- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قاشقار قالاسىنىڭ نازارباق قالاشىعى سابىرلىلىقپەن مۇقيات قىزمەت ىستەۋدىڭ ناتيجەسىندە، حالىق تۇرمىسىنا قاتىستى ءتۇرلى ماسەلەلەردى شەشىپ، بۇقارانىڭ القاۋىنا بولەندى
2014.08.20 16:30 كەلۋ قاينارى : شينجياڭ حالىق راديو ستانسياسى تورابى
جاقىندا، قاشقار قالاسىنىڭ نازارباق قالاشىعى باقارىق قىستاعىنىڭ تۇرعىنى ابدۋالي قۇرباننىڭ وتباسىنداعىلار، كونە قالانى جاڭالاۋ ورايىنان پايدالانىپ، تام ءۇيدى شاعىپ قايتا سالۋ بەكىمىنە كەلدى، ولار تاعى 94 مىڭ يۋان قوسىمشا قاراجاتتان يگىلىكتەنە الادى. ءبىراق تۇتاس تۇلعالىق جوباعا ساي، ابدۋالي قۇرباننىڭ ءۇيى بۇرىنعى ورنىنان بەس مەتر كەيىن شەگىندىرىپ سالۋ قاجەت بولدى، ەگەر جاڭالايتىن بولسا، توزىعى جەتكەن تام ۇيدەن دە ايىرىلىپ قالامىز با؟ ۇكىمەتتىڭ كونە ءۇيدى جاڭالاۋ قوسىمشا قاراجاتى دەركەزىندە تياناقتاناما؟ دەگەن سياقتىلاردان الاڭدادى. نازارباق قالاشىق ۇكىمەتىنىڭ كادرلارى قايتا-قايتا ۇيگە كەلىپ، سابىرلىلىقپەن تۇسىندىرگەننەن كەيىن، ول وسى كۇماننان ارىلدى. ءبىر-بىرلەپ جوبالاۋ پرەنسيبىنە ساي، ونىڭ جاڭادان جوبالانعان ەكى قاباتتىق ءۇيىنىڭ تاعانى نەگىزىنەن تۇرعىزىلىپ بولدى، ونىڭ ۇستىنە العاشقى ادىمدا 40 مىڭ يۋاننان ارتىق قوسىمشا قاراجاتقا يە بولدى. ول: ۇكىمەتتىڭ قوسىمشا قاراجاتى بولماسا، بۇل ءۇيدى سالا الماۋشى ەدىم، بۇرىنعى تام ءۇيىمىز، ەكى قاباتتىق عيماراتقا وزگەردى، ءبىرىنشى قاباتتا ءۇش بولمە بار، الدا ونى مايعا بەرمەكشىمىن،-دەدى.
نازارباق قالاشىعى ـــ قاشقار قالاسىنىڭ ماڭىنداعى قالاشىق، وندا جىلجىمالى حالىق سانى كوپ، جەرگىلىكتى ۇكىمەت قىستاق جانە قالاشىق دارەجەلى حالىققا ءتيىمدى قىزمەت وتەۋ زالىن سالۋ ارقىلى قوس تىلگە تاربيەلەۋ كۋرسىن اشۋ سياقتى ءتۇرلى شارادان پايدالانىپ، جىلجىمالى حالىق سانىنا ويداعىداي قىزمەت وتەدى. سىرتتان قاشقارعا جۇمىس ىزدەپ كەلگەن مامەت سولتان ۋاقىتتىق تۇرعىندار كۋالىگىن بىتىرمەكشى بولعاندا، قىستاقتاعى حالىققا ءتيىمدى قىزمەت وتەۋ ءتۇيىنى، ونىڭ بۇل ءىسىن بەس مينۋتتىڭ ىشىندە ءبىتىردى. مامەت سولتان: قىزمەت وتەۋ زالىنىڭ ىشىندە حالىق ىستەرى، جوسپارلى تۋۋ تەرەزەلىكتەرىنىڭ ءبارى بار ەكەن، بارلىق ءىستى ءبىر جەردەن بىتىرۋگە بولادى، وتە قولايلى،-دەدى.قاشقار قالاسى نازارباق قالاشىعىنىڭ پارتكوم شۋجيى ما چۇنميڭ، تۇرعىندار كونە قالا رايونىنىڭ سىرتىن جاڭالاۋ ىسىنە قاتىستى كۇدىكتەن ارىلعانىن، قالاشىق پارتكومنىڭ پارتيالى كادرلاردى ۇيىمداستىرىپ، بۇقاراعا سابىرلىلىقپەن قىزمەت جۇرگىزۋىنىڭ ناتيجەسىندە، بۇقارانىڭ كۇدىكتەن ارىلعانىن ايتا كەلىپ: بيىلعى مىندەت ءبىر مىڭ 500 وتباسىنىڭ ءۇيىن جاڭالاۋ، قازىر ءبىر مىڭ 515 ءۇيدى جاڭالادىق. جىلجىمالى حالىق سانىنىڭ كوپ بولۋ جاعدايىنا قاراتا، ءارقايسى تاراۋ ءبىتىراندى قىزمەت وتەۋدى شوعىرلاندىرىپ، بۇقارانىڭ ءىس بىتىرۋىنە قولايلىلىق جاسايمىز، سابىرلىلىقپەن مۇقيات قىزمەت وتەپ، حالىق بۇقاراسىنىڭ ناقتى تيىمدىلىككە قول جەتكىزۋىنە مۇمكىندىك جاسايمىز،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
