- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ادەبيەت _ كوركەمونەر قىزمەتى جونىندەگى اڭگىمە ءماجىلىسىن باسقارىپ اشقاندا مىنانى باسا دارىپتەدى
شىعارماشىلىقتا حالىقتى ارقاۋ ەتۋ بەتالىسىنا تاباندى بولىپ، داۋىرگە ساي كەلەتىن ءتىپتى دە كوپ تاڭداۋلى تۋىندى جاراتۋ كەرەك
2014.10.17 16:54
«شينجياڭ گازەتىنەن». ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 15–قازان تۇستەن بۇرىن ادەبيەت–كوركەمونەر قىزمەتى جونىندەگى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: ادەبيەت–كوركەمونەر ءداۋىردىڭ العا باسۋىنىڭ دابىلى، ءبىر ءداۋىردىڭ بەت–بەينەسىنە تالاسسىز ۋاكىلدىك ەتەدى، ءبىر ءداۋىردىڭ سالت–ساناسىنا جەتەكشىلىك ەتە الادى. «قوسءجۇز جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ادەبيەت–كوركەمونەردىڭ رولىن باسقا نارسە اتقارا المايدى، ادەبيەت–كوركەمونەر قىزمەتكەرلەرىنىڭ كەلەشەگى جارقىن. قالىڭ ادەبيەت–كوركەمونەر قىزمەتكەرلەرى ادەبيەت–كوركەمونەردىڭ ورنى مەن رولىنا مىنە وسى تۇرعىدان نازار سالۋى، وزدەرى ارقالاعان تاريحي بورىشى مەن جاۋاپكەرلىگىن مىنە وسى تۇرعىدان دۇرىس تانۋى، شىعارماشىلىقتا حالىقتى ارقاۋ ەتۋ بەتالىسىنا تاباندى بولىپ، داۋىرگە ساي كەلەتىن ءتىپتى دە كوپ تاڭداۋلى تۋىندىنى جارىققا شىعارىپ، جۇڭگو رۋحىن اسقاقتاتىپ، جۇڭگو كۇشىن ۇيىستىرىپ، بۇكىل ەلدەگى ءار ۇلت حالقىن بولاشاققا نىق سەنىممەن، تاسقىنداعان جىگەرمەن قادام تاستاۋعا جىگەرلەندىرۋى ءتيىس.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان اڭگىمە ماجىلىسىنە قاتىناستى.
اڭگىمە ماجىلىسىندە جۇڭگو جازۋشىلار قوعامىنىڭ ءتوراعاسى تيە نيڭ، جۇڭگو دراماتوريكتەر قوعامىنىڭ ءتوراعاسى، شاڭحايداعى بەيجيڭ تەاترىنىڭ كوركەمدىك جەتەكشىسى شاڭ چاڭرۇڭ، اۋە ارميا ساياسي ءبولىمى ويىن ساۋىق ۇيىرمەسىنىڭ 1–دارەجەلى دراماتوريگى يان سۋ، جۇڭگو اسەمونەرشىلەر قوعامىنىڭ ورىنباسار ءتوراعاسى، جۇڭگو اسەمونەر ينستيتۋتىنىڭ باستىعى شۇي جياڭ، جۇڭگو بيشىلەر قوعامىنىڭ ءتوراعاسى، مەملەكەتتىك ۇلكەن تەاترحانانىڭ ءبي كوركەمدىك باس باقىلاۋشىسى جاۋ رۋحىڭ، جۇڭگو جازۋشىلار قوعامىنىڭ ورىنباسار ءتوراعاسى، شاڭحاي قالالىق جازۋشىلار قوعامىنىڭ ورىنباسار ءتوراعاسى يە شين، جۇڭگو كينوشىلار قوعامىنىڭ ءتوراعاسى، مەملەكەتتىك دراما تەاترىنىڭ 1–دارەجەلى ارتيسى لي شۋجيان قاتارلىلار ىلگەرىندى–كەيىندى لەبىز ءبىلدىردى.
شي جينپيڭ كوپشىلىكتىڭ لەبىزىن مۇقيات تىڭداعاننان كەيىن ماڭىزدى ءسوز سويلەدى. ول ەڭ اۋەلى بۇكىل ەلىمىزدەگى ادەبيەت–كوركەمونەر قىزمەتكەرلەرىنەن شىنايى حال سۇرادى.
شي جينپيڭ بىلاي دەپ اتاپ كورسەتتى: ادەبيەت–كوركەمونەر ىستەرىنىڭ گۇلدەنىپ–كوركەيۋىن، دامۋىن جەبەۋدە ەڭ ماڭىزدىسى، ۇلى ۇلتىمىزعا، ۇلى داۋىرگە ساي كەلەتىن تاڭداۋلى، سارا تۋىندىلاردى جارىققا شىعارۋ كەرەك. ادەبيەت–كوركەمونەر قىزمەتكەرلەرى شىعارماشىلىقتىڭ وزدەرىنىڭ وزەكتى مىندەتى ەكەنىن، تۋىندىنىڭ وزدەرىنىڭ تىرشىلىك ارقاۋى ەكەنىن ەستەرىندە بەرىك ساقتاپ، وي–سانانى سەرگەك ۇستاپ، شىعارماشىلىققا بار–ىنتا پەيىلىمەن كىرىسىپ، حالىققا ەڭ جاقسى رۋحاني ازىق بەرۋى ءتيىس. تاڭداۋلى، سارا تۋىندىنى جارىققا شىعارۋدى، ءسوزجوق، ادەبيەت–كوركەمونەر قىزمەتىنىڭ وزەكتى بۋىنى ەتىپ، زامانىمىزداعى جۇڭگونىڭ قۇن كوزقاراسىن تاراتاتىن، جۇڭحۋا مادەنيەتىنىڭ رۋحىن، جۇڭگولىقتاردىڭ ەستەتيكالىق تالپىنىسىن ايگىلەيتىن، يدەيالىق سيپاتى، كوركەمونەرلىك سيپاتى، تارتىمدىلىق سيپاتى سايما–ساي كەلگەن تاڭداۋلى، سارا تۋىندىلاردى قۇلشىنا جارىققا شىعارۋ كەرەك.
شي جينپيڭ بىلاي دەپ باسا دارىپتەدى: رەفورما جاساپ، ەسىك اشقاننان بەرى، ەلىمىزدىڭ ادەبيەت–كوركەمونەر ىستەرى جاسامپازدىقتىڭ جاڭا كوكتەمىن قارسى الىپ، حالىقتىڭ قاجەتىنەن شىعاتىن قىرۋار سارا تۋىندى جارىق كوردى. سونىمەن بىرگە، ادەبيەت–كوركەمونەر جاسامپازدىعى جاعىندا سان بولعانىمەن ساپاسى دەرلىكتەي بولماۋ، مول بولعانىمەن شوقتىقتى، سارا تۋىندىلار تاپشى بولۋ ءجايتىنىڭ، كوشىرمەشىلىك، ەلىكتەۋشىلىك، ءبارى ۇقساس بولۋ ماسەلەسىنىڭ، قاتىپ–سەمگەن شىعارماشىلىق، جەدەل تۇتىنۋ ماسەلەسىنىڭ ورىن تەۋىپ وتىرعانىن دا جوققا شىعارۋعا بولمايدى. ادەبيەت–كوركەمونەر ىستەرى بازار شارۋاشىلىعىنىڭ ۇلكەن تولقىنىندا باعدارىنان اداسىپ قالسا بولمايدى، كىم ءۇشىن قىزمەت وتەۋ ماسەلەسىندە جاڭساقتىق جىبەرمەۋى ءتيىس، ويتپەگەندە ادەبيەت–كوركەمونەر ومىرشەڭدىك كۇشىنەن ايىرىلىپ قالادى.
تۇرپايىلىق امبەباپتىق ەمەس، دامە ۇمىتكە ۋاكىلدىك ەتە المايدى، سەزىم مۇشەلەرىمەن عانا شاتتانۋ رۋحاني ءلاززات الۋعا جاتپايدى. سارا تۋىندىنىڭ سارا بولۋىنداعى باستى سەبەپ ونىڭ يدەياسى، كوركەمدىگى، جاسالۋى سارا بولادى. ادەبيەت–كوركەمونەر قىزمەتكەرلەرى اسقاق مۇراتپەن ۇلى ىستەرگە ۇمتىلىپ، داۋىر مەن ومىرگە ساي جاڭالىق اشىپ، كوركەمونەرلىك دارالىعىنان پايدالانىپ جاڭالىق جاراتۋى ءتيىس. بارشا گۇل شەشەك اتۋ، جالپى جارىسا ءۇن قاتۋ باعىتىنان جازباي، ءىلىم دەموكراتياسىن، كوركەمونەر دەموكراتياسىن ساۋلەلەندىرىپ، بەلسەندى دە اقاۋسىز، ەركىن دە جاراسىمدى ورتا ازىرلەپ، تۇرلىشە كوزقاراس پەن اعىمنىڭ جان–جاقتى تالقىعا ءتۇسۋىن دارىپتەپ، جانر، تاقىرىپ، سلوپ، ءتاسىل جاعىندا جان–جاقتى دامۋدى قۋاتتاپ، كوزقاراس، مازمۇن، ستيل، اعىم جاعىندا ءوزارا كەڭەسۋدى، ءوزارا ۇلگى–ونەگە الۋدى جەبەۋ كەرەك.
شي جينپيڭ بىلاي دەپ اتاپ كورسەتتى: ادەبيەت–كوركەمونەر جاسامپازدىعىن دامىتۋدا، ءسوزجوق، ءمورالدى دا ونەرلى قىرۋار ادەبيەت–كوركەمونەرشىگە سۇيەنۋ كەرەك. جازۋشىلارىمىز، كوركەمونەرشىلەرىمىز ءداۋىر جوسىنىنىڭ بايقاۋشىسى، سەركەسى، جەتەكشىسى بولىپ، ءتىپتى دە كوپ تاتىمدى، ءمورالدىق ولشەمگە تولىمدى، وزىندىك دەڭگەيى بار ادەبيەت–كوركەمونەر تۋىندىلارى ارقىلى حالىقتىڭ ۇلى امالياتىن، ءداۋىردىڭ العا باسۋ تالابىن قاعاز بەتىنە ءتۇسىرىپ جانە ەستەلىككە الىپ، سەنىم سۇلۋلىعىن، ىزگىلىك قاسيەتىن ايگىلەۋى ءتيىس. ادەبيەت–كوركەمونەر قىزمەتكەرلەرى كوركەمونەر مۇراتىنا سانالىلىقپەن بويسۇنىپ، ءبىلىم، ۇلگى–ونەگە،ادەپ ساپاسىن تىنباي جوعارلاتىپ، يدەيالىق، ءبىلىم قورىن نىعايتىپ، مادەنيەت ساپاسىن ءوسىرىپ، كوركەمونەرلىك شىڭالۋدى كۇشەيتىپ، تۋىندىنىڭ قوعامدىق ونىمدىلىگىن مۇقيات، قاتاڭ ويلاسىپ، دەڭگەيگە ءمان بەرىپ، كوركەمونەر ءمورالىنا دەن قويىپ، تاريحقا ىزگى ءىز قالدىرىپ، ادامدارعا تاماشا مورالمەن اسەر ەتىپ، وسكەلەڭ كاسىپتىك مىنەزبەن، تاماشا قوعامدىق وبرازبەن، فورماسى مەن مازمۇنى تەگىس كوركەم سارا تۋىندىلار ارقىلى حالىقتىڭ قالاۋىنان شىعىپ، جۇرەگىنە جول تارتۋ كەرەك.
شي جينپيڭ بىلاي دەپ باسا دارىپتەدى: سوتسياليستىك ادەبيەت–كوركەمونەر سيپاتى جاعىنان العاندا حالىقتىڭ ادەبيەت–كوركەمونەرى . ادەبيەت–كوركەمونەر حالىقتىڭ جۇرەك ءۇنىن بەينەلەۋى ءتيىس، بۇل ءۇشىن حالىق ءۇشىن، سوتسياليزم ءۇشىن قىزمەت ەتۋگە تاباندى بولۋ سىندى ءتۇبىرلى بەتالىستان جازباۋ كەرەك. بۇل پارتيامىزدىڭ ادەبيەت–كوركەمونەر شەبىنە قويعان نەگىزدىك تالابى، سونداي–اق ەلىمىزدىڭ ادەبيەت–كوركەمونەر ىستەرىنىڭ بولاشاق تاعدىرىن بەلگىلەيتىن ماڭىزدى ءتۇيىن. حالىقتىڭ رۋحاني مادەنيەت قاجەتىن قاناعاتتاندىرۋدى ادەبيەت–كوركەمونەردىڭ جانە ادەبيەت–كوركەمونەر قىزمەتىنىڭ شىعار ءتۇيىنىنە جانە تابان تىرەر تياناعىىنا اينالدىرىپ، حالىقتى ادەبيەت–كوركەمونەردىڭ بەينەلەۋ تۇلعاسى، ادەبيەت–كوركەمونەردىڭ ەستەتيكالىق ساراپكەرىنە جانە باعالاۋشىسى، حالىق ءۇشىن قىزمەت ەتۋدى ادەبيەت–كوركەمونەر قىزمەتكەرلەرىنىڭ پارىزى ەتۋكەرەك.
شي جينپيڭ مىنانى اتاپ كورسەتتى: حالىقتىڭ تۇرمىس ورەسىنىڭ ۇزدىكسىز جوعارىلاۋىنا ىلەسىپ، ادەبيەت–كوركەمونەر تۋىندىلارىن قامتىعان مادەنيەت ونىمدەرىنىڭ ساپاسىنا، ورەسىنە، ستيلىنە بولعان تالابى دا ارتا ءتۇستى. ادەبيەت، دراما، كينو، تەلەۆيزور، مۋزىكا، ءبي، اسەمونەر، فوتو سۋرەت، حاتكەرلىك، ءان–كۇي، سەرىك ويىنى، سونداي–اق حالىقتىق ادەبيەت–كوركەمونەر، بۇقارالىق ادەبيەت–كوركەمونەر سياقتى سالالار تۇگەلدەي ءداۋىردىڭ دامۋىنا ىلەسۋى، حالىقتىڭ قاجەتىن يگەرۋى، قاۋلاعان سەزىم، كوسىلگەن قالام، اسەم اۋەن، اسەرلى وبراز ارقىلى حالىق سۇيىنە قابىلدايتىن سارا تۋىندىلار شىعارىپ، حالىقتىڭ رۋحاني مادەنيەت تۇرمىسىن ۇزبەي تىڭ ساتىعا كوتەرۋ كەرەك.
شي جينپيڭ مىنانى باسا دارىپتەدى: حالىق − ادەبيەت–كوركەمونەر شىعارماشىلىعىنىڭ قاينار بۇلاعى، ەگەر ادەبيەت–كوركەمونەر حالىقتان قول ۇزسە قاينارىنان ايرىلادى، بوسقا قاقسايتىن رۋحسىز قۇر سۇلدەرگە اينالادى. سۇبەلى تۋىندىلاردىڭ شىعۋ–شىقپاۋىنىڭ ءتۇبىرلى كەسىمى حالىق ءۇشىن قالام تەربەپ، حالىقتى جىرلاي الۋ–الماۋىندا. حالىقتان، ومىردەن كىشى پەيىلدىكپەن ۇيرەنىپ، حالىقتىڭ ۇلى امالياتى مەن باي مازمۇندى ومىرىنەن ءنار الىپ، ءومىر مەن كوركەمونەردى ۇزبەي قوردالاپ، ەستەتيكالىق شالىمپازدىق پەن جاسامپازدىققا ۇزبەي ۇمتىلۋكەرەك. حالىقتىڭ حال–جاعدايىن، حالىقتىڭ باقىتىن قاشاندا كوكەيگە ساقتاپ، حالىقتىڭ قۋانىشى مەن قايعىسى جونىندە قالام تەربەپ، جاۋىنگەرلىك ءومىردى جىرلاپ، ەڭ سۇيىكتى كەيىپكەرلەردى سومداپ، ادامداردىڭ تاماشا ومىرگە دەگەن ارمانى مەن سەنىمىن بەكەمدەۋ كەرەك.
شي جينپيڭ مىنانى اتاپ كورسەتتى: ادەبيەت–كوركەمونەر جاسامپازدىعىنىڭ ءتاسىلى الۋان ءتۇرلى، الايدا ەڭ ءتۇبىرلى، ەڭ شەشۋشى، ەڭ سەنىمدى ءتاسىلى حالىققا، ومىرگە تامىر تارتۋ. اتاپ ايتقاندا، رەال ومىرگە رەاليزمدىك جانە رومانتيكالىق سەزىممەن وي جۇگىرتىپ، قاراتۇنەكتى شۇعىلالى ساۋلەمەن الاستاپ ، سۇرقيالىقتى ىزگىلىك ارقىلى شاباقتاپ، ادامدارعا كوركەمدىكتىڭ، ءۇمىتتىڭ، ارماننىڭ الدا تۇرعانىن كورسەتە ءبىلۋ كەرەك.
شي جينپيڭ مىنانى باسا دارىپتەدى: سارا تۋىندىدا قوعامدىق ونىمدىلىك ماڭداي الدى ورىنعا قويىلۋى ءتيىس، سونىمەن بىرگە، قوعامدىق ونىمدىلىك پەن ەكونوميكالىق ونىمدىلىك ءوزارا ۇشتاسقان بولۋى كەرەك. ادەبيەت–كوركەمونەر بازاردىڭ قۇلى بولماۋى، پايداقۇمارلىققا سالىنباۋى كەرەك. ەڭ ابزالى، سارا ادەبيەت–كوركەمونەر تۋىندىلارى يدەيا، كوركەمدىك جاعىندا تابىسقا جەتىپ قانا قويماي، بازاردان دا ويىپ ورىن الۋى ءتيىس.
شي جينپيڭ مىنانى اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتى − جۇڭحۋا ۇلتىنىڭ رۋحاني جان تامىرى، سوتسياليستىك وزەكتى قۇن كوزقاراسىن سۋسىنداتاتىن ماڭىزدى قاينار، سونداي–اق دۇنيە جۇزىلىك مادەنيەت تولقىنىندا تابان تىرەپ تۇرا الۋىمىزدىڭ مىعىم نەگىزى. جاڭا داۋىرلىك شارت–جاعدايلارمەن ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىنە، جۇڭحۋانىڭ ەستەتيكالىق رۋحىنا مۇراگەرلىك ەتۋىمىز جانە ونى ساۋلەلەندىرۋىمىز كەرەك. سوتسياليستىك ادەبيەت–كوركەمونەرىمىزدى گۇلدەندىرىپ، دامىتا ءتۇسۋىمىز، ءسوزجوق، دۇنيە جۇزىندەگى ءار ەل حالقى جارىققا شىعارعان تاڭداۋلى ادەبيەت–كوركەمونەردەن دەن قويا ۇيرەنۋىمىز كەرەك. شەتەلدىكىن جۇڭگوعا پايدالانۋدان، ءورىس اشا جاڭالىق جاساۋدان جازباعاندا عانا، جۇڭگو مەن باتىستى ۇشتاستىرىپ، توعىستىرعاندا عانا، ەلىمىزدىڭ ادەبيەت–كوركەمونەرى اناعۇرلىم ويداعىداي دامىپ، گۇلدەنە الادى.
شي جينپيڭ مىنانى باسا دارىپتەدى: ءار دارەجەلى پارتكومدار ادەبيەت–كوركەمونەر قىزمەتىن ماڭىزدى كەڭەستىك كۇن تارتىپكە ەنگىزىپ، پارتيانىڭ ادەبيەت–كوركەمونەر جونىندەگى باعىت، ساياساتىن دايەكتىلەندىرىپ، ادەبيەت–كوركەمونەردىڭ دامۋداعى دۇرىس بەتالىسىن يگەرۋى كەرەك. ادەبيەت–كوركەمونەر ورىندارىنىڭ باسشىلىق القاسىن ويداعىداي تاڭداپ، كۇشەيتىپ، ءمورالدى دا قابىلەتتى، ادەبيەت–كوركەمونەر قىزمەتكەرلەرىمەن بىتە قايناسا الاتىن كادرلاردى ادەبيەت–كوركەمونەر قىزمەتىنىڭ باسشىلىق ورىندارىنا قويۋ كەرەك. ادەبيەت–كوركەمونەر قىزمەتكەرلەرىنىڭ جاسامپازدىق دارالىعىنا جانە جاسامپازدىق ەڭبەگىنە قۇرمەت ەتۋ، ساياسي جاقتان تولىق سەنىم ارتۋ، جاسامپازدىعىنا ىستىق ىقىلاسپەن دەم بەرۋ، ادەبيەت–كوركەمونەر جاسامپازدىعىنا ءتيىمدى تاماشا ورتا ازىرلەۋ كەرەك. رەفورمانى تەرەڭدەتۋ، ساياساتتى كەمەلدەندىرۋ، مەحانيزمدى اقاۋسىزداندىرۋ ارقىلى سارا تۋىندىلار، دارىندىلار ۇزبەي جارىققا شىعاتىن جالىندى جاعداي قالىپتاستىرۋ كەرەك. ادەبي سىن قىزمەتىنە وسكەلەڭ ءمان بەرىپ جانە شىنايى كۇشەيىتپ، تۋىندىلاردى تاريحي، حالىقتىق، كوركەمدىك، ەستەتيكالىق كوزقاراس ارقىلى باعالاپ جانە قابىلداپ، شىن سويلەۋدى، قيسىنىن ايتۋدى دارىپتەپ، ادەبيەت–كوركەمونەر سىنىن ورىستەتۋگە تاماشا ورتا ازىرلەۋ كەرەك.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميا باس ساياسي ءبولىمىنىڭ جاۋاپتىلارى، ءار سالادان كەلگەن ادەبيەت–كوركەمونەر قىزمەتكەرلەرى اڭگىمە ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
