- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
30 مىڭ ەلەكتروندى ساۋدا كاسىپورنى ۇرىمجىدە ونىمدىلىك جاراتتى
2014.10.20 17:17 كەلۋ قاينارى : شينجياڭ حالىق راديو ستانسياسى تورابى
ءۇرىمجى جوعارى، جاڭا عىلىم-تەحيكا رايونىنىڭ سولتۇستىك رايونىندا شينجياڭداعى بىردەن ءبىر ەلەكتروندى ساۋدا عىلىم-تەحنيكا باقشا رايونى ىرگە تەپتى، باقشا رايونىندا تاۋباۋ، تيانماۋ سياقتى توراپ تەكشەسىنە سۇيەنىپ ءونىم ساتاتىن نەشە ونداعان ەلەكتروندى ساۋدا كاسىپورنى بار، 80-، 90-جىلدارى تۋىلعان نەشە جۇز جاس وسى جەردە وزدەرىنىڭ توراپ ارمانىن جۇزەگە اسىرۋ ءۇشىن قاربالاستانۋدا. داتاڭ جىبەك جولى ەلەكتروندى ساۋدا شەكتى جاۋاپكەرلىك سەرىكتىگى مۇنىڭ ىشىندەگى ەڭ ءىرى كاسىپورىن، 33 جاستاعى ورىنباسار مەڭگەرۋشىسى ليۋ حانكۇننىڭ توراپ دۇكەنى تيجاراتىمەن شۇعىلدانعانىنا بىرنەشە جىل بولدى، ول بىلاي دەدى: 2011-جىلى توراپ ارقىلى تيجارات جۇرگىزىپ، ءبىرىنشى كۇنى 2 ميلليون 870 مىڭ يۋاننىڭ ءونىمىن ساتتىق، ودان كەيىنگى ەكى ايدا ياعني 31-قازاننان 31-جەلتوقسانعا دەيىن 24 ميلليون يۋاننىڭ ءونىمىن ساتتىق، ساتۋ سوماسى وتە جاقسى بولدى.
ليۋ حانكۇن سياقتى وسى جاستاردىڭ توراپ ساتىلىمىنا تىرەك بولىپ وتىرعاندار قازىرگى شينجياڭداعى 10 ميلليوننان اساتىن توراپقا شىعۋشى. جۇڭگو عالامتور تورابى قوعامىنىڭ ساناعىنا قاراعاندا، شينجياڭنىڭ توراپقا شىعۋشىلارىنىڭ جالپىلاسۋ مولشەرى ەلىمىزدەگى 30 نەشە ولكە، قالا، اۆتونوميالى رايوننىڭ ىشىندە قاتارى 9 ورىندا تۇرىپ، 10 ميلليونعا جەتكەن، ال توراپتا زات ساتىپ الۋشىلار %40 تەيىن يەلەگەن. ءدال وسى كوپ سان شينجياڭنىڭ توراپ دۇكەندەرىن بارىنشا مولايتىپ، 2010-جىلدان باستاپ قىسقا عانا 4 جىلدان ارتىق ۋاقىتتا، شينجياڭدا تاۋباۋ، تيانماۋ سياقتى توراپ دۇكەندەرىندە تىزىمدەلگەن ساۋدا دۇكەندەرى 30 مىڭعا تايادى، مۇنىڭ ىشىندە سەنىمدىلىگىن باعالاۋدا بريلليانت دارەجەدەن جوعارى شينجياڭنىڭ جەرگىلىكتى توراپ دۇكەنى 12 مىڭ 310 عا جەتتى، مۇنىڭ ىشىندە %70 كە تاياۋى ءۇرىمجى قالاسىندا، توراپتا ساتۋ سوماسى وتكەن جىلى 4 ميلليارد يۋاننان استى.
بازار كەڭ بولعانىمەن، ونىڭ شەگى بولادى، 30 مىڭ ەلەكتروندى ساۋدا كاسىپورىنى ءۇرىمجى قالاسىنا كەلىپ ىرگە تەپكەنىمەن، تابان تىرەپ تۇرا العانى از، شينجياڭ ءي-ياۋ-ۋي ەلەكتروندى ساۋدا ىستەرى ازىق-تۇلىك شەكتى سەرىكتەستىگى انە سولاردىڭ ءبىرى. جاسى ەندى 30 دان اسقان كاسىپورىننىڭ جاۋاپتىسى گاۋ ۋي تىلشىگە، 2007-جىلدان قازىرگە دەيىن، بار ىنتا-پەيىلىمەن ەلەكتروندى ساۋدا ىستەرىمەن شۇعىلدانعانىن، بيىل ساتىلىم سوماسىن 120 ميلليون يۋانعا جەتكىزۋدى جوسپارلاپ وتىرعانىن ايتا كەلىپ: قازىر تاۋباۋ تورابىنىڭ ورتاسى وتە جاقسى، توراپتان دا ءبىرسپىرا كەسكىنىن كورۋگە بولادى، دەگەنمەن شىنىمەن كاسىپ جاراتىپ، ارمانىنا قانات قاققاندار تىم از، باسىم كوبى ورتا جولدا تىعىرىققا تىرەلدى،-دەدى.قازىر ءۇرىمجى قالاسىندا، اسىرەسە، جاستاردىڭ ىشىندە، توراپتان تاۋار ساتىپ الماعاندار وتە از، كيىم-كەشەكتەن ازىق-تۇلىككە، ونان ءوندىرىس قۇرال-جابدىعىنا دەيىن بارلىق زات ساتىلىپ، بۇقارانىڭ تۇرمىسىنا وتە قولايلى بولدى. توراپتان زات ساتىپ الۋدىڭ بارعان سايىن جۇيەلەنۋىنە بايلانىستى، باسەكە دە كۇشەيدى، قازىر جاندانعان توراپ دۇكەنى 8 مىڭعا جەتپەيدى، ەلەكتروندى ساۋدا ىستەرى بۇقارا جونىنەن العاندا، تەك زات ساتىپ الۋ جاعىنان عانا ەمەس، قايتا ولاردىڭ بۇرىنعىدان دا كاسىپيلەنگەن قاجەتىن قاناعاتتاندىرۋى كەرەك. داتاڭ جىبەك جولى ەلەكتروندى ساۋدا ىستەرى شەكتى سەرىكتەستىگىنىڭ ورىنباسار باس مەڭگەرۋشىسى ليۋ حانكۇن: 2010-جىلى جەكە يگىلىك جاراتۋ كاسىبى بارىنشا جاندادى، ءجاي بۇقارادان شىققانداردىڭ ءوزى كاسىپ جاراتتى، قازىر بارعان سايىن كاسىپيلەندى، ەلەكتروندى ساۋدا ىستەرى ماركالانۋعا جانە ولشەمدەنۋگە بەت الدى. شينجياڭنىڭ تۇتاس تۇلعالىق ماركاسى تۇرعىسىنان العاندا، تەك حاڭجوۋدىڭ بەس جىلدىڭ الدىنداعى دەڭگەيىندە،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
