- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان شۋجي تۇندەلەتىپ بارىپ لي يۋانميننەن حال سۇرادى، لي يۋانمين بۇدان ايرىقشا شابىتتانىپ «گەمە قىستاعىنىڭ بۇدان كەيىنگى دامۋىنا سەنىمىم ەسەلەپ ارتتى» دەدى
2014.10.21 14:23
ءتىلشىمىز شى شۋەحۇڭ حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان قۇلجا اۋدانى قۇديارجۇزى اۋىلى گەمە قىستاعىنىڭ پارتيا ياچەيكا شۋجيى، قىستاق كوميتەتىنىڭ مەڭگەرۋشىسى لي يۋانميننىڭ ۇيىنە تۇندەلەتىپ بارىپ ودان حال سۇرادى، بۇدان توتەنشە اسەرلەنگەن لي يۋانمين:«مەنىڭ گەمە قىستاعىنىڭ بۇدان كەيىنگى دامۋىنا سەنىمىم كامىل» - دەدى.
قازاننىڭ 10 - كۇنى كەشتە جاڭ چۇنشيان شۋجي لي يۋانميننىڭ وتباسىنا امانداسا بارىپ، لي يۋانمينمەن نەگىزگى ساتى قىزمەتى جانە بۇقارالىق قىزمەت جونىندە اقتارىلا اڭگىمەلەستى جانە گەمە قىستاعىنىڭ نەگىزگى ساتى بازا قۇرىلىسىن ناق مايداندا كوزدەن كەشىرىپ، قىستاق كادرلارىمەن قىزۋ اڭگىمەلەسىپ، ولارعا پارتيا مەن ۇكىمەتتىڭ قامقورلىعىن جەتكىزدى.
لي يۋانمين گەمە قىستاعىنىڭ پارتيا ياچەيكا شۋجيى، قىستاق كوميتەتىنىڭ مەڭگەرۋشىسى بولعان 3 جىلدان بەرى، ءار ۇلت قىستاق تۇرعىندارىن ءوز تۋىسىنداي كورىپ، كوپشىلىكتى بىرلىكتە اۋقاتتانۋعا باستاپ، قىستاق تۇرعىندارىنىڭ ورتاشا كىرىسىن ءبىر ەسە ارتتىرىپ، 11 مىڭ 350 يۋانعا جەتكىزدى. قىستاق تۇرعىندارىنىڭ تۇرمىس ورەسى ۇزدىكسىز جوعارىلاپ، رۋحاني بەينەسى جاقساردى، كوپشىلىك لي يۋانميندى «جاميلا» دەپ اتاپ كەتتى.
«جاڭ چۇنشيان شۋجي ۇيىمە كەلەدى دەپ ويلاپ تا كورمەگەن ەدىم»، - دەدى لي يۋانمين. جاڭ چۇنشيان شۋجي ونىڭ وتباسىنا بارىپ، ونىڭ جانە ۇيىندەگىلەرىنىڭ ءوندىرىس - تۇرمىس جاعدايىن ەگجەي - تەگجەيلى ۇعىستى. لي يۋانمين دە گەمە قىستاعىنىڭ دامۋى، قىستاق كوميتەتى قىزمەتىنىڭ ورىستەتىلۋ جاعدايى جانە بۇدان كەيىنگى جوسپار جونىندە جاڭ چۇنشيان شۋجيگە دوكلاد جاسادى.
«جاڭ چۇنشيان شۋجي مەنى >جاميلا جارايسىڭ، جاقسى ىستە< دەپ شابىتتاندىردى، تاعى ورنىقتىلىق قىزمەتىن مىقتى يگەرىپ، ويداعىداي ىستەۋگە، ۇلتتار ىنتىماعى قىزمەتىن جالعاستى جاقسى ىستەۋگە جىگەرلەندىردى»، - دەدى لي يۋانمين. جاڭ چۇنشيان شۋجي لي يۋانميننىڭ قارىز اقشا الىپ قىستاقتا زاۆود قۇرۋ ويىنىڭ بار ەكەنىن ۇعىسقاننان كەيىن، قارجى جاعىنداعى قيىنشىلىقتى شەشىم ەتىپ بەرۋگە ۋادە بەرىپ، گەمە قىستاعىن ءتىپتى دە كورىكتى ەتىپ قۇرىپ شىعۋعا ىنتالاندىردى.
«قىستاق كوللەكتيۆىنىڭ اقشالى بولۋى اۋقاتتانعان ەسەپتەلمەيدى، قىستاق تۇرعىندارىنىڭ قالتاسىنىڭ قامپايۋى عانا ناعىز باردام بولعاندىق»، - دەدى لي يۋانمين. ول قىستاقتاعى جاستاردىڭ ءۇيدىڭ جانىنان كاسىپتەنۋ ارمانىن ىسكە اسىرماقشى، قىستاق كوللەكتيۆىنىڭ كىرىسى ارتقاننان كەيىن، ول قىستاق تۇرعىندارىنا ءتىپتى دە كوپ ناقتى، يگى ىستەر ىستەپ، ءتىپتى دە كوپ قىستاق تۇرعىندارىنىڭ كەدەيلىكتەن ارىلۋىنا كومەكتەسپەكشى. سول كەزدە ول جاڭ چۇنشيان شۋجيدى گەمە قىستاعىنا كەلىپ بۇل جەردى كوزدەن كەشىرۋگە، ءوزىنىڭ وتباسىنا بارىپ قوناق بولۋعا تاعى دا ۇسىنىس ەتپەكشى ويىنىڭ بار ەكەنىن ايتتى.
«بيىل قىستاق تۇرعىندارىنىڭ كىرىسىنىڭ ارتۋىندا ماسەلە جوق، ويتكەنى قىستاق تۇرعىندارىنىڭ جىلدىق ورتاشا كىرىسى 11 مىڭ 350 يۋانعا جەتىپ بولعان، جاڭ چۇنشيان شۋجيدىڭ شابىتتاندىرۋىمەن يعىمداعى جۇكتىڭ ءتىپتى دە اۋىرلاي تۇسكەنىن سەزىندىم» دەدى لي يۋانمين تىلشىگە. ول بۇدان بىلاي ناقتى ارەكەتى ارقىلى قىستاق تۇرعىندارىن جاقسى ىستەۋگە، اۋقاتتانۋعا، دوڭگەلەك داۋلەتتى ورەگە جەتۋگە باستاماقشى. بيىل گەمە قىستاعىندا ۋسارىمساق ەگىمشىلىگى كووپەراتيۆى قۇرىلدى، ول قىستاق كادرلارىمەن بىرگە ءتىپتى دە كوپ بۇقارانى ۋسارىمساق ەگۋگە جۇمىلدىردى. قىستاقتىڭ باعىمشىلىق كاسىبىنىڭ دامۋ جاعدايى وتە جاقسى، قىستاق تۇرعىندارىنىڭ باعىمشىلىقپەن شۇعىلدانۋ بەلسەندىلىگى دە جوعارى، تاۋىق، جىلقى، سيىر، قوي باعىمشىلىعى كولەمدەنىپ، قىستاق تۇرعىندارىنىڭ كىرىستى ارتتىرۋ جولى بارعان سايىن كەڭەيۋدە.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
