لي كىچياڭ ازيا – تىنىق مۇحيت ەكونوميكالىق سەلبەستىك ۇيىمى قازىنا مينيسترلەرى ماجىلىسىنە قاتىناسقالى كەلگەن ءارقايسى ەكونوميكالىق تۇلعا ۋاكىلدەرىنىڭ ۇيىرمە باستىقتارىمەن كەزدەستى

2014.10.22 15:37   كەلۋ قاينارى : حالىق تورابى

　　حالىق تورابى، 21 - قازان بەيجيڭ. مەملەكەتتىك كەڭەستىڭ زۇڭليى لي كىچياڭ 21 – قازان تۇستەن كەيىن حالىق سارايىندا بەيجيڭگە 21 - رەتكى ازيا - تىنىق مۇحيت ەكونوميكالىق سەلبەستىك ۇيىمى (APEC) قازىنا مينيسترلەرى ماجىلىسىنە قاتىناسقان كەلگەن ءارقايسى ەكونوميكالىق تۇلعا ۋاكىلدەرىنىڭ ۇيىرمە باستىقتارىمەن كەزدەستى.

　　لي كىچياڭ مىنالاردى اتاپ كورسەتتى: جۇڭگو ازيا – تىنىق مۇحيت ءوڭىرىنىڭ ەكونوميكالىق دامۋى مەن سەلبەستىگىن كۇش سالا بەلسەندى تۇردە ىلگەرىلەتىپ، APEC مۇشەلەرىمەن بىرگە دۇنيە جانە جەرگىلىكتى ورىننىڭ ەكونوميكاسىنىڭ قۋاتتى، ءۇرتىس، بىركەلكى ارتۋىن ىلگەرىلەتۋدى قالايدى. APEC قازىنا مينيسترلەر ءماجىلىسى ازيا – تىنىق مۇحيت ەكونوميكاسىنىڭ بولاشاقتا ءتيپىن وزگەرتىپ دامۋ جولىن بەلسەنە قاراستىرىپ، وڭىرلىك ەكونوميكانىڭ ناقتىلى سەلبەستىگىن جەبەپ، APEC سەلبەستىگىنە تىڭ مازمۇن مەن جالىندى كۇش قوسۋىن ءۇمىت ەتەمىن.

　　اۆستراليا قازىنا مينيسترى حوتگە ماجىلىسكە قاتىناسقالى كەلگەن 25 ەكونوميكالىق تۇلعا مەن حالىقارالىق ۇيىم اتىنان بىلاي دەدى: جۇڭگونىڭ ەكونوميكالىق قوعامدىق دامۋى ەرەكشە تابىستارعا قول جەتكىزدى. جۇڭگو ەكونوميكاسىنىڭ تابىستى بولۋى ازيا – تىنىق مۇحيت ۇيىمىنىڭ يگىلىكتى ءىسى بولىپ قالماستان، دۇنيە ءجۇزى جونىنەن دە كەلەلى ماڭىزعا يە. ءارقايسى ەكونوميكالىق تۇلعالار جۇڭگومەن بىرلىكتە كۇش سالا وتىرىپ، APEC ءماجىلىسىنىڭ ءساتتى اشىلۋىن تىلەيدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى