- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇتاس رايونىمىزدىڭ ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى زاڭ ەرەجەگە قايشىلىق جاساۋ دەلوسىن قاتاڭ تەكسەرىپ ءبىر جايلى ەتتى
2014.08.22 16:45 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايوندىق ءادىليا مەڭگەرمەسى پارتكومىنىڭ بۇرىنعى مۇشەسى، ءتارتىپ تەكسەرۋ كوميتەتىنىڭ شۋجيى ۋاڭ شينجۇڭنىڭ ەرەجەگە، زاڭعا اۋىر دارەجەدە قايشىلىق جاساۋ دەلوسى. 2007-جىلدان 2013-جىلعا دەيىن ۋاڭ شينجۇڭ قىزىلسۋ وبلىستىق پارتكومنىڭ تۇراقتى مۇشەسى، قوعام حاۋىپسىزدىگى مەكەمەسىنىڭ باستىعى، قىزىلسۋ وبلىستىق پارتكومىنىڭ تۇراقتى مۇشەسى مىندەتىن اتقارعان كەزدە تۇزىمگە قايشى بەلگىلەمەگە ۇيلەسپەيتىن ادامداردى قاجىعا بارۋعا ورنالاستىرىپ، قىزمەت قولايلىلىعىنان پايدالانىپ حالىق باسقارۋىنداعى كاسپكەرلەردىڭ زاڭسىز پايداعا كەنەلۋىنە مۇمكىندىك جاساپ، پارا الدى جانە پارا بەردى دەپ كۇمان تاعىلدى. 2014-جىلى ماۋسىمدا اۆتونوميالى رايوندىق ءتارتىپ تەكسەرۋ كوميتەتى ۋاڭ شينجۇڭدى دەلو تۇرعىزىپ تەكسەرۋدى ۇيعاردى.
التاي ايماقتىق 2-جوعارى دارەجەلى ورتا مەكتەپتىڭ ءتارتىپ تەكسەرۋ كوميتەتىنىڭ شۋجيى، ورىنباسار مەكتەپ باستىعى ۋاڭ جۇڭنىڭ ەرەجەگە، زاڭعا اۋىر دارەجەدە قايشىلىق جاساۋ دەلوسى. 2009-جىلدان 2013-جىلعا دەيىن ۋاڭ جۇڭ شىڭگىل اۋداندىق وقۋ-اعارتۋ مەكەمەسى پارتكومىنىڭ ورىنباسار شۋجيى، مەكەمە باستىعى مىندەتىن اتقارعان كەزدە قىزمەت قولايلىلىعىنان پايدالانىپ ۇكىمەت قاراجاتىنا قيانات جاساپ، قارجىنى زاڭسىز الىپ «شاعىن كاسسا» قۇردى، ءارى تۇزىمگە قايشى يگىلىك سوماسىن تاراتتى. 2014-جىلى ماۋسىمدا التاي ايماقتىق ءتارتىپ تەكسەرۋ كوميتەتى ۋاڭ جۇڭدى دەلو تۇرعىزىپ تەكسەرۋدى ۇيعاردى.
شينجياڭ مۇناي الابى سەرىكتەستىگى ميڭيۋان جۇمىسشى-قىزمەتكەرلەر شيپاحاناسى پارتكومىنىڭ شۋجيى، ءتارتىپ تەكسەرۋ كوميتەتىنىڭ شۋجيى جياڭ شاۋجۇننىڭ ورتالىقتىڭ 8 ءتۇرلى بەلگىلەمەسىنە قايشىلىق جاساۋ دەلوسى. 2014-جىلى قاڭتاردا ميڭيۋان جۇمىسشى-قىزمەتكەرلەر شيپاحاناسى ەمدەۋ سايكەسۋ ارناۋلى قارجىسىنان 80 مىڭ يۋان شىعارىپ، ۇكىمەت اقشاسىمەن 40 دانا زات ساتىپ الۋ كارتىشكاسىن ءبىتىردى. جياڭ شاۋجۇن وسى شيپاحانانىڭ جالپى قىزمەتىن باسقارۋعا جاۋاپتى باسشى بولۋ سالاۋاتىمەن نەگىزگى باسشىلىق جاۋاپكەرلىكتى ارقالاۋى كەرەك. شينجياڭ مۇناي الابى سەرىكتەستىگى ءتارتىپ تەكسەرۋ كوميتەتى جياڭ شاۋجۇنگە پارتيا ىشىندە ەسكەرتۋ بەرۋ جازاسىن قولدانۋدى ۇيعاردى.
بايىنعولىن وبلىسى حىجيڭ اۋدانى ءتارتىپ تەكسەرۋ كوميتەتىنىڭ بۇرىنعى ورىنباسار شۋجيى، باقىلاۋ-تەكسەرۋ مەكەمەسىنىڭ باستىعى ما لۇڭنىڭ قوعامدىق باسقارۋ ءتارتىبىن ءبۇلدىرۋ دەلوسى. 2013-جىلى قىركۇيەكتە ما لۇڭ بۇرىنعى قول استىنداعى قىزمەتكەرى ليۋ فاميليالىنىڭ ورىنباسار اۋدان دارەجەلى جۇمىس ورنىنا وسىرىلگەنىن كورگەننەن كەيىن، مويىنسال بولماي ىزالانىپ، كەلتە حات جىبەرۋ تاسىلىمەن ليۋ فاميليالىدان 200 مىڭ يۋان اقشا بوپسالاماق بولادى، ليۋ فامىليالى ونى ەلەپ-ەسكەرمەيدى ءارى دەلونى مالىمدەيدى. مۇنان تىس ما لۇڭ قىزمەت قولايلىلىعىنان پايدالانىپ بەلگىلى قسىتاقتىڭ تۇرعىندار كوميتەتىنىڭ مەڭگەرۋشىسى ۋاڭ فامىليالىدان 10 مىڭ يۋان العان. 2014-جىلى ماۋسىمدا بايىنعولىن وبلىستىق ءتارتىپ تەكسەرۋ كوميتەتى ما لۇڭدى دەلو تۇرعىزىپ تەكسەرۋدى ۇيعاردى.
حوتان ايماعى شەريا اۋداندىق ءتارتىپ تەكسەرۋ كوميتەتى زاڭ اتقارۋ كەڭسەسىنىڭ بۇرىنعى مەڭگەرۋشىسى يمينجان تۇرسۇننيازدىڭ ساياسي تارتىپكە قايشىلىق جاساۋ دەلوسى. 2013-جىلى ناۋرىزدان شىلدەگە دەيىن يمينجان تۇرسۇننياز ۇيىندەگى عالامتوردان زاڭعا قايشى ءدىني ماتەريالداردى ءتۇسىرىپ، ساقتاپ، وقىعان. شەريا اۋداندىق پارتكوم، اۋداندىق ۇكىمەت يمينجان تۇرسۇننيازعا پارتيادان شىعارۋ، اكىمشىلىك مىندەتىن الىپ تاستاۋ جازاسىن قولدانۋدى، ءارى شەريا اۋداندىق ءتارتىپ تەكسەرۋ كوميتەتى باقىلاۋ-تەكسەرۋ مەكەمەسىنەن اۋىستىرۋدى ۇيعاردى.
حوتان ايماعى قاراقاش اۋدانى ءتوۋات اۋىلىنىڭ ءتارتىپ تەكسەرۋگە جاۋاپتى قىزمەتكەرى اسقار جۇمانىڭ ساياسي تارتىپكە قايشىلىق جاساۋ دەلوسى. 2013-جىلى 26-جەلتوقساندا، اسقار جۇما باسقالار ارقىلى نەگىزگى مازمۇنى ــ «قوس ءتىل» وقۋ-اعارتۋىنا جانە ارتىق ەڭبەككۇشتەردى سىرتقا شىعارۋ ساياساتىنا قارسى زاڭسىز دىبس كەسكىن تاسپاسىن توراپ ارقىلى جالعاپ، باسقالارعا جانە ءۇنحات تەكشەسىندەگىلەرگە جولداعان. قاراقاش اۋداندىق ءتارتىپ تەكسەرۋ كوميتەتى اسقار جۇماعا پارتيا ىشىندە قاتاڭ ەسكەرتۋ جازاسىن بەرۋدى ۇيعاردى.
اقسۋ ايماعى اقتاۋ اۋدانىنىڭ شارلۇڭ اۋىلى ءتارتىپ تەكسەرۋ كوميتەتىنىڭ بۇرىنعى ورىنباسار شۋجيى قايسار جۇراننىڭ پاك ءتارتىپشاڭ بولۋعا قايشىلىق جاساۋ دەلوسى. 2012-جىلى شىلدەدە، قايسار جۇران تۇ فاميليالى ديقاننىڭ قىزىن شينجياڭ ساياسي زاڭ ينستيتۋتىنا قابىلداتۋدى جەلەۋ ەتىپ، تۇ فاميليالىدان 20 مىڭ يۋان اقشا العان. وسى ىستەن كەيىن، تۇ فاميليالى ءوزىنىڭ الدانىپ قالعانىن بىلەدى، قايسار جۇران ونىڭ 5 مىڭ يۋانىن قايتارادى. اقتاۋ اۋداندىق ءتارتىپ تەكسەرۋ كوميتەتى قايسار جۇرانعا پارتيا ىشىندەگى مىندەتىنەن قالدىرۋ جازاسىن بەرىپ، ءتارتىپ تەكسەرۋ جۇيەسىنەن شەگىندىرۋدى ۇيعاردى.
اقسۋ قالالىق ءتارتىپ تەكسەرۋ كوميتەتىنىڭ بۇرىنعى مۇشەسى، قالالىق حالىق سوتى مەكەمەسى پارتگرۋپپاسىنىڭ بۇرىنعى مۇشەسى، ءتارتىپ تەكسەرۋ گرۋپپاسىنىڭ باستىعى ۋ جۇننىڭ جاۋاپكەرسىزدىك ىستەۋ دەلوسى. 2013-جىلى ساۋىردە، ۋ جۇن ەرەجەگە قايشىلىق جاساپ، قىلمىس كۇماندىسى جاڭ فاميليالىنىڭ سوتتاعانعا دەيىن كەپىلگە الۋ ءىسىن بىتىرگەن. اقسۋ قالالىق پارتكومنىڭ تۇراقتى كوميتەت ماجىلىسىندە زەرتتەۋ ارقىلى اقسۋ ايماقتىق ءتارتىپ تەكسەرۋ كوميتەتىنىڭ بەكىتۋىنە مالىمدەپ، ۋ جۇنعا پارتيا ىشىندە مىندەتىنەن قالدىرۋ جازاسىن بەرىپ، دارەجەسىن ءبولىم دارەجەلىدەن ورىنباسار ءبولىم دارەجەلىگە تومەندەتۋدى ۇيعاردى.
قاشقار ايماعى ءپايزاۋات اۋدانى ويتوعىراق اۋىلدىق پارتكومنىڭ مۇشەسى، ءتارتىپ تەكسەرۋ كوميتەتىنىڭ ورىنباسار شۋجيى تۇرسىن سۋبيدىڭ جاۋاپكەرسىزدىك دەلوسى. 2013-جىلى 18-جەلتوقساندا، ءپايزاۋات اۋدانى ويتوعىراق اۋىلىنىڭ توعىراقسىم قىستاعىندا زورلىقتى كۇش لاڭكەستىك توبى بايقالدى، وسى توپ 2013-جىلى قىركۇيەكتەن باستاپ كەرتارتپا دىبىس كەسكىن تاسپاسىن كوپ رەت زاڭسىز كورىپ جانە تىڭداپ، استىرتىن بومبى جاساپ، زورلىقتى كۇش لاڭكەستىك ارەكەتىن جوسپارلاعان. تۇرسىن سۋبي قىزمەت بارىسىندا، قىزمەتتى ىشكەرىلەي مۇقيات ىستەمەگەن، ءتۇرلى ورنىقتىلىقتى قورعاۋ شاراسىن تياناقتاندىرۋى پارمەندى بولماعان، ويداعىداي قىزمەت وتەمەگەن. ءپايزاۋات اۋداندىق ءتارتىپ تەكسەرۋ كوميتەتى تۇرسىن سۋبيعا پارتيا ىشىندە ەسكەرتۋ بەرۋدى ۇيعاردى.قۇلجا قالاسى سايبويى ءمالىسى ءىس باسقارماسىنىڭ ءتارتىپ تەكسەرۋ قىزمەت كوميتەتىنىڭ بۇرىنعى شۋجيى جاڭ شۇەفىڭنىڭ اراق ءىشىپ باسقالارعا قول جۇمساۋ دەلوسى. 2014-جىلى 5-اقپاندا، جاڭ شۇەفىڭ قۇلجا قالاسىنداعى بەلگىلى ءبىر مەيمانسارايدىڭ جاۋاپتىسى دىڭ فاميليالىمەن سوزگە كەلىسىپ قالادى، سوڭىنان توبەلەس شىعادى. وسى بارىستا دىڭ فاميليالىنىڭ كەڭسىرىك سۇيەگى مەن قاسقا ءتىسىنىڭ بىرەۋى سىنادى. قۇلجا قالالىق ءتارتىپ تەكسەرۋ كوميتەتى مەن باقىلاپ-تەكسەرۋ مەكەمەسى زەرتتەۋ ارقىلى قۇلجا قالالىق پارتكوم مەن حالىق ۇكىمەتىنىڭ بەكىتۋىنە مالىمدەپ، جاڭ شۇەفىڭعا پارتيادان ايداۋ، ءبولىم دارەجەلى باستىقتىق مىندەتىنەن قالدىرۋ اكىمشىلىك جازاسىن بەرۋدى ۇيعاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
