- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ياركەن وزەنى تاسقىننان ساقتانۋ، وڭاۋ ينجەنەرياسىنىڭ قۇرىلىسى باستالدى
2014.10.20 17:17 كەلۋ قاينارى : شينجياڭ حالىق راديو ستانسياسى تورابى
تاريحتان قالعان سۋ ماسەلەسىن تۇبەگەيلى شەشىپ، 2 ميلليون 400 مىڭ ءار ۇلت حالقىنا باقىت جاراتاتىن ياركەن وزەنى تاسقىننان ساقتانۋ، وڭاۋ ينجەنەرياسىنىڭ قۇرىلىسى 16-قازان باستالدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىك ءتوراعاسى يۇي جىڭشىڭ قۇتتىقتاۋ حاتىن جولدادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان قاشقار ايماعى ياركەن اۋدانىنىڭ پاتىمقاش تاسقىننان ساقتانۋ تۇيىنىندە ينجەنەريا قۇرىلىسىنىڭ باستالعانىن جاريالادى، ءارى ءسوز سويلەدى.
2010-جىلى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، پارتيا ورتالىق كوميتەتىنىڭ بەرىك باسشىلىعىندا، اۆتونوميالى رايوندىق پارتكوم، ۇكىمەت «سۋ يگىلىگى كوركەيسە، شينجياڭ كوركەيەدى» دەگەن تانىمعا تاباندى بولىپ، ءبىر توپ ماڭىزدى سۋ يگىلىگى يجەنەرياسى مەن حالىق تۇرمىسىن جاقسارتۋ سۋ يگىلىگى نىسانىن جۇرگىزىپ، شينجياڭ ەرەكشەلىگىنە يە سۋ يگىلىگىنىڭ وسىزاماندانعان جولىن اشتى.
ياركەن وزەنى اعارىنداعى جالپى حالىق سانى 2 ميلليون 400 مىڭ، سۋارۋ رايونىنىڭ كولەمى 6 ميلليون 600 مۋ، شينجياڭداعى ەڭ ءىرى سۋارۋ رايونى، ءارى تاسقىن اپاتى ەڭ كوپ تۋىلاتىن، ديقانداردىڭ تاسقىننان ساقتانۋ اۋىرتپالىعى ەڭ اۋىر وزەن. پارتيا ورتالىق كوميتەتى، مەملەكەتتىك كەڭەس ياركەن وزەنى تاسقىننان ساقتانۋ ينجەنەرياسىنا وسكەلەڭ ءمان بەرىپ، باس شۋجي شي جينپيڭ ەرەكشە كوڭىل ءبولدى، لي كىچياڭ زۇڭلي بۇل ينجەنەريانى جۇرگىزۋدى ايقىن باسا دارىپتەپ، يۇي جىڭشىڭ ءتوراعا بىرەنشە رەت سايكەستىرۋ قىزمەتىن ىستەدى، ورتالىقتىڭ مينيسترلىك-كوميتەتتەرى بەلسەنە، ىرىقتى تۇردە كۇش سالا قولداپ، ياركەن وزەنى تاسقىننان ساقتاۋ وڭاۋ ينجەنەرياسىنىڭ ءساتتى جۇرىلۋىنە كەپىلدىك ەتتى.
جاڭ چۇنشيان بىلاي دەدى: ياركەن وزەنى تاسقىننان ساقتاۋ، وڭاۋ ينجەنەرياسى شينجياڭداعى ءار ۇلت حالىقى، وتە-موتە ياركەن وزەنى اعارىنداعى ءار ۇلت حالىقى كوپتەن كۇتكەن، كىسىنى ەرەكشە جەلپىندىرەتىن كەلەلى ءىس، وڭتۇستىك شينجياڭنىڭ سۋ ماسەلەسىن تۇبىرىنەن شەشىپ، حالىق تۇرمىسىن جاقسارتىپ، باياندى تىنىشتىقتى جۇزەگە اسىرۋدا ماڭىزدى ءارى تەرەڭ ءمانى بار، بۇل ورتالىقتىڭ شينجياڭ قىزمەتى جونىندەگى 2-رەتكى ءماجىلىسىنىڭ رۋحىن دايەكتى تياناقتاندىرۋدىڭ ماڭىزدى جەتىستىگى، وڭتۇستىك شينجياڭداعى ديقانداردىڭ ەڭبەك اۋىرتپالىعىن جەڭىلدەتەتىن حالىق تۇرمىسىن جاقسارتۋ ينجەنەرياسى، اۋىل شارۋاشىلىعىن جەبەپ، اۋىل-قىستاقتى دامىتاتىن كەدەيلەردى سۇيەمەلدەۋ ينجەنەرياسى، جۇرت قالاۋىنان شىعىپ، باياندى تىنىشتىقتى جەبەيتىن ساياسي ينجەنەريا، بۇگىنگىگە تابىس، كەيىنگىگە ىرىس اكەلەتىن ءادىل ساياسات ينجەنەرياسى.
جاڭ چۇنشيان بىلاي دەپ اتاپ كورسەتتى: اۆتونوميالى رايوننىڭ قاتىستى جەرلەرى مەن تاراۋلارى ينجەنەريانى كۇش سالا قولداپ، قۇرىلىسقا قاتىناساتىن ءار قايسى ورىندار ساپا وتكەلەگى مەن حاۋىپسىزدىك وتكەلەگىن قاتاڭ مىقتى يگەرىپ، قۇرىلىسقا جەرگىلىكتى بۇقارانى مۇمكىندىكتىڭ بارىنشا قاتىناستىرىپ، ولارعا كاسىپتەنۋ، كىرىستى ارتتىرۋ ورايىن جاراتۋ كەرەك. وزەندى جاعالاي قونىستانعان ءار ۇلت بۇقاراسى شينجياڭ رۋحىن ساۋلەلەندىرىپ، قۇرىلىسقا بەلسەنە ات سالىسىپ، قوس قولدارىمەن تاماشا مەكەندى قۇرۋ كەرەك.
جاڭ چۇنشيان بىلاي دەدى: ءبىز وسى قامال الۋ شايقاسىن كۇش سالا جۇرگىزىپ، تالاي رەت جاراتىلىستىق اپات تۋىلعان ياركەن وزەنىندە قۇرىش قورعان سوعىپ، وشپەس تاريحي ەسكەرتكىش تۇرعىزىپ، مىڭ جىلدىق سۋ ماسەلەسىن تۇبەگەيلى شەشىپ، ۇرپاقتارعا باقىت جاراتۋىمىز كەرەك!
سۋ يگىلىگى مينيسترلىگى پارتگرۋپپاسىنىڭ ورىنباسار شۋجيى، ورىنباسار مينيسترى جياۋ يۇڭ ينجەنەريانىڭ باستالعانىن قۇتتىقتادى.
قۇرىلىستىڭ باستالۋ سالتىنا قاتىناسۋعا تاعى ياركەن وزەنى اعارىنىڭ ماڭىنداعى تۇرعىندار ۇسىنىس ەتىلدى. ياركەن اۋدانى اسىلانباق اۋىلى اراءمالى قىستاعىنىڭ ديقانى مامەت چاۆا ءسوز سويلەپ، بىلاي دەدى: بۇرىن ءار جولى تاسقىن جۇرگەندە، قىستاقتاعى وتباستارى كومەككە ادام جانە قارجى شىعارىپ، تەرەك، شىلان اعاشى سياقتىلاردى كەسىپ، وزەن ارناسىن بەكەمدەيتىن، كەيىن تەرەك، شىلان اعاشى ازايدى، قىستاق ديقاندارى جەمىس اعاشتارىن كەسەتىن بولدى، ەندى عانا جەمىس بەرگەن جەمىس اعاشتارىنىڭ كەسىلگەنىن كورگەندە، ديقاندار قاتتى قىنجىلاتىن. قازىر، ياركەن وزەنىنىڭ تاسقىننان ساقتانۋ ينجەنەرياسى باستالدى، قىستاق ديقاندارى ءۇمىت ۇشقىنىن كوردى. الدا مىندەتتى جۇمىسشىلاردىڭ تاسقىننان ساقتانۋ تاريحى اياقتايتىن بولدى، ەندىگارى اعاش كەسىپ وزەن ارناسىن بەكەمدەمەيمىز، ۇرپاقتارىمىز الاڭسىز، باقىتتى تۇرمىس كەشىرەتىن بولدى،-دەدى.
قۇرىلىستىڭ باستالۋ سالتىندا، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر ءتوراعا يۇي جىڭشىڭنىڭ قۇتتىقتاۋ حاتىن وقىدى. اۆتونوميالى رايوندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي قۇرىلىستىڭ باستالۋ سالتىن باسقاردى. اۆتونوميالى رايون جانە بيڭتۋاننىڭ باسشىلارىنان: باي جىجيە، ليۋ شينچيلەر قۇرىلىستىڭ باستالۋ سالتىنا قاتىناستى.
ياركەن وزەنى قاراقۇرىم تاۋىنان باستاۋ الادى، جالپى ۇزىندىعى ءبىر مىڭ 289 كيلومەتر. ۇزاق ۋاقىتتان بەرى، ياركەن وزەنىندەگى سۋ اپاتى وزەن جاعاسىنداعى ءار ۇلت حالىق بۇقاراسىنىڭ ءوندىرىسى مەن تۇرمىسىنا اۋىر حاۋىپ ءتوندىرىپ كەلدى. ءار جىلى جاۋىن-شاشىن مەزگىلىندە، وزەن اعارىنداعى %90 تەن ارتىق ديقان تاسقىننان ساقتانۋ قيمىلىنا قاتىناسىپ، قانشا امالداسادا، تالاي رەت تاسقىن اپاتى تۋىلدى. سونىمەن بيىل اۆتونوميالى رايون قازىنادان 20 ميلليون يۋان قارجى شىعارىپ، قازىرگى بار 34 ورىنداعى توسپانى بەكەمدەدى. 16-قازان ياركەن وزەنى اعارىنداعى تاسقىننان ساقتانۋ ينجەنەرياسى باستالدى، سۋ قويما مەن توسپانى ۇشتاستىرۋ ادىسىمەن، ياركەن وزەنىنىڭ سۋارمالى وڭىردەن وتەتىن بولەگىنە تاسقىننان ساقتانۋ توسپاسى سالىنادى، 2017-جىلعا بارعاندا، ماڭىزدى تاسقىننان ساقتانۋ بولەگىندەگى تاسقىننان ساقتانۋ ولشەمى 20 جىلدا ءبىر رەت كەزىگەتىن اپاتقا توتەپ بەرە الادى، جايشىلىقتاعى قاتەر بولەگىندەگى تاسقىننان ساقتانۋ ولشەمى 10 جىلدا ءبىر رەت كەزىگەتىن تاسقىن اپاتىنا توتەپ بەرۋ قۇرىلىس ولشەمىنە جەتىپ، ياركەن وزەنىنىڭ جاعاسىنداعى ءتورت اۋدان مەن بيڭتۋاننىڭ تۋان الاڭدارىنىڭ تاسقىننان ساقتانۋداعى اۋىرتپالىعىن جانە تاسقىننان ساقتانۋ قىسىمىن باسەڭدەتەدى. جوعارداعى نىسانانى جۇزەگە اسىرۋ ءۇشىن، ورتالىق 14 ميلليارد يۋاننان ارتىق قارجى قوسىپ، ياركەن وزەنى اعارىن جۇيەلى وڭاپ، اراتاش سۋ يگىلىگى جۇيەسى، وزەن اعارىنداعى توسپا سياقتى ۇزاق ۋاقىتتىق تاسقىننان ساقتانۋ ينجەنەرياسىن سالۋدى ۇيعاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
