ، الەۋمەتتىك ادىلدىك مەن ادىلەتتىلىگتى ايگىلەۋ، حالىق جۇرتشىلىعىن باقىتتى، تىنىش ومىرگە باستاۋى كەرەك.
ەكىنشى، زورلىقتى كۇش، لاڭكەستەرىنە قاتاڭ سوققى بەرۋ ارناۋلى ارەكەتىن باتىل، پارمەندى، ىشكەرىلەي ورىستەتۋ كەرەك
شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن، ءسوز جوق، ۇزاق ۋاقىت، جاپالى شايقاس جۇرگىزۋگە ويداعىداي دايىندالۋ كەرەك. ورتالىقتىڭ زورلىقتى كۇش، لاڭكەستىگىنە قاتاڭ، سىلەيتە سوققى بەرۋ ارناۋلى ارەكەتى جونىندە ورنالاستىرۋ جاساۋى ءبىزدىڭ ۋاقىتتى ۇتىپ، ىرىقتىلىقتى يگەرۋىمىز ءۇشىن جاسالعان ستراتەگيالىق شەشىم. قاتاڭ سوققى بەرۋ سوققىنى نەگىز ەتەدى، ول ءۇشىن ءدال، سىلەيتە، اياۋسىز سوققى بەرىپ، زورلىقتى كۇش، لاڭكەستەرىنە حالىق دەموكراتياسى ديكتاتۋراسىنىڭ شويىن جۇدىرىعىن تانىتىپ قويۋ كەرەك. قاتاڭ سوققى بەرۋ ارەكەتىنىڭ 2 ايدان بەرگى ناتيجەسىنە قاراعاندا، زورلىقتى كۇش، لاڭكەستىگىنە قاتاڭ سوققى بەرۋ ارناۋلى ارەكەتىندە كەزەڭدىك تابىسقا قول جەتكەنىن كورەمىز. زورلىقتى كۇش، لاڭكەستەرىنە بارار جەر، باسار تاۋ قالماي، قاتاڭ سوققى بەرۋ ارناۋلى ارەكەتىنىڭ جان - جاقتى ونىمدىلىگى كورىنە باستادى، قوعامدىق جالپى جاعداي نەگىزىنەن ورنىقتى. الايدا «ءۇش ءتۇرلى كۇشتىڭ» جەڭىلىسىنە استە مويىنسال بولمايتىنىن، اجال اۋزىندا جانتالاسا ارپالىساتىنىن سەرگەكتىكپەن كورە ءبىلۋىمىز كەرەك. سوندىقتان ورنىقتىلىقتى قورعاۋ شارالارىن تياناقتاندىرۋ جاعىندا تيتتەي دە شالاعايلىق، اعاتتىق جىبەرۋگە بولمايدى. ءبىز «28 - شىلدە»، «30 - شىلدە» سياقتى زورلىقتى كۇش، لاڭكەستىك دەلولارىنان، ءسوز جوق، تاجىريبە - ساباق الىپ، جاۋ جاعدايى جونىندەگى تانىم مەن تاۋقىمەت تانىمىن ونان ارى كۇشەيتىپ، «قاتەر قاس پەن كوزدىڭ اراسىنشا، لاڭكەستەر تاپ ءبىزدىڭ قاسىمىزدا» دەيتىن تانىمدى بەرىك ورناتىپ، تومەنگى شەكتە ويلاۋدان جازباي، ماسەلەنى كوزدەپ، شىن مانىندە قىراعىلىقتى ارتتىرىپ، ساقتىقتى كۇشەيتىپ، شارالاردى قاتايتىپ، كومەسكى قاتەردى مۇمكىندىكتىڭ بارىنشا الاستاۋىمىز كەرەك. «ارتىن اشىپ، اپانىن تالقانداپ، تامىرىن قيىپ»، جاۋىزدىقتى الاستاپ، ءتۇپ تامىرىنا بالتا شابۋىمىز كەرەك.
ءۇشىنشى، ءدىني ۇشقارى يدەيانىڭ ناقتى زالالىن باتىل الاستاۋ كەرەك
ءدىني ۇشقارى يدەيانىڭ كەۋلەپ كىرۋى، ءورشۋى شينجياڭنىڭ قوعام ورنىقتىلىعىنا كەسىرىن تيگىزەتىن ناقتى قاتەر، ءدىن جاراسىمدىلىعىنا تونگەن ەڭ ۇلكەن حاۋىپ. «ءدىني ۇشقارى يدەيالار الاستالماي، شينجياڭعا مۇلدە تىنىشتىق جوق». جۇما تايىر داموللا وتاندى، ءدىندى سۇيەتىن اتاقتى ءدىني قايراتكەر بولاتىن، مارقۇم قاشاندا پارتيامەن، ۇكىمەتپەن نيەتتەس، تىلەكتەس بولىپ، دىنگە سەنەتىن جاماعاتتى يماندى بولۋعا، ءدىني ۇشقارى يدەيانىڭ كەۋلەپ كىرۋىنەن ساقتانۋعا ىرىقتى تۇردە جەتەكتەپ، قالىپتى ءدىن ءتارتىبىن باتىل قورعاپ، دىنگە سەنەتىن جاماعاتقا حال - قادارىنشا قىزمەت ەتىپ، جاماعاتتىڭ قۇرمەتىنە بولەنگەن، ءدىني قايراتكەرلەر مەن دىنگە سەنەتىن بۇقارانىڭ اراسىندا زور بەدەلگە، كۇشتى ىقپالعا يە بولعان ەدى. جۇما تايىر داموللا قاستاندىققا ۇشىراۋدان 10 كۇن ىلگەرى ءبىر جاس وتانشىل ءدىني قايراتكەردى ارنايى شاقىرىپ الىپ: مەن قارتايدىم، دەنساۋلىعىم دا ناشارلاپ بارادى. ءبىراق شامامنىڭ جەتىسىنشە ەڭبەك ەتىپ، وتاندى، ءدىندى ءسۇيىپ، جاماعاتقا بار ىقىلاسىممەن قىزمەت ەتەمىن. قازىر ءدىني ۇشقارى يدەيالار قوعام مەن جاماعاتقا كەسىرىن تيگىزەتىن ۋلى وسپەگە اينالدى، سەندەر، ءسوز جوق، پارتيا مەن ۇكىمەتتىڭ ءدىني ۇشقارى يدەيالاردى تۇبەگەيلى الاستاۋ جونىندەگى ورنالاستىرۋىن باتىل قولداپ، جاماعاتقا تۋرا جول نۇسقاپ، باقىت پەن تىنىشتىققا باستاۋلارىڭ كەرەك، - دەپ قاداعالاي تاپسىرىپتى. يناباتتى، عادىلەتتى، ۇلتتاردىڭ بەرەكە - بىرلىگىن قورعاپ، بۇكىل ىنتا - پەيىلىمەن دىنگە سەنەتىن بۇقاراعا قىزمەت وتەگەن وسىنداي ءبىر وتانشىل ءدىني قايراتكەر زورلىقتى كۇش، لاڭكەستەرىنىڭ راقىمسىز، قانقۇيلى قاستاندىعىنا تاپ بولدى. بۇل لاڭكەستەردىڭ زۇلىمدىعى مەن ءىسلام ءدىنىنىڭ قاعيدالارىنا قايشى مونتانى بولمىسىن، سونداي - اق زورلىقتى كۇش، لاڭكەستەرىنىڭ اقيقاتتان جانى قالماي ۇرەيلەنەتىن السىزدىگىن تولىق پاش ەتتى. ولاردىڭ ارام نيەتى قوعامدا ۇلكەن ۇرەي تۋدىرىپ، ءتىپتى ۇلكەن ءىس شىعارۋدان باسقا ەشتەڭە ەمەس. ءبىز زورلىقتى كۇش، لاڭكەستەرىنىڭ جاۋىزدىعى مەن ارام نيەتىن، ءسوز جوق، جىعا تانىپ، ولاردىڭ جيرەنىشتى قىلاپاتىن ايپاراداي اشىپ، جاۋلاردىڭ قاسكۇنەمدىگىن بىت - شىت ەتۋىمىز كەرەك. ءدىني ۇشقارى كۇشتەر زورلىقتى كۇش پەن لاڭكەستىككە ءۇيىر، ءتىپتى، جازىقسىز جانداردى جاۋىزدىقپەن قىناداي قىرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا اۋىر دارەجەدە قاتەر توندىرەدى. ولار ءىسلام ءدىنىنىڭ بەيبىتشىلىكتى جاقتاپ، زورلىق - زومبىلىققا قارسى تۇراتىن نەگىزگى قاعيداسىنان بۇكىلدەي بەت بۇردى، جەر بەتىندەگى كەز كەلگەن مەملەكەتتىڭ زاڭى مۇنداي قانقۇيلىلىققا جول بەرە المايدى. ىركەس - تىركەس تۋىلعان زورلىقتى كۇش، لاڭكەستىك ۋاقيعالارى ءدىني ۇشقارى يدەيانىڭ زورلىقتى كۇش، لاڭكەستەرىنىڭ «مي جۋۋ»، استاسۋ، زورلىقتى كۇش ارەكەتىن تۋدىرۋداعى تۇپكىلىكتى سەبەبى ەكەنىن، ۇشقارىلىقتى الاستاۋدىڭ قازىرگى كەزەك كۇتتىرمەيتىن، ۇزاققا جالعاساتىن ءارى اسا ماڭىزدى قىزمەت ەكەنىن تالاسسىز دالەلدەپ وتىر. ءبىز زاڭدىلارىن قورعاۋعا، زاڭسىزدارىنا تيىم سالۋعا، ۇشقارىلىقتى شاۋجايلاۋعا، كەۋلەپ كىرۋدەن ساقتانۋعا، قىلمىسقا سوققى بەرۋگە تاباندى بولىپ، ءدىن ىستەرىن باسقارۋدى زاڭ بويىنشا كۇشەيتۋىمىز كەرەك. اشۋ مەن بوگەۋدى ۇشتاستىرۋعا، امبەباپ شارا قولدانۋعا تاباندى بولىپ، ءدىني ۇشقارى يدەيالاردى قالىپتى ءدىني ۇستانىمنان اجىراتىپ الىپ، وعان باتىل تيداۋ سالۋىمىز جانە سىلەيتە سوققى بەرۋىمىز كەرەك. زورلىقتى كۇش، قىلمىستارىنىڭ ۇيىمدىق نەگىزىن ىشكەرىلەي اداقتاپ جانە تالقانداپ، دىننەن پايدالانىپ ۇلتتىق بولشەكتەۋشىلىككە ايتاقتايتىن، زورلىقتى كۇش، لاڭكەستىك ارەكەتىنە ايداپ سالاتىن جانە ءدىني ۇشقارىلىققا ەلىكتىرەتىن زاڭبۇزار قىلمىستىلارعا زاڭ بويىنشا قاتاڭ، سىلەيتە سوققى بەرۋ كەرەك.
ءتورتىنشى، بۇقاراعا تولىق ارقا سۇيەپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن جەڭىستى جۇرگىزۋ كەرەك
جۋىردان بەرى، لاڭكەستىككە قارسى تۇرىپ، ورنىقتىلىقتى قورعاۋدىڭ شەشۋشى مەزگىلىندە، ءار ۇلت جۇرتشىلىعىنىڭ زورلىقتى كۇش، لاڭكەستىگىنە قاتاڭ سوققى بەرۋ ارناۋلى قيمىلىنا ناقتىلى تۇردە باتىل قولداۋ كورسەتىپ، قارۋلى كۇشتەردىڭ بۇزىقتاردى قۇرىقتاۋىنا بەلسەنە سايكەستى. بۇل فاكت حالىق جۇرتشىلىعى باتىلدىقپەن پوزيتسيا ءبىلدىرىپ، كۇرەسكە شىقسا، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن تۇرعىزۋعا بولاتىنىن تولىق سىپاتتادى. وتە - موتە، 1 - تامىزدا حوتان ايماعىنىڭ قاراقاش اۋدانىنداعى 30 مىڭنان استام جۇرتشىلىق بۇلىكشىلەردى قورشاپ ۇستاۋعا وزدىكتەرىنەن ات سالىسىپ، ءار ۇلت جۇرتشىلىعىنىڭ زورلىقتى كۇش، لاڭكەستىك ارەكەتىنە قاتاڭ سوققى بەرۋ قيمىلىن ءىس جۇزىندىك ارەكەتتەرى ارقىلى قولداعان باتىلدىعى مەن بەرىك بەكىمىن ايگىلەپ، قوعامدىق دۇرىس سالتتى اسقاقتاتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ تاماشا نەگىزىن ايگىلەپ، ءار ۇلت كادرلارى مەن جۇرتشىلىعىنىڭ زورلىقتى كۇش، لاڭكەستەرىمەن باتىل كۇرەسۋ سەنىمى مەن قوعامنىڭ باياندى تىنىشتىعىن قورعاۋ جونىندەگى بەرىك بەكىمىن اڭعارتتى. بۇل حالىقتىق شايقاستىڭ بۇرىننان بەرى پارتيامىزدىڭ جەڭىستەن جەڭىسكە جەتۋدەگى ماڭىزدى اسىلى ەكەنىن، حالىق جۇرتشىلىعىنىڭ قوعامنىڭ ورنىقتىلىعىن قورعاۋدىڭ ەڭ بەرىك نەگىزى جانە ەڭ قۇدىرەتتى كۇش قاينارى ەكەنىن سىپاتتادى. زورلىقتى كۇش، لاڭكەستەرى الدەقاشان سۇتكە تيگەن كۇشىكتەي سۇمىرەيىپ قالعان. جالپى حالىق جۇمىلا لاڭكەستىككە قارسى تۇرۋ، ورنىقتىلىقتى قورعاۋ شينجياڭداعى ءار ۇلت حالقىنىڭ سانالى تانىمىنا جانە ورتاق ارەكەتىنە اينالدى. ءبىز پارتيانىڭ بۇقارالىق قىزمەت جاعىنداعى باسىمدىلىعىن تولىق ساۋلەلەندىرىپ، بۇقاراعا تولىق سەنىم ارتىپ، بۇقاراعا ارقا سۇيەپ، بۇقارانى اتتانىسقا كەلتىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن جەڭىستى جۇرگىزىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سوعۋىمىز كەرەك.
بەسىنشى، ساياسي ءتارتىپتى قاتايتىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە جاقسى باستاماشى بولۋ كەرەك
بولشەكتەۋشىلىككە قارسى كۇرەستىڭ قازىرگى ەرەكشە قاتاڭ، كۇردەلى جاعدايىنا سايكەس، ءار دارەجەلى پارتيالى كادرلار، ءسوز جوق، ساياسي ولشەمدى كۇشەيتىپ، ساياسي تارتىپكە قاتاڭ بويسۇنۋدى كورنەكتى ورىنعا قويىپ، ساياسي سانالىلىقتى ساقتاپ، ورتالىقتىڭ سارا ساياسات، ءىرى باعىتى مەن اۆتونوميالى رايوندىق پارتكومنىڭ شەشىم - ورنالاستىرۋلارىن مىزعىماي، بۇلجىتپاي اتقارىپ، ورتالىقتىڭ بەدەلىن، اۆتونوميالى رايوندىق پارتكومنىڭ بەدەلىن باتىل قورعاۋى كەرەك. وتە - موتە، «ءۇش ءتۇرلى كۇش» پەن ولاردىڭ قىلمىس - قىلاپاتتارى جونىندە، ورتالىق پەن اۆتونوميالى رايوندىق پارتكومنىڭ شەشىم - ورنالاستىرۋىنا ساي باتىل كۇرەس جۇرگىزىپ، اشىق پوزيتسيا ءبىلدىرىپ، قاي - قاشان دا جاعدايى اۋىر، كۇردەلى الدىڭعى شەپتە، ءدىني ۇشقارى يدەيالار مەيلىنشە كەۋلەپ كىرگەن ءبىرىنشى شەپتە باتىلدىقپەن اتويلاپ الدا ءجۇرۋى كەرەك. ءار دارەجەلى باسشىلار، وتە - موتە، از ۇلت باسشى كادرلارى وزدەرىنىڭ ەڭ اۋەلى كومپارتيا مۇشەسى ەكەنىن، پارتياعا قىزمەت ەتۋ ماڭداي الدى جاۋاپكەرشىلىگى ەكەنىن، پارتياعا ادال بولۋ ەڭ نەگىزگى قاسيەتى بولۋعا ءتيىس ەكەنىن، ءسوز جوق، ەستەرىندە بەرىك ساقتاپ، ۇلتتىق بولشەكتەۋشىلىككە قارسى تۇرۋ، قوعامنىڭ ورنىقتىلىعىن قورعاۋ سياقتى كەلەلى ماسەلەدە، ءسوزجوق، پارتيانىڭ ساياسي تارتىبىنە قاتاڭ بويسۇنۋى، تانىمى ايقىن، پوزيتسياسى اشىق، ارەكەتى تاباندى بولۋى كەرەك. ءدىن ىستەرىن باسقارۋ جاعىندا، ءسوزجوق، جاۋاپكەرشىلىكتى باتىلدىقپەن ارقالاپ، تۇرعىنى بەكەمدەپ، تۋدى ايقىنداپ، ءوز باسىمەن ونەگە كورسەتىپ، ويداعىداي ۇلگى بولۋى كەرەك؛ وتە - موتە، ءدىني ۇشقارى يدەيالاردان قاي - قاشان دا بارىنشا قىراعى بولۋى كەرەك، ەشقاشان راقىمشىلىق ەتۋگە، تيتتەي دە سولقىلداقتىق ىستەۋگە بولمايدى.
لاڭكەستىككە قارسى تۇرىپ، ورنىقتىلىقتى قورعاۋدىڭ قازىرگى جاعدايى قاتاڭ ءارى كۇردەلى بولىپ وتىر. بۇكىل شينجياڭداعى ءار ۇلت كادرلارى مەن جۇرتشىلىعى ءار ۇلت حالقى ۇلى ىنتىماعىنىڭ وڭاي - وسپاق قولعا كەلمەگەن تاماشا جاعدايىن بارىنشا قاستەرلەپ، ورتالىق پەن اۆتونوميالى رايوندىق پارتكومنىڭ شەشىم - ورنالاستىرۋىن بۇلجىتپاي دايەكتى تياناقتاندىرىپ، «ءۇش ءتۇرلى كۇشپەن» باتىل كۇرەس جۇرگىزۋى، پارتيا مەن ۇكىمەتتىڭ توڭىرەگىنە تىعىز ىنتىماقتاسىپ، وسەك - اياڭعا سەنبەي، وسەك - اياڭ تاراتپاي، وسەك - اياڭ شىعارماي، جات نيەتتى جانداردىڭ ايتاقتاۋى مەن جەلىكتىرۋىنە ىلەسپەي، قۇدىرەتتى وڭ ەنەرگيا توپتاپ، قوعامىنىڭ تىنىشتىعى مەن جاراسىمدىلىعىن بىرگە قورعاۋى، شينجياڭنىڭ قوعام ورنىقتىلىعى مەن باياندى تىنىشتىعىن بىرگە قورعاۋ جولىندا قۇلشىنا كۇرەس جۇرگىزۋى كەرەك! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
